ಬೊಲ್ತೇರ್: ಮಾಜಿ ಶಾಸಕೆರ್ ವಸಂತ ಬಂಗೇರ ಮೇರ್ ಹುಷಾರ್ ದಾಂತೆ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲಾತೆರ್.
ಈ ಬಗ್ಗೆ ಪೊಲಬು ತೆರಿನ ದ.ಕ ಜಿಲ್ಲಾ ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್ ಮೇರ್ ಕುಡ್ಲದ ಆಸ್ಪತ್ರೆಗ್ ಭೇಟಿ ಕೊರ್ದು ಆರೋಗ್ಯ ವಿಚಾರಿಸಾದೆರ್.
ಬೊಕ್ಕ ಮೇರ್ ಪಾತೆರ್ದ್, ಬೊಲ್ತೇರ್ ಕ್ಷೇತ್ರರ್ದ್ ಕಾಂಗ್ರೆಸ್ ಪಕ್ಷನ್ ಪ್ರತಿನಿಧಿಸಾದ್ 5 ಸರ್ತಿ ಶಾಸಕೆರಾದ್ ಆಯ್ಕೆ ಆಯಿನ ವಸಂತ ಬಂಗೇರ ಮೇರ್ ಎಐಸಿಸಿ ಸದಸ್ಯೆರಾದ್ ಪಕ್ಷಡ್ ಸೇವೆ ಸಂದಾದೆರ್. ಮೇರ್ ಆಯಿನಾತ್ ಬೇಗ ಗುಣ ಆವಡ್ ಪಂದ್ ಪಂಡೆರ್.
ಬೆಂಗ್ಲೂರುದ ಬಳೆಪೇಟೆಡ್ ರಡ್ಡ್ ಮಾಳಿಗೆದ ಕಟ್ವಾನ ತೂ ಪೊತ್ತ್ ದ್ ಸುಮಾರ್ ನಷ್ಟ ಆತ್ಂಡ್.
ಈ ಕಟ್ವಾನಡ್ ತಿಕೊಂದು ಇತ್ತಿನ ಒರಿಯನ್ ಅಗ್ನಿಶಾಮಕ ದಳತ್ತ ಸಿಬ್ಬಂದಿ ರಕ್ಷಣೆ ಮಲ್ದೆರ್. ಈ ಕಟ್ವಾನಡ್ ಪೇಟಿಂಗ್ ಬೊಕ್ಕ ಬ್ಯಾಗ್ ಅಂಗಡಿ ಇತ್ತ್ಂಡ್. ಮುಲ್ಪ ಸುಮಾರ್ 30 ಲಕ್ಷ ರೂ. ಬಿಲೆತ್ತ ಸೊತ್ತುಲು ಪೊತ್ತ್ ದ್ ಭಸ್ಮ ಆತ್ಂಡ್.
ಕನ್ನಡದ ರಿಯಾಲಿಟಿ ಶೋ ಬಿಗ್ ಬಾಸ್ ಸೀಸನ್ 10 ತ್ತ ಗ್ರ್ಯಾಂಡ್ ಫಿನಾಲೆ ಇನಿ ಬೊಕ್ಕ ಎಲ್ಲೆ ನಡಪರೆ ಉಂಡು.
ಕಿಚ್ಚ ಸುದೀಪ್ ನಿರೂಪಕೆರಾದ್ ಈ ಶೋನ್ ನಡಪಾದ್ ಕೊರಿಯೆರೆ ಉಲ್ಲೆರ್. ಈ ಸರ್ತಿದ ಬಿಗ್ ಬಾಸ್ ವಿನ್ನರ್ ಏರ್ ಪನ್ಪುನವು ಎಲ್ಲೆ ರಾತ್ರೆ ಗೊತ್ತಾಪುಂಡು.
ಸಂಗೀತ ಶೃಂಗೇರಿ, ಡ್ರೋನ್ ಪ್ರತಾಪ್, ವಿನಯ್ ಗೌಡ, ಕಾರ್ತಿಕ್ ಮಹೇಶ್, ತುಕಾಲಿ ಸಂತೋಷ್, ವರ್ತೂರು ಸಂತೋಷ್ ಈ ಸರ್ತಿದ ಫೈನಲಿಸ್ಟ್ ಡ್ ಉಲ್ಲೆರ್.
ಒಡಿಪು: ಕಿದಿಯೂರ್ ಹೊಟೇಲ್ಸ್ದ ಕಾರಣಿಕ ಶ್ರೀ ನಾಗ ಸಾನ್ನಿಧ್ಯಡ್ ಜ.26-31 ಮುಟ್ಟ ಮೂಜಿನೇ ಅಷ್ಟಪವಿತ್ರ ನಾಗಮಂಡಲೋಚ್ಚಯ ನಡಪರೆ ಉಂಡು.
ಜ.26-30 ಮುಟ್ಟ ಪ್ರತಿದಿನ ಬೊಲ್ಪುಗು ಬೇತೆ ಬೇತೆ ಧಾರ್ಮಿಕ ಲೇಸ್, ಬಯ್ಯಗ್ ಶ್ರೀವಿಶ್ವೇಶ ತೀರ್ಥ ವೇದಿಕೆಡ್ ಧಾರ್ಮಿಕ ಸಭೆ ನಡಪರೆ ಉಂಡು. ಈ ಲೇಸ್ ದ ಗುರ್ಕಾರ್ಮೆನ್ ಮಾನಾದಿಗೆದ ಗುರ್ಕಾರೆ ಡಾ| ಜಿ. ಶಂಕರ್ ಒಯಿಸೊನ್ವೆರ್.
ಜ.26 ಕ್ಕ್ ಶ್ರೀ ಕೃಷ್ಣಾಪುರ ಮಠತ್ತ ಶ್ರೀ ವಿದ್ಯಾಸಾಗರತೀರ್ಥ ಸ್ವಾಮೀಜಿ, ಶ್ರೀ ಕುಕ್ಕೆ ಸುಬ್ರಹ್ಮಣ್ಯ ಮಠತ್ತ ಶ್ರೀ ವಿದ್ಯಾಪ್ರಸನ್ನತೀರ್ಥ ಸ್ವಾಮೀಜಿರ್ದ್ ಆಶೀರ್ವಚನ, ಜೋತಿಷಿ ಕಬಿಯಾಡಿ ಜಯರಾಮ ಆಚಾರ್ಯೆರ್ ಪ್ರಾಸ್ತಾವಿಕ ಪಾತೆರಿಯೆರ್.
ಜ.27 ಕ್ಕ್ ಬಯ್ಯಗ್ ನಡಪುನ ಸಭೆಟ್ಟ್ ಶ್ರೀ ಕಾಣಿಯೂರು ಮಠತ್ತ ಶ್ರೀ ವಿದ್ಯಾವಲ್ಲಭತೀರ್ಥ ಸ್ವಾಮೀಜಿ, ಶ್ರೀ ಶೀರೂರು ಮಠತ್ತ ಶ್ರೀವೇದವರ್ಧನ ತೀರ್ಥ ಸ್ವಾಮೀಜಿರ್ದ್ ಆಶೀರ್ವಚನ, ಬೊಕ್ಕ ಜೋತಿಷಿ ವಿ। ಶ್ರೀನಿವಾಸ ಭಟ್ ಕುತ್ಪಾಡಿ ಮೇರ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್.
ಜ.28 ಕ್ಕ್ ಶ್ರೀ ಅದಮಾರು ಮಠತ್ತ ಶ್ರೀ ವಿಶ್ವಪ್ರಿಯತೀರ್ಥ ಸ್ವಾಮೀಜಿ ಆಶೀರ್ವಚನ, ಬೊಕ್ಕ ಶತವಧಾನಿ ಡಾ| ವಿ। ರಮಾನಾಥ ಆಚಾರ್ಯೆರ್ ಪ್ರವಚನ ಕೊರಿಯೆರೆ ಉಲ್ಲೆರ್.
ಜ.29 ಕ್ಕ್ ಬೊಲ್ಪುಗು ಮಹಾರುದ್ರಯಾಗ, ರಾತ್ರೆ ಬೇತೆ ಬೇತೆ ಚಾವಡಿಡ್ ವಾರಾಣಸಿರ್ದ್ ಬತ್ತಿನ ಅರ್ಚಕ ವೃಂದದಕ್ಲೆರ್ದ್ ಸಾಮೂಹಿಕ ಗಂಗಾರತಿ ನಡಪರೆ ಉಂಡು. ಬೊಕ್ಕ ಶ್ರೀ ಅದಮಾರು ಮಠತ್ತ ಕಿರಿಯ ಯತಿ ಶ್ರೀ ಈಶಪ್ರಿಯತೀರ್ಥ ಸ್ವಾಮೀಜಿರ್ದ್ ಆಶೀರ್ವಚನ, ಬೊಕ್ಕ ವಾಸ್ತುತಜ್ಞೆರ್ ವಿ। ಸುಬ್ರಹ್ಮಣ್ಯ ಭಟ್ ಗುಂಡಿಬೈಲು ಮೇರ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್.
ಜ.30 ಕ್ಕ್ ಶ್ರೀ ಪಲಿಮಾರು ಮಠತ್ತ ಶ್ರೀ ವಿದ್ಯಾಧೀಶತೀರ್ಥ ಸ್ವಾಮೀಜಿ, ಶ್ರೀ ಪಲಿಮಾರು ಮಠತ್ತ ಶ್ರೀ ವಿದ್ಯಾರಾಜೇಶ್ವರತೀರ್ಥ ಸ್ವಾಮೀಜಿರ್ದ್ ಆಶೀರ್ವಚನ, ಆಗಮ ಪಂಡಿತೆರ್ ವಿ। ಪಂಜ ಭಾಸ್ಕರ್ ಭಟ್ ಮೆರೆರ್ದ್ ಉಪನ್ಯಾಸ ನಡಪರೆ ಉಂಡು.
ಜ.31 ಕ್ಕ್ ಬೊಲ್ಪುಗು ಅಷ್ಟೋತ್ತರ ಶತಕಲಶಾಭಿಷೇಕ, ಬ್ರಹ್ಮಕುಂಭಾಭಿಷೇಕ, ಮಹಾಪೂಜೆ, ನಾಗದೇವೆರೆನ ದರ್ಶನ, ಕಾಶಿ ವಾರಾಣಸಿರ್ದ್ ಕನತಿನ ಪವಿತ್ರ ಗಂಗಾಜಲ ಭಕ್ತೆರೆಗ್ ಸಂಪ್ರೋಕ್ಷಣೆ, ದಾರ ವಿತರಣೆ, ಪಲ್ಲಪೂಜೆ, ಬಯ್ಯಗ್ ಹಾಲಿಟ್ಟು ಸೇವೆ, ಗಂಗಾರತಿ, ಅಷ್ಟಪವಿತ್ರ ನಾಗಮಂಡಲೋಚ್ಚಯ ನಡಪರೆ ಉಂಡು ಪಂದ್ ಸೇವಾಕರ್ತೆರ್ ಕಿದಿಯೂರ್ ಹೊಟೇಲ್ಸ್ ಪೈ.ಲಿ.ದ ಎಂಡಿ ಭುವನೇಂದ್ರ ಕಿದಿಯೂರು ತೆರಿಪಾದೆರ್.
ಕ್ಯಾಲಿಫೋರ್ನಿಯಾದ ಸೊನೊಮಾ ಕೌಂಟಿಯ ಸಾಂಟಾ ರೋಸಾ ಕೈತಲ್ ಸರಣಿ ಭೂಕಂಪ ಆಯಿನ ಬಗೆಟ್ಟ್ ವರದಿ ಆತ್ಂಡ್.
ಮುಲ್ಪ ಸುಕ್ರಾರ ಬೊಲ್ಪುಗು 8.42 ಕ್ಕ್ ಗೀಸರ್ಸ್ ವಾಯುವ್ಯಡ್ 3.1 ಬಿರ್ಸ್ ದ, ಮಧ್ಯಾಹ್ನ 1.28 ಕ್ಕ್ 4.2 ಬಿರ್ಸ್ ದ, 1.32 ಕ್ಕ್ 2.5 ಬಿರ್ಸ್ ದ ಭೂಕಂಪ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ದೇಶದ ಮಾಜಿ ಪ್ರಧಾನಮಂತ್ರಿ ಎಚ್.ಡಿ. ದೇವೆಗೌಡ ಬೊಕ್ಕ ಆರೆನ ಬೊಡೆದಿ ಚೆನ್ನಮ್ಮ ದಂಪತಿಲು ಜ.26 ಸುಕ್ರಾರ ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಭೇಟಿ ಕೊರ್ದು ದೇವೆರೆನ ದರ್ಶನ ಪಡೆದ್ ಇಸೇಸ ಪೂಜೆ ಸಂದಾಯೆರ್.
ಬೊಕ್ಕ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆನ್ ಭೇಟಿ ಆಯೆರ್.
ನರಮಾನಿಗ್ ತೆಮ್ಮ ಸುರು ಆಂಡ ಈ ಇಲ್ಲ ಮರ್ದ್ ನ್ ಉಪಯೋಗ ಮಲ್ಪೊಲಿ.
ಬೆಚ್ಚ ನೀರ್ ನ್ ಒಂತೆ ಒಂತೆನೇ ಪರ್ಂಡ, ಉಂದು ದೇಹಗ್ ರಿಲ್ಯಾಕ್ಸ್ ಕೊರ್ಪುನೆತ್ತೊಟ್ಟಿಗೆ ಕಫನ್ ಕಂಟ್ರೋಲ್ ಮಲ್ಪೆರೆ ಸಹಾಯ ಮಲ್ಪುಂಡು.
ಅಂಚೆನೆ ಪಜ್ಜಿ ಶುಂಠಿನ್ ದೆಕ್ ದ್ ಬೊಕ್ಕ ಅವೆತ್ತ ರಸನ್ ದೆತ್ತ್ ದ್ ತೊಡ್ಡೆ ನೆಯಿತ್ತೊಟ್ಟಿಗೆ ಪರೊಡು. ಇಜ್ಜಿಂಡ ಒಂಜಿ ಎಲ್ಯ ತುಂಡು ಶುಂಠಿನ್ ನೀರ್ ಡ್ ಕೊದಿಪಾದ್ ಪರೊಲಿ.
ಬೆಚ್ಚ ನೀರ್ ಡ್ ಒಂಜಿ ಚಮಚ ಉಪ್ಪುನ್ ಸೇರ್ಸಾದ್ ಆ ನೀರ್ ಡ್ ಬಾಯಿ ಮುಕ್ಕಿಲ್ಲೆ . ಇಜ್ಜಿಂಡ ಪೇರ್ ನ್ ಮಂಜೊಲ್ ಪೊಡಿ ಪಾಡ್ದ್ ಬೆಚ್ಚ ಮಲ್ತ್ ದ್ ಪರೊಲಿ.
ಒಡಿಪು: ಗದ್ದಿಗೆ ಕುಕ್ಕೆಹಳ್ಳಿ ಶ್ರೀ ದುರ್ಗಾಪರಮೇಶ್ವರೀ ಗದ್ದುಗೆ ಅಮ್ಮನ ದೇವಲ್ಯಡ್ ಫೆ.14 ಬುಧಾರ ಚಂಡಿಕಾಯಾಗ, ನವಕಪ್ರಧಾನ ಹೋಮ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.
ಆನಿ ಬೊಲ್ಪುಗು ಸಾಮೂಹಿಕ ಪ್ರಾರ್ತನೆ, ನವಕ ಪ್ರಧಾನ ಹೋಮ, ಚಂಡಿಕಾಯಾಗ ಮಧ್ಯಾಹ್ನ ಪೂರ್ಣಾಹುತಿ, ಮಹಾಪೂಜೆ, ಶ್ರೀ ದೇವಿನ ದರ್ಶನ, ಪ್ರಸಾದ ವಿತರಣೆ, ಅನ್ನ ಪ್ರಸಾದ ಸೇವೆ ಬಯ್ಯಗ್ ಶಿವದೂತ ಪಂಜುರ್ಲಿ ಆಟ, ರಾತ್ರೆ ಗೋಂದೊಲು ಸೇವೆ ನಡಪರೆ ಉಂಡು ಪಂದ್ ಗದ್ದಿಗೆ, ಕುಕ್ಕುಹಳ್ಳಿ ಶ್ರೀ ದುರ್ಗಾಪರಮೇಶ್ವರೀ ಗದ್ದುಗೆ ಅಮ್ಮನ ಸೇವಾ ಟ್ರಸ್ಟ್ ದಕುಲು ಲೆಪ್ಪೋಲೆಡ್ ತೆರಿಪಾದೆರ್.
ಏಲಕ್ಕಿ ನೀರ್ ನ್ ಒಂಜಿ ವಾರ ಪರ್ಂಡ ಆರೋಗ್ಯಡ್ ಮಸ್ತ್ ಬದಲಾವಣೆ ಆಪುಂಡು.
ಈ ನೀರ್ ಜೀರ್ಣಕ್ರಿಯೆಗ್ ಸಹಕಾರಿ ಆಪುಂಡು. ಜೂವದುಲಯಿದ ನಂಜಿದ ಅಂಶನ್ ಪಿದಯಿ ಪಾಡಿಯೆರೆ ಸಕಾಯ ಮಲ್ಪುಂಡು. ಕೂಲಿದ ಆರೋಗ್ಯ ಸರಿ ಆಪುಂಡು. ಪ್ರತಿರೋಧಕ ಶಕ್ತಿ ಎಚ್ಚಾಪುಂಡು.
ಕ್ರಿಮಿ ನಿವಾರಕ, ಶೀತ ಬೊಕ್ಕ ಜ್ವರ ಬರಂದಿಲೆಕ್ಕ ಉಂತಾವುನ ಶಕ್ತಿ ನೆಕ್ಕ್ ಉಂಡು. ಮೂತ್ರವರ್ಧಕವಾದ್ ಕೆಲಸ ಮಲ್ಪುಂಡು. ಇಂಚಾದ್ ಏಲಕ್ಕಿ ನೀರ್ ಆರೋಗ್ಯಗ್ ಮಸ್ತ್ ಎಡ್ಡೆ ಪಂದ್ ತಜ್ಞೆರ್ ತೆರಿಪಾದೆರ್.
ಪೊಸ ವರ್ಷದ ದಿನತಾನಿ ಜಪಾನ್ ಡ್ ನಡತಿನ 7.6 ಬಿರ್ಸ್ ದ ಭೂಕಂಪಡ್ $17.6 ಶತಕೋಟಿ (2.6 ಟ್ರಿಲಿಯನ್ ಯೆನ್) ನಷ್ಟ ಆತ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.
ಈ ಭೂಕಂಪಡ್ 236 ಜನ ತೀರ್ ಪೋತೆರ್. ಇಶಿಕಾವಾದ ಕರಾವಳಿ ಪ್ರದೇಶಡ್ ಮಸ್ತ್ ತೊಂದರೆ ಆತ್ಂಡ್. ಇತ್ತೆ ಭಾರೀ ಐಸ್ ಬೂರುರ್ನೆದಾವೆರ ಅಲ್ಪದ ಮಾರ್ಗ ಬೊಕ್ಕ ಕಟ್ವಾನದ ಪುನರ್ ನಿರ್ಮಾಣಗ್ ತೊಂದರೆ ಆತ್ಂಡ್ ಪಂದ್ ವರದಿ ಆತ್ಂಡ್.
