ಕುಡ್ಲ : ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೆರ್, ಅಕ್ಷರ ಸಂತ ಹರೇಕಳ ಹಾಜಬ್ಬೆರ್ ಸ್ಥಾಪನೆ ಮಲ್ತಿನ ಶಿಕ್ಷಣ ಸಂಸ್ಥೆಗ್ ಪದವಿಪೂರ್ವ ಕಾಲೇಜ್ ಮಂಜೂರ್ ಆತ್ಂಡ್.
ಈ ಬಗೆಟ್ ಪ್ರತಿಕ್ರಿಯೆ ಮಲ್ತಿನ ಹರೇಕಳ ಹಾಜಬ್ಬ ಮೇರ್, ಪಿಯು ಕಾಲೇಜ್ ಮಲ್ಪೆರೆ ಸರ್ಕಾರದ ಒಪ್ಪಿಗೆ ತಿಕ್ಕಿನವು ಸಂತೋಸುದ ಸಂಗತಿ ಪಂದ್ ಮಾತೆರೆಗ್ಲಾ ಸೊಲ್ಮೆ ಸಂದಾಯೆರ್. 33 ಸೆಂಟ್ಸ್ ಜಾಗೆಡ್ ಹಾಜಬ್ಬ ಅರೆನ ಶಾಲೆ ನಡತೊಂದುಂಡು. ಅರೆನ ಕನತ್ತಂಚ ಇತ್ತೆ ಪಿಯು ಕಾಲೇಜ್ ಮಂಜೂರು ಆತ್ಂಡ್.
ನೇತಾಜಿ ಬ್ರಿಗೇಡ್ (ರಿ.) ಬೆದ್ರದ ಜವನೆರೆನ ಸಂಘಟನೆ ಶುರುವಾದ್ 3 ವರ್ಷ ಕರಿದ್ಂಡ್.
ಬೆದ್ರಡ್ ಪ್ರಚಾರ ಬಯಕಂದೆ ಸ್ವಚ್ಛತೆದ ಬೇಲೆನ್ ಈ ಸಂಘಟನೆ ಮಲ್ತೊಂದುಂಡು.
2019 ನೇ ಜೂನ್ 23 ಕ್ಕ್ ಉಂದು ಸ್ಥಾಪನೆ ಆತ್ಂಡ್. ಸುಮಾರ್ 103 ವಾರ ಬೆದ್ರ ಪರಿಸರಡ್ ಕ್ಲೀನ್ ಮಲ್ತೊಂದು ಸರಕಾರದ ಮಾದರಿ ಕ್ಲೀನ್ ಬೆದ್ರ ಪರಿಕಲ್ಪನೆಡ್ ಈ ಸಂಘಟನೆದ ಪಾತ್ರ ಉಂಡು ಪಂದ್ ಪನಿಯೆರೆ ಪೆರ್ಮೆ ಆಪುಂಡು. ಈತ್ ಮಾತ್ರ ಅತ್ತಂದೆ ಈ ಸಂಘಟನೆ ಅವೆತ್ತೋ ಬಡವೆರೆನ ಪಾಲ್ ಗ್ ಬೊಲ್ಪು ಆತೆರ್. ಬೆದ್ರ ಕಂಬುಲ, ಬಪ್ಪನಾಡು ದೇವಲ್ಯ, ಉಚ್ಚಿಲ ಮಹಾಲಕ್ಷ್ಮಿ ದೇವಲ್ಯ, ಇಂಚ ಸುಮಾರ್ ಜಾತ್ರೆದ ಪೊರ್ತುಡು ನೆತ್ತ ಜವನೆರ್ ಇಸೇಸ ಏಸ ಪಾಡ್ದ್, ಆಯಿಟ್ ದುಡ್ಡು ಸಂಗ್ರಹ ಮಲ್ತ್ ದ್ ಸುಮಾರ್ 41 ಕುಟುಂಬಗ್ 11,77,727 ಬಿಲೆತ ಪಣವುದ ಸಕಾಯ ಮಲ್ದೆರ್. ನೆತ್ತ ಸಂಚಾಲಕೆರ್ ರಾಹುಲ್ ಕುಲಾಲ್ ನ ಒಟ್ಟುಸೇರಿಗೆಡ್ 10 ಜನ ಇತ್ತಿನ ಸದಸ್ಯೆರ್ ಇತ್ತೆ 70 ರ್ದ್ ಲ ಹೆಚ್ಚ ಸದಸ್ಯೆರ್ ಇಪ್ಪುನ ದಕ್ಷಿಣ ಕನ್ನಡ ಜಿಲ್ಲೆದ ಮಾದರಿ ಸಂಘಟನೆ ಆತ್ಂಡ್ ಪಂದ್ ಮುಲ್ಕಿ-ಬೆದ್ರದ ಪೆರ್ಮೆದ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಪಂಡೆರ್.
ಈ ಸಂಘಟನೆಗ್ ಇಂಚಿಪ್ಪ 3 ನೇ ವರ್ಷದ ವಾರ್ಷಿಕೋತ್ಸವ ಆಚರಣೆ ಮಲ್ತ್ ದ್, ಸುಮಾರ್ ಸೇವಾ ಸಂಘಟನೆಲೆನ್ ಗುರುತಿಸದ್ ಅಕುಲೆಗ್ ಗೌರವಾರ್ಪಣೆ ಮಲ್ದೆರ್. ಬೆದ್ರ ಸ್ವರಾಜ್ಯ ಮೈದಾನದ ಚಿಣ್ಣರ ಕಿರು ಉದ್ಯಾನಡ್ 3 ನೇ ವರ್ಷದ ತುಡರ್ ಉಚ್ಚಯ ಆಚರಣೆ ಮಲ್ತ್ ದ್, ನಲಿಕೆ ಭಜನೆ ಲೇಸ್, ಬೊಕ್ಕ ತುಳುನಾಡ ಕೊಡಿ ಧ್ವಜಕಟ್ಟೆನ್ ಉದಿಪನ ಮಲ್ತೆರ್. ಉಂದು ಈತ್ ಮಟ್ಟಡ್ ಬುಲೆಯೆರೆ ಸಂಚಾಲಕೆರ್ ಬೊಕ್ಕ ಸದಸ್ಯೆರೆನ ನಡುತ ಹೊಂದಾಣಿಕೆ ಕಾರಣ. ನನಾತ್ ಸಮಾಜ ಸೇವೆದ ಬೇಲೆನ್ ಮಲ್ಪೆರೆ ಈ ಸಂಘಟನೆ ಮಾತೆರ್ನಲ ಸಕಾಯ ಕೇನ್ ದ್ಂಡ್.
ತೊಕ್ಕೊಟ್ಟು : ಭಗತ್ ಸಿಂಗ್ ಸೇವಾ ಪ್ರತಿಷ್ಠಾನದ ಗೂಡುದೀಪ ಕೂಟ ಸಮಿತಿದ ವತಿರ್ದ್ ನಡತಿನ ಗೂಡುದೀಪ ಸಂಗಮ-ದೀಪಾವಳಿ ಸಂಭ್ರಮ, ಗೂಡುದೀಪ ಕೂಟ, ಭಗತ್ ಸಿಂಗ್ ಸಾಧಕೆರ್ ಪ್ರಶಸ್ತಿ ಬೊಕ್ಕ ಕರುನಾಡ ರತ್ನ ಅಪ್ಪು ಸೇವಾ ಪ್ರಶಸ್ತಿ ಪಟ್ಟುನ ಲೇಸ್ ಕುತ್ತಾರ್ ಶ್ರೀ ರಾಜರಾಜೇಶ್ವರಿ ಕ್ಷೇತ್ರಡ್ ನಡತ್ಂಡ್.
ಈ ಲೇಸ್ ನ್ ದೀಪ ಪೊತ್ತ್ ದ್ ಉದಿಪನ ಮಲ್ತಿನ ರಾಜ್ಯ ಹಿಂದುಳಿದ ವರ್ಗದ ಆಯೋಗದ ನಿರ್ದೇಶೆಕೆರ್ ಕೆ.ಟಿ.ಸುವರ್ಣ ಮೇರ್ ಪಾತೆರ್ದ್, ದೀಪ ಮಾತೆರೆಗ್ಲಾ ಬೊಲ್ಪು ಕೊರ್ಪುನ ರೀತಿಡ್, ಭಗತ್ ಸಿಂಗ್ ಸೇವಾ ಪ್ರತಿಷ್ಠಾನ ಸಮಾಜಡ್ ಬೇತೆ ಬೇತೆ ಲೇಸ್ ದ ಮುಖೇನ ಬೊಲ್ಪು ಆಪುನ ಕಜ್ಜ ಮಲ್ತೊಂದು ಉಂಡು. ಗೂಡುದೀಪ ಲೇಸ್ ದ ಒಟ್ಟೊಟ್ಟಿಗೆ ಪರಿಸರ ಸ್ನೇಹಿ, ರಾಷ್ಟ್ರ ಚಿಂತನೆದ ಕಜ್ಜನ್ ನಡಪಾದ್ ಯುವ ಸಮುದಾಯಗ್ ಮಾದರಿ ಆತೆರ್ ಪಂದ್ ಪಂಡೆರ್. ಅಧ್ಯಕ್ಷತೆ ವಹಿಸೊನ್ನ ರಾಜ್ಯ ಅಲೆಮಾರಿ/ಅರೆ ಅಲೆಮಾರಿ ಅಭಿವೃದ್ಧಿ ನಿಗಮದ ನಿಕಟಪೂರ್ವ ಅಧ್ಯಕ್ಷೆರ್ ರವೀಂದ್ರ ಶೆಟ್ಟಿ ಉಳಿದೊಟ್ಟು, ಹಿರಿಯೆರೆನ್ ಬೊಕ್ಕ ಸಮಾಜ ಕಾರ್ಯಗಾದ್ ನಿಸ್ವಾರ್ಥವಾದ್ ಬೆಂದಿನಕಲೆನ್ ಗುರುತಿಸಾದ್ ಗೌರವಿಸವೊನೆ ಎಡ್ಡೆ ಕಜ್ಜ ಪಂದ್ ಪಂಡೆರ್. ಭಗತ್ ಸಿಂಗ್ ಸಾಧಕ ಪ್ರಶಸ್ತಿನ್ ಹಿರಿಯ ಸಮಾಜ ಸೇವಕೆರ್, ಕಬಡ್ಡಿ ಕ್ರೀಡಾ ಪಟು, ಪಿಲಿ ಏಸದ ಪೋಷಕೆರ್, ಕುಡ್ಲ ಮಹಾನಗರ ಪಾಲಿಕೆದ ಸದಸ್ಯರಾದ್ ಜನಸೇವೆ ಮಲ್ದಿತ್ತಿನ ಬಜಿಲಕೇರಿ ಕಮಲಾಕ್ಷ ಮೇರೆಗ್ ಬೊಕ್ಕ ಕರುನಾಡ ರತ್ನ ಅಪ್ಪು ಸೇವಾ ಪ್ರಶಸ್ತಿನ್ ಕುಡ್ಲ ಗಣೇಶ್ ಅಂಬ್ಯುಲೆನ್ಸ್ ದ ಮಾಲಕೆರ್, ಚಾಲಕೆರ್ ಆಯಿನ ಅನಾಥ ಶವಗ್ ಮುಕ್ತಿ ಕೊರೊಂದು ಇತ್ತಿನ, ಬಡ ರೋಗಿಲೆಗ್ ಧರ್ಮೊಗ್ ಬೊಕ್ಕ ಒವ್ವೇ ಪೊರ್ತುಡು ಕೂಡ್ಲೆ ಸ್ಪಂದಿಸಾವೊಂದು ಇತ್ತಿನ, ಕೋವಿಡ್ ಪೊರ್ತುಡುಲ ಪೋಡ್ಯಂದೆ ತನ್ನ ಅಂಬ್ಯುಲೆನ್ಸ್ ಸೇವೆನ್ ಕೊರೊಂದು ಇತ್ತಿನ ದಿ. ಕೆ. ಗಂಗಾಧರ್ ಮೇರೆಗ್ ಮರಣೋತ್ತರವಾದ್ ಕೊರಿಯೆರ್. ನೆನ್ ಮೇರೆನ ಧರ್ಮಪತ್ನಿ ಚಿತ್ರಾ ಸ್ವೀಕಾರ ಮಲ್ತೆರ್. ಈ ಪೊರ್ತುಡು ಬಿನ್ನೆರಾದ್ ಮೈಸೂರ್ ಇಲೆಕ್ಟ್ರಿಕಲ್ ಇಂಡಸ್ಟ್ರೀಸ್ ಲಿಮಿಟೆಡ್ ದ ನಿಕಟಪೂರ್ವ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ರೈ ಬೋಳಿಯಾರ್, ಗೆಜ್ಜೆಗಿರಿ ನಂದನ ಬಿತ್ತಿಲ್ ಕ್ಷೇತ್ರದ ಟ್ರಸ್ಟೀ ಚಂದ್ರಶೇಖರ ಉಚ್ಚಿಲ, ಬಾಲಕೃಷ್ಣ ಮಂದಿರ ಕುಂಪಲ ಅಧ್ಯಕ್ಷೆರ್ ಸತೀಶ್ ಕುಂಪಲ, ಕುತ್ತಾರು ಶ್ರೀ ರಾಜರಾಜೇಶ್ವರಿ ದೇವಲ್ಯದ ಅಧ್ಯಕ್ಷೆರ್ ವಿವೇಕಾನಂದ ಎಲ್.ಸನಿಲ್, ಕಾಪಿಕಾಡ್ ಶ್ರೀ ಉಮಾಮಹೇಶ್ವರಿ ದೇವಲ್ಯದ ಮೊಕ್ತೇಸರೆರ್ ದಿನೇಶ್ ಕೆ.ಅತ್ತಾವರ, ಜಿಲ್ಲಾ ಪಂ.ಮಾಜಿ ಸದಸ್ಯೆರ್ ಧನಲಕ್ಷ್ಮೀ ಗಟ್ಟಿ, ದ.ಕ. ಮೂಲ್ಯರ ಯಾನೆ ಕುಲಾಲರ ಮಾತೃ ಸಂಘದ ಪ್ರಧಾನ ಕಾರ್ಯದರ್ಶಿ ಸದಾಶಿವ ಕುಲಾಲ್, ಮಾಜಿ ಸೇನಾನಿ ಸಂದೀಪ್ ಶೆಟ್ಟಿ ಕೊಲ್ಯ, ಬಜರಂಗದಳ ಜಿಲ್ಲಾ ಸಂಚಾಲಕೆರ್ ಭರತ್ ಕುಮ್ಡೇಲು, ಯುವ ಉದ್ಯಮಿ ಪ್ರಸಾದ್ ಮಡ್ಯಾರು, ಹೊಟೇಲ್ ಶಿವಸಾಗರ್ ಮಾಲಕೆರ್ ಸುಚೀವೃತ ಶೆಟ್ಟಿ ಇತ್ತೆರ್. ಜಿಲ್ಲೆದ ಬೇತೆ ಬೇತೆ ಕಡೆರ್ದ್ ಬತ್ತಿನ ನೂದೆರ್ದ್ಲಾ ಹೆಚ್ಚ ಗೂಡುದೀಪಲು ಲೇಸ್ ಡ್ ಪೊರ್ಲು ಕೊರ್ಯ. ಪ್ರತಿಷ್ಠಾನದ ಅಧ್ಯಕ್ಷೆರ್ ಜೀವನ್ ಕುಮಾರ್ ತೊಕ್ಕೊಟು ಪ್ರಸ್ತಾವಿಕವಾದ್ ಪಾತೆರ್ದ್, ಎದ್ಕೊನಿಯೆರೆ. ಭಗತ್ ಸಿಂಗ್ ಸಾಧಕ ಪ್ರಶಸ್ತಿದ ಅಭಿನಂದನಾ ಪಾತೆರನ್ ಪ್ರಧಾನ ಕಾರ್ಯದರ್ಶಿ ಗಣೇಶ್ ಕಾಪಿಕಾಡ್ ಪಂಡೆರ್. ಕರುನಾಡ ರತ್ನ ಅಪ್ಪು ಸೇವಾ ಪ್ರಶಸ್ತಿದ ಅಭಿನಂದನಾ ಪಾತೆರನ್ ಆನಂದ ಕೆ.ಅಸೈಗೋಳಿ ಪಂಡೆರ್. ಕೂಟ ಸಮಿತಿದ ಅಧ್ಯಕ್ಷೆರ್ ಕಿರಣ್ ಕೊಲ್ಯ ಸೊಲ್ಮೆ ಸಂದಾಯೆರ್. ಪ್ರತಿಷ್ಠಾನದ ಉಪಾಧ್ಯೆಕ್ಷೆರ್ ಪ್ರವೀಣ್ ಬಸ್ತಿ ಲೇಸ್ ನ್ ನಿರೂಪಣೆ ಮಲ್ತೆರ್. ಸಾಂಸ್ಕೃತಿಕ ಲೇಸ್ ಸ್ಪರ್ಧಾ ಸಮಿತಿ ಸಂಚಾಲಕೆರ್ ಕೃಷ್ಣ ಪೊನ್ನೊತ್ತೋಡು ನಿರ್ವಹಣೆ ಮಲ್ತೆರ್. ಮನೋರಂಜನಾ ಲೇಸ್ ಆದ್ D2D ಕೂಟರ್ದ್ ನೃತ್ಯ ಬೊಕ್ಕ ಶಾರದಾ ಆರ್ಟ್ಸ್ ಮಂಜೇಶ್ವರ ಮೊಕಲೆರ್ದ್ “ಯಾನ್ ಉಲ್ಲೆತ್ತ ‘ ನಾಟಕ ಪ್ರದರ್ಶನ ನಡತ್ಂಡ್.
ಸುರತ್ಕಲ್: ಬಡಪತ್ತ್ ದ ರಡ್ಡ್ ಕುಟುಮದಕ್ಲೆಲೆಗ್ ಮಂಜಣ್ಣ ಸೇವಾ ಬ್ರಿಗೇಡ್ ಕೂಟದಕುಲು ಪಣವುದ ಸಕಾಯನ್ ಮಲ್ತೆರ್.
ಕುಪ್ಪೆಪದವುಡು ರಡ್ಡ್ ಕಣ್ಣ್ ಕಳೆಯೊಂದು ಬಂಗದ ಜೀವನ ಮಲ್ತೊಂದಿಪ್ಪುನ ರಾಜೀವ ಕುಲಾಲ್ ಕುಟುಂಬಗ್ 25,000 ರೂ. ಅಂಚನೆ ಗಾಡಿರ್ದ್ ಬೂರ್ದು ಚಿಕಿತ್ಸೆ ಪಡೆವೊಂದಿತ್ತಿನ ಉರ್ವಸ್ಟೋರ್ದ ನಿಶಾನ್ ಮೆರೆಗ್ 25,000 ರೂ. ಪನವುದ ಸಕಾಯನ್ ಮಂಜಣ್ಣ ಸೇವಾ ಬ್ರಿಗೇಡ್ ಕೂಟದಕುಲು ಮಲ್ತೆರ್.
ಪೆರಿಯೆರಾಯಿನ ಕಡಂಬಿಲ ಪ್ರಭಾಕರ್ ಶೆಟ್ಟಿ ಮೇರ್ ಮೊಕ್ಲೆಗ್ ಪನವುದ ಚೆಕ್ ಪಟ್ಟಿಯೆರ್. ಈ ಪೊರ್ತುಡು ಗೆಳೆಯರ ಬಳಗ ಸುರತ್ಕಲ್ ಕೂಟದ ಪ್ರಮುಖೆರ್ ನಾಗೇಶ್ ಪೂಜಾರಿ ಬೊಕ್ಕ ತಿಲಕ್ ಶೆಟ್ಟಿ ಆಕಾಶ್ ಭವನ ಮಂಜಣ್ಣ ಸೇವಾ ಬ್ರಿಗೇಡ್ ಪ್ರಮುಖೆರ್ ವಸಂತ್ ಹೊಸಬೆಟ್ಟು, ಪ್ರಮೋದ್ ಶೆಟ್ಟಿ, ಬಜರಂಗದಳ ಪ್ರಮುಖೆರ್ ಸುನೀಲ್ ತೋಕೂರು, ರಮಾನಾಥ್ ಕೋಡಿಕೆರೆ ಬೊಕ್ಕ ನಾಗೇಶ್ ಶೆಟ್ಟಿ ತೋಕೂರು, ತಾರನಾಥ್ ಶೆಟ್ಟಿ, ಕೋಡಿಕೆರೆ ಶಿವಾಜಿ ಫ್ರೆಂಡ್ಸ್ ಅಧ್ಯಕ್ಷೆರ್ ನಿತಿನ್ ಬಂಗೇರ ಅಂಚನೆ ಸಂಸ್ಥೆದ ಪದುಕೆರ್ ಲೇಸ್ಡ್ ಇತ್ತೆರ್.
ವಿಎಂ ಮಾಡ ಫ್ರೆಂಡ್ಸ್ ಮೊಕ್ಲೆನ 15ನೇ ವರ್ಸದ ಉಚ್ಚಯದ ಲೆಕ್ಕೊಡು ಯೇನೆಪೋಯ ಮೆಡಿಕಲ್ ಕಾಲೇಜ್ ದೇರಳಕಟ್ಟೆ ಮುತಾಲಿಕೆಡ್ ನೆತ್ತೆರ್ ದಾನ ಶಿಬಿರ ನವೆಂಬರ್ 6 ಐತಾರ ಕಾಂಡೆ 10 ಗಂಟೆಗ್ ಮಂಜೇಶ್ವರದ ಮಾಡ ಜಿ ಎಲ್ ಪಿ ಸ್ಕೂಲ್ ಚಾವಡಿಡ್ ನಡಪರೆ ಉಂಡು.
VM Mada friends celebrate 15 th year – organise blood donation camp
On the occasion of thier 15 th annual celebration, VM Mada friends will organise a blood donation camp on Sunday the 6 th of November from 10 a.m onwards at Mada ,Manjeshwara G L P school.
ಕುಡ್ಲ: ನರಿಂಗಾನ ಗ್ರಾಮದ ನೆತ್ತಿಲಪದವುಡ್ 5 ಎಕರೆ ಜಾಗೆ ಗುರ್ತಿಸಾದಿತ್ತ್ ಈ ಜಾಗೆನ್ ತುಳು ಗ್ರಾಮ ಮಲ್ಪರೆ ಉಂಡು ಪಂದ್ ಶಾಸಕೆರ್ ಯು.ಟಿ.ಖಾದರ್ ಪಂಡೆರ್. ಬಂಟ್ವಾಳ ಪ್ರವಾಸಿ ಮಂದಿರಡ್ ಕುಡ್ಲ ಕ್ಷೇತ್ರದ ಬೇತೆ ಬೇತೆ ಇಲಾಖಾಧಿಕಾರಿಲೊಟ್ಟುಗ್ ಅಭಿವೃದ್ಧಿ ಕಾಮಗಾರಿಗ್ ಸಂಬಂಧ ಪಟ್ಟಿನ ಸಭೆ ನಡಪಾದ್ ಆಯಿಬೊಕ್ಕ ಮಾಧ್ಯಮ ಪ್ರತಿನಿಧಿಲೊಟ್ಟುಗ್ ಮೇರ್ ಪಾತೆರಿಯೆರ್.
ನಮ್ಮ ತುಳುನಾಡ್ದ ಪರಪೋಕು, ಸಂಸ್ಕೃತಿ, ವೀರ ಪುರುಷೆರ್ನ ಚರಿತ್ರೆ, ಭಾಷೆ, ಜಾತಿ, ಜನಾಂಗದ ಪರಪೋಕುನು ದುಂಬುದ ಪೀಳಿಗೆದ ಜನಕ್ಲೆಗ್ ತೆರಿಪಾವುನ ಬೇಲೆ ಆಯರೆ ಉಂಡು. ಅಂಚನೆ ಜೋಡುಕೆರೆ ಕಂಬುಲನ್ಲ ಈ ಭಾಗಡೇ ಮಲ್ಪರೆ ಉಂಡು. ಅಯಿತ್ತ ಬೇಲೆ ಸುರು ಆತ್ಂಡ್ ಪಂದ್ ಪಂಡೆರ್.
ಸುದ್ದಿಗೋಷ್ಠಿಡ್ ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯೆರಾಯಿನ ಚಂದ್ರಪ್ರಕಾಶ್ ಶೆಟ್ಟಿ, ಮಮತಾ ಗಟ್ಟಿ, ಉಮರ್ ಫಾರೂಕ್ ಫರಂಗಿಪೇಟೆ, ತಾಪಂ ಮಾಜಿ ಅಧ್ಯಕ್ಷೆರ್ ಚಂದ್ರಹಾಸ ಕರ್ಕೇರ ಸೇರಿನಂಚನೆ ಮಸ್ತ್ ಜನ ಇತ್ತೆರ್.
Tulu grama at Naringana- U T Kadhar
Mangalore: An five acre plot has been earmarked at Naringana near Netilapadav for creating a Tulu gramha said MLA U T Kadhar at a meeting with officials of the constituency regarding development works at Manglore.
Later addressing the press the grahma will have collection of traditional ware of ancient Tulunadu, history of valorous men and women who have contributed to the unification of Tulunadu, the culture, traditions, customs of Tulunadu with all its uniquely,the speciality of Tulu language and it’s literature.This will pave way for the new generation to learn and take forward the culture af Tulunadu.Plans are afoot to start a ” Kambala” in this part and arrangements are being made for the same.
Zilla Panchayat former member Chandraprakash Shetty, Mamatha Gatthi, Umar Farooq Farangipete, taluk panchayat former president Chandrahaas Karkera and many others were present at the meet.
ತುಳುನಾಡ್ಗ್ ಪೊಸ ಜಿಲ್ಲಾಧಿಕಾರಿಯಾದ್ ರವಿಕುಮಾರ್ ಮೆರೆನ್ ನೇಮಕ ಮಲ್ತ್ದ್ ಸರ್ಕಾರ ಸೋಮಾರ ಆದೇಶ ಮಲ್ತ್ದೆರ್.
ರವಿಕುಮಾರ್ ಮೇರ್ 2012 ತ್ತ ಬ್ಯಾಚ್ದ ಕರ್ನಾಟಕ ಕೇಡರ್ದ ಐಐಎಸ್ ಅಧಿಕಾರಿಯಾದ್ ಬೇಲೆ ಮಲ್ತ್ ದೆರ್.
Ravikumar is the new DC of DK district
Ravikumar has been appointed as the new District Commissioner of DK district. The government passed an order to this effect late Monday night. Ravikumar is from the 2012 batch of Karnataka cadre of IAS officer.
ತುಳುನಾಡ್ಗ್ ಪೊಸ ಜಿಲ್ಲಾಧಿಕಾರಿಯಾದ್ ರವಿಕುಮಾರ್ ಮೆರೆನ್ ನೇಮಕ ಮಲ್ತ್ದ್ ಸರ್ಕಾರ ಸೋಮಾರ ಆದೇಶ ಮಲ್ತ್ದೆರ್.
ರವಿಕುಮಾರ್ ಮೇರ್ 2012 ತ್ತ ಬ್ಯಾಚ್ದ ಕರ್ನಾಟಕ ಕೇಡರ್ದ ಐಐಎಸ್ ಅಧಿಕಾರಿಯಾದ್ ಬೇಲೆ ಮಲ್ತ್ ದೆರ್.
