January 2024

ಮಾ.19: ಶಿರಸಿ ಮಾರಿಕಾಂಬಾ ದೇವಿ ಜಾತ್ರೆ

ದಕ್ಷಿಣ ಭಾರತದ ಮಲ್ಲ ಜಾತ್ರೆ ಪಂದೇ ಪುಗರ್ತೆ ಪಡೆಯಿನ ಶಿರಸಿದ ಮಾರಿಕಾಂಬಾ ದೇವಿ ಜಾತ್ರೆ ಮಾ.19-27 ಮುಟ್ಟ ನಡಪರೆ ಉಂಡು ಪಂದ್ ಗೋಪಾಲಕೃಷ್ಣ ದೇವಾಲಯದ ಅರ್ಚಕೆರ್ ಶರಣ ಆಚಾರ್ಯ ತೆರಿಪಾದೆರ್.

ಮಾ.19 ಕ್ಕ್ ಮಧ್ಯಾಹ್ನ ತೇರ್ ದ ಪ್ರತಿಷ್ಠೆ, ರಾತ್ರೆ ದೇವಿ ಜಾತ್ರೆ ಕಲ್ಯಾಣ ಪ್ರತಿಷ್ಠೆ ನಡಪರೆ ಉಂಡು.

ಮಾ.21 ರ್ದ್ ಭಕ್ತೆರೆನ ಸೇವೆಗ್ ಅವಕಾಶ ಉಂಡು ಪಂದ್ ಅರ್ಚಕೆರ್ ತೆರಿಪಾದೆರ್.

ಪೊರ್ಕೋಡಿ ಶ್ರೀ ಗುರು ವೈದ್ಯನಾಥ ಕೋರ್ದಬ್ಬು ದೈವೊಲ್ಯಡ್ ವಾರ್ಷಿಕ ನೇಮೋಚ್ಚಯ ಸಂಪನ್ನ

ಪೇಜಾವರ: ಪೊರ್ಕೋಡಿ ಶ್ರೀ ಗುರು ವೈದ್ಯನಾಥ ಕೋರ್ದಬ್ಬು ದೈವೊಲ್ಯಡ್ ಜ.13 ಬೊಕ್ಕ 14 ಕ್ಕ್ ವಾರ್ಷಿಕ ನೇಮೋಚ್ಚಯ ನಡತ್ಂಡ್.

ಜ.13 ಸನಿಯಾರ ಬಯ್ಯಗ್ ಭಂಡಾರ ಏರ್ಂಡ್, ರಾತ್ರೆ ಶ್ರೀ ದೈವರಾಜ ಬಬ್ಬುಸ್ವಾಮಿ ದೈವೊದ ಗಗ್ಗರಸೇವೆ, ಆದಿಮಾಯೆ ತನ್ನಿಮಾನಿಗ ದೇವಿನ ನೇಮೋಚ್ಚಯ ನಡತ್ಂಡ್.

ಜ.14 ಐತಾರ ರಾತ್ರೆ ಶ್ರೀ ವರಾಹಮೂರ್ತಿ ಪಂಜುರ್ಲಿ, ಗುಳಿಗ ದೈವೊದ ನೇಮೋಚ್ಚಯ, ರಾತ್ರೆ ರಾಹುಗುಳಿಗ ದೈವೊದ ನೇಮೋಚ್ಚಯ ನಡತ್ಂಡ್.

ನರಿಂಗಾನ “ಲವ-ಕುಶ” ಜೋಡುಕರೆ ಕಂಬುಲ ಕೂಟ ಗೆಂದಿನಕುಲು

ನರಿಂಗಾನ ಮೋರ್ಲಡ್ ನಡತಿನ “ಲವ-ಕುಶ” ಜೋಡುಕರೆ ಕಂಬುಲ ಕೂಟಡ್ ಗೆಂದಿನಕ್ಲೆನ ಪೊಲಬು ಇಂಚ ಉಂಡು.

ಕನೆಪಲಯಿ: 5 ಜತೆ
ಅಡ್ಡಪಲಯಿ: 6 ಜತೆ
ಬಲ್ಲ್ ದ ಮಲ್ಲ: 16 ಜತೆ
ನಾಯೆರ್ ದ ಮಲ್ಲ: 34 ಜತೆ
ಬಲ್ಲ್ ದ ಎಲ್ಯ: 31 ಜತೆ
ನಾಯೆರ್ ದ ಎಲ್ಯ: 112 ಜತೆ
ಒಟ್ಟು ಎರ್ಲೆನ ಸಂಖ್ಯೆ: 204 ಜತೆ ಇತ್ತ್ಂಡ್.

ಕನೆಪಲಯಿ: (6.5 ಕೋಲ್ ನಿಶಾನೆಗ್ ನೀರ್ ರಾಪಾದೆರ್)
ಕಾಂತಾವರ ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ,

ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಬೈಂದೂರು ಮಹೇಶ್ ಪೂಜಾರಿ,

ಹಂಕರಜಾಲು ಶ್ರೀನಿವಾಸ ಭಿರ್ಮಣ್ಣ ಶೆಟ್ಟಿ
ಪಲಯಿ ಮುಟ್ಟಿನಾರ್: ಬೈಂದೂರು ರಾಘವೇಂದ್ರ ಪೂಜಾರಿ

ಅಡ್ಡ ಪಲಯಿ:
ಸುರುತ್ತ ಇನಾಮು: ಮೋರ್ಲ ಪ್ರಾಪ್ತಿ ಗಿರೀಶ್ ಆಳ್ವ “ಬಿ”
ಪಲಯಿ ಮುಟ್ಟಿನಾರ್: ಭಟ್ಕಳ ಹರೀಶ್
ರಡ್ಡನೇ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ

ಬಲ್ಲ್ ದ ಮಲ್ಲ:
ಸುರುತ್ತ ಇನಾಮು: ವೇಣೂರು ಮುಡುಕೋಡಿ ಗಣೇಶ್ ನಾರಾಯಣ ಪಂಡಿತ್
ಗಿಡತಿನಾರ್: ಬಂಬ್ರಾಣಬೈಲು ವಂದಿತ್ ಶೆಟ್ಟಿ
ರಡ್ಡನೇ ಇನಾಮು: ಎರ್ಮಾಳ್ ರೋಹಿತ್ ಹೆಗ್ಡೆ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ

ಬಲ್ಲ್ ಎಲ್ಯ:
ಸುರುತ್ತ ಇನಾಮು: ನೂಜಿಪ್ಪಾಡಿ ಚಂದ್ರಶೇಖರ ಹೊಳ್ಳ “ಬಿ”
ಗಿಡತಿನಾರ್: ಬೈಂದೂರು ಮಂಜುನಾಥ ಗೌಡ
ರಡ್ಡನೇ ಇನಾಮು: ಬೆಳುವಾಯಿ ಪೆರೋಡಿ ಪುತ್ತಿಗೆಗುತ್ತು ಕೌಶಿಕ್ ದಿನಕರ್ ಶೆಟ್ಟಿ “ಬಿ”
ಗಿಡತಿನಾರ್: ಕಾವೂರು ದೋಟ ಸುದರ್ಶನ್

ನಾಯೆರ್ ದ ಮಲ್ಲ:
ಸುರುತ್ತ ಇನಾಮು: ಇರುವೈಲು ಪಾನಿಲ ಬಾಡ ಪೂಜಾರಿ “ಎ”
ಗಿಡತಿನಾರ್: ಬೈಂದೂರು ಮಂಜುನಾಥ ಗೌಡ
ರಡ್ಡನೇ ಇನಾಮು: ಕೂಳೂರು ಪೊಯ್ಯೆಲು ಪಿ.ಆರ್. ಶೆಟ್ಟಿ
ಗಿಡತಿನಾರ್: ಪಟ್ಟೆ ಗುರುಚರಣ್

ನಾಯೆರ್ ದ ಎಲ್ಯ:
(ಸಮಾನ ಇನಾಮು)
ಮುನಿಯಾಲ್ ಉದಯ ಕುಮಾರ್ ಶೆಟ್ಟಿ
ಗಿಡತಿನಾರ್: ಮಾಸ್ತಿಕಟ್ಟೆ ಸ್ವರೂಪ್
ಮಾಳ ಕಲ್ಲೇರಿ ಶರತ್ ಶೆಟ್ಟಿ
ಗಿಡತಿನಾರ್: ನತೀಶ್ ಬಾರಾಡಿ

ಶಾರದಾ ಎ.ಅಂಚನ್ ಮೆರೆನ ವೈದ್ಯಕೀಯ ಬೂಕುಗು ಕನ್ನಡ ಸಾಹಿತ್ಯ ಪರಿಷತ್ತ್ ದ ದತ್ತಿ ಪ್ರಶಸ್ತಿ

ಬೆಂಗ್ಲೂರು ಕನ್ನಡ ಸಾಹಿತ್ಯ ಪರಿಷತ್ತ್ ಕೊರ್ಪುನ 2022ನೇ ಸಾಲ್ ದ ದತ್ತಿ ಪ್ರಶಸ್ತಿದ ಪಟ್ಟಿ ಪ್ರಕಟ ಆತ್ಂಡ್.

ಬೊಂಬೈ ಲೇಖಕಿ, ಸಾಹಿತಿ ಶಾರದಾ ಎ.ಅಂಚನ್ ಕೊಡವೂರು ಮೆರೆನ ವೈದ್ಯಕೀಯ ಕೃತಿ “ರಕ್ತಶುದ್ಧಿ- ಆರೋಗ್ಯವೃದ್ಧಿ” ಬೂಕುಗ್ “ಬಿಸಲೇರಿ ಜಯಣ್ಣ ಬೊಕ್ಕ ಬಿಸಲೇರಿ ಬ್ರದರ್ಸ್ ದತ್ತಿ ಪ್ರಶಸ್ತಿ” ತಿಕಿಯೆರೆ ಉಂಡು.

ಇತ್ತೆ ತನ್ನ “ರಕ್ತವೇ ಜೀವನದಿ” ಬೂಕುಗು ಕನ್ನಡ ಸಾಹಿತ್ಯ ಪರಿಷತ್ತ್ ದ ದಿ/ಡಾ.ಎಚ್.ನರಸಿಂಹಯ್ಯ ದತ್ತಿ ಪ್ರಶಸ್ತಿನ್ ಪಡೆಯಿನ ಶಾರದಾ ಎ.ಅಂಚನ್ ಮೇರ್ ಇಡೇ ಮುಟ್ಟ ಸುಮಾರ್ ಪದಿನೇಳ್ ಬೂಕುನು ಪ್ರಕಟ ಮಲ್ದೆರ್. ಮೆರೆನ “ಪಾಡ್ದನ” ತುಳು ಕವನ ಸಂಕಲನಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ,”ರಕ್ತವೇ ಜೀವನದಿ” ವೈದ್ಯಕೀಯ ಬೂಕುಗು ವಿಶ್ವೇಶ್ವರಯ್ಯ ಇಂಜೀನೀಯರಿಂಗ್ ಪ್ರತಿಷ್ಠಾನದ ವಿಶ್ವೇಶ್ವರಯ್ಯ ರಾಷ್ಟ್ರೀಯ ಸಾಹಿತ್ಯ ಪ್ರಶಸ್ತಿ, “ನಡೆ ನೀ ಮುಂದೆ” ಕವನ ಸಂಕಲನಗ್ ಕರ್ನಾಟಕ ವಿದ್ಯಾವರ್ಧಕ ಸಂಘ ಕೊರ್ಪುನ “ಶ್ರೀ ಕ್ಷೇತ್ರ ಧರ್ಮಸ್ಥಳ ಮಾತೋಶ್ರೀ ರತ್ನಮ್ಮ ಹೆಗ್ಗಡೆ ಪ್ರಶಸ್ತಿ” ನ್ ಪಡೆತ್ಂಡ್.

ಡಾ.ಕೆ.ಶಿವರಾಮ ಕಾರಂತ ಕಥಾ ಪುರಸ್ಕಾರ, PROF.H.S.K ಸಾಹಿತ್ಯ ಪ್ರಶಸ್ತಿ, ಚೈತನ್ಯ ಶ್ರೀ ಪ್ರಶಸ್ತಿ, ಕಾವ್ಯಸಿರಿ ಪ್ರಶಸ್ತಿ, ಬಸವ ಶ್ರೀ ಬೊಕ್ಕ ಕಾವ್ಯಶ್ರೀ ಪ್ರಶಸ್ತಿ, ಕನ್ನಡ ಸಾಹಿತ್ಯ ಸಿರಿ ಪ್ರಶಸ್ತಿ, ಪ್ರೇಮಕವಿ ಪ್ರಶಸ್ತಿ, ಕರ್ನಾಟಕ ಯುವ ರತ್ನ ಪ್ರಶಸ್ತಿ, ತ್ಹೌಳವ ಸಿರಿ ಪ್ರಶಸ್ತಿ, ಪಂಚಕಥಾ ಪ್ರಶಸ್ತಿ, ಹುಬ್ಬಳ್ಳಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ವೀರರಾಣಿ ಕಿತ್ತೂರು ಚೆನ್ನಮ್ಮ ಸದ್ಭಾವನಾ ರಾಷ್ಟ್ರೀಯ ಪ್ರಶಸ್ತಿ, ದಸರಾ ಕಾವ್ಯ ಪುರಸ್ಕಾರ, ಗಡಿನಾಡ ಧ್ವನಿ ಕಾವ್ಯಭೂಷಣ ಪ್ರಶಸ್ತಿ, ಎಂ.ಬಿ.ಕುಕ್ಯಾನ್ ರೈಟರ್ ಆಫ್ ದಿ ಇಯರ್ ಪ್ರಶಸ್ತಿ ಇಂಚ ಪತ್ತೆರ್ದ್ ಎಂಚ ಪ್ರಶಸ್ತಿನ್ ಪಡೆಯಿನ ಶಾರದಾ ಅಂಚನ್ ಮೇರ್ ಔದ್ಯೋಗಿಕವಾದ್ ರಕ್ತನಿಧಿಡ್ ಕಾರ್ಯ ಬೇಲೆ ಮಲ್ತೊಂದು ಉಲ್ಲೆರ್. ತನ್ನ ಕಾರ್ಯ ಕ್ಷೇತ್ರಡ್ ಇಡೇ ಮುಟ್ಟ ಸುಮಾರ್ 1000 ಎಚ್ಚ ನೆತ್ತೆರ್ ಉಂಬೊಲಿ ಶಿಬಿರಡ್ ಪಾಲ್ ಪಡೆತೆರ್. ಸಂಗೀತಡ್ ಆಸಕ್ತಿ ಇಪ್ಪುನ ಮೇರ್ ಗಾಯಕಿಯಾದ್ ಪುಗರ್ತೆ ಪಡೆತೆರ್.

ಕಾರ್ಯತ್ತಡ್ಕ ಸರಕಾರಿ ಪ್ರೌಢಶಾಲೆಡ್ ಜೋಕ್ಲೆಗ್ ಪ್ರಬಂಧ, ಚಿತ್ರಕಲೆ ಪಂತೊ

ಕಾರ್ಯತ್ತಡ್ಕ ಸರಕಾರಿ ಪ್ರೌಢಶಾಲೆಡ್ ಜ.12 ಸುಕ್ರಾರ ಜೋಕ್ಲೆಗ್ ಸ್ವಾಮಿ ವಿವೇಕಾನಂದ ಜಯಂತಿದ ಲೆಕ್ಕೊಡು ಜೆಸಿಐ ಕೊಕ್ಕಡ ಕಪಿಲ ಘಟಕದ ಮುತಾಲಿಕೆಡ್ ಪ್ರಬಂಧ ಬೊಕ್ಕ ಚಿತ್ರಕಲೆ ಪಂತೊ ನಡತ್ಂಡ್.

ನೆತ್ತ ಸಭಾ ಲೇಸ್ ದ ಚಾವಡಿಡ್ ಜೆಸಿಐದ ಗುರ್ಕಾರೆ ಎಚ್ ಜಿಎಫ್ ಸಂತೋಷ್ ಜೈನ್, ಸಂಪನ್ಮೂಲ ವ್ಯಕ್ತಿ ವಿನಾಯಕ ಜೋಶಿ, ನಿಕಟಪೂರ್ವ ಗುರ್ಕಾರೆ ಜೆಸಿಐ ಜಿತೇಶ್ ಪಿರೇರಾ, ಯೋಜನಾ ನಿರ್ದೇಶಕೆರ್ ಜೆಎಫ್ ಎಮ್ ಶ್ರೀಧರ್ ರಾವ್, ಜೂನಿಯರ್ ಜೆಸಿ ಗುರ್ಕಾರೆ ಹರ್ಷಿತ್ ಗೌಡ, ಕಾರ್ಯದರ್ಶಿ ಜೆಸಿ ಅಕ್ಷತ್ ರೈ ಇತ್ತೆರ್.

ಈ ಪಂತೊಡು ಗೆಂದಿನ ಜೋಕ್ಲೆಗ್ ಇನಾಮುನ್ ಕೊರಿಯೆರ್. ಬೊಕ್ಕ ಶಾಲೆದ ಕನ್ನಡ ಪಂಡಿತೆರ್ ವಿನಾಯಕ ಜೋಶಿ ಸ್ವಾಮಿ ವಿವೇಕಾನಂದೆರೆನ ಆದರ್ಶದ ಬಗೆಟ್ಟ್ ಪಾತೆರಿಯೆರ್.

ಈ ಪೊರ್ತುಡು ಶಾಲೆದ ಶಿಕ್ಷಕೆರ್ ಬೊಕ್ಕ ಶಾಲೆ ಜೋಕುಲು, ಜೆಸಿ ಎಚ್ ಜಿಎಫ್ ಜೋಸೆಫ್ ಪೀರೆರಾ, ಜೆಸಿ ಎಚ್ ಜಿಎಫ್ ಜೇಸಿಂತಾ ಡಿಸೋಜ, ಜೆಸಿ ಜಯರಾಮ ಟಿ ಪಾಲ್ ಪಡೆದಿತ್ತೆರ್.

ಜೆಸಿ ಸಂತೋಷ್ ಜೈನ್ ಲೇಸ್ ನ್ ಎದ್ಕೊನಿಯೆರ್. ಶೀಧರ್ ರಾವ್ ಜೆಸಿವಾಣಿ ಓದಿಯೆರ್. ಜೆಸಿ ಅಕ್ಷತ್ ರೈ ಸೊಲ್ಮೆ ಸಂದಾಯೆರ್.

ರೇಡಿಯೊ ಮಣಿಪಾಲಡ್ ‘ಸಂಗೀತ ಪಾಠ’ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ನಡಪಾದ್ ಕೊರ್ಪುನ ‘ಕಾವ್ಯಗಾನ -ಸಂಗೀತ ಪಾಠ’ ಲೇಸ್ ದ 42ನೇ ಸಂಚಿಕೆ ಜ.12 ಸುಕ್ರಾರ ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಕಲ್ಪಾರ್ಥಿಯಾದ್ ಬೇಬಿ ಅನಘ ಪಾಲ್ ಪಡೆಯೆರೆ ಉಲ್ಲೆರ್. ಜ.13 ಸನಿಯಾರ 1.30 ಕ್ಕ್ ಕುಡೊರ ಪ್ರಸಾರ ಆಪುಂಡು.

ಈ ಲೇಸ್ ನ್ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್‌ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.