June 2023

ಗೃಹಲಕ್ಷ್ಮಿ ಯೋಜನೆಗ್ ಜೂನ್ 27 ರ್ದ್ ಅರ್ಜಿ ಪಾಡೊಲಿ

ಗೃಹಲಕ್ಷ್ಮಿ ಯೋಜನೆಗ್ ಅರ್ಜಿ ಸಂದಾವುನ ಪ್ರಕ್ರಿಯೆ ಜೂನ್ 27 ರ್ದ್ ಸುರು ಆಪುಂಡು ಪಂದ್ ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆ ಸಚಿವೆರ್ ಲಕ್ಷ್ಮೀ ಹೆಬ್ಬಾಳ್ಕರ್ ಪಂತೆರ್.

ಈ ಯೋಜನೆಗ್ ಅರ್ಜಿ ಸಂದಾಯೆರೆ ಕಾಸ್ ಕಟ್ಟೆರೆ ಬಲ್ಲಿ. ಆಗಸ್ಟ್ 16 ಅತ್ತಂಡ 17 ರ್ದ್ ಇಲ್ಲದ ಯಜಮಾನಿನ ಖಾತೆಗ್ ಕಾಸ್ ಬರ್ಪುಂಡು. ಅರ್ಜಿ ಸಂದಾಯೆರೆ ಅಕೇರಿದ ತಾರೀಕ್ ಪಂದ್ ಇಜ್ಜಿ. ಅಂಚೆನೆ ಅರ್ಜಿ ಸಂದಾದ್ ಸ್ವೀಕೃತಿ ಪತ್ರ ತಿಕ್ಂಡ ನಿಕುಲು ಫಲಾನುಭವಿಲೆನ ಪಟ್ಟಿಗ್ ಸೇರುವರ್ ಪಂದ್ ಹೆಬ್ಬಾಳ್ಕರ್ ಪಂತೆರ್.

ಪಿಲಿಕುಳ ಮೃಗಾಲಯಗ್ ದೇಶೊಡೇ ನಂ.1 ತಾನ

ಜೈವಿಕ ಉದ್ಯಾನಡ್ ಪ್ರಾಣಿಲೆನ ಸಂತಾನಾಭಿವೃದ್ಧಿಡ್ ದಕ್ಷಿಣ ಕನ್ನಡ ಜಿಲ್ಲೆದ ಪಿಲಿಕುಳ ಮೃಗಾಲಯ ದೇಶಡೇ ಸುರುತ್ತ ತಾನ ಪಡೆತ್ಂಡ್.

ದೇಶದ ಮಸ್ತ್ ಮಲ್ಲ 17 ಮೃಗಾಲಯಡ್ ಒಂಜಾಯಿನ ಪಿಲಿಕುಳ ಮೃಗಾಲಯಡ್ ಕಾಳಿಂಗ, ಪಿಲಿ, ಚಿರತೆ ಅತ್ತಂದೆ ರಿಯಾ ಜಾತಿದ ಪಕ್ಕಿಲು ಸೇರಿನಂಚನೆ ಬೇತೆ ಸಂತಾನೋತ್ಪತ್ತಿಡ್ ಸುರುತ್ತ ತಾನ ಪಡೆದ್ ಗೌರವಗ್ ಪಾತ್ರ ಆತ್ಂಡ್.

15 ರ್ದ್ ಎಚ್ಚ ಪಿಲಿತ್ತ ಕಿನ್ನಿ ಬೊಕ್ಕ ಬೇತೆ ಪ್ರಾಣಿಲೆನ ಸಂತಾನೋತ್ಪತ್ತಿ ಆತ್ಂಡ್ ಪಂದ್ ಉದ್ಯಾನವನ ನಿರ್ದೇಶಕೆರ್ ಪಂತೆರ್.

UPPSC ಸಂಸ್ಥೆಡ್ ನೇಮಕಾತಿ

UPPSC ಸಂಸ್ಥೆಡ್ ಖಾಲಿ ಇಪ್ಪುನ ಸೈಂಟಿಸ್ಟ್ ಆಫೀಸರ್, ಗಣಿ ಅಧಿಕಾರಿ, ದಂತವೈದ್ಯೆರ್, ಉಪನ್ಯಾಸಕೆರ್, ಹೋಮಿಯೋಪತಿ, ಯುನಾನಿ ಮೆಡಿಕಲ್ ಆಫೀಸರ್ ಸೇರಿನಂಚನೆ ಬೇತೆ ಬೇತೆ ಬೇಲೆಗ್ ಅರ್ಹ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ.

ಅರ್ಹ ಬೊಕ್ಕ ಅಸಕ್ತ ಅಭ್ಯರ್ಥಿಲು ಅಧಿಕೃತ ವೆಬ್‌ಸೈಟ್‌ uppsc.up.nic.in ಗ್ ಭೇಟಿ ಕೊರ್ಪುನ ಮುಖೇನ ಅರ್ಜಿ ಸಂದಾವೊಲಿ. ಅರ್ಜಿ ಸಂದಾಯೆರೆ ಜುಲೈ 28 ಅಕೇರಿದ ತಾರೀಕ್ ಆತ್ಂಡ್.

ಉಬಾರ್: ಪಾರ್ಕಿಂಗ್ ಜಾಗೆಗ್ ಉಂತಾಯಿನ ಆಕ್ಟೀವಾನ್ ಕಂಡಿನ ಕಲ್ವೆರ್

ಉಬಾರ್ ದ ಪೃಥ್ವಿ ಕಾಂಪ್ಲೆಕ್ಸ್ ಕಟ್ವಾನದ ಪಾರ್ಕಿಂಗ್ ಜಾಗೆರ್ದ್ ಆಕ್ಟೀವಾ ಗಾಡಿಯೊಂಜೇನ್ ಕಂಡಿನ ಘಟನೆ ಜೂ.19 ಕ್ಕ್ ನಡತ್ಂಡ್.

ಅಬ್ದುಲ್ ರಹಿಮಾನ್ ಪನ್ಪುನಾರ್ ಪಾರ್ಕಿಂಗ್ ಜಾಗೆಗ್ ಉಂತಾದ್ ಇತ್ತಿನ ಕೆಎ 21 ಇಎ 1042 ನೋಂದಣಿ ಸಂಖ್ಯೆದ ಹೋಂಡಾ ಆಕ್ಟೀವಾ 5ಜಿ ಗಾಡಿನ್ ಜೂ.19 ಕ್ಕ್ ಮಧ್ಯಾಹ್ನ 2.30 ರ್ದ್ 3.30 ತ್ತ ನಡುಟ್ ಏರ ಕಂಡ್ ದ್ ಕೊನೊತೆರ್. ಈ ಗಾಡಿದ ಬಿಲೆ 60 ಸಾರ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಉಬಾರ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

A youth from Bangerakatte Suhail, wins 45 crores in Dubai lottery ಅಬುಧಾಬಿ ಲಾಟರಿಡ್ 45 ಕೋಟಿ ಗೆಂದಿನ ಬಂಗೇರಕಟ್ಟೆದ ಜವನೆ

ಅಬುಧಾಬಿಡ್ ಇಪ್ಪುನ ಮಡಂತ್ಯಾರು ಕೈತಲ್ ದ ಬಂಗೇರಕಟ್ಟೆ ನಿವಾಸಿ ಸುಹೈಲ್ s/o ಹಸೈನಾರ್ (22ವರ್ಷ) ಮೇರ್ ಬಿಗ್ ಟಿಕೆಟ್ ಡ್ರಾಡ್ 20 ಮಿಲಿಯನ್ ಪಂಡ 45 ಕೋಟಿ ಗೆಂದ್ ದೆರ್.

ಮೇರ್ ಸಂತ ಫಿಲೋಮಿನ ಕಾಲೇಜ್ ಡ್ ಬಿಕಾಂ ಪದವಿ ಆದ್ ಅಬುಧಾಬಿದ ಪುಗರ್ತೆದ ಕಂಪನಿಡ್ ಅಕೌಂಟೆಂಟ್ ಆದ್ ಬೇಲೆ ಮಲ್ತೊಂದು ಇತ್ತೆರ್.

Car carrying Telangana MLA Panchugula Rohit meets with an accident near Mangalore ತೆಲಂಗಾಣದ ಶಾಸಕೆರೆನ ಕಾರ್ ಕುಡ್ಲಡ್ ಆಕ್ಸಿಡೆಂಟ್

ತೆಲಂಗಾಣದ ತಾಂಡೂರ್ ಕ್ಷೇತ್ರದ ಶಾಸಕೆರ್ ಪಂಚುಗುಲ ರೋಹಿತ್ ರೆಡ್ಡಿ ಕೊನೊಂದು ಇತ್ತಿನ ಕಾರ್ ಕುಡ್ಲಡ್ ಇನಿ ಬೊಲ್ಪುಗು ಆಕ್ಸಿಡೆಂಟ್ ಆತ್ಂಡ್.

ಸದ್ಯದ ಮಾಹಿತಿದ ಪ್ರಕಾರ, ರೆಡ್ಡಿ ಮೇರ್ ಹೈದರಾಬಾದ್ ರ್ದ್ ಕುಡ್ಲ ಏರ್ಪೋರ್ಟ್ ಗ್ ಇನಿ ಬೊಲ್ಪುಗು ಬೈದೆರ್. ಬೊಕ್ಕ ಮೇರ್ ಕಾರ್ಲ ಮಾರ್ಗವಾದ್ ಶೃಂಗೇರಿ ಪೊಯೆರೆ ಪಿದಾಡ್ ದ್ ಇತ್ತೆರ್. ಈ ಪೊರ್ತುಡು ಮುಡಾರು-ನಲ್ಲೂರ್ ಕ್ರಾಸ್ ದಲ್ಪ ಕಾರ್ ದ ಟಯರ್ ಬ್ಲಾಸ್ಟ್ ಆದ್ ಆಕ್ಸಿಡೆಂಟ್ ಆತ್ಂಡ್. ಡ್ರೈವರ್ ನ ಸಮಯಪ್ರಜ್ಞೆರ್ದ್ ರೆಡ್ಡಿ ಬಚಾವ್ ಆತೆರ್.

Have not resigned from the post of state president of BJP- Nalin Kumar Kateel clarifies ರಾಜೀನಾಮೆ ಕೊರ್ತಿಜಿ: ನಳಿನ್‌ ಕುಮಾರ್‌ ಕಟೀಲ್

ಬಿಜೆಪಿ ಪಕ್ಷದ ರಾಜ್ಯಾಧ್ಯಕ್ಷೆರೆ ತಾನಗ್ ರಾಜೀನಾಮೆ ಕೊರ್ತಿಜಿ. ಈ ಬಗ್ಗೆ ಮಾಧ್ಯಮಡ್ ಬರೊಂದು ಇಪ್ಪುನ ಮಾಹಿತಿ ಸತ್ಯಗ್ ದೂರವಾಯಿನವು ಪಂದ್ ಬಿಜೆಪಿ ರಾಜ್ಯಾಧ್ಯಕ್ಷೆರ್, ಸಂಸದೆರ್ ನಳಿನ್‍ಕುಮಾರ್ ಕಟೀಲ್ ಮೇರ್ ತೆರಿಪಾದೆರ್.

ಇನಿ ಪತ್ರಿಕಾ ಹೇಳಿಕೆ ಕೊರಿನ ಮೇರ್, ಬಳ್ಳಾರಿಡ್ ವಿ. ಸೋಮಣ್ಣ ರಾಜ್ಯಾಧ್ಯಕ್ಷೆರೆ ತಾನದ ಆಕಾಂಕ್ಷೆನ್ ಪ್ರಕಟ ಮಲ್ತಿನ ಬಗೆಟ್ ಮಾಧ್ಯಮದಕ್ಲೆನ ಪ್ರಶ್ನೆಗ್ ಉತ್ತರಿಸಾಯಿನ ಪೊರ್ತುಡು ಪಕ್ಷ ಸೋತಿನೆತ್ತ ನೈತಿಕ ಹೊಣೆ ಒತ್ತೊನುವೆ, ಸೋಲುದ ಕಾರಣದ ಬಗೆಟ್ ಪಕ್ಷದ ಹಿರಿಯೆರೆಗ್ ಪೊಲಬು ಕೊರ್ತೆ. 4 ವರ್ಷೊದಿಂಚ ಯಾನ್ ಅಧ್ಯಕ್ಷೆರೆ ತಾನಡ್ ಉಲ್ಲೆ ಪಂದ್ ಪಂಡೆರ್.

ಪಕ್ಷದ ರಾಜ್ಯಾಧ್ಯಕ್ಷೆರೆನ ನೇಮಕ ಬಗೆಟ್ ಪಕ್ಷ ಸರಿಯಾಯಿನ ಪೊರ್ತುಡು ಸರಿಯಾಯಿನ ನಿರ್ಧಾರ ದೆತೊನಿಯೆರೆ ಉಂಡು ಪಂದ್ ಪಂಡೆರ್. ಪಕ್ಷದ ರಾಜ್ಯಾಧ್ಯಕ್ಷೆರೆ ತಾನಗ್ ರಾಜೀನಾಮೆ ಕೊರ್ತೆ ಪಂದ್ ಯಾನ್ ಪಂತಿಜಿ. ಎನ್ನ ಹೇಳಿಕೆನ್ ತಪ್ಪಾದ್ ಅರ್ಥ ಮಲ್ತ್ ದ್ ಮಾಧ್ಯಮದಕುಲು ಸುದ್ದಿ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.

Nalin Kumar Kateel resigns from the post of the state president of the BJP ನಳಿನ್ ಕುಮಾರ್ ಕಟೀಲ್ ರಾಜೀನಾಮೆ

ಪುತ್ತೂರ್: ಬಿಜೆಪಿ ರಾಜ್ಯಾಧ್ಯಕ್ಷೆರೆ ತಾನಗ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಮೇರ್ ರಾಜೀನಾಮೆ ಘೋಷಣೆ ಮಲ್ದೆರ್.

ಬಳ್ಳಾರಿಡ್ ಸುದ್ದಿಗಾರೆರೆಡ ಪಾತೆರ್ನ ಮೇರ್, ಈ ಸರ್ತಿದ ವೋಟುಡು ಬಿಜೆಪಿ ಸೋತಿನ ಕಾರಣ ಅಯಿತ ಹೊಣೆ ಒತ್ತೊಂದು ರಾಜೀನಾಮೆ ಕೊರ್ತೆ ಪಂದ್ ಪಂಡೆರ್. “ಬಿಜೆಪಿ ರಾಜ್ಯಾಧ್ಯಕ್ಷೆರಾದ್ ಎನ್ನ 4 ವರ್ಷದ ಅವಧಿ ಮುಗಿಂಡ್. ಅಯಿತ್ತ ಬೆರಿಕ್ಕೆ ಯಾನ್ ರಾಜೀನಾಮೆ ಕೊರ್ತೆ” ಪಂದ್ ನಳಿನ್ ಕುಮಾರ್ ಪಂಡೆರ್.

Sudha Murthy of Infosys honoured with ” Bala Sahitya Puraskar” ಇನ್ಫೋಸಿಸ್ ಸಂಸ್ಥಾಪಕಿ ಸುಧಾಮೂರ್ತಿ ಮೆರೆಗ್ ಬಾಲ ಸಾಹಿತ್ಯ ಪುರಸ್ಕಾರ

ಈ ವರ್ಷದ ಬಾಲ ಸಾಹಿತ್ಯ ಪುರಸ್ಕಾರ ಬೊಕ್ಕ ಯುವ ಪುರಸ್ಕಾರ ಗೆಂದಿನಕ್ಲೆನ ಪಟ್ಟಿನ್ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಕಟ ಮಲ್ದ್ಂಡ್.

ಈ ಬಾಲ ಸಾಹಿತ್ಯ ಪುರಸ್ಕಾರಗ್ ಇನ್ಫೋಸಿಸ್ ಸಂಸ್ಥಾಪಕಿ ಸುಧಾ ಮೂರ್ತಿ ಆಯ್ಕೆ ಆತೆರ್. ಮೆರೆನೊಟ್ಟಿಗೆ ವಿಜಯಶ್ರೀ ಹಾಲಾಡಿ ಸೇರ್ದ್ 22 ಜನ ಆಯ್ಕೆ ಆತೆರ್.

ಯುವ ಪುರಸ್ಕಾರಗ್ ಮಂಜು ನಾಯಕ್ ಚಳ್ಳೂರು ಸೇರಿನಂಚನೆ 20 ಲೇಖಕೆರ್ ಆತೆರ್. ಸುಧಾಮೂರ್ತಿ ಮೆರೆನ ಗ್ರ್ಯಾಂಡ್ ಪೇರೆಂಟ್ಸ್ ಬ್ಯಾಗ್ ಆಫ್ ಸ್ಟೋರೀಸ್ ಪನ್ಪುನ ಕಥಾ ಸಂಕಲನಗ್ ಪ್ರಶಸ್ತಿ ತಿಕ್ ದ್ಂಡ್.

KARBWWB Recruitment 2023 notification given for recruitment for SDA,Field inspectors ಕರ್ನಾಟಕ ಕಟ್ಟಡ ಕಾರ್ಮಿಕೆರೆನ ಕಲ್ಯಾಣ ಮಂಡಳಿಗ್ ನೇಮಕಾತಿ

ಕರ್ನಾಟಕ ಕಟ್ಟಡ ಬೊಕ್ಕ ಬೇತೆ ನಿರ್ಮಾಣ ಕಾರ್ಮಿಕೆರೆನ ಕಲ್ಯಾಣ ಮಂಡಳಿ ನೇಮಕಾತಿ (KARBWWB Recruitment 2023) ಜೂನ್ 2023 ತ್ತ ಅಧಿಕೃತ ಅಧಿಸೂಚನೆದ ಮುಖೇನ SDA, ಫೀಲ್ಡ್ ಇನ್ಸ್‌ಪೆಕ್ಟರ್‌ ಬೇಲೆನ್ ಭರ್ತಿ ಮಲ್ಪೆರೆ ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ.

ಅರ್ಹ ಬೊಕ್ಕ ಆಸಕ್ತ ಅಭ್ಯರ್ಥಿಲು ನಿಗದಿ ಮಲ್ತಿನ ತಾರೀಕ್ ದುಯಿ ಅರ್ಜಿ ಸಂದಾವೊಡು. ಅಭ್ಯರ್ಥಿಲು ತನ್ನ ಆನ್‌ಲೈನ್ ಅರ್ಜಿನ್ ಭರ್ತಿ ಮಲ್ಪುನ ದುಂಬು ಈ ಬೇಲೆಗ್ ಅಗತ್ಯ ಇಪ್ಪುನ ಪ್ರಾಯದ ಮಿತಿ, ವಿದ್ಯಾರ್ಹತೆ ಬೊಕ್ಕ ಅನುಭವ ಸೇರಿನಂಚೆನೆ ಮಾತ ಅರ್ಹತಾ ಷರತ್ತ್ ನ್ ಪರಿಶೀಲನೆ ಮಲ್ಪೊಡು.

ನೆತ್ತ ನೇಮಕಾತಿ ಅಧಿಸೂಚನೆದ ಪೊಲಬು:

ಸಂಸ್ಥೆ ಪುದರ್: ಕರ್ನಾಟಕ ಕಟ್ಟಡ ಬೊಕ್ಕ ಬೇತೆ ನಿರ್ಮಾಣ ಕಾರ್ಮಿಕೆರೆನ ಕಲ್ಯಾಣ ಮಂಡಳಿ (KARBWWB)
ಒಟ್ಟು ಬೇಲೆ: 186
ಬೇಲೆದ ಜಾಗೆ: ಕರ್ನಾಟಕ
ಬೇಲೆದ ಪುದರ್: SDA, ಫೀಲ್ಡ್ ಇನ್ಸ್‌ಪೆಕ್ಟರ್‌
ಸಂಬಳ: ರೂ.21400-70850/- ಪ್ರತಿ ತಿಂಗೊಲ್

KARBWWB ನೇಮಕಾತಿ ಬೇಲೆದ ಪೊಲಬು:

ಕಲ್ಯಾಣ ಅಧಿಕಾರಿ: 12
ಕ್ಷೇತ್ರ ನಿರೀಕ್ಷಕೆರ್: 60
ಸುರುತ್ತ ವಿಭಾಗದ ಸಹಾಯಕೆರ್ (FDA): 12
ಖಾಸಗಿ ಸಲಹೆಗಾರೆರ್: 2 ರಡ್ಡನೇ ವಿಭಾಗದ ಸಹಾಯಕೆರ್ (SDA): 100

ಶೈಕ್ಷಣಿಕ ಅರ್ಹತೆ ಬೊಕ್ಕ ಪ್ರಾಯ:

ಕರ್ನಾಟಕ ಕಟ್ಟಡ ಬೊಕ್ಕ ಬೇತೆ ನಿರ್ಮಾಣ ಕಾರ್ಮಿಕೆರೆನ ಕಲ್ಯಾಣ ಮಂಡಳಿ ನೇಮಕಾತಿ ಅಧಿಕೃತ ಅಧಿಸೂಚನೆದ ಪ್ರಕಾರ, ಅಭ್ಯರ್ಥಿಲು ಈ ಇಲಾಖೆಡ್ ಖಾಲಿ ಇಪ್ಪುನ ಬೇಲೆದ ಅನುಸಾರವಾದ್ ವಿದ್ಯಾರ್ಹತೆ ಬೊಕ್ಕ ಪ್ರಾಯ KARBWWB ನಿಯಮದ ಪ್ರಕಾರ ಇಪ್ಪೊಡು.

ಪ್ರಾಯದ ಸಡಿಲಿಕೆ:

ಅರ್ಹ ಅಭ್ಯರ್ಥಿಲೆಗ್ ಪ್ರಾಯದ ಸಡಿಲಿಕೆ ಉಂಡು.

ಆಯ್ಕೆ ಪ್ರಕ್ರಿಯೆ:

ಅರ್ಹ ಅಭ್ಯರ್ಥಿಲೆನ್ ಲಿಖಿತ ಪರೀಕ್ಷೆ ಬೊಕ್ಕ ಸಂದರ್ಶನದ ಮುಖೇನ ಆಯ್ಕೆ ಮಲ್ಪೆರೆ ಆಪುಂಡು.

KARBWWB ನೇಮಕಾತಿ ಬೇಲೆದ ಸಂಬಳ (ತಿಂಗೊಲ್ ಗ್):

ಕಲ್ಯಾಣ ಅಧಿಕಾರಿ: 37900-70850/- ರೂ.
ಕ್ಷೇತ್ರ ನಿರೀಕ್ಷಕೆರ್:33450-62600/- ರೂ.
ಸುರುತ್ತ ವಿಭಾಗದ ಸಹಾಯಕೆರ್ (FDA): 27650-52650/- ರೂ.
ಖಾಸಗಿ ಸಲಹೆಗಾರೆರ್: 27650-52650/- ರೂ.
ರಡ್ಡನೇ ವಿಭಾಗದ ಸಹಾಯಕೆರ್ (SDA): 21400-42000/- ರೂ.

ಆನ್‌ಲೈನ್‌ ಡ್ ಜೂನ್ 23 ರ್ದ್ ಅರ್ಜಿ ಸಂದಾವುನ ಪ್ರಕ್ರಿಯೆ ಸುರು ಆತ್ಂಡ್. ಅರ್ಜಿ ಸಂದಾವುನಕುಲು ಜುಲೈ 22 ಮುಟ್ಟ ಸಂದಾವೊಲಿ. ನೆತ್ತ ಅರ್ಜಿ ಫೀಸ್ ನ್ ಕಟ್ಟಿಯೆರೆ ಜುಲೈ 25 ಜುಲೈ ಅಕೇರಿದ ತಾರೀಕ್ ಆತ್ಂಡ್. ಆಂಡ ಇ-ಪೋಸ್ಟ್ ಆಫೀಸ್ ದ ಮುಖೇನ ಫೀಸ್ ಕಟ್ಟೊನಕುಲು ಜು. 26 ತ್ತುಲಯಿ ಕಟ್ಟೊಡು.