ಬಹರೈನ್: ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಬಹರೈನ್-ಸೌದಿ ಅರೇಬಿಯಾ ಘಟಕದ ರಡ್ಡನೇ ವರ್ಷದ ವಾರ್ಷಿಕೋತ್ಸವದ ಗೌಜಿಡ್ ಅ.28 ಕ್ಕ್ ಮುಲ್ಪದ ಇಂಡಿಯನ್ ಕ್ಲಬ್ ಚಾವಡಿಡ್ ಬಹರೈನ್ -ಸೌದಿ ಅರೇಬಿಯಾದ ಹವ್ಯಾಸಿ ಯಕ್ಷ ಕಲಾವಿದೆರ್ದ್ ಶಶಿಪ್ರಭಾ ಪರಿಣಯ ಯಕ್ಷಗಾನ ಪ್ರದರ್ಶನ ನಡತ್ಂಡ್.
ಸೇರಿನ 800 ದೆರ್ದ್ ಎಚ್ಚದ ಕಲಾವಿದೆರ್ ಈ ಕಲಾ ಪ್ರದರ್ಶನನ್ ತೂದ್ ಕುಷಿ ಪಡೆಯೆರ್.
ಪಟ್ಲ ಸಂಭ್ರಮದ ಬಿನ್ನೆರಾದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್‌ದ ಕೇಂದ್ರ ಘಟಕದ ಗೌರವಾಧ್ಯಕ್ಷೆರ್ ಉದ್ಯಮಿ ಅಂಚನೆ ಸಮಾಜ ಸೇವಕೆರ್ ಸದಾಶಿವ ಶೆಟ್ಟಿ ಕನ್ಯಾನ, ಯಕ್ಷಧ್ರುವ ಪಟ್ಲ ಫೌಂಡೇಶನ್ ದುಬೈ ಘಟಕದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ ಅಂಚನೆ ಯಕ್ಷಧ್ರುವ ಪಟ್ಲ ಫೌಂಡೇಶನ್‌ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾಲ್ ಪಡೆದ್ ತುಡರ್ ಅರ್ಲಾದ್ ಲೇಸ್‌ಗ್ ಚಾಲನೆ ಕೊರಿಯೆರ್.
ಶಶಿಪ್ರಭಾ ಪರಿಣಯ ಯಕ್ಷಗಾನದ ನಿರ್ದೇಶನನ್ ಯಕ್ಷ ಪುರುಷೋತ್ತಮ ದೀಪಕ್ ರಾವ್ ಪೇಜಾವರ ಮಲ್ತೆರ್. ಪಟ್ಲ ಸತೀಶ್ ಶೆಟ್ಟಿ ಭಾಗವತೆರಾದ್ ಇತ್ತೆರ್. ಮೋಹನ್ ದಾಸ್ ರೈ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಕಮಲಾಕ್ಷ ಅಮೀನ್ ಲೇಸ್ ಸುದಾರಿಕೆ ಮಲ್ತೆರ್.
Editorial