ವಸಾಯಿ ಸಾರ್ವಜನಿಕ ಶ್ರೀ ಶನೀಶ್ವರ ಸೇವಾ ಸಮಿತಿ (ರಿ.) ದ ಮುತಾಲಿಕೆಡ್ ಭಜನಾ ಕಾರ್ಯಕ್ರಮ ಜ.14 ವಸಾಯಿದ ಹನುಮಾನ್ ಮಂದಿರದ ಹಾಲ್ ಡ್ ನಡಪರೆ ಉಂಡು.
ಈ ಲೇಸ್ ಬೊಳ್ಳಿ ಪರ್ಬದ ಲೆಕ್ಕೊಡು ಬೇತೆ ಬೇತೆ ಭಜನಾ ಮಂಡಳಿದಕ್ಲೆರ್ದ್ ನಡಪರೆ ಉಂಡು.
ಮುಲ್ಕಿ: ಪುಗರ್ತೆದ ಛಾಯಚಿತ್ರಗಾರೆರ್ ಚಿತ್ರಾಲಯ ಸ್ಟುಡಿಯೋದ ಧಣಿ ದಿ. ಜಯಶೀಲ ಸನಿಲ್ ಮೇರ್ನ ಬುಡೆದಿ, ಮುಲ್ಕಿ ಪಂಚಮಹಲ್ ರೋಡ್ ಲಕ್ಷ್ಮೀ ನಿವಾಸದ ಯಶೋಧ ಜಯಶ್ರೀ ಸನಿಲ್ (70) ಹುಷಾರ್ ದಾಂತೆ ಸನಿವಾರ ದೇವೆರೆ ಪಾದ ಸೇರಿಯೆರ್.
ಮೆರೆಗ್ ಪತ್ರಕರ್ತೆರಾಯಿನ ಭಾಗ್ಯವಾನ್ ಸನಿಲ್ ಸೇರ್ದ್ ರಡ್ಡ್ ಮಗನಕುಲು, ಒರ್ತಿ ಮಗಲ್ ಉಲ್ಲೆರ್.
ತುಳುನಾಡ್ ದ ಪುಗರ್ತೆದ ಯಕ್ಷಗಾನ ಪ್ರಸಂಗಕರ್ತೆರ್, ಸಂಶೋಧಕೆರ್, ಅನುವಾದಕೆರ್, ವಿಮರ್ಶಕೆರ್, ಜಾನಪದ ತಜ್ಞೆರ್, ಕವಿ, ಕಥೆಗಾರೆರ್ ಅಮೃತ ಸೋಮೇಶ್ವರ (89) ಮೇರ್ ನನ ನಂಕ್ಕ್ ನೆಂಪು ಮಾತ್ರ. ಆರ್ ಶನಿಯಾರ ಅರೆನ ಇಲ್ಲಡ್ ದೇವೆರೆ ಪಾದೊ ಸೇರಿಯೆರ್.
ದಕ್ಷಿಣ ಕನ್ನಡ ಜಿಲ್ಲೆದ ಕೋಟೆಕಾರು ಕೈತಲ್ದ ಅಡ್ಯ ಪನ್ಪುನಲ್ಪ 1953 ಸೆಪ್ಟಂಬರ್ 27 ದಾನಿ ಅಮೃತ ಸೋಮೇಶ್ವರ ಪುಟ್ಟಿಯೆರ್. ಸುರುತ ಶಿಕ್ಷಣನ್ ಕೋಟೆಕಾರ್ ದ ಸ್ಟೆಲ್ಲಾ ಮೇರಿ ಕಾನ್ವೆಂಟ್ಡ್ ಮುಗಿಪಾದ್ ಬೊಕ್ಕ ಪ್ರೌಢ ಶಿಕ್ಷಣನ್ ಆನಂದಾಶ್ರಮಡ್ ಮಲ್ತ್ ದೆರ್. ಬೊಕ್ಕ ಕುಡ್ಲದ ಸೇಂಟ್ ಅಲೋಷಿಯಸ್ ಕಾಲೇಜ್ ಡ್ ಪದವಿ ಪಡೆದ್, ಮದ್ರಾಸ್ ವಿಶ್ವವಿದ್ಯಾಲಯಡ್ ಕಲಾ ವಿಭಾಗಡ್ ಪದವಿ ಪಡೆಯೆರ್. ತಾನ್ ಓದಿನ ಅಲೋಷಿಯಸ್ ಕಾಲೇಜ್ ಡೇ ಅಧ್ಯಾಪಕೆರಾದ್ ಬೇಲೆ ಸುರು ಮಲ್ತೆರ್. ಧಾರವಾಡದ ಕರ್ನಾಟಕ ವಿಶ್ವವಿದ್ಯಾನಿಲಯಡ್ ಎಂ.ಎ.ಪದವಿ ಪಡೆನ ಬೊಕ್ಕ ಪುತ್ತೂರುದ ಸೇಂಟ್ ಫಿಲೋಮಿನ ಕಾಲೇಜ್ ಡ್ ಉಪನ್ಯಾಸಕೆರಾದ್ ಬೊಕ್ಕ ಪುತ್ತೂರು ವಿವೇಕಾನಂದ ಕಾಲೇಜ್ ಡ್ ಕನ್ನಡ ವಿಭಾಗದ ಮುಖ್ಯಸ್ಥರಾದ್ ಸೇವೆ ಮಲ್ತ್ ದ್ 1993 ಟ್ಟ್ ನಿವೃತ್ತಿ ಪಡೆಯೊಂಡೆರ್.
ಕುಡ್ಲ ವಿಶ್ವವಿದ್ಯಾಲಯದ ಯಕ್ಷಗಾನ ಮಾಹಿತಿ ಕೇಂದ್ರದ ಸಂದರ್ಶಕ ಪ್ರಾಧ್ಯಾಪಕೆರಾದ್ ಕೆಲಕಾಲ ಕಾರ್ಯ ನಿರ್ವಹಿಸಾದಿತ್ತೆರ್.
ಯಕ್ಷಗಾನಡ್ ಪ್ರಸಂಗ ಕರ್ತೃಗ್ ಸ್ವಾತಂತ್ರ್ಯ ಇಪ್ಪುನು ಕಡಿಮೆನೆ. ಆಂಡಲ ಕಲೆತ ಮೂಲಕ ವೈಚಾರಿಕತೆನ್ಲ ಪ್ರತಿಪಾದಿಸಾದ್ ಯಕ್ಷಗಾನ ಪ್ರಸಂಗಲೆಗ್ ಪೊಸ ಹೊಸ ಆಯಾಮ ಕೊರಿಯೆರ್.
ಅಮರ ಶಿಲ್ಪಿ ವೀರ ಕಲ್ಕುಡ, ಘೋರ ಮಾರಕ, ಸಹಸ್ರ ಕವಚ ಮೋಕ್ಷ, ಕಾಯಕಲ್ಪ, ಅಮರ ವಾಹಿನಿ, ತ್ರಿಪುರ ಮಥನ, ಆದಿಕವಿ ವಾಲ್ಮೀಕಿ, ಚಾಲುಕ್ಯ ಚಕ್ರೇಶ್ವರ ಇಂಚ ಮುಪ್ಪೆರ್ದ್ ಎಚ್ಚ ಪ್ರಸಂಗ ಬರೆತೆರ್.
ಕನ್ನಡ ಸಂಘ, ಯಕ್ಷಗಾನ ಸಂಘ ಇಂಚಿನ ಕೂಟಲೆನ್ ಸುರು ಮಲ್ತ್ ತುಳು ಭಾಷೆದ ಬುಲೆಚ್ಚಿ ಲ್ ಗಾದ್ ಪುನೆದೆರ್ .
ಮೇರೆನ ಪೊಪ್ಪ ಮುಂಬೈಡ್ ಜರ್ಮನ್ ರಾಯಭಾರಿ ಕಚೇರಿದ ಒರಿ ಅಧಿಕಾರಿನ ಗಾಡಿದ ಡ್ರೈವರ್ ಆದಿತ್ತೆರ್. ಮೇರ್ ಶಾಲಾ ಶಿಕ್ಷಣ ಪಡೆದ್ ಇಜ್ಜಿಂಡಲ, ಕುತೂಹಲ ಬೊಕ್ಕ ಸ್ವಪ್ರಯತ್ನರ್ದ್ 12 ಭಾಷೆ ಕಲ್ತ್ ದ್ ಇತ್ತೆರ್. ಅಮೃತೆರ್ನ ಅಪ್ಪೆ ಗೃಹಿಣಿಯಾದಿತ್ತೆರ್, ಮಲೆಯಾಳ ಜನಪದ ಕಥನ ಕಾವ್ಯಲೆನ್ ಪನೊಂದಿತ್ತೆರ್.
ಕುಡ್ಲ: ತುಳುನಾಡ ಮಲ್ಲ ಬೊಳ್ಳಿ ಅಮೃತ್ ಸೋಮೇಶ್ವರ್ ಇನಿ ಕಾಂಡೆ ದೇವೆರೊ ಪಾದ ಸೇರಿಯೆರ್.
ತುಳುನಾಡ್ ದ ಒರಿ ಪುಗರ್ತೆದ ಸಾಹಿತಿ ಅತ್ತಂದೆ ಜಾನಪದ ವಿದ್ವಾಂಸೆರ್, ತುಳುಟು ತಂಬಿಲ ರಂಗೀತ ಪನ್ಪಿನ ಕವನ ಸಂಕಲನ ಸುಮಾರ್ ನಾಟಕೊಲು, ಅನುವಾದ ಗ್ರಂಥೊಲು, ಪಾಡ್ದನ ಸಂಗ್ರಹ, ತುಳು ಜಾನಪದ ಲೇಖನೊಲು, ಯಕ್ಷಗಾನ ಗ್ರಂಥೊಲೆನ್ ಬರೆತೆರ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿದಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಜ.9 ಕ್ಕ್ ಕೊಲ್ಯ ಸಾರಸ್ವತ ಕಾಲೊನಿಡ್ ನಡಪರೆ ಉಂಡು.
ಈ ಆಟ ದೇವಿಕಾ ಬೊಕ್ಕ ಸೌಂದರ್ಯ ರಮೇಶ್ ಬೊಕ್ಕ ಜೋಕ್ಲೆನ ಸೇವೆದಾಟ ಆತ್ಂಡ್. ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಈ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಬೆಂಗ್ಲೂರು: ರಾಜ್ಯಡ್ ಕುಡ ಬರ್ಸ ಸುರು ಆಯಿರ್ನೆದಾವೆರ ರಾಜ್ಯದ ಒಟ್ಟು 6 ಜಿಲ್ಲೆಗ್ ಹವಾಮಾನ ಇಲಾಖೆ ಯೆಲ್ಲೋ ಅಲರ್ಟ್ ಘೋಷಣೆ ಮಲ್ದ್ಂಡ್.
ನನ 2 ದಿನ ಕರ್ನಾಟಕದ ಸುಮಾರ್ ಕಡೆಟ್ಟ್ ಭಾರಿ ಬರ್ಸ ಬರಿಯೆರೆ ಉಂಡು. ಈ ಬಗೆಟ್ಟ್ ದಕ್ಷಿಣ ಕನ್ನಡ, ಒಡಿಪು, ಮಂಡ್ಯ, ಮೈಸೂರು, ಚಿಕ್ಕಮಗಳೂರು ಬೊಕ್ಕ ಹಾಸನ ಸೇರಿನಂಚೆನೆ ಆಜಿ ಜಿಲ್ಲೆಗ್ ಯೆಲ್ಲೋ ಅಲರ್ಟ್ ಎಚ್ಚರಿಕೆ ಕೊರ್ತುಂಡು.
ಉಳ್ಳಾಲ: ತೊಕ್ಕೊಟ್ಟು ಶ್ರೀ ಸಾಯಿ ಪರಿವಾರ್ ಟ್ರಸ್ಟ್ (ರಿ.) ದ ಮುತಾಲಿಕೆಡ್ ಅಯೋಧ್ಯೆ ಶ್ರೀ ರಾಮ ಮಂದಿರದ ಉದಿಪನದ ಲೆಕ್ಕೊಡು ಹೈಸ್ಕೂಲ್ ಬೊಕ್ಕ ಪದವಿ ಪೂರ್ವ ಕಲ್ಪಾರ್ಥಿಲೆಗ್ ಚಿತ್ರ ಬುಡ್ಪಾವುನ ಪಂತೊ ಅಯೋಧ್ಯಕಾಂಡ ಜ.14 ಐತಾರ ಉಳ್ಳಾಲ ಶ್ರೀ ಚೀರುಂಭ ಭಗವತೀ ಕ್ಷೇತ್ರಡ್ ನಡಪರೆ ಉಂಡು.
ಈ ಪಂತೊಡು 8 ನೇ ಕ್ಲಾಸ್ ದಕ್ಲೆಗ್ ಅಯೋಧ್ಯೆ ಶ್ರೀ ರಾಮ ಮಂದಿರದ ಪೆನ್ಸಿಲ್ ಡ್ ಚಿತ್ರ ಬುಡ್ಪಯೆರೆ, 9 ನೇ ಕ್ಲಾಸ್ ದಕ್ಲೆಗ್ ಅಯೋಧ್ಯೆ ಶ್ರೀ ರಾಮ ಮಂದಿರದ ಕಲರ್ ಚಿತ್ರ ಬುಡ್ಪಯೆರೆ, 10 ನೇ ಕ್ಲಾಸ್ ದಕ್ಲೆಗ್ ಶ್ರೀ ರಾಮನ ಕಲರ್ ಚಿತ್ರ ಬುಡ್ಪಯೆರೆ, ಪದವಿ ಪೂರ್ವ ಕಲ್ಪಾರ್ಥಿಲು ಶ್ರೀ ರಾಮನ ಪಟ್ಟಾಭಿಷೇಕದ ಚಿತ್ರ ಬುಡ್ಪವೊಡು.
ಟೊಮೆಟೊ ಸೂಪ್ ರ್ದ್ ಆರೋಗ್ಯಗ್ ಮಸ್ತ್ ಪ್ರಯೋಜನಲು ಉಂಡು.
ಟೊಮೊಟೊಡ್ ವಿಟಮಿನ್ ಕೆ ಬೊಕ್ಕ ಕ್ಯಾಲ್ಸಿಯಂ ಉಂಡು. ಉಂದು ಆರೋಗ್ಯವಾಯಿನ ಎಲುನ್ ಪಡೆಯೆರೆ ಸಹಾಯ ಮಲ್ಪೊಂಡು.
ಅತ್ತಂದೆ ಉಂದು ತಿಗಲೆದ ನೆತ್ತೆರ್ ದ ನಾಳದ ಆರೋಗ್ಯಗ್ ಎಡ್ಡೆ. ಬೊಕ್ಕ ಪಾರ್ಶ್ವವಾಯು ಸೀಕ್ ರ್ದ್ ರಕ್ಷಣೆ ಮಲ್ಪುಂಡು. ಬೊರ್ಚಂದಿನ ಕೊಲೆಸ್ಟ್ರಾಲ್ ನ್ ಕಮ್ಮಿ ಮಲ್ಪುಂಡು. ಅಂಚೆನೆ ಎಡ್ಡೆ ನೆತ್ತೆರ್ ದ ಪರಿಚಲನೆಗ್ ಸಕಾಯ ಮಲ್ಪುಂಡು. ಬೊಕ್ಕ ಕೆಜಿ ಕಮ್ಮಿ ಮಲ್ಪೆರೆ ಸಹಾಯ ಮಲ್ಪೊಂಡು.
ಮಿಜೋರಾಂದ ಲುಂಗ್ಲೈಡ್ ಭೂಕಂಪದ ಅನುಭವ ಆತ್ಂಡ್ ಪಂದ್ ಭಾರತೀಯ ಭೂಕಂಪನ ಶಾಸ್ತ್ರದ ರಾಷ್ಟ್ರೀಯ ಕೇಂದ್ರ ತೆರಿಪಾದ್ಂಡ್.
ಇನಿ ಬೊಲ್ಪುಗು 7.18 ಕ್ಕ್ ಈ ಭೂಕಂಪ ಆತ್ಂಡ್. ಭೂಕಂಪದ ಕೇಂದ್ರಬಿಂದು 10 ಕಿಮೀ ಅಡಿಟ್ಟ್ ಉಂಡು. ಈ ಘಟನೆಡ್ ತೊಂದರೆ ಆಯಿನ ಬಗೆಟ್ಟ್ ಪೊಲಬು ನನಲ ತಿಕಿಜಿ.
ಮುಲ್ಕಿ: ಬಳ್ಕುಂಜೆ ಕಂಬುಲ ಎ.6 ಕ್ಕ್ ನಡಪರೆ ಉಂಡು. ನೆತ್ತ ತಯಾರಿಗಾದ್ ಪೊಸ ಕಂಬುಲ ಕರೆಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಬಳ್ಕುಂಜೆ ಕೊಟ್ನಾಯಗುತ್ತುದಲ್ಪ ನಡತ್ಂಡ್.
ಬ್ರಹ್ಮಶ್ರೀ ಶಿಬರೂರು ವೇದವ್ಯಾಸ ತಂತ್ರಿಲು ಬೊಕ್ಕ ರಾಮದಾಸ್ ಆಚಾರ್ಯ ಮುಂಡ್ಕೂರು ಲೇಸ್ ದ ಧಾರ್ಮಿಕ ವಿಧಿವಿಧಾನಲು ಮಲ್ತೆರ್.
ಈ ಪೊರ್ತುಡು ಕಂಬುಲ ಸಮಿತಿದ ಗುರ್ಕಾರೆ ಮಲ್ಲಿಕಾ ಯಶವಂತ ಶೆಟ್ಟಿ ಬಳ್ಕುಂಜೆ ಗುತ್ತು, ಕಾರ್ಯಾಧ್ಯಕ್ಷೆರ್ ಕೋಲ್ನಾಡು ಗುತ್ತು ಕಿರಣ್ ಕುಮಾರ್ ಶೆಟ್ಟಿ, ಉದ್ಯಮಿ ವಿರಾರ್ ಶಂಕರ ಶೆಟ್ಟಿ ಮುಂಬೈ, ಗುತ್ತಿನಾರ್ ರವೀಂದ್ರ ಶೆಟ್ಟಿ ಬಳ್ಕುಂಜೆ ಗುತ್ತು, ಪ್ರವೀಣ್ ಶೆಟ್ಟಿ ಮೂಡು ಕೊಟ್ನಾಯ ಗುತ್ತು, ರಿಚರ್ಡ್ ಡಿಸೋಜ ಒಡುಬೆಟ್ಟು, ಕೇಸರಿ ರೈ ಬಳ್ಕುಂಜೆ, ಸುಜಯ ಮಾರ್ಲ ಮಿತ್ತಗುತ್ತು, ಜಯಂತಿ ಶೆಟ್ಟಿ ಬಳ್ಕುಂಜೆ, ಕೇಶವ ಶೆಟ್ಟಿ ಬಳ್ಕುಂಜೆ, ಅಲ್ತಾಫ್ ಕೊಟ್ನಾಯ ಗುತ್ತು, ನಾಥುರಾಮ್ ಮರಿಮಾರ್, ರವೀಂದ್ರ ಪೂಜಾರಿ ಬಳ್ಕುಂಜೆ, ಸುರೇಶ್ ಪೂಜಾರಿ ಮಿತ್ತಗುತ್ತು, ಅಣ್ಣಪ್ಪ ಮುಕಾರಿ, ಜಭ್ಬ ಗುರಿಕಾರ, ವೀರೇಂದ್ರ ಪೂಂಜ ಕೊಟ್ನಾಯ ಗುತ್ತು, ಬಳ್ಕುಂಜೆ ಗ್ರಾಪಂ. ಗುರ್ಕಾರ್ದಿ ಮಮತಾ ಪೂಂಜ, ಸದಸ್ಯೆರ್ ದಿನೇಶ್ ಪುತ್ರನ್, ನವೀನ್ ಶೆಟ್ಟಿ, ಐಕಳ ಗ್ರಾ.ಪಂ. ಸದಸ್ಯೆರ್ ರಾಜೇಶ್ ಶೆಟ್ಟಿ, ಕೊಟ್ರಪಾಡಿ ಕಿಶೋರ್ ಶೆಟ್ಟಿ, ಹರೀಶ್ ಶೆಟ್ಟಿ ಕೆಳಗಿನಮನೆ, ಶೇಖರ್ ಶೆಟ್ಟಿ ಪಡುಮನೆ, ದಿನಕರ ಶೆಟ್ಟಿ, ಅಶೋಕ್ ಶೆಟ್ಟಿ, ಕೀರ್ತಿ ರಾಜ್ ಶೆಟ್ಟಿ, ಶಿವ ಶೆಟ್ಟಿ ರಾಮದಾಸ ಶೆಟ್ಟಿ ಬಾಳಿಕೆ ಮನೆ, ರಘುನಾಥ ಶೆಟ್ಟಿ, ಪ್ರಭಾಕರ ಶೆಟ್ಟಿ, ಪ್ರಸಾದ್ ಶೆಟ್ಟಿ, ಗಂಗಾಧರ್ ಶೆಟ್ಟಿ ಬರ್ಕೆ ತೋಟ, ದಿನೇಶ್ ಸುವರ್ಣ ಬೆಳ್ಳಾಯರು, ಪದ್ಮನಾಭ ಪಂಬದ, ಮೋಹನ್ ಕೋಟ್ಯಾನ್ ಶಿಮಂತೂರು, ಶ್ಯಾಮ್ ಪ್ರಸಾದ್ ಪಡುಪಣಂಬೂರು, ನೆಲ್ಸನ್ ಬಳ್ಕುಂಜೆ, ಧರ್ಮಾನಂದ ಶೆಟ್ಟಿಗಾರ್, ಉತ್ತಮ್ ಪೂಜಾರಿ ಮೈಲೊಟ್ಟು ಪಾಲ್ ಪಡೆದಿತ್ತೆರ್.
