ದುಬೈ: ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಎ. ಶೆಟ್ಟಿ ಮೆರೆನ ಮುತಾಲಿಕೆಡ್ ಕರ್ನಾಟಕ ಸಂಘ ದುಬೈದ ಒಟ್ಟುಸೇರಿಗೆಡ್ ಅ.7 ಕ್ಕ್ ದುಬೈದ ಫಾರ್ಚೂನ್ ಏಟ್ರಿಯಮ್ ಹೋಟೆಲ್ದ ಬ್ಯಾಂಕ್ವೆಟ್ ಹಾಲ್ ಡ್ ಪರಿಸರ ಸಂರಕ್ಷಣೆದ ಬಗೆಟ್ಟ್ ವಿಚಾರ ಸಂಕಿರಣ ನಡತ್ಂಡ್.
ಸಮಿತಿದ ಮಾಜಿ ಗುರ್ಕಾರೆ ಧರ್ಮಪಾಲ್ ದೇವಾಡಿಗ, ಸಮಿತಿದ ಜಿಲ್ಲಾಧ್ಯಕ್ಷೆರ್ ಡಿ.ಆರ್. ರಾಜು, ಕರ್ನಾಟಕ ಸಂಘ ದುಬೈದ ಗುರ್ಕಾರೆ ಶಶಿಧರ್ ನಾಗರಾಜಪ್ಪ, ಸಂಘದ ಪ್ರಧಾನ ಕಾರ್ಯದರ್ಶಿ ಮಲ್ಲಿಕಾರ್ಜುನ ಗೌಡ, ಕರ್ನಾಟಕ ಎನ್ಆರ್ಐ ಫೋರಮ್ ಯುಎಇ ಗುರ್ಕಾರೆ ಪ್ರವೀಣ್ ಕುಮಾರ್ ಶೆಟ್ಟಿ ಮೊಕ್ಲೆನ ಪಾಲ್ವಿಕೆಡ್, ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಎ. ಶೆಟ್ಟಿ, ಗುರ್ಕಾರೆ ಎಲ್ ವಿ. ಅಮೀನ್ ಮೆರೆನ ಮಾರ್ಗದರ್ಶನಡ್, ಸಮಿತಿದ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲ್ಯಾನ್, ಕೋಶಾಧಿಕಾರಿ ತುಳಸಿದಾಸ್ ಅಮೀನ್, ಸಮಿತಿದ ಬೊಕ್ಕ ಜಿಲ್ಲಾ ಸಮಿತಿದ ಬೇತೆ ಮಾತ ಪದುಕೆರೆನ ಎಡ್ಡೆಪ್ಪುದೊಟ್ಟಿಗೆ ನಡತಿನ ಸಭೆಟ್ಟ್, ದುಬೈದ ಉದ್ಯಮಿ ಸಮಿತಿಡ್ ಸುಮಾರ್ ವರ್ಷೊದಿಂಚ ಬೆನೊಂದು ಇತ್ತಿನ ಡಾ.ಡೇವಿಡ್ ಫ್ರಾಂಕ್ ಫೆರ್ನಾಂಡಿಸ್ ಮೆರೆನ್ ಸಮಿತಿದ ಸುರುತ್ತ ಅಂತರಾಷ್ಟ್ರೀಯ ಉಪಾಧ್ಯಕ್ಷೆರಾದ್ ಅವಿರೋಧವಾದ ಆಯ್ಕೆ ಮಲ್ತೆರ್.
ಧರ್ಮಪಾಲ್ ದೇವಾಡಿಗ ಬೊಕ್ಕ ಡಿ.ಆರ್. ರಾಜು ಮೊಕ್ಲೆಗ್ ಕರ್ನಾಟಕ ಸಂಘ ದುಬೈದ ಮುತಾಲಿಕೆಡ್ ಬೇತೆ ಬೇತೆ ಸಂಘ ಸಂಸ್ಥೆಲೆನ ಮುಖಂಡೆರೆನ, ಉದ್ಯಮಿಲೆನ ಸಮ್ಮುಖಡ್ ಶಾಲ್ ಪೊದೆಪಾದ್ ಮಾನಾದಿಗೆ ಮಲ್ತೆರ್.
ಮಾನಾದಿಗೆ ಸ್ವೀಕಾರ ಮಲ್ತಿನ ಸಮಿತಿದ ಮಾಜಿ ಗುರ್ಕಾರೆ ಧರ್ಮಪಾಲ್ ದೇವಾಡಿಗ ಪಾತೆರ್ದ್, ದುಬೈ ಕರ್ನಾಟಕ ಸಂಘಗ್ ಸೊಲ್ಮೆ ಸಂದಾವೆ, ಸಮಿತಿದ ಅಂತರಾಷ್ಟ್ರೀಯ ಉಪಾಧ್ಯಕ್ಷೆರಾದ್ ಡಾ. ಡೇವಿಡ್ ಫ್ರಾಂಕ್ ಫೆರ್ನಾಂಡಿಸ್ ಆಯ್ಕೆ ಆಯಿನವು ಸಂತೋಷ ಆಪುಂಡು. 2000ನೇ ಇಸವಿಡ್ ತೋನ್ಸೆ ಜಯಕೃಷ್ಣ ಎ. ಶೆಟ್ಟಿ ಮೆರೆನ ಮುತಾಲಿಕೆಡ್ ರಚನೆ ಆಯಿನ ಸಮಿತಿದ ಬಗೆಟ್ಟ್ ತೆರಿಪಾಯೆರ್.
ಡಿ.ಆರ್. ರಾಜು ಪಾತೆರ್ದ್, ಯು.ಎ.ಇ.ಡ್ ಕರ್ನಾಟಕ ಸಂಘ ದುಬೈ, ಪ್ರವೀಣ್ ಶೆಟ್ಟಿ, ಫ್ರಾಂಕ್ ಫೆರ್ನಾಂಡಿಸ್ ಮೊಕ್ಲೆನೊಟ್ಟಿಗೆ ಸಮಿತಿದ ಅಂತರಾಷ್ಟ್ರೀಯ ಲೇಸ್ ನ್ ರಚನೆ ಮಲ್ಪರೆ ಸಹಕಾರ ಮಲ್ತಿನ ಮಾತೆರೆಗ್ಲಾ ಸೊಲ್ಮೆ ಸಂದಾಯೆರ್.
ಎನ್ಆರ್ಐ ಫೋರಂದ ಪ್ರವೀಣ್ ಶೆಟ್ಟಿ ಪಾತೆರ್ದ್, ಅಂತಾರಾಷ್ಟ್ರೀಯ ಸಮಿತಿನ್ ಸ್ಥಾಪನೆ ಮಲ್ಪುನಲ್ಪ ಸಮಿತಿದ ಪ್ರಯತ್ನನ್ ನೆಂಪು ಮಲ್ಪೊಡು. ಅತ್ತಂದೆ ನಮ್ಮ ರಾಜ್ಯ ಅತ್ತಂಡ ಪ್ರದೇಶನ್ ಅಭಿವೃದ್ಧಿ ಮಲ್ಪರೆ ತಯಾರ್ ಇಪ್ಪುನ ಅನಿವಾಸಿ ಭಾರತೀಯೆರೆನ್ ಬೆಂಬಲಿಸಾಯೆರೆ ಸಂಬಂಧಪಟ್ಟಿನ ಸರ್ಕಾರ ಇಜ್ಜಂದಿನಪಗ ನಮ್ಮ ದೇಶಡ್ ನಮ ನೆನ್ ಬೆಂಬಲಿಸಾವೊಡು ಪಂದ್ ಪಂಡೆರ್.
ಡಾ.ಡೇವಿಡ್ ಫ್ರಾಂಕ್ ಫೆರ್ನಾಂಡಿಸ್ ಪಾತೆರ್ದ್, ಸುರುಕು ಸಮಿತಿದ ಅಂತರಾಷ್ಟ್ರೀಯ ಉಪಾಧ್ಯಕ್ಷೆರಾದ್ ಆಯ್ಕೆ ಮಲ್ತಿನ ಮಾತೆರೆಗ್ಲಾ ಸೊಲ್ಮೆ ಸಂದಾಯೆರ್. ಬೊಕ್ಕ ಕರ್ನಾಟಕ ಸಂಘ ದುಬೈದ ಕಾರ್ಯಕಾರಿ ಸಮಿತಿಗ್ ಬೊಕ್ಕ ಸಭೆಟ್ಟ್ ಪಾಲ್ ಪಡೆಯಿನ ಮಾತೆರೆಗ್ಲಾ ಸೊಲ್ಮೆ ಸಂದಾಯೆರ್.
ಉದ್ಯಮಿ, ಸಮಾಜ ಸೇವಕೆರ್ ಹರೀಶ್ ಶೇರಿಗಾರ್ ಪಾತೆರ್ದ್, ಸಮಿತಿ ಎಡ್ಡೆ ಕೆಲಸನ್ ಮಲ್ತೊಂದು ಉಂಡು. ಬೊಕ್ಕ ಸಮಿತಿಗ್ ಅನಿವಾಸಿ ಭಾರತೀಯೆರೆರ್ದ್ ದಾದ ಬೋಡೊ ಅವೆನ್ ಬೆಂಬಲಿಸಾಯೆರೆ ಎಂಕುಲು ತಯಾರ್ ಉಲ್ಲ ಪಂದ್ ಪಂಡೆರ್.
ಕರ್ನಾಟಕ ಸಂಘ ದುಬೈದ ಗುರ್ಕಾರೆ ಶಶಿಧರ್ ನಾಗರಾಜಪ್ಪ ಪಾತೆರ್ದ್, ಈ ಲೇಸ್ ಗ್ ಸುಮಾರ್ ಜನ ಬತ್ತ್ ದ್ ಸಮಿತಿಗ್ ಇಪ್ಪುನ ಪರಿಸರ ಸಮಸ್ಯೆಗಾದ್ ಸಂಘಗ್ ಬೆಂಬಲ ಕೊರಿನವು ಕುಸಿ ಆತ್ಂಡ್ ಪಂದ್ ಪಂಡೆರ್.
ಕರ್ನಾಟಕ ಸಂಘ ದುಬೈದ ಉಪಾಧ್ಯಕ್ಷೆರ್ ದಯಾ ಕಿರೋಡಿಯನ್ ಎದ್ಕೊನಿಯೆರ್. ಕೋಶಾಧಿಕಾರಿ ನಾಗರಾಜ್ ರಾವ್ ಸೊಲ್ಮೆ ಸಂದಾಯೆರ್.
ಉಂದು ವಿಮಾನ ನಿಲ್ದಾಣದ ಅಭಿವೃದ್ಧಿ ನಿಟ್ಟ್ಡ್ ಖಾಸಗೀಕರಣ ಮಲ್ಪೆರೆ ಕೇಂದ್ರ ಸರ್ಕಾರದ ನಿರ್ಧಾರ ಆದ್ ಇತ್ತ್ಂಡ್. ಅದಾನಿ ಗ್ರೂಪ್ ಸುರುಕು ಪೇಂಟೆದ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣನ್ ದೆತೊಂದು ಇತ್ತ್ಂಡ್. ಬೊಕ್ಕ ಅಹಮದಾಬಾದ್, ಲಕ್ನೋ, ಜೈಪುರ, ಗುವಾಹಟಿ, ತಿರುವನಂತಪುರ ವಿಮಾನ ನಿಲ್ದಾಣದ ನಿರ್ವಹಣೆನ್ ಮಲ್ತೊಂದು ಇತ್ತ್ಂಡ್. ಒಪ್ಪಂದದ ಪ್ರಕಾರ, ಮೂಜಿ ವರ್ಷ ಮುಟ್ಟ, ಎಎಐಗೆ ಸೇರಿನ ಅರ್ಧದಾತ್ ಸಿಬ್ಬಂದಿ ಅದಾನಿ ಸಮೂಹದ ಸಿಬ್ಬಂದಿನೊಟ್ಟಿಗೆ ಕೆಲಸ ಮಲ್ಪೊಡು. ಇತ್ತೆ ಏರ್ಪೋರ್ಟ್ದ ನಿರ್ವಹಣೆ ಅದಾನಿ ಕೈ ಸೆರೊದುಂಡ್. ಅದಾನಿ ಕುಡ್ಲ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣನ್ ವಹಿಸೊನ್ನಗ ಎಎಐಡ್ 118 ಸಿಬ್ಬಂದಿ ಇತ್ತೆರ್. ಈ ಪೈಕಿ 97 ಜನನ್ ಒರಿಪಾವೊಂದೆರ್.
