June 2023

Chief minister Siddaramaiah’s wife Parvathi hospitalised ಸಿಎಂ ಸಿದ್ದರಾಮಯ್ಯೆರೆನ ಬೊಡೆದಿ ಆಸ್ಪತ್ರೆಗ್ ದಾಖಲ್

ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ ಬೊಡೆದಿ ಪಾರ್ವತಿ ಮೇರ್ ಹುಷಾರ್ ಇಜ್ಜಂದೆ ಬೆಂಗ್ಲೂರ್ ದ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್.

ಅರೆಗ್ ಜ್ವರ ಪಂದ್ ತೆರಿದ್ ಬೈದ್ಂಡ್. ಮೆರೆನ್ ಮಣಿಪಾಲ ಆಸ್ಪತ್ರೆಗ್ ದಾಖಲ್ ಮಲ್ತ್ ದ್ ಚಿಕಿತ್ಸೆ ಕೊರ್ಪಾದೆರ್.‌ ಆಂಡ ಕರಿನ ಕೆಲವು ದಿನೊರ್ದಿಂಚ ಪಾರ್ವತಿ ಮೇರೆಗ್ ಜ್ವರರ್ದ್ ಇತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್. ‌ಅತ್ತಂದೆ ಸಿಎಂ ಇನಿ ಡೆಲ್ಲಿಗ್ ಪ್ರವಾಸ ಪೋಯೆರೆ ಇತ್ತೆರ್. ‌ಆಂಡ ಆವು ಬದಲಾಪುನ ಅಂದಾಜಿ ಉಂಡು ತೆರಿದ್ ಬೈದ್ಂಡ್.

Chief minister Siddaramaiah’s wife Parvathi hospitalised

Parvati wife of CM Siddaramaiah has been hospitalised due to some I’ll health at Manipal hospital Bangalore and is undergoing treatment.

ಅನ್ನ ಭಾಗ್ಯದ ಅರಿ ಕೊರಂದಿನ ಕೇಂದ್ರ ಸರ್ಕಾರದ ವಿರುದ್ಧ ಕಾಂಗ್ರೆಸ್ ರ್ದ್ ಬಟ್ಟಲ್ ಬೊಟ್ಟುದು ಪ್ರತಿಭಟನೆ

ರಾಜ್ಯ ಸರ್ಕಾರದ ಅನ್ನ ಭಾಗ್ಯ ಯೋಜನೆ ಅನುಷ್ಠಾನಗ್ ಕೇಂದ್ರ ಸರ್ಕಾರ ಅರಿ ಕೊರೊಂದಿಜ್ಜಿ ಪಂದ್ ಬೆಚ್ಚ ಆಯಿನ ಕಾಂಗ್ರೆಸ್ ಕಾರ್ಯಕರ್ತೆರ್ ಕುಡ್ಲದ ಕ್ಲಾಕ್ ಟವರ್ ದ ಎದುರು ಅಂಗಾರೆ ಕಾಂಡೆ ಬಟ್ಟಲ್ ಬೊಟ್ಟುದು ಪೊರ್ಂಬಾಟ ಮಲ್ತೆರ್.

ಅರಿ ಕೊರಿಯೆರೆ ಒಪ್ಪಿದ್ ಇತ್ತಿನ ಭಾರತೀಯ ಆಹಾರ ನಿಗಮ ಕೇಂದ್ರ ಸರ್ಕಾರದ ಒತ್ತಡರ್ದ್ ಇತ್ತೆ ಅರಿ ಕೊರ್ಪುಜಿ ಪನೊಂದುಂಡು. ಜನಕ್ಲೆನ ಆಹಾರ ಭದ್ರತೆನ್ ತಪ್ಪಾವುನ ಬೇಲೆ ಕೇಂದ್ರ ಸರ್ಕಾರರ್ದ್ ಆವೊಂದುಂಡು ಪಂದ್ ಮಾಜಿ ಶಾಸಕೆ ಜೆ.ಆರ್. ಲೋಬೊ ಪಂಡೆರ್.

ಬಡಪತ್ತ್ ದಕ್ಲೆನ ಪರವಾದಿಪ್ಪುನ ಪಕ್ಷ ಕಾಂಗ್ರೆಸ್ ಬಡವೆರೆಗ್ ಧರ್ಮೊಗು ಅರಿ ಕೊರ್ಪುನ ವ್ಯವಸ್ಥೆನ್ ಸುರುಕು ಜಾರಿಗ್ ಕನದಿನೆನೇ ಸಿದ್ದರಾಮಯ್ಯ ಮೇರ್. ದುಂಬು ಕಾಂಗ್ರೆಸ್ ಅಧಿಕಾರ ಪಡೆನಗ ಈ ಯೋಜನೆ ಸುರುತ್ತ ಸರ್ತಿ ಜಾರಿ ಆದಿತ್ತ್ಂಡ್. ಇತ್ತೆ ಕುಡ ಅಧಿಕಾರಗ್ ಬತ್ತಿನ ಕಾಂಗ್ರೆಸ್, ಅನ್ನಭಾಗ್ಯ ಯೋಜನೆ ಜಾರಿ ಮಲ್ಪೆರೆ ಪಿದಾದ್ ದ್ಂಡ್. ಆಂಡ ನೆಕ್ಕ್ ಕೇಂದ್ರದ ಬಿಜೆಪಿ ಮುತಾಲಿಕೆದ ಸರ್ಕಾರ ಬುಡೊಂದು ಇಜ್ಜಿ ಪಂದ್ ಮಾಜಿ ಸಚಿವೆರ್ ರಮಾನಾಥ ರೈ ಪಂಡೆರ್.

ಈ ಪೊರ್ತುಡು ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರ್ ಹರೀಶ್ ಕುಮಾರ್, ಯುವ ನಾಯಕೆರ್ ಮಿಥುನ್ ರೈ, ಕೆಪಿಸಿಸಿ ಕೋ ಆರ್ಡಿನೇಟರ್ ವಸಂತ ಬೆರ್ನಾಡ್, ಪಿ.ಎ.ಮೋಹನ್ ಬೊಕ್ಕ ಪಕ್ಷದ ನಾಯಕೆರ್, ಕಾರ್ಯಕರ್ತೆರ್ ಪಾಲ್ ಪಡೆದಿತ್ತೆರ್.

Billavotsava – 2023- Billawas Qatar win hearts ಕಲಾಭಿಮಾನಿಲೆನ‌ ಉಡಲ್ ಗೆಂದ್ಂಡ್ ಬಿಲ್ಲವಾಸ್ ಕತಾರ್ ದ ಬಿಲ್ಲವೋತ್ಸವ 2023

ಬಿಲ್ಲವಾಸ್ ಕತಾರ್ ದ ನಿರೆಲಡಿಟ್ ದಿನೊ 9-6-2023 ತ್ತಾನಿ ಬಿಲ್ಲವೋತ್ಸವ 2023 ಪೊರ್ಲಕಂಠ್‌ಡ್ ಗೌಜಿ ಗರ್ದ್‌ಡ್ ಡಿಪಿಎಸ್ ಅಲ್ ವಕ್ರ ಸಭಾಂಗಣಡ್ ಕೂಟದ ಗುರ್ಕಾರ್ರೆ ರಘುನಾಥ ಅಂಚನ್ರೆನ ಸಾರಥ್ಯಡ್ ಮೂಡುದು ಬತ್ತ್ಂಡ್.

ಲೇಸ್‌ದ ಪೊರ್ಲಪೊಲಿಕೆಡ್ ಮೋನೆಡ್ ಮುಗುರು ತೆಲಿಕೆದಿಂಜಿಂದ್ ಪೊರ್ಲೈತೊಡು ಸಿಂಗಾರ ಆಯಿನ ಪೊಣ್ಣುಪೊಂಜುವುಲು ಬತ್ತಿ ಬಿನ್ನೆರೆನ್ ಆರತಿ ಮಲ್ತ್ ದ್ ಮೋಕೆಡ್ ಎದುಕೊಂಡೆರ್ಂಡ, ಒಂಜೇ ರಂಗ್‌ದ ತುತ್ತೈತ ಪಾಡ್ ದ್ ಮೆನ್ಕೊಂದಿತ್ತಿನ ಕೂಟದ ಸದಸ್ಯೆರ್ ಲೇಸ್ ದ ರಂಗ್ ಎರ್ಕಾಯೆರ್.

ಬಾನಮುಟ್ಟೊಂದಿತ್ತಿನ ಚೆಂಡೆದ ಅಜನೆ, ಬ್ಯಾಂಡ್ ದಿಂಡಿಂಬು ಅಬ್ಬರೊದ ಸ್ವರ ತಾಳಡ್ ಬಿನ್ನೆರೆನ್ ಎದುಕೊನಿನ ಮಾತೆರೆನ‌ ಉಡಲ್ಡ್ ಇರ್ಮೆನ ದಿಂಜಾಂಡ್.

ಅಮರ್ ಬೀರೆರ್ ಕೋಟಿಚೆನ್ನಯೆರೆನ ಎದುರುದ ಮಂಟಮೆದ್ವಾರ, ತುಳುವನಾಡ್‌ದ ಮಣ್ಣಕಮ್ಮೆನನ್ ನೆಗಪಾವುನ ಅಣಿ ತಿರಿ, ತುಳಸಿಕಟ್ಟೆ ಇಂಚಿತ್ತಿ ಕೈಚಾತುರ್ಪೊದ ಸಿರಿಸಿಂಗಾರದ ಐತ ಐಸಿರ ಎರ್ಕಾದ್ ಕೊರುಂಡು.
ಲೆತ್ತಿಬಿನ್ನೆರ್ ನಿನೆ ಪೊತ್ತಾದ್ ತುಡರ್ ಅರ್ಲಾದ್ ಲೇಸ್ ಉದಿಪಿನ‌ ಮಲ್ತ್ ಕೊರಿಯೆರ್.

ಬಿಲ್ಲವೋತ್ಸವ2023 ಮಲ್ಲ ಬಿನ್ನೆರ್ ಭಾರತೀಯ ಸಾಂಸ್ಕೃತಿಕ ಕೇಂದ್ರ ಕತಾರ್ ದ ಗುರ್ಕಾರೆರ್ ಮಣಿಕಂಠ ಎ.ಪಿ. ಪಾಲ್‌ಪಡೆಯೆರ್. ಸ್ಯಾಂಡಲ್‌ವುಡ್ ಬೊಕ್ಕ ಕೋಸ್ಟಲ್‌ವುಡ್ ಪುಗಾರ್ತೆದ ಸಿನೇಮಾ ನಟೆ ಪೃಥ್ವಿ ಅಂಬರ್ ಬಿನ್ನೆರಾದ್ ಜವನ್ಯ ಜವನ್ದಿಯರ್ಲೆಡ ಉಮೇದ್ ದಿಂಜಾಯೆರ್. ಅಭಿಮಾನಿಲೆನ‌ ಮನಸ್ಸ್ ತಲ್ಮೆನ ಮಲ್ತೆರ್.

ಮದಿಪುದ ಬಿನ್ನೆರಾದ್ ಸರಳ ಸಜ್ಜನಿಕೆದ ಪೆರ್ಮೆ ಪುಗಾರ್ತೆದ ಡಾ. ಅರುಣ್ ಉಲ್ಲಾಲ್ ಧರ್ಮಮದಿಪು ಕೊರಿಯೆರ್. ನಾರಾಯಣ ಗುರುಕ್ಲೆನ‌ ಸಂದೇಶ, ಪೂಪೂಜನೆ, ಅನುಷ್ಟಾನ, ಬಂಗದ ಬಡವು, ಸಾಮಾಜಿಕ ಬದ್ ಕ್ ದ ಬಗೆಟ್ ಗೇನದ ಬೊಲ್ಪು ಪೊತ್ತಾಯೆರ್. ತನ್ಕುಲೆಡ ಉಪ್ಪುನ ಅಧ್ಯಯನದ ಬೊಲ್ಪುನು ತುಳುಶಬ್ದ ಭಂಡಾರೊಲು ಕಡಲ್ದ ಅಬ್ಬರದ ಅಲೆತ್ತೆಲೆಕ ಕೆಬಿಕೊಂಡೆಗ್ ಬುರೊಂದಿತ್ತಿನವು ಜನಮಾನಿಲೆನ ಉಡಲ್ ಗೆಂದ್ಂಡ್.

ಲೆಪ್ಪುದ ಬಿನ್ನೆರ್ ಗುರು ಸೇವಾ ಸಮಿತಿ ಬೆಹರ್ರೈನ್ ಮಾಜಿ ಗುರ್ಕಾರೆ ಅಜಿತ್ ಬಂಗೇರ, ಕಾರ್ಯಂತೆರ್ ರೂಪೇಶ್ ಸಾಲಿಯಾನ್ ಲೇಸ್‌ಗ್ ಬೆರಿಬಲ ದಿಂಜಾಂದ್ ಕೊರಿಯೆರ್. ಚಾವಡಿಡ್ ಬಿಲ್ಕವಾಸ್ ಕತಾರ್ ದ ಒತ್ತು ಗುರ್ಕಾರೆ ಅಮಿತ್ ಪೂಜಾರಿ, ಕಾರ್ಯಂತೆರ್ ಸಂದೀಪ್ ಸಾಲಿಯಾನ್, ಸಾಂಸ್ಕೃತಿಕ ಕಾರ್ಯಂತೆರ್ ಸೀಮಾ ಪೂಜಾರಿ ಪಾಲ್ ಪಡೆಯೆರ್.

ಬೇತೆ ಬೇತೆ ರಂಗೊಡು ಸಾಧನೆ ಮಲ್ತಿನ ಮಾನ್ಯೇರ್ ಭಾರತೀಯ ಸಾಂಸ್ಕೃತಿಕ ಕೇಂದ್ರ ಕತಾರ್ ದ ಗುರ್ಕಾರೆ ಮಣಿಕಂಠ ಎ.ಪಿ. ಡಾ ಅರುಣ್ ಉಲ್ಲಾಲ್, ಡಾ ರವಿ ಶೆಟ್ಟಿ ಮೂಡಂಬೈಲು, ಸುಬ್ರಹ್ಮಣ್ಯ ಹೆಬ್ಬಾಗಿಲು,, ವಿನೋದ್ ನಾಯರ್ ಮುಕ್ಲೆನ್ ಸೇರ್ದಿ ಸಭೆ ಸರ್ವೆರೆನ ಸೇರಿಗೆಡ್ ತಮ್ಮನ ಮನ್ಯಾದಿಗೆ ಸಂದಾಯ‌ ಮಲ್ತ್ಂಡ್. ಕತಾರ್ ದ ಬೇತೆ ಬೇತೆ ಸಂಘ ಸಂಸ್ಥೆಲೆನ ಪದಾಧಿಕಾರಿಲೆನ ಉಪಸ್ಥಿತಿ ಲೇಸ್ ಗ್ ನನಾತ್ ಪೊಲ್ಸು ಎರ್ಕಾಂಡ್.

ನೆಂಪುದ ಸಂಚಿ “ಪಿಂಗಾರ” ನ್ ಡಾ. ಅರುಣ್ ಉಲ್ಲಾಲ್ ಬುಡುಗಡೆ ಮಲ್ತೆರ್. ಬಿಲ್ಲವಾಸ್ ಕತಾರ್ ಗುರ್ಕಾರ್ರ್ ರಘನಾಥ್ ಅಂಚನ್ ಪಾತೆರ್ದ್ ಸಂಘದ ಪುಟ್ಟುಗುರ್ಕಾರೆ ದಿವಾಕರ ಪೂಜಾರ್ಲೆನ್ ನೆನೆತ್ತೊಂದು ಸಂಘ ನಡತ್ತ್ ಬತ್ತಿನ ಸಾದಿ, ಮಲ್ತಿ ಸಾಧನೆ ಬಳಕೆದ ಬಗೆಟ್ ಕುಸಿತ್ತ ನುಡಿ ಪುರ್ಪ ಕೊರೊಂದು, ಲೇಸ್‌ಗ್ ಬಲ ದಿಂಜಾಯಿನಕ್ಲೆಗ್ ಸೊಲ್ಮೆ ಸಂದಾಯೆರ್.

ವಿದ್ಯಾ ಸುವರ್ಣ , ರಾಮ್ ಕುಮಾರ್ ಅಮೀನ್ ಒಟ್ಟು ಸೇರಿಗೆದ ಪೊರ್ಲಕಂಠ್‌ದ ಪದರಂಗಿತ ಕಮ್ಮೆನ ಪರಡ್ಂಡ್. ಪುಗಾರ್ತೆದ ಕುಸಾಲ್ದ ಕಲಾವಿದೆ ಉಮೇಶ್ ಮಿಜಾರ್ ತಂಡದಕ್ಲೆನ ತೆಲಿಕೆದ ಗೊಂಚಿಲ್ ಕಲಾಭಿಮಾನಿಲೆನ್ ಕುಸಾಲ್ದ ಕಡಲ್ಡ್ ತೆಲಿಪಾಂಡ್ ನಲಿಪಾಂಡ್. ಬಿಲ್ಲವಾಸ್ ಕತಾರ್ ಕಲಾ ಚಾತುರ್ಪೊದ ಕಲಾವಿದೆರೆನ ನಾಟ್ಯ ವೈಭವ ಮಾತೆರೆನಲ ಉಡಲ್ ಗೆಂದ್ಂಡ್.

ತೌಳವಕಲೆ ಯಕ್ಷಗಾನ ಕೋಟಿ ಚೆನ್ನಯ ಯಕ್ಷಗಾನದ ಮೂಲಕ ತನ್ನ ಚಾತುರ್ಪು ತೋಜಾದ್ ಇಡೀ ಸಭೆ ಸರ್ವೆರ್ ಲಕ್ಕ್‌ದುಂತುಂದು ಕೈತಾಟಿದ ಮಾನಾದಿಗೆನ್ ಸಂದಾಯಿನವು ಈ ಲೇಸ್‌ದ ಗೆಲ್ಮೆನ್ ತೆರಿಪಾವುಂಡು. ದಿನೇಶ್ ಸುವರ್ಣ ರಾಯಿ ತನ್ನ ಕಂಚಿನ‌ಕಂಠೊದ ತುಳುಭಾಷೆದ ಮಣ್ಣಮೂರಿದ ಬೇರ್ ಬೇರ್‌ನ್ಲಾ ಎಸಲ್ ಎಸಲ್ ಬುಡ್ಪಾದ್ ಲೇಸ್ ಮಾನಾದ್ ಮಾತೆರೆನಲಾ ಪುಗಾರ್ತೆನ್ ಪಡೆಯೆರ್.

ತನ್ನ ಅಮೂಲ್ಯವಾಯಿನ ಕಾರ್ಯಕಜ್ಜೊಲೆನ್ ಬರಿಕ್ಕ್ ದೀದ್ ಕತಾರ್ ದ ಊರುಡಿತ್ತಿ ಬೇತೆಬೇತೆ ಜಾಗೆಲೆರ್ದ್ ಕಲಾಭಿಮಾನಿಲು ಬತ್ತ್ ಸೇರ್ದ್ ದೊಂಪದಿಂಜ್ ದ್ ಲೇಸ್‌ಗ್ ಕಲೆ‌ಎರ್ಕ್ಂಡ್. ಕೂಟೊದ ಒತ್ತು ಗುರ್ಕಾರೆ ಅಮಿತ್ ಪೂಜಾರಿ ಸೊಲ್ಮೆ ಸಂದಾದ್ ಲೇಸ್‌ಗ್ ಮುಗಿತಲದ ಚುಕ್ಕಿ ದೀಯೆರ್.

ವರದಿ: ಜಯರಾಜ್ ಅಮೀನ್

Billavotsava – 2023- Billawas Qatar win hearts

Billavas Qatar organised ” Billavotsava -2023 ” on 9-6-2023. The program was presided Raghunath Anchan.

Dubai – ” Celebrity Box Cricket ” competition; Tulunadu Tigers team win the title ದುಬೈ: ‘ಸೆಲೆಬ್ರಿಟಿ ಬಾಕ್ಸ್ ಕ್ರಿಕೆಟ್’ ಪಂತೊ: ತುಳುನಾಡ ಟೈಗರ್ಸ್ ಕೂಟಗ್ ಪ್ರಶಸ್ತಿ

ಕುಡ್ಲ: ದುಬೈದ ಶಬಾಬ್ ಅಲ್ ಅಹ್ಲಿ ಕ್ರೀಡಾಂಗಣಡ್, ಡಾ. ರಾಜ್ ಕಪ್ ಆಜಿನೇ ಆವೃತ್ತಿದ ಪೂರ್ವ ಸಿದ್ಧತಾ ಲೇಸ್ ದ ಅಂಗವಾದ್ ನಡತಿನ ‘ಸೆಲೆಬ್ರಿಟಿ ಬಾಕ್ಸ್ ಕ್ರಿಕೆಟ್’ ಪಂತೊನ್ ರಫೀಕ್ ದರ್ಬಾರ್ ಮಾಲೀಕತ್ವದ, ವಸಿಷ್ಠ ಸಿಂಹ ಮುತಾಲಿಕೆದ ‘ತುಳುನಾಡ ಟೈಗರ್ಸ್’ ಕೂಟ ಗೆಂದ್ ದ್ ಪ್ರಶಸ್ತಿ ಪಡೆತ್ಂಡ್.

ಕನ್ನಡ, ತುಳು, ತಮಿಳು, ತೆಲುಗು, ಮಲಯಾಳಂ ಸಿನಿಮಾ ಬೊಕ್ಕ ಕಿರುತೆರೆತ್ತ 40 ರ್ದ್ ಎಚ್ಚ ಕಲಾವಿದೆರೆನ 6 ಕೂಟದ ನಡುಟ್ಟ್ ನಡತಿನ ಪಂತೊನ್ ಅಶ್ವಿನಿ ಪುನೀತ್ ರಾಜಕುಮಾರ್ ಉದಿಪನ ಮಲ್ತ್ ದ್ ಎಡ್ಡೆಪ್ಪು ಬಯಕಿಯೆರ್. ಬಾಕ್ಸ್ ಕ್ರಿಕೆಟ್ ದ ಲೀಗ್ ಪಂತದ ಪಂತೊಡು ಗೆಂದಿನ ಲೂಸ್ ಮಾದ ಯೋಗಿ ಬೊಕ್ಕ ವಸಿಷ್ಠ ಸಿಂಹ ಕೂಟಲು ಫೈನಲ್ ಪಂತಗ್ ಬತ್ತ್ ದ್ ಎದುರು ಬದುರಾಂಡ್.

ಫೈನಲ್ ಪಂತೊಡು ಲೂಸ್ ಮಾದ ಯೋಗಿ ಮುತಾಲಿಕೆದ ಡಾಲಿ ಧನಂಜಯ, ಪನ್ನಾಗಭರಣ, ಸಿಂಪಲ್ ಸುನಿ ಇಪ್ಪುನ ಸಮೃದ್ಧಿ ಬೆಂಗ್ಲೂರ್ ಕೂಟನ್ ವಸಿಷ್ಠ ಸಿಂಹ ಮುತಾಲಿಕೆದ ಪೃಥ್ವಿ ಅಂಬಾರ್, ಮಣಿಕಾಂತ್ ಕದ್ರಿ, ಬಿರುವೆರ್ ಕುಡ್ಲದ ಉದಯ ಪೂಜಾರಿ, ರಿಯಾಜ್, ಶಹಾಬುದ್ದೀನ್ ಎರ್ಮಾಳ್ ಕೂಟದಕುಲು ಸೋಪಾದ್ ‘ಸೆಲೆಬ್ರಿಟಿ ಬಾಕ್ಸ್ ಕ್ರಿಕೆಟ್ 2023’ ಪ್ರಶಸ್ತಿ ಗೆಂದಿಯೆರ್.

ತುಳುನಾಡ ಟೈಗರ್ಸ್ ಕೂಟದ ಫೈನಲ್ ಪಂತೊದ ರೂವಾರಿ ಶಹಾಬುದ್ದೀನ್ ಎರ್ಮಾಳ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆಂಡ, ಉತ್ತಮ ಆಲ್ ರೌಂಡರ್ ಪ್ರದರ್ಶನ ಕೊರಿನ ಪೃಥ್ವಿ ಅಂಬಾರ್ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆಯೆರ್.

ಈ ಪೊರ್ತುಡು ತುಳುನಾಡ ಟೈಗರ್ಸ್ ಕೂಟದ ಮ್ಯಾನೇಜರ್ ಇಮ್ರಾನ್ ಖಾನ್ ಎರ್ಮಾಳ್, ಪೋಷಕೆರಾಯಿನ ರೊನಾಲ್ಡ್ ಮಾರ್ಟಿಸ್, ಇಸ್ಮಾಯಿಲ್, ಶೆರ್ಲಿ ಅಬ್ರಹಾಂ, ಜಹೀರ್ ಬೈಕಂಪಾಡಿ ಇತ್ತೆರ್.

ಆಯೋಜಕೆರ್ ರಾಜೇಶ್ ಬ್ರಹ್ಮಾವರ, ಸೆಂಥಿಲ್, ಮಮತಾ ಸೆಂಥಿಲ್ ದುಬೈಡ್ ಆಯೋಜನೆ ಮಲ್ತಿನ ಈ ಪಂತೊದ ಕಲಾವಿದೆರೆನ ಬಾಂಧವ್ಯ ಬೊಕ್ಕ ಕ್ರೀಡಾ ಸ್ಫೂರ್ತಿ ಮದಪಂದಿನ ಕ್ಷಣಕ್ಕ್ ಸಾಕ್ಷಿ ಆಂಡ್.

President Droupadi Murmu celebrates her birthday today- PM Narendra Modi send in his good wishes ಇನಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೆರೆನ ಪುಟ್ಟು ದಿನ: ಎಡ್ಡೆಪ್ಪು ಬಯಕಿನ ಪ್ರಧಾನಿ ಮೋದಿ

ರಾಷ್ಟ್ರಪತಿ ದ್ರೌಪದಿ ಮುರ್ಮ ಮೇರ್ ಇನಿ 65 ನೇ ವರ್ಷದ ಪುಟ್ಟು ದಿನತ್ತ ಪರ್ಬನ್ ಆಚರಣೆ ಮಲ್ತೊಂದು ಉಲ್ಲೆರ್.

ಮೆರೆನ ಪುಟ್ಟು ದಿನತ್ತ ಪರ್ಬಗ್ ಪ್ರಧಾನಿ ನರೇಂದ್ರ ಮೋದಿ ಬೊಕ್ಕ ಮಸ್ತ್ ಗಣ್ಯೆರ್ ರಾಷ್ಟ್ರಪತಿಲೆಗ್ ಎಡ್ಡೆಪ್ಪು ಬಯಕ್ ದೆರ್. ಸಿಎಂ ಸಿದ್ದರಾಮಯ್ಯ ಮೇರ್ಲಾ ಟ್ವೀಟ್ ಡ್ ಎಡ್ಡೆಪ್ಪು ಬಯಕ್ ದೆರ್.

The World famous Puri Jaganath Rath yatra to be held today ಇನಿ ಪುರಿ ಜಗನ್ನಾಥನ ರಥಯಾತ್ರೆ

ಒಡಿಶಾದ ಪುರಿ ಜಗನ್ನಾಥನ ರಥಯಾತ್ರೆ ಇನಿ ನಡಪರೆ ಉಂಡು.

ಬೊಲ್ಪುಗು ಜಗನ್ನಾಥ, ಸುಭದ್ರ ಬೊಕ್ಕ ಸುದರ್ಶನ ಮೂರ್ತಿಲೆನ್ ರಥತ್ತ ಮಿತ್ತ್ ಪ್ರತಿಷ್ಟಾಪನೆ ಮಲ್ತ್ ದ್ ಮಂಗಳಾರತಿ ಮಲ್ಪುವೆರ್. ನನ ಮಧ್ಯಾಹ್ನ ರಥಯಾತ್ರೆ ಸುರು ಆಪುಂಡು. ಈ ಲೇಸ್ ಡ್ ರಥನ್ ಮಾಸ್ತ್ ಭಕ್ತೆರ್ ಸೇರ್ದ್ ಒಯಿಪುವೆರ್. ಈ ಯಾತ್ರೆಗ್ ಸುಮಾರ್ 10 ಲಕ್ಷ ಜನ ಬರ್ಪೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.

Congress stages demonstration against the central government with regard to hindrance to the ‘ Anna Bhagya’ scheme ಇನಿ ಕಾಂಗ್ರೆಸ್ ದ ಪೊರ್ಂಬಾಟ

ಅನ್ನಭಾಗ್ಯ ಯೋಜನೆಗ್ ಅರಿ ಕೊರಂದಿನ ಕೇಂದ್ರ ಸರ್ಕಾರದ ವಿರುದ್ಧ ಬೆಂಗ್ಲೂರ್ ಡ್ ಕಾಂಗ್ರೆಸ್ ಪೊರ್ಂಬಾಟ ಮಲ್ತೊಂದುಂಡು.

ಈ ಪೊರ್ತುಡು ಡಿಕೆ ಶಿವಕುಮಾರ್ ಪಾತೆರ್ದ್, 10 ಕೆಜಿ ಅರಿ ಕೊರ್ಪಿನ ಭರವಸೆನ್ ಒರಿಪಾವೊನವು ಎಕ್ಲೆನ ಪಕ್ಷದ ಬದ್ದತೆ ಆತ್ಂಡ್ ಪಂದ್ ಪಂಡೆರ್. ನೇರ್ದ್ ದುಂಬು ಕೇಂದ್ರ ಸರ್ಕಾರ ಅರಿ ಕೊರ್ಪೆ ಪಂದಿತ್ತ್ಂಡ್, ಆಂಡ ಇತ್ತೆ ಕೊರ್ಪುಜಿ ಪಂದ್ ಪನೊಂದುಂಡು, ಎಂಕುಲು ಸಾಂಕೇತಿಕವಾದ್ ರಾಜ್ಯದ ಮಾತ ಜಿಲ್ಲೆ ಕೇಂದ್ರಡ್ ಪೊರ್ಂಬಾಟ ಮಲ್ಪುವ ಪಂದ್ ಪಂಡೆರ್.

Second PUC supplementary exams results announced ಸೆಕೆಂಡ್ ಪಿಯುಸಿ ಪೂರಕ ಪರೀಕ್ಷೆದ ರಿಸಲ್ಟ್ ಪ್ರಕಟ

ಸೆಕೆಂಡ್ ಪಿಯುಸಿ ಪೂರಕ ಪರೀಕ್ಷೆದ ರಿಸಲ್ಟ್ ಪ್ರಕಟ ಆತ್ಂಡ್. ‌

ಪರೀಕ್ಷೆಗ್ ಹಾಜರಾಯಿನ ಕಲ್ಪಾರ್ಥಿಲು https://kseab.Karnataka.gov.in/ ಅತ್ತಂಡ http://karresults.nic.in ವೆಬ್‌ಸೈಟ್ ಗ್ ಭೇಟಿ ಕೊರ್ದು, ಪರಿಶೀಲನೆ ಮಲ್ಪೊಲಿ. ಸೆಕೆಂಡ್ ಪಿಯುಸಿ ಪರೀಕ್ಷೆ ಮೇ23 ರ್ದ್ ಜೂನ್ 3 ಮುಟ್ಟ ನಡತ್ ದ್ಂಡ್. ‌

July 15th: Makara Shri Bhajana Mandali, Bangalore- Annual Bhajana program ಜುಲೈ15: ಬೆಂಗ್ಲೂರ್ ಮಕರ ಶ್ರೀ ಭಜನಾ ಮಂಡಳಿ (ರಿ.) ನೆತ್ತ ಸುರುತ್ತ ವರ್ಷದ ಭಜನಾ ಮಹಾ ಉಚ್ಚಯ

ಬೆಂಗ್ಲೂರ್ ಮಕರ ಶ್ರೀ ಭಜನಾ ಮಂಡಳಿ (ರಿ.) ನೆತ್ತ ಸುರುತ್ತ ವರ್ಷದ ಭಜನಾ ಮಹಾ ಉಚ್ಚಯ ಜುಲೈ15 ಸನಿಯಾರ ಬಯ್ಯಗ್ 4 ರ್ದ್ ರಾತ್ರೆ 9 ಮುಟ್ಟ ವಿಜಯನಗರ ಶ್ರೀ ಬಾಲಗಂಗಾಧರೇಶ್ವರ ಸ್ವಾಮಿ ದೇವಲ್ಯಡ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್, ಲೇಸ್ ನ್ ಪೊರ್ಲು ಮಲ್ತ್ ಕೊರ್ದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಬೆಂಗ್ಲೂರ್ ಮಕರ ಶ್ರೀ ಭಜನಾ ಮಂಡಳಿ (ರಿ.) ನೆತ್ತ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್. ‌

A woman breathes her last after taking an injection- hospital accused of negligence ಇಂಜೆಕ್ಷನ್ ದೆತ್ತೊನ್ನ ಪೊಂಜೋವ್ ತೀರ್ ಪೋಯೆರ್: ಆಸ್ಪತ್ರೆದ ನಿರ್ಲಕ್ಷ್ಯದ ಆರೋಪ

ಕಾರವಾರ ಜಿಲ್ಲಾ ಆಸ್ಪತ್ರೆದ ನಿರ್ಲಕ್ಷಗ್ ಪೊಂಜೋವ್ ಒರ್ತಿ ತೀರ್ ಪೋಯಿನ ಘಟನೆ ನಡತ್ಂಡ್.

ಮೂಲತಃ ಕೊಪ್ಪಳದ ಸ್ವಪ್ನ ರಾಯ್ಕರ್ (32)ತೀರ್ ಪೋಯಿನಾರ್ ಪಂದ್ ತೆರಿದ್ ಬೈದ್ಂಡ್.

ಕುಟುಂಬದೊಟ್ಟಿಗೆ ಗೋವಾ ಬೊಕ್ಕ ಉತ್ತರ ಕನ್ನಡ ಪ್ರವಾಸಗ್ ಸೋಮಾರ ಬತ್ತಿತ್ತಿನ ಮೇರ್ ಕಾರವಾರ ತಾಲೂಕ್ ದ ಹಳಗಾ ಗ್ರಾಮದ ಸೈಂಟ್ ಮೇರಿಸ್ ಆಸ್ಪತ್ರೆಗ್ ಭೇಟಿ ಕೊರ್ತೆರ್. ಅಪಗ ಆಸ್ಪತ್ರೆಡ್ ಡಾಕ್ಟರ್ ಪ್ಯಾರಲಿಸಿಸ್ ಬರಂದಿಲೆಕ ದುಂಬೇ ಇಂಜೆಕ್ಷನ್ ದೆತೊನೊಡು ಪಂದ್ ಸೂಚನೆ ಕೊರ್ನೆಕ್ಕ್ ಈ ಪೊಂಜೋವ್ ಇಂಜೆಕ್ಷನ್ ದೆತೊಂದೆರ್. ಮೇರ್ ಇಂಜೆಕ್ಷನ್ ದೆತ್ತೊನ್ನಗನೇ ತರೆ ತಿರ್ಗ್ ದ್ ಬೂರ್ದು ತೀರ್ ಪೋತೆರ್ ಪಂದ್ ಮೆರೆನ ಪೋಷಕೆರ್ ಆರೋಪ ಮಲ್ದೆರ್.

ಸೆಂಟ್ ಮೇರಿಸ್ ಆಸ್ಪತ್ರೆಡ್ ಸುಮಾರ್ ವರ್ಷೊದಿಂಚ ಪ್ಯಾರಲಿಸಿಸ್​ಗ್ ಇಂಜೆಕ್ಷನ್ ಕೊರೊಂದು ಉಲ್ಲೆರ್. ಈ ಆಸ್ಪತ್ರೆ ಮಿತ್ತ್ ದುಂಬುರ್ದೆ ಆರೋಪಲ ಉಂಡು. ಈ ಆಸ್ಪತ್ರೆಡ್ ವಾ ಇಂಜೆಕ್ಷನ್, ವಾ ಮಾರ್ದ್ ಕೊರ್ಪೆರ್ ಪಂದ್ ಪನ್ಪುಜೆರ್. ಉಂದು ಸರಿಯಾಯಿನ ಕ್ರಮ ಅತ್ತ್, ಆಸ್ಪತ್ರೆದ ಮಿತ್ತ್ ಕ್ರಮ ದೆತೊನೊಡು ಪಂದ್ ಕೈತಲ್ ದಕುಲು ಸೇರಿನಂಚೆನೆ ಸಾಮಾಜಿಕ ಪೊರ್ಂಬಾಟಗಾರೆ ಮಾದವ ನಾಯ್ಕ ಒತ್ತಾಯ ಮಲ್ದೆರ್.

ಈ ಬಗೆಟ್ ಪಾತೆರಿನ ಕಿಮ್ಸ್ ಆಸ್ಪತ್ರೆದ ವೈದ್ಯೆರ್ ಡಾ. ರೋಷನ್ ‘ತೀರ್ ಪೋಯಿನ ಸ್ವಪ್ನ ರಾಯ್ಕರ್ ಮೆರೆನ್ ಆಸ್ಪತ್ರೆಗ್ ಲೆತೊಂದು ಬನ್ನಗನೇ ಜೀವ ಇತ್ತಿಜಿ ಪಂದ್ ಪಂಡೆರ್. ನನ ಸಾವುಗ್ ನಿಜವಾಯಿನ ಕಾರಣ ಮರಣೋತ್ತರ ಪರೀಕ್ಷೆದ ರೀಪೋರ್ಟ್​, ಬೊಕ್ಕ ಪೊಲೀಸೆರೆನ ತನಿಖೆದ ಬೊಕ್ಕ ಗೊತ್ತಾವೊಡಾತೆ ಪಂದ್ ಪಂಡೆರ್.

A woman breathes her last after taking an injection- hospital accused of negligence

This incident was reported from St Marys hospital in Karwar .The deceased is Swapna Raikar(32) who took the injection as a preventive for paralysis attack .

The hospital has been giving this injection from some time now and there were allegations against this hospital in this regard as they do not disclose the contents of the injection .