October 2022

ಪಿಲಿ ರಂಗ್ ಬರೆಪಿನ ಚಾತುರ್ಪುದ ಕಲಾವಿದೆ ತಾರಾನಾಥ್ ಆಚಾರ್ಯ ಹೊಸಂಗಡಿ

ತುಳುನಾಡ್ ಡ್ ಅಸ್ಟೆಮಿ, ಮಾರ್ನೆಮಿ ಬತ್ತ್ಂಡ್ ಪಂಡ ಒಲ್ಪ ತೂಂಡಲ ನಮಕ್ಕ್ ಎಚ್ಚಾದ್ ಪಿಲಿ ನಲಿಕೆನೆ ತೂಯೆರೆ ತಿಕ್ಕುಂಡು.

ಪಿಲಿ ನಲಿಕೆ ತೂಪಿನವೇ ಒಂಜಿ ಖುಷಿ. ಅವೆಟ್ಲ ಪಿಲಿ ವೇಷಧಾರಿಲೆನ ಆ ರಂಗ್ ತೂನಗ ನಮ್ಮ ಮೈ ಇರ್ಮೆನ ಆಪುಂಡು. ಕೆಲವು ಪಿಲಿ ವೇಷಧಾರಿಲು ತನ್ನ ಮೈಟ್ ಅಕ್ಲೆಗ್ ಇಷ್ಟ ಆಯಿನಂಚಿನ ಚಿತ್ರೊಲೆನ್ಲ ಬುಡ್ಪಾಬೆರ್. ಈ ಸಲದ ಮಾರ್ನೆಮಿಡ್ಲ ಶಿವ ಫ್ಎಂಡ್ಸ್ ಕೂಟದಕಲ್ನ ಒಂಜಿ ಪಿಲಿ ವೇಷಧಾರಿನ ಮೈಟ್ “ಪುನೀತ್ ರಾಜ್‌ಕುಮಾರ್” ಮೆರೆನ ಚಿತ್ರ ತೋಜಿದ್ ಬೈದ್ಂಡ್.

ಆಂಡ ಆ ಚಿತ್ರ ಬುಡ್ಪಾಯಿನ ಕಲೆಗಾರೆ ಮಾತ್ರ ಏರ್ ಪಂದ್ ಹೆಚ್ಚಿನ ಜನಕ್ಲೆಗ್ ತೆರಿದಿಜಿ.
” ತಾರಾನಾಥ ಆಚಾರ್ಯ ಹೊಸಂಗಡಿ” ಈ ಚಿತ್ರ ಬುಡ್ಪಾಯಿನ ಕಲೆಗಾರೆ.
ಮೇರ್ ಕೆಲವು ವರ್ಷೊಲೆರ್ದ್ ಇಂಚ ಬೇತೆ ಬೇತೆ ರೀತಿದ ಮೂರ್ತಿಲೆಗ್ ರಂಗ್ ಕೊರ್ಪುನ ಬೇಲೆ ಮಲ್ತೊಂದು ಉಲ್ಲೆರ್. ಅಂಚೆನೆ ಶಿವ ಫ್ರೆಂಡ್ಸ್ ಕೂಟದ ಪಿಲಿ ವೇಷಧಾರಿನ ಮೈಟ್ ಪುನೀತ್ ರಾಜ್ ಕುಮಾರ್ ಮೆರೆನ ಚಿತ್ರ ಬುಡ್ಪಾದ್ ಅರೆಗ್ ಗೌರವೊ ಸಂದಾದೆರ್.

ಈ ಚಿತ್ರ ತುಳುನಾಡ್ ಮಾತ್ರ ಅತ್ತಂದೆ ಘಟ್ಟದ ಅಂಚಿಡ್ಲ ಎಡ್ಡೆ ಪುಗರ್ತೆನ್ ಪಡೆದೆರ್. ಇಂದೆರ್ದ್ ದುಂಬು ಶ್ರೀ ಜನಾರ್ಧನ ಪೂಜಾರಿ ಮೆರೆನ ಚಿತ್ರೊನುಲ ಪಿಲಿ ವೇಷಧಾರಿನ ಮೈಟ್ ಬುಡ್ಪಾದ್ ಅರೆಗ್ಲ ಗೌರವ ಸಲ್ಲಿಸಾದೆ ಪನ್ಪೆರ್ ಪಿಲಿ ರಂಗ್ ಕಲಾವಿದೆ ತಾರಾನಾಥ ಆಚಾರ್ಯ ಹೊಸಂಗಡಿ.