April 2023

11 persons die of Sunstroke in Mumbai ಬೊಂಬೈಡ್ ದೊಂಬುದ ಪೆಟ್ಟ್ ಗ್ 11 ಜನ ತೀರ್ ಪೋಯೆರ್

ನವಿ ಬೊಂಬೈಡ್ ನಡತಿನ ಮಹಾರಾಷ್ಟ್ರ ಭೂಷಣ ಪ್ರಶಸ್ತಿ ಕೊರ್ಪಿನ ಲೇಸ್ ಡ್ ದೊಂಬುದ ಬಿರ್ಸ್ ಗ್ 11 ಜನ ತೀರ್ ಪೋತೆರ್. ‌

ಅತ್ತಂದೆ 600 ಜನ ಹುಷಾರ್ ತತ್ತ್ ದೆರ್. ಸಾವುದ ಸಂಖ್ಯೆ ಎಚ್ಚಾಪುನ ಅಂದಾಜಿ ಉಂಡು ಪಂದ್ ವರದಿ ಆತ್ಂಡ್. ಟೆಂಟ್ ಪಾಡಂದಿನ ಕಾರಣ ಸಾರರ್ದ್ ಎಚ್ಚ ಜನ ದೊಂಬುಡೇ ಕುಲ್ಲುದು ಲೇಸ್ ತೂಪುಲೆಕ್ಕ ಆಂಡ್. ನೇರ್ದ್ ದೊಂಬುಗು ಬಚ್ಚಿದ್ ಜನ ಸೈದೆರ್ ಪಂದ್ ತೆರಿದ್ ಬೈದ್ಂಡ್. ‌ಈ ಸಭೆಕ್ಕ್ ಮಧ್ಯಪ್ರದೇಶ, ಗುಜರಾತ್, ಕರ್ನಾಟಕರ್ದ್ ಜನ ಬತ್ತಿತ್ತೆರ್.

11 persons die of Sunstroke in Mumbai

At a program organised at New Mumbai to present the Maharashtra Bhushan awards ; 11 persons reportedly died of Sunstroke.

More than 600 persons took ill . People from MP, Gujrat and Karnataka had come down to attend the program. As no pandal was put up most of the person’s had to stand in the hot sun to watch the program.

Kukke Subramanya is the state’s richest temple !! ಕುಕ್ಕೆ ಸುಬ್ರಹ್ಮಣ್ಯ ರಾಜ್ಯದ ನಂ.1 ಸಿರಿವಂತಿಗೆದ ದೇವಲ್ಯ

ಪುಗರ್ತೆದ ಪುಣ್ಯಕ್ಷೇತ್ರ ದಕ್ಷಿಣ ಕನ್ನಡದ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯ ಈ ಸರ್ತಿ 123 ಕೋಟಿ ರೂ. ಆದಾಯ ಪಡೆದ್ ಸಿರಿವಂತಿಗೆಡ್ ರಾಜ್ಯಡೇ ನಂ.1 ತಾನ ಪಡೆತ್ಂಡ್.

2022 ತ್ತ ಎಪ್ರಿಲ್ ರ್ದ್ 2023 ತ್ತ ಮಾ.31 ಮುಟ್ಟ ಆರ್ಥಿಕ ವರ್ಷಡ್ 123,64,49,480 ರೂ. ಆದಾಯ ಆತ್ಂಡ್. ಆಂಡ ಕೊರೊನಾರ್ದ್ 2021-22 ನೇ ಸಾಲ್ ಡ್ 72,73,23,758 ರೂ. ಆದಾಯ ಪಡೆತ್ಂಡ್. ಕುಕ್ಕೆ 2007 ರ್ದ್ ದಿಂಚಿಗ್ ಎಚ್ಚದ ಆದಾಯ ಪಡೆಪುನ ಮುಖೇನ ರಾಜ್ಯದ ಶ್ರೀಮಂತ ದೇವಲ್ಯ ಆತ್ಂಡ್.

Kukke Subramanya is the state’s richest temple !!

Kukke Subramanya temple with an income of 123 crores received this year is the richest temple in Karnataka.

Mangalore International airport – gets the Apex India Green Leaf Award ಕುಡ್ಲ ಅಂತರ್ ರಾಷ್ಟ್ರೀಯ ಇಮಾನ ನಿಲ್ದಾಣಗ್ ಅಪೆಕ್ಸ್ ಇಂಡಿಯಾ ಗ್ರೀನ್ ಲೀಫ್ ಪ್ರಶಸ್ತಿ

ಕುಡ್ಲ ಅಂತರ್ ರಾಷ್ಟ್ರೀಯ ಇಮಾನ ನಿಲ್ದಾಣ ಅಪೆಕ್ಸ್ ಇಂಡಿಯಾ ಫೌಂಡೇಶನ್‌ ರ್ದ್ ಪರಿಸರ ಸುಸ್ಥಿರತೆಗಾದ್ ಪುಗರ್ತೆದ ಅಪೆಕ್ಸ್ ಇಂಡಿಯಾ ಗ್ರೀನ್ ಲೀಫ್ ಅವಾರ್ಡ್- 2022 ಪಡೆತ್ಂಡ್.

ಗೋವಾಡ್ ಅಂಗಾರೆ ನಡತಿನ ಸಮ್ಮೇಳನಡ್ ಪುಗರ್ತೆದ ನಟಿ ಪೂನಂ ಧಿಲ್ಲೋನ್ ಪ್ರಶಸ್ತಿನ್ ಪ್ರದಾನ ಮಲ್ದೆರ್. ಎಎಎಚ್‌ಎಲ್‌ದ ಡಿಜಿಎಂ (ಇಎಚ್‌ಎಸ್) ಅಝರುದ್ದೀನ್ ಕಾಝಿ, ಪರಿಸರ ಅಧಿಕಾರಿ ಕೃತಿ ಜೈನ್ ಬೊಕ್ಕ ಇಮಾನ ನಿಲ್ದಾಣದ ಪರಿಸರ ಅಧಿಕಾರಿ ಶ್ರೀಧರ್ ಮಹಾವರ್ಕರ್ ಪ್ರಶಸ್ತಿನ್ ಸ್ವೀಕಾರ ಮಲ್ತೆರ್.

ಈ ಮನ್ನಣೆ ಸುಸ್ಥಿರತೆ ಬೊಕ್ಕ ಹಸಿರು ಭವಿಷ್ಯನ್ ಕಟ್ಟಾವುನ ಸಂಸ್ಥೆದ ಏಪಲ ಪ್ರಯತ್ನಗ್ ಸಾಕ್ಷಿ ಆತ್ಂಡ್ ಪಂದ್ ಕುಡ್ಲ ಅಂತರ್ ರಾಷ್ಟ್ರೀಯ ಇಮಾನ ನಿಲ್ದಾಣದ ಪ್ರಕಟಣೆ ತೆರಿಪಾದ್ಂಡ್.

Mangalore International airport – gets the Apex India Green Leaf Award

The prestigious Apex India Green Leaf Award 2022 given for environmental conservation was bagged by the Mangalore international airport.

The award was presented by Actress Poonam Dhillon at a program at Goa . AAHL DGM Azzrudin Kaju, Environmental officer Krithi Jain, Shreedhar Mahavarkar were present on the occasion.

” Gouji Gammat ” Tulu film released at Tulunadu ತುಳುನಾಡ್ ಡ್ ಬುಡುಗಡೆ ಆಂಡ್ ಗೌಜಿ ಗಮ್ಮತ್ ತುಳು ಪಿಕ್ಚರ್

ಕುಡ್ಲ: ಮೋವಿನ್ ಫಿಲಂಸ್ ಲಾಂಛನಡ್ ತಯಾರ್ ಆಯಿನ ಗೌಜಿಗಮ್ಮತ್ ತುಳು ಪಿಕ್ಚರ್ ಸುಕ್ರಾರ ಭಾರತ್ ಮಾಲ್ ದ ಬಿಗ್ ಸಿನಿಮಾಸ್ ಡ್ ಬುಡುಗಡೆ ಆಂಡ್.

ಲೇಸ್ ಡ್ ತುಡರ್ ಅರ್ಲಾಪುನ ಮುಖೇನ ಉದಿಪನ ಮಲ್ತ್ ದ್ ಪುಗರ್ತೆದ ರಂಗಕರ್ಮಿ, ಚಲನ ಚಿತ್ರ ನಿರ್ದೇಶಕೆರ್ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಮೇರ್ ಪಾತೆರ್ದ್, ನಿರ್ಮಾಪಕೆರಾಯಿನ ಮೋಹನ್ ಭಟ್ಕಳ್ ಬೊಕ್ಕ ವಿನಾಯಕ ತೀರ್ಥಹಳ್ಳಿ ಮೆರೆನ ಶ್ರಮ ಗೌಜಿ ಗಮ್ಮತ್ ಸಿನಿಮಾ ಯಶಸ್ಸ್ ತೂಪುನ ಮುಖೇನ ನನಾತ್ ಜನಕ್ಕ್ ಪ್ರೇರಣೆ ಅವಡ್, ಪಿಕ್ಚರ್ ನ್ ತುಳುನಾಡ್ ದ ಸರ್ವಧರ್ಮದ ಜನಕುಲು ಇಷ್ಟಪಡೆಪುನ ಮುಖೇನ ಪಿಕ್ಚರ್ ಯಶಸ್ಸು ಅವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

ಬೊಕ್ಕ ಅರವಿಂದ್ ಬೋಳಾರ್ ಮೇರ್ ಪಾತೆರ್ದ್, ಶ್ರಮ ಒಯಿಸಾದ್ ನಿರ್ಮಾಣ ಆದ್ ಬುಡುಗಡೆ ಆಯಿನ ಈ ಪಿಕ್ಚರ್ ಗೆಲ್ಪೊಡು. ನೇರ್ದ್ ತುಳು ಪಿಕ್ಚರ್ ನಿರ್ಮಾಪಕೆರೆಗ್ ನನಾತ್ ಎಡ್ಡೆ ಪಿಕ್ಚರ್ ಮಲ್ಪರೆ ಧೈರ್ಯ ಬರ್ಪುಂಡು ಪಂದ್ ಪಂಡೆರ್.

ಪಿಕ್ಚರ್ ದ ನಿರ್ಮಾಪಕೆರ್, ನಿರ್ದೇಶಕೆರ್ ಪ್ರಕಾಶ್ ಪಾಂಡೇಶ್ವರ್ ಪಾತೆರ್ದ್, ಗೌಜಿ ಗಮ್ಮತ್ ಪಿಕ್ಚರ್ ನ್ ಮತ ತುಳುವೆರ್ ತೂದು ಚಿತ್ರತಂಡನ್ ಆಶೀರ್ವಾದ ಮಲ್ಪೊಡು. ತುಳು ಚಿತ್ರರಂಗದ ಮತೆರ್ಲಾ ಒಗ್ಗಟ್ಟಾಂಡ ನಮ್ಮ ನೆಲತ್ತ ತುಳು ಪಿಕ್ಚರ್ ಯಶಸ್ಸ್ ಅಪುಂಡು ಪಂದ್ ಪಂಡೆರ್.

ಈ ಪೊರ್ತುಡು ಅರ್ಜುನ್ ಕಾಪಿಕಾಡ್, ಪ್ರಕಾಶ್ ತೂಮಿನಾಡ್, ನಿರ್ಮಾಪಕೆರ್ ವಿನಾಯಕ ತೀರ್ಥಹಳ್ಳಿ, ಮೋಹನ್ ಭಟ್ಕಳ್, ನಿರ್ದೇಶಕೆರ್ ಎಜೆ ಮಣಿ ಕಾರ್ತಿಕೇಯನ್, ಪೆರಿಯ ನಟಿ ಜಯಶೀಲ, ಜಗನ್ನಾಥ ಶೆಟ್ಟಿ ಬಾಳ, ಮೋಹನ್ ಕೊಪ್ಪಲ, ಪ್ರಭಾಕರ ಬ್ರಹ್ಮಾವರ್, ರಾಮದಾಸ್ ಸಸಿಹಿತ್ಲು, ಗಣೇಶ್ ಕಾಮತ್, ಸಂದೀಪ್ ಬೆದ್ರ, ನಾಯಕೆ ನಟ ಕರ್ಣ ಉದ್ಯಾವರ, ನಟಿ ಸ್ವಾತಿ ಪ್ರಕಾಶ್ ಶೆಟ್ಟಿ, ಕಿಶೋರ್ ಬೆದ್ರ, ಚೇತಕ್ ಪೂಜಾರಿ, ಡಿ ಬಿ ಮಂಜುನಾಥ ಇತ್ತೆರ್.

ವೀಕ್ಷಿತ್ ಕೆಮ್ತೂರ್ ಲೇಸ್ ದ ಸುಧಾರಿಕೆ ಮಲ್ತೆರ್. ಈ ಪಿಕ್ಚರ್ ಕುಡ್ಲದ ರೂಪವಾಣಿ, ಬಿಗ್ ಸಿನಿಮಾಸ್, ಪಿವಿಆರ್, ಸಿನಿಪೊಲಿಸ್ ಡ್, ಒಡಿಪುದ ಕಲ್ಪನಡ್, ಮಣಿಪಾಲದ ಭಾರತ್ ಸಿನಿಮಾ, ಐನಾಕ್ಸ್ ಡ್, ಪಡ್ಡೆದ್ರದ ಭಾರತ್ ಸಿನಿಮಾಡ್, ಸುರತ್ಕಲ್ ದ ನಟರಾಜ್, ಸಿನಿ ಗ್ಯಾಲಕ್ಸಿಡ್, ಪುತ್ತೂರ್ ದ ಅರುಣಾ, ಭಾರತ್ ಸಿನಿಮಾಡ್, ಬೆದ್ರದ ಅಮರಶ್ರೀಡ್, ಕಾರ್ಲದ ರಾಧಿಕಾಡ್ ಬುಡುಗಡೆ ಆಂಡ್.

ಈ ಪಿಕ್ಚರ್ ದ ಕಥೆತ್ತ ಸಾರಾಂಶ

ಸುಂದರ ಕುಟುಂಬದ ಹಾಸ್ಯವಾದ್ ಇಪ್ಪುನ ಕಥೆ ಸಾರಾಂಶದ ಪಿಕ್ಚರೇ ಗೌಜಿ ಗಮ್ಮತ್. ಒಂಜಿ ಸಂಸಾರಡ್ ಬೇತೆ ಬೇತೆ ರೀತಿದ ಮನಸ್ಥಿತಿದಕುಲು ಇಪ್ಪುವೆರ್. ಯಾನ್ ಪಂಡಿನನೇ ಸರಿ, ಯಾನ್ ಮಲ್ತಿನನೇ ಸರಿ ಪನ್ಪುನ ಸ್ಫರ್ಧಾತ್ಮಕ ವ್ಯಕ್ತಿತ್ವದಕುಲು ಇಪ್ಪುವೆರ್. ಅವು ಸಮಾಜಗ್ ಕೆಲವೊರ ಹಾಸ್ಯವಾದ್ ತೋಜುಂಡು. ಕೆಲವೊರ ಗಂಭೀರವಾದ್ ತೋಜುಂಡು. ಆಂಡ ಆ ಮನಸ್ಥಿತಿ ಇಪ್ಪುನ ಭಾವನೆಲು ಕೆಲವೊರ ಮನಸ್ ಮುಟ್ಟುಲೆಕ್ಕ ಇಪ್ಪುಂಡು. ಆ ಭಾವನೆಲು ಬೊಕ್ಕ ಭಾವನೆದ ಉದ್ದೇಶಲು, ಜೀವನಡ್ ಎದುರಾಪುನ ಸಮಸ್ಯೆಲೆನ್ ಆ ಪಾತ್ರಲು ಎಂಚ ಸರಿ ಮಲ್ಪುವ ಪನ್ಪುನೆನ್ ಹಾಸ್ಯ ಮಿಶ್ರಿತವಾದ್ ತೊಜಿಪಾಯಿನ ಕಥೆನೇ ಗೌಜಿ ಗಮ್ಮತ್.

” Gouji Gammat ” Tulu film released at Tulunadu

” Gouji Gammat” Tulu film made under the Movin films banner was released at Bharat Mall Mangalore on Friday.

April 22 nd – 26 th – Kaup Beach festival ಎ.22-26: ಕಾಪು ಬೀಚ್ ಉಚ್ಚಯ

ವಾಕಿಂಗ್ ಡೈರೆಕ್ಟರಿ ಈವೆಂಟ್ ಮ್ಯಾನೇಜ್ಮೆಂಟ್ ವತಿರ್ದ್ ಕಾಪು ಬೀಚ್‌ಡ್ ಎ.22-26 ಮುಟ್ಟ ಬೀಚ್ ಉಚ್ಚಯ ನಡಪರೆ ಉಂಡು ಪಂದ್ ಆಯೋಜಕೆರ್ ಆರ್.ಡಿ. ಶೆಣೈ ತೆರಿಪಾದೆರ್.

ಒಡಿಪುಡ್ ನಡತಿನ ಸುದ್ದಿಗೋಷ್ಠಿಡ್ ಮೇರ್ ಪಾತೆರ್ದ್, ತೆನಸ್, ಸಾಂಸ್ಕೃತಿಕ, ಕೃಷಿ ಮೇಳ, ಫಲಪುಷ್ಪ ಪ್ರದರ್ಶನ, ಪೆಟ್ ಶೋ, ಚಿತ್ರಕಲಾ ಪ್ರದರ್ಶನ, ಪೊಯ್ಯೆದ ಕಲಾಕೃತಿ ಉಚ್ಚಯಡ್ ಉಂಡು. ಅತ್ತಂದೆ ನೂದು ಮಳಿಗೆನ್ ಪಾಡಿಯೆರೆ ಉಂಡು. ಅಂಚೆನೆ ಪ್ರತಿದಿನ ಬೊಲ್ಪುಗು 10 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ಉಚ್ಚಯ ನಡಪರೆ ಉಂಡು. ಬಯ್ಯಗ್ 6 ಗಂಟೆರ್ದ್ 10 ಗಂಟೆ ಮುಟ್ಟ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್. ಸುದ್ದಿಗೋಷ್ಠಿಡ್ ಆಯೋಜಕೆರ್ ಗಣೇಶ್ ಸುನಂದರಾಜ್ ಇತ್ತೆರ್.

April 22 nd – 26 th -Kaup Beach festival

Beach festival will be organised at Kaup beach from April 22-26 by the Walking Directory Events management said organiser R D Shenoy.

Speaking at a press conference at Udupi he said that the beach festival will have a host of activities like flower show, krishi mela, food festival, pet show cultural activities and the like. It will consist of 100 stalls and will be open from 10 a m morning till 10 p.m.

ಕುಕ್ಕುಂದೂರು ದುರ್ಗಾಪರಮೇಶ್ವರೀ ದೇವಲ್ಯಡ್ ಭೌತಿಕ ಉಚ್ಚಯ, ತೇರ್ ಬಲಿ ಸೇವೆ

ಕಾರ್ಲ: ಕುಕ್ಕುಂದೂರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಭೌತಿಕ ಉಚ್ಚಯ, ತೇರ್ ಯಾತ್ರೆ ಉಚ್ಚಯ ಎ.13-19 ಮುಟ್ಟ ನಡಪರೆ ಉಂಡು.

ಅಂಚೆನೆ ಎ.13 ಕ್ಕ್ ಬೊಲ್ಪುಗು ಆರಾಧನ ಬಲಿ ಉಚ್ಚಯದ ಮುಖೇನ ವಾರ್ಷಿಕ ಭೌತಿಕ ಉಚ್ಚಯ ಬೊಕ್ಕ ತೇರ್ ಯಾತ್ರೆ ಉಚ್ಚಯದ ಉದಿಪನ ನಡತ್ಂಡ್.

ಎ.14 ಕ್ಕ್ ಮಧ್ಯಾಹ್ನ ಕೋಡಿ ಏರ್ಂಡ್. ಬೊಕ್ಕ ಮಹಾಪೂಜೆ, ಅನ್ನಸಂತರ್ಪಣೆ ನಡತ್ಂಡ್. ಬಯ್ಯಗ್ ಶ್ರೀ ದುರ್ಗಾಪರಮೇಶ್ವರೀ ಭಜನಾ ಮಂಡಳಿ ಕುಕ್ಕುಂದೂರು ಮೊಕ್ಲೆರ್ದ್ ಭಜನೆ ನಡತ್ಂಡ್.

ಎ.15 ಕ್ಕ್ ಬೊಲ್ಪುಗು ಕಲಶಾಭಿಷೇಕ, ತುಲಾಭಾರ ಸೇವೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಬಲಿದಾನಾದಿ ಉಚ್ಚಯ, ಮಹಾ ರಂಗಪೂಜೆ ಉಚ್ಚಯ ನಡತ್ಂಡ್.

ಎ.16 ಕ್ಕ್ ಬೊಲ್ಪುಗು ಅಂಬೋಡಿ ಬಲಿ ಸುರು, ತುಲಾಭಾರಾದಿ ಸೇವೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಶಿವದೂತೆ ಗುಳಿಗೆ ನಾಟಕ ನಡಪರೆ ಉಂಡು.

ಎ.17 ಕ್ಕ್ ಬೊಲ್ಪುಗು ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ತೇರ್ ಬಲಿ ಸೇವೆ, ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಶ್ರೀ ದೇವಿ ಮಹಿಳಾ ಭಜನಾ ಮಂಡಳಿ ಜೋಡುರಸ್ತೆ, ಶ್ರೀ ದುರ್ಗಾಶಕ್ತಿ ಜೋಕುಲೆನ ನಲಿಕೆ ಭಜನೆ ಮಂಡಳಿ ಅಯ್ಯಪ್ಪನಗರ, ಶ್ರೀ ದುರ್ಗಾ ನಲಿಕೆ ಭಜನಾ ಮಂಡಳಿ ಕುಕ್ಕುಂದೂರು ಮೊಕ್ಲೆರ್ದ್ ಭಜನೆ ಲೇಸ್, ರಾತ್ರೆ ತೇರ್ ಯಾತ್ರೆ ಮಹಾ ಉಚ್ಚಯ, ಮಹಾಪೂಜೆ, ಶ್ರೀ ಮಹಾಭೂತ ಬಲಿ, ಕವಾಟ ಬಂಧನ ನಡಪರೆ ಉಂಡು.

ಎ.18 ಕ್ಕ್ ಕವಾಟ ಉದಿಪನ, ದಶದ ಸ್ನಾನ, ಮಧ್ಯಾಹ್ನ ಮಹಾಪೂಜೆ, ಬಲಿ ಉಚ್ಚಯ, ವಸಂತ ಪೂಜೆ, ಅನ್ನಸಂತರ್ಪಣೆ, ರಾತ್ರೆ ಯಾತ್ರೆ ಹೋಮ, ಓಕುಳಿ, ಅವಭೃತ ಕಟ್ಟೆಪೂಜೆ, ರಕ್ತೇಶ್ವರಿ ಬೊಕ್ಕ ಪರಿವಾರ ದೈವೊಲೆನ ನೇಮ, ಕೊಡಿ ಜಾವೆರೆ ಉಂಡು. ರಾತ್ರೆ ಪೂಜೆ ನಡಪರೆ ಉಂಡು.

ಎ.19 ಕ್ಕ್ ಸಂಪ್ರೋಕ್ಷಣೆ, ಮಹಾ ಮಂತ್ರಾಕ್ಷತೆ, ಪ್ರಸಾದ ಕೊರ್ಪಿನೆತ್ತೊಟ್ಟಿಗೆ ವಾರ್ಷಿಕ ಮಹಾ ಉಚ್ಚಯ ಮುಗಿವುಂಡು.

ಗೌಜಿಡ್ ನಡತ್ಂಡ್ ಸಸಿಬಿತ್ತ್ ಲ್ದ ಜಾತ್ರೆ

ಸಸಿಬಿತ್ತ್ ಲ್ ಶ್ರೀ ಭಗವತಿ ದೇವಸ್ಥಾನ ದ ವರ್ಷಾವಧಿದ ಜಾತ್ರಾ ಉಚ್ಚಯ ಏ.14 ಕ್ಕ್ ಭಾರಿ ಗೌಜಿಡ್ ನಡತ್ಂಡ್.

ಏ.14ಕ್ಕ್ ಬಯ್ಯಡ್ ಕದಿಕೆ ಭಂಡಾರ ಮಂದಿರರ್ದ್ ಸಸಿಹಿತ್ಲು ಕ್ಷೇತ್ರ ಗ್ ಭಂಡಾರ ಬತ್ತ್ ದ್ ಕಾಂಡೆ ನಾಗತಂಬಿಲ, ಮಹಾಪೂಜೆ, ಬೊಕ್ಕ ಅನ್ನಸಂತರ್ಪಣೆ ನಡತ್ಂಡ್.

ಸನಿಯಾರ ರಾತ್ರೆ ಮಹಾಪೂಜೆ ಆದ್ ಸುತ್ತು ಬಲಿ ಸೇವೆ ನಡತ್ಂಡ್. ಅಂಚೆನೆ ಭಗವತಿ ಬೊಕ್ಕ ಪರಿವಾರ ದೇವೆರೆನ ದರ್ಶನ‌ಸೇವೆದ ಒಟ್ಟುಗೆ ಬಲಿ ಸೇವೆ ನಡತ್ಂಡ್. 100 ರ್ದ್ ಲ ಮಿತ್ತ್ ಕಂಚಿಲ್ ಸೇವೆ, 56 ಕಂಚಿಲ್ ಸೇವೆ, ಮಡಸ್ನಾನ ಸೇವೆ ನಡತ್ಂಡ್. ಕಾಂಡೆ ಸಂಪ್ರೋಕ್ಷಣೆ ಮಲ್ಲ ಬಲಿ ಸೇವೆ ಆದ್ ಬಿಸು ಪರ್ಬದ ಆಚರಣೆ ಮಲ್ದೆರ್.

ಈ ಪೊರ್ತುಡು ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ರಾಮಪ್ಪ ಮಾಸ್ಟರ್, ಗೌರವಾಧ್ಯಕ್ಷೆರ್ ರೋಹಿದಾಸ್ ಬಂಗೇರ,ಮುಂಬೈ, ಅಧ್ಯಕ್ಷೆರ್ ವಾಮನ ಇಡ್ಯಾ, ಅನುವಂಶಿಕ ಮೊಕ್ತೇಸರೆರ್ ಶ್ರೀನಿವಾಸ್ ಯಾನೆ ಅಪ್ಪು ಪೂಜಾರಿ, ಜತೆ ಕೋಶಾಧಿಕಾರಿ ಸುರೇಶ್ ಬಂಗೇರ ಮೊಕುಲು ಮಾತ ಇತ್ತೆರ್.

ಉದಲ್ ಪತ್ತಿನ ಇಲ್ಲದ ಬಾಕಿಲ್ ದ ಪಿರವು 39 ಉಚ್ಚುದ ಕಿನ್ನಿ!

ಮಹಾರಾಷ್ಟ್ರದ ಗೊಂಡಿ ಪನ್ಪಿನ ಜಾಗೆದ ಇಲ್ಲಲ್ ಒಂಜೆಟ್, ಇಲ್ಲ್ ಕ್ಲೀನ್ ಮಲ್ಪುನಗ 39 ಉಚ್ಚುದ ಕಿನ್ನಿ ಪತ್ತೆ ಆತ್ಂಡ್.

ಇಲ್ಲದ ಮಾಲೀಕೆರೆನ ಪ್ರಕಾರ, ಉಚ್ಚುಲು ಉದಲ್ ಪತ್ತಿನ ಬಾಕಿಲ್ ದ ಪಿರವು ಇತ್ತ್ಂಡ್.

ವರದಿದ ಪ್ರಕಾರ ಉಚ್ಚುಲೆನ್ ಪತ್ತಿಯೆರೆ ಸುಮಾರ್ ನಾಲ್ ಗಂಟೆದ ಪೊರ್ತು ದೆತ್ತೊನ್ನ ರಡ್ಡ್ ಉಚ್ಚು ಪತ್ತುನಕುಲು ಬೊಕ್ಕ ಆಯಿನ್ ಕೈತಲ್ ದ ಕಾಡ್ ಗ್ ಬುಡ್ತೆರ್.

Embryo found in the stomach of a 14 day baby!! 14 ದಿನತ್ತ ಬಾಲೆದ ಬಂಜಿಡ್ ಮೂಜಿ ‘ಭ್ರೂಣ’ ಪತ್ತೆ!

ವಾರಣಾಸಿ: ವೈದ್ಯೆರ್ ಶಸ್ತ್ರಚಿಕಿತ್ಸೆದ ಮುಖೇನ 14 ದಿನತ್ತ ಬಾಲೆದ ಬಂಜಿರ್ದ್ 3 ಭ್ರೂಣನ್ ಪಿದಯಿ ದೆತ್ತಿನ ಘಟನೆ ಉತ್ತರ ಪ್ರದೇಶದ ವಾರಣಾಸಿಡ್ ನಡತ್ಂಡ್.

ಏಳ್ ವೈದ್ಯೆರೆನ ಕೂಟ ಮೂಜಿ ಗಂಟೆ ಮಲ್ತಿನ ಶಸ್ತ್ರಚಿಕಿತ್ಸೆದ ಬೊಕ್ಕ ಈ ಪ್ರಗತಿ ತೋಜಿದ್ ಬೈದ್ಂಡ್. ವೈದ್ಯೆರ್ ಪನ್ಪಿನ ಪ್ರಕಾರ, ಬಾಲೆ ಪುಟ್ಟುನಗ 3.3 ಕೆಜಿ ತೂಕ ಇತ್ತ್ಂಡ್. ಆಂಡ, ಶಸ್ತ್ರಚಿಕಿತ್ಸೆದ ಬೊಕ್ಕ ಬಾಲೆದ ತೂಕ 2.8 ಕೆಜಿ ಆತ್ಂಡ್.

ಈ ಬಗೆಟ್ ಡಾ.ಶೇಟ್ ಕಚಪ್ ಪಾತೆರ್ದ್, ಮೌ ಜಿಲ್ಲೆದಕುಲು ಆಯಿನ ದಂಪತಿಲು ತನ್ನ 10 ದಿನತ್ತ ಬಾಲೆದೊಟ್ಟಿಗೆ ಬಿಎಚ್ಯುಗ್ ಬತ್ತ್ ದ್ ಇತ್ತೆರ್. ಈ ಬಾಲೆಗ್ ಊತ ಬೊಕ್ಕ ದಂಬು ಕಟ್ಟುನ ತೊಂದರೆ ಇತ್ಂಡ್. ಬಾಲೆನ್ ಅಲ್ಟ್ರಾಸೌಂಡ್ ಮಲ್ಪುನಗ, ಆಯಿತ್ತ ಬಂಜಿಡ್ ಭ್ರೂಣ ಪತ್ತೆ ಆತ್ಂಡ್. ಅವೆರ್ದ್ ಬೊಕ್ಕ, ಸಿಟಿ ಸ್ಕ್ಯಾನ್ ದ ಮುಖೇನ ಉಂದು ಗೊತ್ತಾತ್ಂಡ್‌. 5 ಲಕ್ಷ ಜನಟ್ 1 ಬಾಲೆಗ್ ಇಂಚಿನ ಸಮಸ್ಯೆ ಬರ್ಪುಂಡು. ಅಪ್ಪೆನ ಗರ್ಭಾವಸ್ಥೆಡ್ ಮಾತ್ರ ಭ್ರೂಣ ಬಾಲೆದ ಬಂಜಿಗ್ ಬರ್ಪುಂಡು. ಆಂಡ ಅವು ಬುಲೆಪುಜಿ ಪಂದ್ ಪಂಡೆರ್.

Embryo found in the stomach of a 14 day baby!!

Varanasi: Three embryos were found in the stomach of a 14 day old baby during a surgery by doctors in Varanasi in UP.

The baby had bloating in the stomach and breathless and an ultrasound revealed embryo in its stomach. It is a very rare condition and was related to the mother’s pregnancy.

Puttur: Arun Kumar Puttila decides to contest as an independent candidate ಪುತ್ತೂರ್: ಪಕ್ಷೇತರ ಅಭ್ಯರ್ಥಿಯಾದ್ ವೋಟುಗು ಉಂತರೆ ನಿರ್ಧಾರ ಮಲ್ತಿನ ಅರುಣ್ ಕುಮಾರ್ ಪುತ್ತಿಲ

ಪುತ್ತೂರ್: ಬಿಜೆಪಿ ಟಿಕೆಟ್ ಕೈ ತತ್ತಿನ ಬೆರಿಕ್ಕೆ ಪುತ್ತೂರ್ ಬಿಜೆಪಿ ಟಿಕೆಟ್ ಆಕಾಂಕ್ಷಿ ಆಯಿನ ಅರುಣ್ ಕುಮಾರ್ ಪುತ್ತಿಲ ಮೇರ್ ಪಕ್ಷೇತರ ಅಭ್ಯರ್ಥಿಯಾದ್ ಉಂತೆರೆ ನಿರ್ಧಾರ ಮಲ್ದೆರ್.

ಕೋಡೆ ಮೆರೆನ ಬೆಂಬಲಿಗೆರ್ ಸಭೆ ನಡಪಾಯಿನ ಬೆರಿಕ್ಕೆ ಇನಿ ಈ ನಿರ್ಧಾರ ದೆತೊಂದೆರ್. ಮೇರ್ ಕಾರ್ಯಕರ್ತೆರೆನ ಒತ್ತಾಯದ ಮಿತ್ತ್ ಬೊಕ್ಕ ಹಿಂದುತ್ವದ ಸೊರನ್ ಕುಡ ದುಂಬು ಕನಯೆರ್, ಕಾರ್ಯಕರ್ತೆರೆನ ಭಾವನೆಗ್ ಬಿಲೆ ಕೊರ್ದು, ಅಕ್ಲೆನ ಪರವಾದ್ ಬೇಲೆ ಮಲ್ಪರೆ ಪಕ್ಷೇತರವಾದ್ ಉಂತುದೆರ್.

Puttur: Arun Kumar Puttila decides to contest as an independent candidate

Puttur: With the BJP denying him a ticket, Arun Kumar Puttila has announced that he would contest as a independent candidate.