June 2023

A student from Beltangady commits sucide in Mangalore ಕುಡ್ಲಡ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಬೊಲ್ತೇರ್ ದ ಕಲ್ಪಾರ್ಥಿ

ಬೊಲ್ತೇರ್ ದ ಕಲ್ಪಾರ್ಥಿಯೊರ್ತಿ ಕುಡ್ಲಡ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಘಟನೆ ಲೇಟಾದ್ ಗೊತ್ತಾತ್ಂಡ್‌.

ಬೊಲ್ತೇರ್ ದ ನೆರಿಯ ಗ್ರಾಮದ ನೆಕ್ಕರೆದ ನಿವಾಸಿ ದಾಸ್ ಪನ್ಪುನಾರೆನ ಮಗಲ್ ಆದೀರಾ (19 ತೀರ್ ಪೋಯಿನಾರ್ ಪಂದ್ ತೆರಿದ್ ಬೈದ್ಂಡ್.

ಆದೀರಾ ಅರೆನ ಮೆಗ್ಯೆ ಪಲಯನೊಟ್ಟುಗು ಕರಿನ ಮೂಜಿ ತಿಂಗೊಲ್ ರ್ದಿಂಚ ಕುಡ್ಲದ ಕುಲಶೇಖರದ ಬಾಡಿಗೆ ಇಲ್ಲಲ್ ಇತ್ತೆರ್. ಆದೀರಾ ಮುಲ್ಪರ್ದೆ ಪ್ಯಾರಾ ಮೆಡಿಕಲ್ ಕಲ್ತೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್.

ಈ ಬಗೆಟ್ ಕಂಕನಾಡಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ಪೊಲೀಸೆರ್ ಪೊಣ್ಣನ ಮೊಬೈಲ್ ವಿವರನ್ ಪರಿಶೀಲನೆ ಮಲ್ತೊಂದುಲ್ಲೆರ್.

Uallal: Case filed against the driver who with his presence of mind, saved a woman who was crossing the road carelessly ಉಳ್ಳಾಲ: ಮಾರ್ಗ ಕಡತೊಂದಿತ್ತಿನ ಪೊಂಜೋವ್ ನ್ ಬಚಾವ್ ಮಲ್ತಿನ ಡ್ರೈವರ್ ಮಿತ್ತ್ ಕೇಸ್!

ಉಳ್ಳಾಲ: ಮಾರ್ಗ ಕಡತ್ತೊಂದು ಇತ್ತಿನ ಪೊಂಜೋವ್ ಒರ್ತಿಗ್ ಖಾಸಗಿ ಬಸ್ಸೊಂಜಿ ಗುದ್ದುನೆನ್ ಡ್ರೈವರ್ ತಪ್ಪಾಯಿನ ಘಟನೆ ತೌಡುಗೋಳಿ ಕ್ರಾಸ್ ದಲ್ಪ ಜೂ.20 ಕ್ಕ್ ಮಧ್ಯಾಹ್ನ 12 ಗಂಟೆಗ್ ನಡತ್ ದಿತ್ತ್ಂಡ್.

ಮುಡಿಪುರ್ದ್ ತೌಡುಗೋಳಿ ಮಾರ್ಗವಾದ್ ಕುಡ್ಲದಂಚಿ ಬರೊಂದು ಇತ್ತಿನ ಬಸ್ಸ್ ತ್ತ ಡ್ರೈವರ್ ತ್ಯಾಗರಾಜ್ ಬಿರ್ಸ್ ದ ಚಾಲನೆ ಬೊಕ್ಕ ನಿರ್ಲಕ್ಷ್ಯ ಬೊಕ್ಕ ಜೋರುದ ಹಾರ್ನ್ ಪಾಡೊಂದು ಬಸ್ಸ್ ಡ್ರೈವ್ ಮಲ್ದೆರ್ ಪಂದ್ ಬಸ್ಸ್ ತ್ತ ಡ್ರೈವರ್ ನ ಮಿತ್ತ್ ಸಂಚಾರ ದಕ್ಷಿಣ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಪಾದಚಾರಿ ಪೊಂಜೋವ್ ಒರ್ತಿ ಬಸ್ ಆಕ್ಸಿಡೆಂಟ್ ರ್ದ್ ಬಚಾವು ಆಯಿನ ಘಟನೆ ತೌಡುಗೋಳಿ ಕೈತಲ್ ದ ನರಿಂಗಾನಡ್ ಅಂಗಾರೆ ನಡತ್ ದಿತ್ತ್ಂಡ್. ನೆತ್ತ ವೀಡಿಯೋ ವೈರಲ್ ಆದ್ ತ್ತ್ಂಡ್.

An old lady of a two room house gets electricity bill of one lakh rupees!! 2 ಬಲ್ಬ್‌‌ ಇಪ್ಪುನ ಅಜ್ಜಿನ ಇಲ್ಲಗ್ 1 ಲಕ್ಷ ರೂ. ಕರೆಂಟ್ ಬಿಲ್!

ಕೊಪ್ಪಳ: ಬಜೀ 2 ಬಲ್ಬ್ ಇಪ್ಪುನ ಅಜ್ಜಿಯೊರ್ತಿನ ತಗಡ್ ದ ಶೆಡ್‍ದ ಇಲ್ಲ್ ಗ್ ಜೆಸ್ಕಾಂ ಸಿಬ್ಬಂದಿ 1 ಲಕ್ಷದ 3 ಸಾವಿರದ 315 ರೂ. ಬಿಲ್ ಕೊರಿನ ಘಟನೆ ನಡತ್ಂಡ್.

ಬಿಲ್ ತೂದು ಪೋಡಿನ ಅಜ್ಜಿ ಬೊಕ್ಕ ಆರೆನ ಮಗೆ ಈ ಇಲ್ಲ್ ಮಾರ್ಂಡಲ ಆತ್ ಬಿಲ್ ಕಟ್ಟೆರೆ ಸಾಧ್ಯ ಇಜ್ಜಿ ಪಂತೆರ್.

ಅಜ್ಜಿ ಗಿರಿಜಮ್ಮ ಪನ್ಪುನಾರ್ ಇಲ್ಲಗ್ ಭಾಗ್ಯ ಜ್ಯೋತಿ ಯೋಜನೆಡ್ ಕರೆಂಟ್ ಸಂಪರ್ಕ ಪಡೆತೆರ್. ಸುರುಕು ಪ್ರತಿ ತಿಂಗೊಲ್ 70 ರೂ. ರ್ದ್ 80 ರೂ. ಬಿಲ್ ಬರೊಂದಿತ್ತ್ಂಡ್. ಆಂಡ ಇತ್ತೆ ಒರಾನೆ ಇತ್ ಜಾಸ್ತಿ ಆತ್ಂಡ್ ಪಂದ್ ತೆರಿಪಾದೆರ್.

Dead body found, of the owner of a gold jewellery showroom that was to open at Kadaba town today ಕಡಬಡ್ ಇನಿ ಓಪನ್ ಆಯೆರೆ ಇತ್ತಿನ ಬಂಗಾರ್ ದಂಗಡಿದ ಧಣಿ ಪುನಾದ್ ಪತ್ತೆ

ಕಡಬ: ತನ್ನನೇ ಬಂಗಾರ್ ದಂಗಡಿ ಓಪನ್ ದ ತಯಾರಿಡ್ ಇತ್ತಿನ ಜವನೆಯೊರಿನ ಪುನ ಆಕ್ಸಿಡೆಂಟ್ ಡ್ ತೀರ್ ಪೋಯಿನ ರೀತಿ ಪತ್ತೆ ಆಯಿನ ಘಟನೆ ಜೂ.22 ಗುರುವಾರ ನಡತ್ಂಡ್.

ಕಡಬ ನಿವಾಸಿ ದಯಾನಂದ ಆಚಾರ್ಯ ಮೆರೆನ ಮಗೆ ನಾಗಪ್ರಸಾದ್ ತೀರ್ ಪೋಯಿನ ಜವನೆ. ಮರ್ಧಾಳದ ಪಲ್ಲಿ ಬಿಲ್ಡಿಂಗ್ ಡ್ ಇನಿ (ಜೂನ್ 22) ಐಶ್ವರ್ಯ ಗೋಲ್ಡ್ ಪುದರ್ ದ ಬಂಗಾರ್ ದಂಗಡಿ ಓಪನ್ ಆಯೆರೆ ಇತ್ತ್ಂಡ್. ನೆತ್ತ ತಯಾರಿಲ ಆದಿತ್ತ್ಂಡ್. ಆಂಡ ಇನಿ ಬೊಲ್ಪುಗು ಸಕಲೇಶಪುರ ಠಾಣಾ ವ್ಯಾಪ್ತಿದ ಗುಂಡ್ಯ ಕೆಂಪುಹೊಳೆದಲ್ಪ ಆಕ್ಸಿಡೆಂಟ್ ಡ್ ತೀರ್ ಪೋಯಿನ ಸ್ಥಿತಿಡ್ ಮೆರೆನ ಪುನ ತಿಕ್ಕ್ ದ್ಂಡ್. ಈ ಘಟನೆದ ಬಗ್ಗೆ ಸಾರ್ವಜನಿಕೆರ್ ಸಂಶಯ ತೂಪಾದೆರ್. ತನಿಖೆದ ಬೊಕ್ಕನೇ ನೆತ್ತ ಕಾರಣ ಗೊತ್ತಾವೊಡಾತೆ.

One dead and five injured at Sullia in a car- container lorry collision ಸುಳ್ಯಡ್ ಕಾರ್- ಕಂಟೈನರ್ ಲಾರಿ ಗುದ್ದುದು ಒರಿ ಜಾಗೆಡೇ ತೀರ್ ಪೋಯೆರ್: ಐನ್ ಜನಕ್ಕ್ ಪೆಟ್ಟ್

ಸುಳ್ಯ: ಕಾರ್- ಕಂಟೈನರ್ ಲಾರಿ ಗುದ್ದುದು ಒರಿ ತೀರ್ ಪೋಯೆರ್, ಬೊಕ್ಕ 5 ಜನಕ್ಕ್ ಪೆಟ್ಟಾಯಿನ ಘಟನೆ ಮಾಣಿ-ಮೈಸೂರ್ ಮಾರ್ಗದ ಸಂಪಾಜೆದ ದೇವರಕೊಲ್ಲಿಡ್ ಕೋಡೆ ರಾತ್ರಿ ನಡತ್ಂಡ್.

ಈ ಘಟನೆಡ್ ತೀರ್ ಪೋಯಿನಾರ್ ಬೆಂಗ್ಲೂರ್ ಮೂಲದ ನಿವಾಸಿ ರವಿ ಬೊಕ್ಕ ಪೆಟ್ಟಾಯಿನ ಲಾರಿ ಡ್ರೈವರ್ ಕುಡ್ಲದ ಕುಳಾಯಿ ನಿವಾಸಿ ಈಶ್ವರ (42), ಕಾರ್ ಡ್ ಇತ್ತಿನ ಪ್ರಯಾಣಿಕೆರ್ ಚಂದ್ರಶೇಖರ, ನಿತಿನ್, ಜಗದೀಶ್ ಬೊಕ್ಕ ಹರ್ಷ ಪಂದ್ ತೆರಿದ್ ಬೈದ್ಂಡ್. ಮೊಕ್ಲೆನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಈ ಘಟನೆದ ಜಾಗೆಗ್ ಸುಳ್ಯ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾದೆರ್.

Gurupur: A bank employee dies on the spot in a private bus and bike accident ಗುರುಪುರ: ಖಾಸಗಿ ಬಸ್ ಬೈಕ್ ಗ್ ಗುದ್ದುದು ಬ್ಯಾಂಕ್ ಉದ್ಯೋಗಿ ತೀರ್ ಪೋಯೆರ್

ಗುರುಪುರ: ಖಾಸಗಿ ಬಸ್ ಬೈಕ್ ಗ್ ಗುದ್ದುದು ಬೈಕ್ ಸವಾರೆ ತೀರ್ ಪೋಯಿನ ಘಟನೆ ಗುರುಪುರಡ್ ಜೂ 22 ಗುರುವಾರ ನಡತ್ಂಡ್.

ತೀರ್ ಪೋಯಿನಾರ್ ಕರಿಯಂಗಳ ನಿವಾಸಿ ದಿ.ಅಣ್ಣಿ ಪೂಜಾರಿ ಪನ್ಪುನಾರೆನ ಮಗೆ ಸಂತೋಷ್ (38) ಪಂದ್ ತೆರಿದ್ ಬೈದ್ಂಡ್.

ಸಂತೋಷ್ ಮೇರ್ ವಾಮಂಜೂರುದ ಬ್ಯಾಂಕ್ ಒಂಜೇತ್ತ ಉದ್ಯೋಗಿ ಆದಿತ್ತೆರ್. ಮೇರ್ ತನ್ನ ಇಲ್ಲರ್ದ್ ಬೇಲೆಗ್ ಏಪದಲೆಕನೆ ಪೋವೊಂದಿಪ್ಪುನಗ ಗುರುಪುರದ ಬ್ಯಾಂಕ್ ದಲ್ಪ ಈ ಘಟನೆ ನಡತ್ ದ್ಂಡ್.

June 28 th: CM Siddaramaiah to hold a cabinet meeting with his ministers ಜೂನ್ 28: ಸಂಪುಟ ಸಭೆ

ಸಿಎಂ ಸಿದ್ದರಾಮಯ್ಯ ಮೆರೆನ ಮುತಾಲಿಕೆದ ಸಚಿವ ಸಂಪುಟ ಸಭೆ ಜೂನ್ 28 ಕ್ಕ್ ಬೊಲ್ಪುಗು 11 ಗಂಟೆಗ್ ನಡಪರೆ ಉಂಡು.

ವಿಧಾನಸೌಧಡ್ ನಡಪುನ ಈ ಸಭೆಟ್ಟ್ ಅನ್ನಭಾಗ್ಯ ಬೊಕ್ಕ ಗೃಹಜ್ಯೋತಿ ಯೋಜನೆದ ಬಗೆಟ್ ಮಹತ್ವದ ನಿರ್ಧಾರ ದೆತ್ತೊನ್ನ ಅಂದಾಜಿ ಉಂಡು ಪಂದ್ ತೆರಿದ್ ಬೈದ್ಂಡ್.

ಈ ಸಭೆಟ್ಟ್ ಲೋಕಸಭೆ ವೋಟುದ ಬಗೆಟ್ ಡೆಲ್ಲಿ ನಾಯಕೆರ್ ಕೊರಿನ ಸೂಚನೆನ್ ತೆರಿಪಾಯೆರೆ ಉಂಡು ಪಂದ್ ತೆರಿದ್ ಬೈದ್ಂಡ್.

Vidhan Sabha session to begin from July 3rd ಜುಲೈ3: ವಿಧಾನಸಭೆ ಅಧಿವೇಶನ

ಜುಲೈ 3 ರ್ದ್ 14 ಮುಟ್ಟ ವಿಧಾನಸಭೆತ್ತ ಸುರುತ್ತ ಅಧಿವೇಶನ ನಡಪರೆ ಉಂಡು.

ಸುರುತ್ತ ದಿನ ರಾಜ್ಯಪಾಲೆರ್ ಥಾವರಚಂದ್ ಗೆಹ್ಲೋಟ್ ಮೇರ್ ಉಭಯ ಸದನನ್ ಉದ್ದೇಶಿಸಾದ್ ಭಾಷಣ ಮಲ್ಪೆರೆ ಉಲ್ಲೆರ್. ಪನವುದ ಖಾತೆ ಇಪ್ಪುನ ಸಿಎಂ‌ ಸಿದ್ದರಾಮಯ್ಯ ಮೇರ್ ಜು.7 ಕ್ಕ್ ಬಜೆಟ್ ಮಂಡನೆ ಮಲ್ಪೆರೆ ಉಲ್ಲೆರ್.

ನನ ಸುರುತ್ತ ಸರ್ತಿ ಆಯ್ಕೆ ಆಯಿನ 70 ಶಾಸಕೆರೆಗ್ ಉಂದುವೇ 26 ರ್ದ್ 3 ದಿನ ತರಬೇತಿ ಶಿಬಿರ ಆಯೋಜನೆ ಮಲ್ದೆರ್ ಪಂದ್ ವಿಧಾನಸಭಾಧ್ಯಕ್ಷೆರ್ ಯು.ಟಿ ಖಾದರ್ ತೆರಿಪಾದೆರ್.

Appu Cup, Season -2: Logo released ಅಪ್ಪು ಕಪ್ ಸೀಸನ್-2 ಲೋಗೋ ಬುಡುಗಡೆ

ನಟೆ ಪುನಿತ್ ರಾಜ್ ಕುಮಾರ್ ನೆಂಪುಗಾದ್ ಆಯೋಜನೆ ಮಲ್ತಿನ ಅಪ್ಪು ಕಪ್ ಸೀಸನ್ 2 ತ್ತ ಸ್ಯಾಂಡಲ್ ವುಡ್ ಬ್ಯಾಡ್ಮಿಂಟನ್ ಲೀಗ್ ಲೋಗೋ ಬುಡುಗಡೆ ಆತ್ಂಡ್.

ಬೆಂಗ್ಲೂರ್ ದ ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಡ್ ನಡತಿನ ಲೇಸ್ ಡ್, ಬ್ಯಾಡ್ಮಿಂಟನ್ ದಂತಕಥೆ ಪ್ರಕಾಶ್ ಪಡುಕೋಣೆ ಲೋಗೋ ಬುಡುಗಡೆ ಉದಿಪನ ಮಲ್ತೆರ್.

ಒಟ್ಟು 8 ಕೂಟಲು ಟೂರ್ನಿಡ್ ಪಾಲ್ ಪಡೆಯೆರೆ ಉಲ್ಲೆರ್. ದಿಗಂತ್, ಸೃಜನ್ ಲೋಕೇಶ್, ವಸಿಷ್ಠ ಸಿಂಹ, ಪ್ರಿಯಾಂಕ ಉಪೇಂದ್ರ, ರಾಗಿಣಿ, ಕವಿತಾ ಲಂಕೇಶ್ ಸೇರಿನಂಚೆನೆ ಸುಮಾರ್ ಜನ ಪಾಲ್ ಪಡೆದಿತ್ತೆರ್.

Gas explosion in a restaurant in China- 31 persons dead ಚೀನಾಡ್ ಗ್ಯಾಸ್ ಪುಡಾದ್ 31 ಜನ ತೀರ್ ಪೋಯೆರ್

ಚೀನಾದ ವಾಯುವ್ಯ ಭಾಗದ ನಿಂಗ್ಕ್ಸಿಯಾಡ್ ಗ್ಯಾಸ್ ಪುಡಾದ್ 31ಜನ ತೀರ್ ಪೋಯೆರ್.

ಈ ಘಟನೆ ರೆಸ್ಟೋರೆಂಟ್ ಡ್ ನಡತ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್. ಲಿಕ್ವಿಡ್ ಪೆಟ್ರೋಲಿಯಂ ತೋರುನೆರ್ದ್ ಈ ಘಟನೆ ಆಯೆರೆ ಕಾರಣ. ಈ ಬಗ್ಗೆ ಎಚ್ಚದ ಪೊಲಬು ನನ ಗೊತ್ತಾವೊಡಾತೆ.