ಸುಳ್ಯ: ಮಾಣಿಬೆಟ್ಟು ನಿವಾಸಿ ಪೀತಾಂಬರ ಮೆರೆನ ಕೊಟ್ಯಗ್ ತೂ ಪೊತ್ತ್ ದ್ ಭಾರೀ ನಷ್ಟ ಆಯಿನ ಘಟನೆ ಸುಳ್ಯ ತಾಲೂಕ್ ದ ಉಬರಡ್ಕ ಗ್ರಾಮಡ್ ನಡತ್ಂಡ್.
ಈ ತೂನ್ ಸ್ಥಳೀಯೆರೆನ ಸಕಾಯೊರ್ದ್ ತೆಕ್ಕಾದೆರ್. ಯೇರೆಗ್ಲಾ ದಾಲ ಪೆಟ್ಟ್ ಆತಿಜಿ.
ಕೊಟ್ಯಡ್ ಇತ್ತಿನ ತಾರಾಯಿ, ಕನಕ್ ಸೇರ್ದ್ ಕೊಟ್ಯನೇ ತೂಟ್ ಪೂರ ಪೊತ್ತ್ ದುಂಡು. ಈ ಘಟನೆರ್ದ್ ಮಸ್ತ್ ನಷ್ಟ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ನಮ್ಮೂರ ಆಟ-ಕೂಟ ಟ್ರಸ್ಟ್(ರಿ.) ಕುಡ್ಲ ಮೊಕ್ಲೆನ ಸುರುತ್ತ ಸರ್ವಸದಸ್ಯೆರ್ನ ಸಭೆ ನ. 14 ತಾರೀಕ್ ಸೋಮಾರ ಬಯ್ಯ 6.30 ಗಂಟೆಗ್ ಕುಡ್ಲದ ಬಲ್ಮಠ ಕ್ವಾಲಿಟಿ ಹೋಟೆಲ್ಡ್ ನಡಪರೆ ಉಂಡು.
ಕದ್ರಿ ನವನೀತ್ ಶೆಟ್ಟಿ ಲೇಸ್ದ ಗುರ್ಕಾರ್ಮೆ ವಹಿಸೊನರೆ ಉಲ್ಲೆರ್. ಈ ಲೇಸ್ಡ್ 2021-22ನೇ ಸಾಲ್ದ ಲೆಕ್ಕಪತ್ರ ಮಂಡನೆ, ನಮ್ಮೂರ ಆಟ-ಕೂಟ ಟ್ರಸ್ಟ್ ಮುತಾಲಿಕೆಡ್ ಡಿಸೆಂಬರ್ 24 ತಾರೀಕ್ಗ್ ಡಾ| ಅಂಬೇಡ್ಕರ್ ಭವನಡ್ ನಡಪುನ 2ನೇ ವಾರ್ಷಿಕೋತ್ಸವ “ನಮ್ಮ ಸಂಭ್ರಮ” ದ ರೂಪುರೇಖೆ, ಮುಲ್ಕಿ ಸುಂದರರಾಮ ಶೆಟ್ಟಿ ಪ್ರಶಸ್ತಿ ಬೊಕ್ಕ ನಮ್ಮೂರ ಪ್ರಶಸ್ತಿಗ್ ಸಾಧಕೆರೆನ ಆಯ್ಕೆ ಮಲ್ಪುನ ವಿಚಾರ, ಪೊಸ ಪದಾಧಿಕಾರಿಲೆನ ಆಯ್ಕೆ ಸೇರಿನಂಚನೆ ಮಸ್ತ್ ವಿಷಯದ ಬಗೆಟ್ಟ್ ಪಾತೆರಕತೆ ನಡಪರೆ ಉಂಡು.
The General Body meeting of “Nammuru Aata Koota Trust (R) Mangalore to be held on November 14th
The first General Body meeting of ” Nammuru Aata Koota Trust (r) will be held on Monday the 14 th of November at 4.30 p.m at Quality Hotel, Balmatta.
The program will be presided by Kadri Navneet Shetty. The agenda of the meeting will be the submission of accounts for the year 2021-22 ; the planning of the second annual program ” Namma Sambrama” to be held on the 24th of December at Ambedkar Bhavan and selection of acheivers to be presented with Mulki Sunderam Shetty award and Nammuru awards and selection of new office bearers and such other activities are planned.
ಸ್ವತಂತ್ರ ಭಾರತದ ಸುರುಕ್ಕ್ ವೋಟು ಮಲ್ತಿನ ಶ್ಯಾಂ ಸರನ್ ನೇಗಿ (106) ಹಿಮಾಚಲ ಪ್ರದೇಶದ ಕಿನ್ನೌರ್ಡ್ ಇಪ್ಪುನ ತನ್ನ ಇಲ್ಲಡ್ ತೀರ್ ಪೋಯೆರ್.
1917 ಟ್ಟ್ ಪುಟ್ಟಿನ ನೇಗಿ ಮೇರ್ ಸುರುಕ್ಕ್ 1951 ಟ್ಟ್ ಸಾರ್ವತ್ರಿಕ ಚುನಾವಣೆಡ್ ಮಾತೆರೆರ್ದ್ ದುಂಬು ವೋಟು ಪಾಡ್ದಿತ್ತೆರ್. ಆನಿರ್ದಿಂಚಿ ಪ್ರತಿ ಚುನಾವಣೆಡ್ಲ ವೋಟು ಪಾಡೊಂದಿತ್ತೆರ್.
ಬೆಂಗ್ಲೂರ್: ಭಾರತ್ ಜೋಡೋ ಪ್ರಚಾರಡ್ ಕೆಜಿಎಫ್ 2 ಪಿಕ್ಚರ್ ದ ಹಿಂದಿ ಪದ್ಯಲೆನ್ ಗಲಸಿನೆಕ್ಕ್ ಎಂ.ಆರ್.ಟಿ. ಮ್ಯೂಸಿಕ್ ಸಂಸ್ಥೆದಕುಲು ಕಾಂಗ್ರೆಸ್ ಮುಖಂಡೆರ್ ರಾಹುಲ್ ಗಾಂಧಿ, ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಬೊಕ್ಕ ಸಾಮಾಜಿಕ ಜಾಲತಾಣ ಮುಖ್ಯಸ್ಥೆರ್ ಸುಪ್ರಿಯಾ ಶ್ರೀನೇತ್ ನ ಮಿತ್ತ್ ಕೇಸ್ ದಾಖಲ್ ಮಲ್ದೆರ್.
ಈ ಕೇಸ್ ಯಶವಂತಪುರ ಪೊಲೀಸ್ ಠಾಣೆಡ್ ದಾಖಲ್ ಆತ್ಂಡ್. ಕಾಂಗ್ರೆಸ್ ರಾಜಕೀಯ ಪಕ್ಷ ಹಕ್ಕುಸ್ವಾಮ್ಯದ ಕಾನೂನುನು ತತ್ತ್ ದ್ಂಡ್ ಪಂದ್ ಈ ದೂರುಡು ಉಲ್ಲೇಖ ಮಲ್ದೆರ್.
ಬೆಳ್ಳಾರೆ: ಬಿಜೆಪಿ ಯುವನಾಯಕೆರ್ ಪ್ರವೀಣ್ ನೆಟ್ಟಾರ್ ಮೆರೆನ್ ಕೆರ್ತಿನ ಕೇಸ್ ಗ್ ಸಂಬಂಧಪಟ್ ದ್ ಎಸ್ ಡಿಪಿಐದ ಕುಡ ಮೂಜಿ ಮುಖಂಡೆರೆನ್ ಎನ್ ಐಎ ಅಧಿಕಾರಿಲು ವಶಕ್ ದೆತೊಂದೆತೆರ್.
ಎಸ್ ಡಿಪಿಐ ರಾಜ್ಯ ಮುಖಂಡೆರಾಯಿನ ಶಾಫಿ ಬೆಳ್ಳಾರೆ, ಇಕ್ಬಾಲ್ ಬೆಳ್ಳಾರೆ ಬೊಕ್ಕ ಸುಳ್ಯದ ಇಬ್ರಾಹಿಂ ಮೊಕ್ಲೆನ್ ಮೊಕಲೆನ ಇಲ್ಲಲ್ ರ್ದೆ ಸನಿಯಾರ ಬೊಲ್ಪುಗು ಎನ್ ಐಎ ಅಧಿಕಾರಿಲು ಬಂಧನ ಮಲ್ದೆರ್.
ಬೆದ್ರ: ಮೂರ್ತೆ ಮಲ್ತೊಂದು ಇತ್ತಿನ ಮೂರ್ತೆದಾರ್ ಒರಿ ತಾರಿರ್ದ್ ಬೂರ್ದು ತೀರ್ ಪೋಯಿನ ಘಟನೆ ಕೋಡೆ ಪಾಲಡ್ಕ ಗ್ರಾ.ಪಂ ವ್ಯಾಪ್ತಿದ ವರ್ಣಬೆಟ್ಟುದ ಪಂಜಿಗುರಿಡ್ ನಡದ್ಂಡ್.
ಪಂಜಿಗುರಿ ನಿವಾಸಿ ಸುರೇಶ್ (42) ತೀರ್ ಪೋಯಿನಾರ್. ಮೇರ್ ತನ್ನ ಸ್ವಂತ ಜಾಗೆಡ್ ಮೂರ್ತೆ ಮಲ್ತೊಂದು ಇತ್ತೆರ್. ಕೋಡೆ ಮಧ್ಯಾಹ್ನ ಮೂರ್ತೆಗ್ ಪೋಯಿನ ಮೇರ್ ಬಯ್ಯ ಆಂಡಲ ಪಿರ ಇಲ್ಲಡೆ ಬರಂದಿನೆಕ್ಕ್ ಪೂರ ನಾಡಿಯೆರೆ ಸುರು ಮಲ್ದೆರ್. ಈ ಪೊರ್ತುಡು ಮೇರ್ ಪುನ ಆದ್ ಪತ್ತೆ ಆತೆರ್ ಪಂದ್ ಸ್ಥಳೀಯೆರ್ ತೆರಿಪಾದೆರ್. ಮೆರೆಗ್ ಬೊಡೆದಿ, ಮಗೆ, ಮಗಲ್ ಉಲ್ಲೆರ್. ಬೆದ್ರ ಪೋಲಿಸೆರ್ ಅಸಹಜ ಸಾವು ಪಂದ್ ಕೇಸ್ ದಾಖಲ್ ಮಲ್ದೆರ್.
ದೆಲ್ಲಿ: ರಾಷ್ಟ್ರ ರಾಜಧಾನಿ ದಿಲ್ಲಿಡ್ ವಾಯು ಮಾಲಿನ್ಯ ಕಮ್ಮಿ ಆವಂದಿನ ಕಾರಣ ಸನಿವಾರರ್ದ್ ಪ್ರಾಥಮಿಕ ಶಾಲೆನ್ ಮುಚ್ಚೊಡು ಪಂದ್ ದಿಲ್ಲಿದ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಆದೇಶ ಮಲ್ತ್ದೆರ್.
ಕಲ್ಪಾರ್ಥಿಲೆಗ್ ಆನ್ಲೈನ್ ಕ್ಲಾಸ್ ಮಲ್ಪೊಡು ಅಂಚನೆ 9 – 12 ನೇ ಕ್ಲಾಸ್ದ ಕಲ್ಪಾರ್ಥಿಲೆಗ್ ಸಾಧ್ಯ ಆಯಿನಾತ್ ಆನ್ಲೈಡ್ಡೇ ಕ್ಲಾಸ್ ಮಲ್ಪೊಡು ಪಂದ್ ಪಂತೆರ್.
ಬಹರೈನ್: ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಬಹರೈನ್-ಸೌದಿ ಅರೇಬಿಯಾ ಘಟಕದ ರಡ್ಡನೇ ವರ್ಷದ ವಾರ್ಷಿಕೋತ್ಸವದ ಗೌಜಿಡ್ ಅ.28 ಕ್ಕ್ ಮುಲ್ಪದ ಇಂಡಿಯನ್ ಕ್ಲಬ್ ಚಾವಡಿಡ್ ಬಹರೈನ್ -ಸೌದಿ ಅರೇಬಿಯಾದ ಹವ್ಯಾಸಿ ಯಕ್ಷ ಕಲಾವಿದೆರ್ದ್ ಶಶಿಪ್ರಭಾ ಪರಿಣಯ ಯಕ್ಷಗಾನ ಪ್ರದರ್ಶನ ನಡತ್ಂಡ್.
ಸೇರಿನ 800 ದೆರ್ದ್ ಎಚ್ಚದ ಕಲಾವಿದೆರ್ ಈ ಕಲಾ ಪ್ರದರ್ಶನನ್ ತೂದ್ ಕುಷಿ ಪಡೆಯೆರ್.
ಪಟ್ಲ ಸಂಭ್ರಮದ ಬಿನ್ನೆರಾದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ದ ಕೇಂದ್ರ ಘಟಕದ ಗೌರವಾಧ್ಯಕ್ಷೆರ್ ಉದ್ಯಮಿ ಅಂಚನೆ ಸಮಾಜ ಸೇವಕೆರ್ ಸದಾಶಿವ ಶೆಟ್ಟಿ ಕನ್ಯಾನ, ಯಕ್ಷಧ್ರುವ ಪಟ್ಲ ಫೌಂಡೇಶನ್ ದುಬೈ ಘಟಕದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ ಅಂಚನೆ ಯಕ್ಷಧ್ರುವ ಪಟ್ಲ ಫೌಂಡೇಶನ್ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾಲ್ ಪಡೆದ್ ತುಡರ್ ಅರ್ಲಾದ್ ಲೇಸ್ಗ್ ಚಾಲನೆ ಕೊರಿಯೆರ್.
ಶಶಿಪ್ರಭಾ ಪರಿಣಯ ಯಕ್ಷಗಾನದ ನಿರ್ದೇಶನನ್ ಯಕ್ಷ ಪುರುಷೋತ್ತಮ ದೀಪಕ್ ರಾವ್ ಪೇಜಾವರ ಮಲ್ತೆರ್. ಪಟ್ಲ ಸತೀಶ್ ಶೆಟ್ಟಿ ಭಾಗವತೆರಾದ್ ಇತ್ತೆರ್. ಮೋಹನ್ ದಾಸ್ ರೈ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಕಮಲಾಕ್ಷ ಅಮೀನ್ ಲೇಸ್ ಸುದಾರಿಕೆ ಮಲ್ತೆರ್.
ಬೆದ್ರ ತಾಲೂಕ್ದ ಮಹತೋಭಾರ ಇಟಲ ಶ್ರೀ ಸೋಮನಾಥೇಶ್ವರ ದೇವಲ್ಯ ದರೆಗುಡ್ಡೆಡ್ ಪೊಸ ಕೊಡಿಮರತ್ತ ಮೆರವಣಿಗೆಗ್ ಇನಿ ಬಿಜೆಪಿ ಸುಳ್ಯ ಮಂಡಲದ ಅಧ್ಯಕ್ಷೆರ್ ಹರೀಶ್ ಕಂಜಿಪಿಲಿ ಚಾಲನೆ ಕೊರಿಯೆರ್.
ಸುಳ್ಯ ಗೂನಡ್ಕರ್ದ್ ಪುತ್ತೂರ್ ಮಹಾಲಿಂಗೇಶ್ವರ ಆದ್ ಬಂಟ್ವಾಳ-ಸಿದ್ದಕಟ್ಟೆ ಪೋದು ಬೆದ್ರದ ಬಸದಿಗ್ ಬರಿಯರೆ ಉಂಡು. ಕೊಡಿಮರಕ್ಕ್ ಪೂ ಪಾಡ್ದ್ ಪುಷ್ಪಾರ್ಚನೆ ಮಲ್ಪರೆ ಉಲ್ಲೆರ್.
ಹಾಸನ: ವೈವಾಟ್ ದ ವಿಷಯೊಡು ತಕರಾರ್ ಇತ್ತಿನ ವಿಚಾರೊಗು ನೀರ್ ದ (ಗಂಗೆ) ಮಿತ್ತ್ ಆಜ ಪ್ರಮಾಣ ಮಲ್ಪರೆ ಪೋಯಿನ ರಡ್ಡ್ ಜವನೆರ್ ನೀರ್ ಡ್ ಮುರ್ಕುದು ತೀರ್ ಪೋಯೆರ್.
ಈ ಘಟನೆ ಹಾಸನ ಗ್ರಾಮಾಂತರ ಪೊಲೀಸ್ ಠಾಣೆದ ತೇಜೂರುಡ್ ನಡತ್ಂಡ್. ತೀರ್ ಪೋಯಿನಕುಲು ಚಂದ್ರು ಬೊಕ್ಕ ಆನಂದ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ಹಾಸನ ಗ್ರಾಮಾಂತರ ಠಾಣೆ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್, ತನಿಖೆ ಸುರು ಮಲ್ದೆರ್.
