ಟೈಮ್ಸ್ ನೌ ಮುಖ್ಯ ಸಂಪಾದಕೆರ್ ರಾಹುಲ್ ಶಿವಶಂಕರ್ ತನ್ನ ತಾನಗ್ ರಾಜೀನಾಮೆ ಕೊರ್ತೆರ್.
ಈ ಬಗೆಟ್ ಮಾನವ ಸಂಪನ್ಮೂಲ ವಿಭಾಗ ಉದ್ಯೋಗಿಲೆಗ್ ಪೊಲಬು ಕೊರ್ತುಂಡು. ಕೂಡ್ಲೆ ಮೆರೆನ ರಾಜೀನಾಮೆ ಜಾರಿಗ್ ಬರ್ಪುಂಡು. ಚಾನೆಲ್ ದ ಕಾರ್ಯಾಚರಣೆಲು ಸಮೂಹ ಸಂಪಾದಕೆರ್ ನಾವಿಕಾ ಕುಮಾರ್ ಮೆರೆನ ಉಸ್ತುವಾರಿಡ್ ಇಪ್ಪುಂಡು.
ಕುಡ್ಲ: ಎಲ್ಯ ಕಾರಣಗ್ ಶಾಲೆದ ಕಲ್ಪಾರ್ಥಿಯೊರ್ತಿ ಬಲ್ಲ್ ಪಾಡೊಂದು ತೀರ್ ಪೋಯಿನ ಘಟನೆ ಪಾಲ್ದನೆ ಕೈತಲ್ ಅಂಗಾರೆ ನಡತ್ಂಡ್.
ನೀರುಮಾರ್ಗ ಕೈತಲ್ ದ ಪಾಲ್ದನೆದ ತೇಜತ್ (15) ತೀರ್ ಪೋಯಿನ ಕಲ್ಪಾರ್ಥಿ. ಈ ಬಗೆಟ್ ಕುಡ್ಲ ಗ್ರಾಮಾಂತರ ಪೊಲೀಸೆರ್ ಕೇಸ್ ದಾಖಲ್ ಮಲ್ದೆರ್.
ಕುಡ್ಲ: ಬೆಂಗ್ಲೂರ್ ರ್ದ್ ಕುಡ್ಲ ಗ್ ಪೋವೊಂದು ಇತ್ತಿನ ಬಸ್ ಟ್ಟ್ ಲ್ಯಾಪ್ಟಾಪ್ ಬೊಕ್ಕ ಪಾಸ್ಪೋರ್ಟ್ ಇತ್ತಿನ ಬ್ಯಾಗ್ ಕಂಡಿನ ಬಗ್ಗೆ ಕದ್ರಿ ಠಾಣೆಗ್ ದೂರು ಕೊರ್ತೆರ್.
ಜೂ.15 ಕ್ಕ್ ರಾತ್ರೆ ಬೆಂಗ್ಲೂರ್ ರ್ದ್ ಕುಡ್ಲಗ್ ಖಾಸಗಿ ಬಸ್ ಟ್ಟ್ ರಂಜಿತ್ ಪ್ರಯಾಣ ಮಲ್ತೊಂದು ಇತ್ತಿನಾರ್.
ಕುಡ್ಲ: “ಸರ್ಕಸ್” ತುಳು ಸಿನಿಮಾ ಜೂನ್ 23 ಕ್ಕ್ ಗೌಜಿಡ್ ಜಗತ್ತ್ ಇಡೀ ಬುಡುಗಡೆ ಆಯೆರೆ ಉಂಡು ಪಂದ್ ಬಿಗ್ ಬಾಸ್ ಒಟಿಟಿ ಬೊಕ್ಕ ಸೀಸನ್ 9ತ್ತ ವಿನ್ನರ್ ರೂಪೇಶ್ ಶೆಟ್ಟಿ ತೆರಿಪಾಯೆರ್.
ಕುಡ್ಲಡ್ ಸುದ್ದಿಗೋಷ್ಠಿಡ್ ಪಾತೆರಿನ ಯಶ್ ಶೆಟ್ಟಿ
ಆರ್, ಸರ್ಕಸ್ ಪಿಕ್ಚರ್ ದ ಮುಖೇನ ತುಳು ಚಿತ್ರರಂಗಗ್ ಬರೊಂದುಲ್ಲೆ. ತುಳು ರಂಗಭೂಮಿದ ಪೆರಿಯ ಕಲಾವಿದೆರೆನೊಟ್ಟಿಗೆ ನಟನೆ ಮಲ್ತಿನವು ಮಸ್ತ್ ಖುಷಿ ಕೊರ್ತುಂಡು. ಎಲ್ಯೆಡ್ ಅಕ್ಲೆನ ನಾಟಕನ್ ತೂಯೆರೆ ಕಿಲೋಮೀಟರ್ ಗಟ್ಟಲೆ ನಡತೊಂದು ಇತ್ತೆ, ಇನಿ ಮೆರೆನೊಟ್ಟಿಗೆ ನಟನೆ ಮಲ್ದೆ.” ಪಂದ್ ಪಂಡೆರ್.
ಕುಸೇಲ್ದರಸೆ ನವೀನ್ ಡಿ. ಪಡೀಲ್ ಪಾತೆರ್ದ್, “ಸರ್ಕಸ್ ತುಳು ಪಿಕ್ಚರ್ ಡ್ ಕಾಮಿಡಿಗ್ ಮಸ್ತ್ ಪ್ರಾಧಾನ್ಯತೆ ಉಂಡು. ಉಂದು ತುಳುನಾಡ್ ಮಾತ್ರ ಅತ್ತಂದೆ ಇಡೀ ಜಗತ್ತ್ ಡ್ ಪುಗರ್ತೆ ಪಡೆಯೆರೆ ಉಂಡು. ರೂಪೇಶ್ ಶೆಟ್ಟಿ ಮೇರ್ ಈ ಪಿಕ್ಚರ್ ಡ್ ಬಂಗಬತ್ತ್ ದ್ ಬೆನ್ತೆರ್. ಮೆರೆನ ಶ್ರಮ ಸಾರ್ಥಕ ಆಯೆರೆ ನಿಕುಲು ಮಾತ ಸಿನಿಮಾ ತೊವೊಡು ಪಂದ್ ಪಂಡೆರ್.
ಅರವಿಂದ್ ಬೋಳಾರ್ ಪಾತೆರ್ದ್, “ಸರ್ಕಸ್ ಪಿಕ್ಚರ್ ಡ್ ಹಾಸ್ಯದೊಟ್ಟಿಗೆ ಫ್ಯಾಮಿಲಿ ಕುಲ್ಲುದು ತೂಪುನಂಚಿನ ಪೊರ್ಲುದ ಕಥೆ ಉಂಡು. ಮಾತೆರ್ಲಾ ಸಿನಿಮಾ ಥಿಯೇಟರ್ ಬತ್ತ್ ದ್ ತೂದು ಪಿಕ್ಚರ್ ದ ಪಿಕ್ಚರ್ ನ್ ಗೆಂದಲೆ” ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಮಂಜುನಾಥ ಅತ್ತಾವರ, ರೂಪೇಶ್ ಶೆಟ್ಟಿ, ಯಶ್ ಶೆಟ್ಟಿ, ರಚನಾ ರೈ, ಅರವಿಂದ್ ಬೋಳಾರ್, ನವೀನ್ ಡಿ. ಪಡೀಲ್, ಪ್ರಸನ್ನ ಶೆಟ್ಟಿ ಬೈಲೂರು, ಸಿನಿಮಾ ಹಂಚಿಕೆದಾರ ಸಚಿನ್ ಎ. ಎಸ್. ಉಬಾರ್, ಲೋಯ್ ಸಲ್ದಾನ, ನವೀನ್ ಶೆಟ್ಟಿ ಇತ್ತೆರ್.
ಪಿದಯಿ ದೇಶೊಡ್ಲ 51 ಪ್ರೀಮಿಯರ್ ಶೋ!
ಸರ್ಕಸ್ ಸಿನಿಮಾ ಬುಡುಗಡೆಗ್ ದುಂಬೇ ದೇಶ ವಿದೇಶಡ್ 51 ಪ್ರೀಮಿಯರ್ ಶೋನ್ ಮಲ್ದ್ಂಡ್. ಪಿಕ್ಚರ್ ಗ್ ಎಡ್ಡೆ ಪ್ರತಿಕ್ರಿಯೆ ತಿಕ್ಕ್ ದ್ಂಡ್. ಪಿಕ್ಚರ್ ವಿದೇಶಡ್ಲಾ ಬುಡುಗಡೆ ಆಯೆರೆ ಉಂಡು.
ತುಳು ಸಿನಿಮಾರಂಗಡ್ ಮಸ್ತ್ ಮಲ್ಲ ಹಿಟ್ ಪಿಕ್ಚರ್ ‘ಗಿರಿಗಿಟ್’ ಪಿಕ್ಚರ್ ಯಶಸ್ಸ್ ದ ಬೊಕ್ಕ ರೂಪೇಶ್ ಶೆಟ್ಟಿ ನಿರ್ದೇಶನದ 2ನೇ ಪಿಕ್ಚರ್ ಸರ್ಕಸ್ ಗಿರಿಗಿಟ್ ಗ್ ಸಂಭಾಷಣೆ ಬರೆಯಿನ ಪ್ರಸನ್ನ ಶೆಟ್ಟಿ ಬೈಲೂರು ಈ ಪಿಕ್ಚರ್ ಗ್ ಸಂಭಾಷಣೆ ಬರೆತೆರ್. “ಸಲಗ” ಖ್ಯಾತಿದ ಯಶ್ ಶೆಟ್ಟಿ ಸರ್ಕಸ್ ಮುಖೇನ ತುಳು ಚಿತ್ರರಂಗಗ್ ಪರಿಚಯ ಆವೊಂದುಂಡು. ಅವ್ವೇ ರೀತಿ ರಚನಾ ರೈ ಪನ್ಪುನ ನಟಿನ್ ತುಳು ಸಿನಿಮಾ ರಂಗಕ್ಕೆ ಪರಿಚಯ ಮಲ್ದೆರ್.
‘ಗಿರಿಗಿಟ್’ ತುಳು ಪಿಕ್ಚರ್ ಮಸ್ತ್ ಯಶಸ್ವಿಯಾಯಿನ ಹಾಸ್ಯಮಯ ಪಿಕ್ಚರ್. ಸುಮಾರ್ ದೇಶಡ್ ಗಿರಿಗಿಟ್ ಬುಡುಗಡೆಯಾದ್ ಎಡ್ಡೆ ಪ್ರದರ್ಶನ ಕೊರ್ತುಂಡು. ಇತ್ತೆ ಅವ್ವೇ ಕೂಟ ‘ಸರ್ಕಸ್’ ಪಿಕ್ಚರ್ ಮಲ್ದ್ಂಡ್. ತುಳು ಪಿಕ್ಚರ್ ಲು ಸಾಮಾನ್ಯ ಕಾನ್ಸೆಪ್ಟ್ ಹಾಸ್ಯ ಆತ್ಂಡ್. ‘ಸರ್ಕಸ್’ ಡ್ಲಾ ಅವ್ವೇ ಪ್ರಧಾನ ವಸ್ತು.
ತುಳು ಪಿಕ್ಚರ್ ದ ಘಟಾನುಘಟಿ ಕಲಾವಿದೆರಾಯಿನ ನವೀನ್ ಡಿ. ಪಡೀಲ್, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಸಾಯಿಕೃಷ್ಣ ಕುಡ್ಲ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಉಮೇಶ್ ಮಿಜಾರ್, ಚಂದ್ರಹಾಸ ಉಳ್ಳಾಲ್, ಪ್ರದೀಪ್ ಆಳ್ವ, ನಿತೇಶ್ ಶೆಟ್ಟಿ ಎಕ್ಕಾರ್, ರೂಪಾ ವರ್ಕಾಡಿ, ಪಂಚಮಿ ಭೋಜರಾಜ್ ತಾರಾಗಣಡ್ ಉಲ್ಲೆರ್. ಶೋವಿನ್ ಫಿಲಂಸ್, ಮುಗ್ರೋಡಿ ಫಿಲಂಸ್ ಲಾಂಛನಡ್ ಸರ್ಕಸ್ ಪಿಕ್ಚರ್ ತಯಾರಾತ್ಂಡ್.
ಅನಿಲ್ ಶೆಟ್ಟಿ, ಸುಧಾಕರ ಶೆಟ್ಟಿ, ಮಂಜುನಾಥ ಅತ್ತಾವರ ಈ ಪಿಕ್ಚರ್ ಮ್ ನಿರ್ಮಾಣ ಮಲ್ದೆರ್.
ಕರಾವಳಿದ ಸುತ್ತಮುತ್ತ ನೆತ್ತ ಶೂಟಿಂಗ್ ನಡತ್ ದ್ಂಡ್. ಸಂಭಾಷಣೆ ಪ್ರಸನ್ನ ಶೆಟ್ಟಿ ಬೈಲೂರು, ನವೀನ್ ಶೆಟ್ಟಿ ನೃತ್ಯ ನಿರ್ದೇಶನ, ನಿರಂಜನ ದಾಸ್ ಕ್ಯಾಮರಾ, ರಾಹುಲ್ ವಶಿಷ್ಠ ಸಂಕಲನ, ಲೋಯ್ ಸಲ್ದಾನ ಮೆರೆನ ಸಂಗೀತ ಈ ಪಿಕ್ಚರ್ ಗ್ ಉಂಡು.
June 23rd: ” Circus” tulu movie to open at the theatres
Mangalore: This was announced by Roopesh Shetty winner of Big Boss season 9.
ಸುರತ್ಕಲ್ :ಬಂಟರ ಸಂಘ ಸುರತ್ಕಲ್ ಮಹಿಳಾ ವೇದಿಕೆದ ಪೊಸ ಗುರ್ಕಾರ್ದಿಯಾದ್ ಭವ್ಯಾ ಎ. ಶೆಟ್ಟಿ ಅವಿರೋಧ ಆಯ್ಕೆ ಆಯೆರ್. ಬಂಟರ ಭವನದ ಚಾವಡಿಡ್ ಇಂಚೊಗು ನಡತಿನ ಮಹಿಳಾ ವೇದಿಕೆದ ಸಭೆಟ್ಟ್ ಪೊಸ ಪದುಕೆರೆನ್ ಅಜಪುನ ಕಜ್ಜ ನಡತ್ಂಡ್.
ಅಧ್ಯಕ್ಷೆರಾದ್ ಭವ್ಯಾ ಎ ಶೆಟ್ಟಿ, ಉಪಾಧ್ಯಕ್ಷೆರಾದ್ ಸರೋಜ ಟಿ ಶೆಟ್ಟಿ, ಕಾರ್ಯದರ್ಶಿಯಾದ್ ಸುಜಾತ ಶೆಟ್ಟಿ ಕೃಷ್ಣಾಪುರ, ಜೊತೆ ಕಾರ್ಯದರ್ಶಿಯಾದ್ ವಜ್ರಾಕ್ಷಿ ಶೆಟ್ಟಿ, ಕೋಶಾಧಿಕಾರಿಯಾದ್ ಜ್ಯೋತಿ ಪಿ ಶೆಟ್ಟಿ, ಸಂಘಟನಾ ಕಾರ್ಯದರ್ಶಿಯಾದ್ ನಾಗಲತಾ ಶೆಟ್ಟಿ ತೋಕೂರು, ಕ್ರೀಡಾಕಾರ್ಯದರ್ಶಿಯಾದ್ ಬಬಿತಾ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಸುಜಾತ ಶೆಟ್ಟಿ ಕಾಟಿಪಳ್ಳ ಅಜತ್ ಬತ್ತೆರ್.
ಸಭೆಟ್ಟ್ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ಸುಧಾಕರ ಪೂಂಜ, ಮಹಿಳಾ ವೇದಿಕೆದ ಮಾಜಿ ಅಧ್ಯಕ್ಷೆರ್ ಚಿತ್ರಾ ಜೆ ಶೆಟ್ಟಿ, ಮಾಜಿ ಅಧ್ಯಕ್ಷೆರಾಯಿನ ಅಂಜನಾ ಶೆಟ್ಟಿ, ಬೇಬಿ ಶೆಟ್ಟಿ ಇತ್ತೆರ್.
Bhavya A Shetty is the New president of the women’s wing of Bantara Sangha Suratkal
She was selected as president of the women’s wing of the Bantara Sangha,Suratkal unanimously at a meeting held recently.The new committee members were also selected .
SBI ವ್ಯವಸ್ಥಾಪಕ ನಿರ್ದೇಶಕೆರ್ ಸ್ವಾಮಿನಾಥನ್ ಜಾನಕಿರಾಮನ್ ಮೆರೆನ್ ನನದ ಮೂಜಿ ವರ್ಷ ಮುಟ್ಟ RBI ಡೆಪ್ಯುಟಿ ಗವರ್ನರಾದ್ ನೇಮಕ ಮಲ್ತೆರ್.
ಜೂನ್ 22 (ಎಲ್ಲೆ) ನಿವೃತ್ತ ಆಯೆರೆ ಇಪ್ಪುನ ಮಹೇಶ್ ಕುಮಾರ್ ಜೈನ್ ಮೆರೆನ ಉತ್ತರಾಧಿಕಾರಿಯಾದ್ ಜಾನಕಿರಾಮನ್ ಅಧಿಕಾರ ಒಯಿಸೊನಿಯೆರೆ ಉಲ್ಲೆರ್. ಕೇಂದ್ರ ಸರ್ಕಾರ ಜೂನ್ 1 ಕ್ಕ್ ಅಭ್ಯರ್ಥಿಲೆನ ಸಂದರ್ಶನ ಮಲ್ತ್ ಇತ್ತ್ಂಡ್.
ಇನಿ ಅಂತರಾಷ್ಟ್ರೀಯ ಯೋಗ ದಿನ. ಯೋಗ ನಮ್ಮ ಪೂರ್ವಜೆರ್ ನಮಕ್ ಕೊರ್ನ ಮಲ್ಲ ಸಂಪತ್ತ್ ಆತ್ಂಡ್.
ಯೋಗ ಜನನ್ ಸಂಪೂರ್ಣ ಆರೋಗ್ಯವಂತೆರಾದ್ ಮಲ್ಪೊಂಡು. ಈ ವರ್ಷದ ಅಂತರಾಷ್ಟ್ರೀಯ ಯೋಗ ದಿನತ್ತ 2023 ತ್ತ ಥೀಮ್ ಮಾನವೀಯತೆ ಆತ್ಂಡ್.
ಯೋಗ ದಿನತ್ತ ಆಚರಣೆಲು, ಯೋಗದ ಸಮಗ್ರ ಸ್ವರೂಪದ ಬಗ್ಗೆ ಜಾಗೃತಿ ಮೂಡಿಸಾಯೆರೆ ಬೊಕ್ಕ ಎಡ್ಡೆ ಆರೋಗ್ಯಗಾದ್ ಪ್ರಪಂಚ ಇಡೀ ಯೋಗನ್ ಪ್ರಚಾರ ಮಲ್ಪುನ ಗುರಿ ಈ ಸರ್ತಿ ಉಂಡು.
International Yoga day
Today the 21st of June is celebrated as International Yoga day.Yoga is a boon given to us by our ancestors.
Yoga practice makes man fit physically, but mentally also.” Humanity” is the theme of this year’s Yoga day celebration.
Yoga day is celebrated to bring awareness in the society of the various types of Yoga and the benefits of its practice to the world at large.
ಕುಡ್ಲ: ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವೆರಾಯಿನ ಮಂಕಾಳ ಎಸ್. ವೈದ್ಯ ಮೆರೆನ್ ಕರ್ನಾಟಕ ಮೀನುಗಾರಿಕಾ ಅಭಿವೃದ್ಧಿ ನಿಗಮದ ಆಡಳಿತ ಮಂಡಳಿದ ನಿರ್ದೇಶಕೆರಾದ್ ಬೊಕ್ಕ ನಿಗಮದ ಅಧ್ಯಕ್ಷೆರಾದ್ ನೇಮಕ ಮಲ್ದೆರ್.
ಇಂಚಿಪ್ಪ ಸಚಿವೆರ್ ಹೊಯ್ಗೆ ಬಜಾರ್ ಗ್ ಭೇಟಿ ಕೊರ್ದು ನಿಗಮದ ಅಧ್ಯಕ್ಷೆರಾದ್ ಅಧಿಕಾರ ಒಯಿಸೊನ್ನ ಬೊಕ್ಕ ಕೇಂದ್ರ ಕಚೇರಿಡ್ ನಿಗಮದ ಅಧಿಕಾರಿಲೆನೊಟ್ಟಿಗೆ ಸಭೆ ನಡಪಾಯೆರ್. ನಿಗಮದ ಕಾರ್ಯ ಚಟುವಟಿಕೆಲೆನ ಪೊಲಬು ಪಡೆದ್ ಅಭಿವೃದ್ಧಿ ಬಗ್ಗೆ ಮಾರ್ಗದರ್ಶನ ಕೊರಿಯೆರ್. ನಿಗಮದ ಅಧಿಕಾರಿ, ಸಿಬ್ಬಂದಿಲೆಗ್ ತಮ್ಮ ಅಧಿಕಾರದ ಪೊರ್ತುಡು ನಿಗಮನ್ ಲಾಭದಡೆಗ್ ಕೊನೊಪುನ ಬಗ್ಗೆ ಸಲಹೆ ಸೂಚನೆನ್ ಕೊರಿಯೆರ್.
ಈ ಪೊರ್ತುಡು ವಿಧಾನ ಪರಿಷತ್ ಸದಸ್ಯೆರ್ ಹರೀಶ್ ಕುಮಾರ್, ನಿಗಮದ ವ್ಯವಸ್ಥಾಪಕ ನಿರ್ದೇಶಕೆರ್ ಕೆ. ಗಣೇಶ್, ಪ್ರಧಾನ ವ್ಯವಸ್ಥಾಪಕೆರ್ ಮಹೇಶ್ ಕುಮಾರ್ ಯು ಬೊಕ್ಕ ಮೀನುಗಾರಿಕೆ ಜಂಟಿ ನಿರ್ದೇಶಕೆರ್ ಹರೀಶ್ಕುಮಾರ್, ಮುಖಂಡೆರ್ ಮಿಥುನ್ ರೈ, ಮೀನುಗಾರ ಮುಖಂಡೆರ್ ಚೇತನ್ ಬೆಂಗ್ರೆ ಬೊಕ್ಕ ನಿಗಮದ ಅಧಿಕಾರಿಲು ಇತ್ತೆರ್.
ಕರೆಂಟ್ ಬಿಲ್ ಎಚ್ಚ ಮಲ್ತಿನ ಬಗೆಟ್ ಕರ್ನಾಟಕ ವಾಣಿಜ್ಯ ಮಂಡಳಿ ಬೊಕ್ಕ ಕೈಕಾರಿಕಾ ಮಹಾಸಂಸ್ಥೆ (FKCCI) ಎಲ್ಲೆ ರಾಜ್ಯ ಬಂದ್ ಗ್ ಕೊರ್ನ ಕರೆನ್ ವಾಪಸ್ ದೆತೊಂದುಂಡ್.
ಸಚಿವೆರ್ ಕೆಜೆ ಜಾರ್ಜ್ ಬೊಕ್ಕ ಇಲಾಖೆದ ಅಡಿಷನಲ್ ಸೆಕ್ರೆಟರಿನೊಟ್ಟಿಗೆ ಪಾತೆರಕತೆ ಆಯಿನ ಬೊಕ್ಕ ಈ ನಿರ್ಧಾರನ್ ಮಲ್ದ ಪಂದ್ FKCCI ಅಧ್ಯಕ್ಷೆರ್ ಬಿ.ವಿ ಗೋಪಾಲ್ ರೆಡ್ಡಿ ತೆರಿಪಾದೆರ್. ಜೂನ್ 23 ಕ್ಕ್ ಸಿಎಂ ಸಿದ್ದರಾಮಯ್ಯ ಮೆರೆನೊಟ್ಟಿಗೆ ಇಸೇಸ ಸಭೆ ನಡಪರೆ ಉಂಡು ಪಂದ್ ಪಂಡೆರ್.
ಕುಡ್ಲ: ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಬೊಕ್ಕ ಆಯುಷ್ ಇಲಾಖೆ ವತಿರ್ದ್ ಪೇಂಟೆದ ಪುರಭವನಡ್ ಆಯೋಜನೆ ಮಲ್ತಿನ 9ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆಡ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ಡಿ. ವೇದವ್ಯಾಸ ಕಾಮತ್, ಡಾ. ಭರತ್ ಶೆಟ್ಟಿ, ಕುಡ್ಲ ಮೇಯರ್ ಜಯಾನಂದ ಅಂಚನ್ ಮೇರ್ ಪಾಲ್ ಪಡೆಯೆರ್.
ಈ ಲೇಸ್ ದ ಚಾವಡಿಡ್ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್, ಎಸ್ಪಿ ರಿಷ್ಯಂತ್, ಡಿಎಚ್ ಒ ಡಾ. ಕಿಶೋರ್ ಕುಮಾರ್, ಬ್ರಹ್ಮಕುಮಾರಿ ಅಂಬಿಕಾ, ಯೋಗ ಗುರು ಗೋಪಾಲಕೃಷ್ಣ ದೇಲಂಪಾಡಿ, ಎಸಿಪಿ ಗೀತಾ ಕುಲಕರ್ಣಿ ಇತ್ತೆರ್.
ಈ ಪೊರ್ತುಡು ಹೋಂ ಗಾರ್ಡ್, ಯೋಗ ಸಂಘಟನೆಲು ಬೊಕ್ಕ ಶಾಲಾ ಕಾಲೇಜ್ ಕಲ್ಪಾರ್ಥಿಲು ಇತ್ತೆರ್. ಜಿಲ್ಲಾ ಆಯುಷ್ ಅಧಿಕಾರಿ ಮಹಮದ್ ಇಕ್ಬಾಲ್ ಎದ್ಕೊನಿಯೆರ್.
9th International Yoga day celebrated at Mangalore
Mangalore : The district administration, Zilla Panchyat, and Ayush department organised a program to celebrate International Yoga day.
The Home garden, Yoga Organizations and school children took part in the event.
MP Nalin Kumar Kateel, MLA Vedavyasa Kamath, Dr Bharat Shetty ,DC Mullai Muhilan and other dignitaries participated.
