ಅದಾನಿ ಗ್ರೂಪ್ ದ ಆಳ್ಮೆಗ್ ಕುಡ್ಲ ಏರ್ ಪೋರ್ಟ್

ಕುಡ್ಲ : ಬಜ್ಪೆ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಸಂಪೂರ್ಣ ನಿರ್ವಹಣೆನ್ ಅಕ್ಟೋಬರ್ 31ರ್ದ್ ಅದಾನಿ ಗ್ರೂಪ್ ಕೈಕ್ಕ್ ದೆತೊನರೆ ಉಂಡು. ಮೂಜಿ ವರ್ಷದ ಪಿರವು ಈ ಗುತ್ತಿಗೆ ಅದಾನಿ ಗ್ರೂಪ್ ಪಾಲಾದಿತ್ತ್‌ಂಡ್. ಅಕ್ಟೋಬರ್ 31, 2020 ದಾನಿ, ಅದಾನಿ ಗ್ರೂಪ್ ದೇಶದ ಆಜಿ ವಿಮಾನ ನಿಲ್ದಾಣದ ನಿರ್ವಹಣೆನ್‌ ಮಲ್ತೊಂದು ಇತ್ತ್‌ಂಡ್.
ಉಂದು ವಿಮಾನ ನಿಲ್ದಾಣದ ಅಭಿವೃದ್ಧಿ ನಿಟ್ಟ್‌ಡ್‌ ಖಾಸಗೀಕರಣ ಮಲ್ಪೆರೆ ಕೇಂದ್ರ ಸರ್ಕಾರದ ನಿರ್ಧಾರ ಆದ್‌ ಇತ್ತ್‌ಂಡ್.‌ ಅದಾನಿ ಗ್ರೂಪ್ ಸುರುಕು ಪೇಂಟೆದ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣನ್‌ ದೆತೊಂದು ಇತ್ತ್‌ಂಡ್. ಬೊಕ್ಕ ಅಹಮದಾಬಾದ್, ಲಕ್ನೋ, ಜೈಪುರ, ಗುವಾಹಟಿ, ತಿರುವನಂತಪುರ ವಿಮಾನ ನಿಲ್ದಾಣದ ನಿರ್ವಹಣೆನ್‌ ಮಲ್ತೊಂದು ಇತ್ತ್‌ಂಡ್. ಒಪ್ಪಂದದ ಪ್ರಕಾರ, ಮೂಜಿ ವರ್ಷ ಮುಟ್ಟ, ಎಎಐಗೆ ಸೇರಿನ ಅರ್ಧದಾತ್ ಸಿಬ್ಬಂದಿ ಅದಾನಿ ಸಮೂಹದ ಸಿಬ್ಬಂದಿನೊಟ್ಟಿಗೆ ಕೆಲಸ ಮಲ್ಪೊಡು. ಇತ್ತೆ ಏರ್‌ಪೋರ್ಟ್‌ದ ನಿರ್ವಹಣೆ ಅದಾನಿ ಕೈ ಸೆರೊದುಂಡ್. ಅದಾನಿ ಕುಡ್ಲ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣನ್ ವಹಿಸೊನ್ನಗ ಎಎಐಡ್ 118 ಸಿಬ್ಬಂದಿ ಇತ್ತೆರ್. ಈ ಪೈಕಿ 97 ಜನನ್‌ ಒರಿಪಾವೊಂದೆರ್.