October 2022

ಬೊಲ್ತೇರ್ ದ ಮಾರ್ಗ ರಿಪೇರಿಗ್ 1 ಕೋಟಿ ರೂ. ಅನುದಾನ : ಖಾವಂದೆರ್ನ ಬಿನ್ನಯೊಗು ಮಾನ್ಯತೆ ಕೊರಿನ ಸಿಎಂ

ಬೊಲ್ತೇರ್: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ನ.19-24 ಮುಟ್ಟ ಶ್ರೀ ಮಂಜುನಾಥ ಸ್ವಾಮಿ ದೇವೆರೆನ ಲಕ್ಷ ದೀಪೋತ್ಸವ ನಡಪರೆ ಉಂಡು. ಈ ಪೊರ್ತುಡು ಕ್ಷೇತ್ರಗ್ ಲಕ್ಷಾಂತರ ಭಕ್ತೆರ್ ಬರಿಯರೆ ಇತ್ತ್‌ದ್, ಭಕ್ತೆರ್‍ನ ಅನುಕೂಲಗಾದ್ ಧರ್ಮಸ್ಥಳಗ್ ಪೋಪಿನ ಮಾರ್ಗನ್ ಸರಿ ಮಲ್ಪುಲೆಕ್ಕ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರೆಗ್ ರಾಜ್ಯಸಭಾ ಸದಸ್ಯೆರ್ ಧರ್ಮಸ್ಥಳ ಧರ್ಮಾಧಿಕಾರಿ ಡಾ.ವೀರೇಂದ್ರ ಹೆಗ್ಗಡೆರ್ ಬಿನ್ನಯ ಕಡಪುಡ್ದಿದಿತ್ತೆರ್.

ಗುರುವಾಯನಕೆರೆರ್ದ್ ಉಜಿರೆ ಮುಟ್ಟ ಮಾರ್ಗ ಮಸ್ತ್ ಹಾಳಾದಿತ್ತ್‌ದ್ ಉಂದೆಟ್ಟ್ ಗಾಡಿಲು ಸವಾರಿ ಮಲ್ಪರೆ ಬಂಗ ಆತ್ಂಡ್. ಈ ಮಾರ್ಗನ್ ಸರಿ ಮಲ್ಪರೆ 1 ಕೋಟಿ ರೂ. ರಾಷ್ಟ್ರೀಯ ಹೆದ್ದಾರಿದ ಕುಡ್ಲ ವಿಭಾಗಗ್ ಬುಡುಗಡೆ ಮಲ್ಪುಲೆಕ್ಕ ವಿನಂತಿ ಮಲ್ತ್‌ದಿತ್ತೆರ್. ಉಂದೆಕ್ಕ್ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ರೂ.1 ಕೋಟಿ ಮಂಜೂರು ಮಲ್ತ್‌ದೆರ್.