August 2022

ಕಿನ್ನಿಗೋಳಿದ ಗುತ್ತಕಾಡು ಶ್ರೀ ಮೂಕಾಂಬಿಕಾ ದೇವಸ್ಥಾನಡ್ ಬಲೆ ತುಳು ಲಿಪಿ ಕಲ್ಪುಗ ಕಜ್ಜಕೊಟ್ಯ

Aug 24, 2022

ಕಿನ್ನಿಗೋಳಿ: ಗುತ್ತುಕಾಡು ಶ್ರೀ ಮೂಕಾಂಬಿಕಾ ದೇವಸ್ಥಾನ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್ (ರಿ ) ಸಂಘಟನೆದ ಸಕಾಯೊಡು ಬಲೆ ತುಳು ಲಿಪಿ ಕಲ್ಪುಗ ಕಜ್ಜಕೊಟ್ಯ ನಡತ್ಂಡ್.

ಮಲ್ಲ ಬಿನ್ನೆರಾದ್ ದೈವ ನರ್ತಕೆರ್, ಪ್ರಾಧ್ಯಾಪಕೆರ್, ಸಿವಿಲ್ ಇಂಜಿನಿಯರ್ ರವೀಶ್ ಪಡುಮಲೆ ಬತ್ತ್ ದಿತ್ತೆರ್. ಮತ್ತರ್ಮೆಡ್ ಜೈ ತುಳುನಾಡ್ ಸಂಘಟನೆದ ಉಪಾಧ್ಯಕ್ಷೆರ್ ವಿಶು ಶ್ರೀಕೇರ, ಮೂಕಾಂಬಿಕಾ ದೇವಸ್ಥಾನ ದ ಧರ್ಮದರ್ಶಿ ಶ್ರೀ ವಿವೇಕಾನಂದ, ಮೂಕಾಂಬಿಕಾ ಸೇವಾ ಸಮಿತಿದ ಅಧ್ಯಕ್ಷೆರ್ ಚಂದ್ರಶೇಖರ, ಜೈ ತುಳುನಾಡ್ ಸಂಘಟನೆದ ಪ್ರಧಾನ ಕಾರ್ಯದರ್ಶಿ ಅವಿನಾಶ್ ಮುಕ್ಕ, ಮೂಕಾಂಬಿಕ ಮಹಿಳಾ ಮಂಡಲದ ಅಧ್ಯಕ್ಷೆರ್ ಚಿತ್ರಾ ಶೆಟ್ಟಿ ತಾಳಿಪಾಡಿ ಗುತ್ತು, ಲಿಪಿ ಕಲ್ಪಾದಿಲಾಯಿನ ಕಿರಣ್ ತುಳುವೆ, ದೀಕ್ಷಿತಾ ಮದ್ಯ ಇತ್ತೆರ್.
ಲಿಪಿ ಕಲ್ಪಾದಿ ಕಿರಣ್ ತುಳುವೆ ಲಿಪಿ ಬರೆಪಿನ ಮುಖೇನ ಕಜ್ಜಕೊಟ್ಯ ಸುರುವಾಂಡ್. ಗೀತಾ ಲಕ್ಷ್ಮೀಶ್ ಲೇಸ್ ಸುಧಾರಿಕೆ ಮಲ್ತೆರ್. ಸುಮಾರು 30 ಕಲ್ಪಾರ್ಥಿಲು ತುಳು ಲಿಪಿ ಕಲ್ಪರೆ ಬತ್ತಿತ್ತೆರ್.

ಅದಾನಿ ಕಂಪೆನಿದ ಮಿತಿ ಮೀರಿನ ಸಾಲರ್ದ್ ದುಂಬಗ್ ಭಾರಿ ಕಷ್ಟ ಪಂದ್ ಎಚ್ಚೆರ್ಗೆ ಕೊರಿನ ಫಿಚ್ ಸಂಸ್ಥೆ

Aug 24, 2022

ದೆಲ್ಲಿ: ಏಷ್ಯಾದ ನಂ.1 ಶ್ರೀಮಂತೆ ಗೌತಮ್ ಅದಾನಿ ಮೆರೆನ ಅದಾನಿ ಗ್ರೂಪ್ ಮಿತಿ ಮೀರ್ದ್ ಸಾಲ ದೆತ್ತೊಂದು ಪೊಸ ಉದ್ದಿಮೆಲೆಗ್ ಹೂಡಿಕೆ ಮಲ್ತೊಂದ್ಂಡು. ಅಂಚಾದ್ ಒವ್ವೇ ಒಂಜಿ ವಲಯಡ್ ಲ ಎಲ್ಯ ತೊಂದರೆಲ ಇಡೀ ಸಮೂಹನ್ ಅಪಾಯಗ್ ತಿಕ್ಕಾವುನ ಸಾದ್ಯತೆ ಉಂಡು ಪಂದ್ ಅಂತಾರಾಷ್ಟ್ರೀಯ ಪನವುದ ವಿಶ್ಲೇಷಣಾ ಸಂಸ್ಥೆ ಫಿಚ್ ದ ಅಂಗ ಸಂಸ್ಥೆ ಕ್ರೆಡಿಟ್ ಸೈಟ್ ತನ್ನ ವರದಿಡ್ ಎಚ್ಚರ್ಗೆ ಕೊರ್ತುಂಡು.

ಈ ವರದಿ ಭಾರೀ ಅಚ್ಚರಿಗ್ ಕಾರಣ ಆದಿತ್ತ್ ದ್, ಬೊಂಬಾಯಿ ಷೇರ್ ಮಾರ್ಕೆಟ್ ಡ್ ನೊಂದಾಯಿತ ಅದಾನಿ ಗ್ರೂಪ್ ದ 7 ಕಂಪನಿದ ಷೇರ್ ದ ಬಿಲೆ ಶೇ.2% – ಶೇ.5% ಮುಟ್ಟ ಕಮ್ಮಿ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ತುಳುಕ್ಕು ಈ ಸರ್ತಿ ಆಂಡಲಾ ಮಾನಾದಿಗೆ ತಿಕ್ಕರೆ ಪ್ರಧಾನಿ ಮೋದಿಗ್ ಕುಡೊರ ಟ್ವೀಟ್ ತುಳುನಾಡ್ ಅಭಿಯಾನ

Aug 24, 2022

ಕೇಂದ್ರ ಬೊಕ್ಕ ರಾಜ್ಯೊಡು ಒಂಜೇ ಸರಕಾರ ಇತ್ತ್ ದ್ ಆ ಸರಕಾರೊಡು ತುಳುನಾಡ್ ದ ಜನೊಕುಲು ಎಡ್ಡೆ ತಾನೊಲೆಡ್ ಇತ್ತಿನೆರ್ದಾವರ ಈ ಸರ್ತಿ ಆಂಡಲಾ ತುಳು ಬಾಸೆಗ್ ತಿಕ್ಕೊಡಾಯಿನ ಮಾನಾದಿಗೆ ತಿಕ್ಕುಂದ್ ಎನ್ನೊಂದಿತ್ತಿನ ತುಳುವೆರೆ ಆಸೆ ಅಂಚನೇ ಒರಿದ್ಂಡ್. ಈ ಬಗೆಟ್ ತುಳುನಾಡ್ ದ ಪ್ರತಿನಿಧಿಲೆನ ಕಡೆರ್ದ್ ಒವ್ವೇ ಉಮೇದ್ ತೋಜಿದ್ ಬರೊಂದಿಜ್ಜಿ.

ಇಂಚಾದ್ ಸೆಪ್ಟೆಂಬರ್ 2 ತಾರೀಕ್ ಗ್ ಪ್ರಧಾನಿ ನರೇಂದ್ರ ಮೋದಿ ತುಳುನಾಡ್ ಗ್ ಬರ್ಪುನ ಪೊರ್ತುಡು ತುಲುವೆರ್ ಟ್ವೀಟ್ ಅಭಿಮಾನ ಮಲ್ತ್ ದ್ ಪ್ರಧಾನಿಲೆನ ಗೇನ ಒಯ್ಪುನ ಬಗ್ಗೆ ಅಲೋಚನೆ ಮಲ್ತೊಂದುಲ್ಲೆರ್.

ಮಾತಾ ತುಳು ಕೂಟೊಲೆನ ಒಟ್ಟು ಸೇರಿಗೆಡ್ ತುಳು ಬಾಸೆನ್ ೮ನೇ ಪರಿಚ್ಛೇದೊಗು ಗೋಡ್ಯಾವೊಡು ಅಂಚೆನೆ ಕರ್ನಾಟಕ ಬೊಕ್ಕ ಕೇರಳ ರಾಜ್ಯೊಲೆಡ್ ಲ ತುಳುನು ಅಧಿಕೃತ ಬಾಸೆ ಪಂದ್ ಮಾನಾದಿಗೆ ಕೊರೊಡು ಪನ್ಪಿ ಅಂಗಲಪ್ಪು ದೀವೊಂದು #TuluTo8thSchedule ಬೊಕ್ಕ #TuluOfficialInKA_KL ಪನ್ಪಿ ಹ್ಯಾಷ್ ಟ್ಯಾಗ್ ಗಲಸ್ ದ್ ಟ್ವೀಟ್ ಮನ್ಪುನ ಅಟ್ಟನೆ ಆವೊಂದುಂಡು.

Tulunadu again to tweet to the PM Modi with regard to granting status to Tulu language.

Though relentless efforts have been put; things are not moving forward.
The PM is in a visit to Tulunadu on September 2 nd .So plans are in the cards to begin a ‘Tweet Abyana’ to bring this issue to his notice.All Tulu associations will come together to urge to include Tulu language in the 8 th schedule and make it an official language of Karnataka and Kerala.
The tweet will be thus:

Tuluto8thschedule

TuluofficialInKA_KL

ಸೆ. 4 : ಬಂಟ್ವಾಳಡ್ ಶಿಕ್ಷಣ ಬೊಕ್ಕ ಸಾಮಾಜಿಕ ಕಲ್ಯಾಣ ಇಲಾಖೆದ ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್

Aug 24, 2022

ಬಂಟವಾಳ : ಶಿಕ್ಷಣ ಬೊಕ್ಕ ಸಾಮಾಜಿಕ ಕಲ್ಯಾಣ ಕಾರ್ಯಕ್ರಮ ಅಂಚೆನೆ ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್ ಸೆ. 4 ತಾರೀಕ್ ಗ್ ಕಾಂಡೆ 10.30 ಗ್ ಬಂಟ್ವಾಳದ ಶ್ರೀಮತಿ ಸುಶೀಲಾ ಜನಾರ್ಧನಾ ಶೆಟ್ಟಿ ವೇದಿಕೆ, ಪಿ.ವಿ. ಶೆಟ್ಟಿ ಆಡಿಟೋರಿಯಂಡ್ ನಡಪರೆ ಉಂಡು.

ಬಂಟರ ಸಂಘ ಬಂಟವಾಳ ತಾಲೂಕು (ರಿ.) ಬೋಳಂತೂರುಗುತ್ತು ಗಂಗಾಧರ ರೈ ಸಂಕೀರ್ಣ ಬಂಟವಾಳದ ಬಂಟರ ಭವನ, ವಳವೂರು, ತುಂಬೆ ಮುಕ್ಲೇನ ಅಧ್ಯಕ್ಷೆರ್, ಪದಾಧಿಕಾರಿಲು, ಕಾರ್ಯಕಾರಿ ಸಮಿತಿ, ಪೊಂಜೊವುಲೆನ ವಿಭಾಗ, ಜವನೆರ ವಿಭಾಗ, ಸರ್ವಸದಸ್ಯೆರ್ ಅಂಚನೆ ಶ್ರೀ ಶಶಿಕಿರಣ್ ಶೆಟ್ಟಿ ಮೊಕ್ಲೆನ ಮುತಾಲಿಕೆಡ್ ಈ ಲೇಸ್ ನಡಪರೆ ಉಂಡು.

ಲೇಸ್ ದ ಅಧ್ಯಕ್ಷತೆನ್ ಬಂಟರ ಸಂಘ ಬಂಟವಾಳ ತಾಲೂಕು (ರಿ.) ದ ಚಂದ್ರಹಾಸ ಡಿ. ಶೆಟ್ಟಿ ವಹಿಸೊನರೆ ಉಲ್ಲೆರ್. ಕುಡ್ಲ ಬಂಟರ ಯಾನೆ ನಾಡವರ ಮಾತೃಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್ ರೈ ಮಾಲಾಡಿ ಲೇಸ್ ನ್ ಉದಿಪನ ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ನಗ್ರಿಗುತ್ತು ವಿವೇಕ್ ಶೆಟ್ಟಿ ಅಂಚನೆ ಡಾ. ನೀಲ್ ರತನ್ ಶೆಂಡೆಪಾಲ್ ಪಡೆಯರೆ ಉಲ್ಲೆರ್. ಬೊಂಬಾಯಿದ ಹೇರಂಭ ಇಂಡಸ್ಟ್ರೀಸ್ ಲಿ. ದ ಅಧ್ಯಕ್ಷೆರ್ ಸದಾಶಿವ ಶೆಟ್ಟಿ ಕನ್ಯಾನ ಬೊಕ್ಕ ಮಂಜುನಾಥ ಭಂಡಾರಿ ಮೇರೆಗ್ ಮಾನಾದಿಗೆ ಲೇಸ್ ಲ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

Education and Social welfare program at Bantwal on September 4th- student scholarships to be distributed.

The Bantara Sangha (R) Bantwal taluk, B Gangadhar Rai complex Bantara Bavana,Valavooru Tumbe and Sashikiran Shetty will lead the education and social welfare department program of distributing scholarship to students on September 4thfrom 10.30 a.m onwards at P V Shetty auditorium.

ಪುತ್ತೂರುಡು ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿಲೆನ 168 ನೇ ಪುಟ್ಟಿನ ದಿನಾಚರಣೆ

Aug 23, 2022

ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿ ಬಿಲ್ಲವ ಸಂಘ (ರಿ.) ಪುತ್ತೂರ್ ಮುಕ್ಲೇನ ಮುತಾಲಿಕೆಡ್ ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿಲೆನ 168 ನೇ ಪುಟ್ಟಿನ ದಿನಾಚರಣೆ ಸೆಪ್ಟೆಂಬರ್ 10 ತಾರೀಕ್ ಗ್ ಪುತ್ತೂರುದ ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿ ಚಾವಡಿಡ್ ನಡಪರೆ ಉಂಡು.

ಧಾರ್ಮಿಕ ಸಭಾ ಕಾರ್ಯಕ್ರಮ, ಸಾಂಸ್ಕೃತಿಕ ಕಾರ್ಯಕ್ರಮ, ಎಸ್ ಎಸ್ ಎಲ್ ಸಿ ಬೊಕ್ಕ ಪಿಯುಸಿಡ್ ಎಡ್ಡೆ ಅಂಕ ಪಡೆಯಿನ ಕಲ್ಪಾರ್ಥಿಲೆಗ್ ಪ್ರತಿಭಾ ಪುರಸ್ಕಾರ ಅಂಚನೆ ಶಿಕ್ಷಣ, ಕ್ರೀಡೆ, ಕಲಾ ಕ್ಷೇತ್ರ, ಸಾಹಿತ್ಯ ಕ್ಷೇತ್ರ, ವಿಜ್ಞಾನ ಕ್ಷೇತ್ರಡ್ ಸಾಧನೆ ಮಲ್ತಿನ ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್ ನಡಪರೆ ಉಂಡು. ಈ ಲೇಸ್ ಡ್ ಮಾತೆರ್ಲ ಪಾಲ್ ಪಡೆವೊಡು ಪಂದ್ ಪುತ್ತೂರ್ ಬಿಲ್ಲವ ಸಂಘದ ಅಧ್ಯಕ್ಷೆರ್ ಸತೀಶ್ ಕುಮಾರ್ ಕೆಡೆಂಜಿ, ಉಪಾಧ್ಯಕ್ಷೆರ್ ಸದಾನಂದ ಕುಂದರ್, ಚಂದ್ರಕಲಾ ಮುಕ್ವೆ, ಕಾರ್ಯದರ್ಶಿ ನಾಗೇಶ್ ಬಲ್ನಾಡು ಅoಚನೆ ಸದಸ್ಯೆರ್, ಪದಾಧಿಕಾರಿಲು ಲೆಪ್ಪೋಲೆಡ್ ತೆರಿಪಾದೆರ್.

Brahmashree Narayan Guru’s 168 birth anniversary celebration at Puttur.

The Brahmashree Narayan swami Billava Sangha (R) are organising the 168th birth anniversary celebration of Sri Narayan Guru Swami at Puttur on the 10th of September.

Many religions and cultural programs are lined up for the day there is a slit to honour achievers in the field of education, sports, artists literary field and science.
An invitation in this regard has been rendered by Satish Kumar Kadanje president of Billava Sangha Puttur.

ಆ.28 : ಸಾತಂತ್ರ್ಯ ಅಮೃತ ಮಹೋತ್ಸವ ದ ನೆಂಪುಗು ಬೆದ್ರರ್ದ್ ಮುಲ್ಕಿಗ್ ಬೈಕ್ ರ‌್ಯಾಲಿ : ಮಿಥುನ್ ರೈ

Aug 23, 2022

ಹಳೆಯಂಗಡಿ: ಸ್ವಾತಂತ್ರ್ಯ ದಿನಾಚರಣೆ ದ ಅಮೃತ ಮಹೋತ್ಸವದ ನೆಂಪುಗು ಬೋಡಾದ್ ಆಗಸ್ಟ್ 28 ಐತಾರ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಮೆರ್ನ ಮಾರ್ಗದರ್ಶನೊಡು ಬೆದ್ರರ್ದ್ ಮುಲ್ಕಿ ಮುಟ್ಟ ಮಲ್ಲ ಮಟ್ಟ್ ದ ಬೈಕ್ ರ‌್ಯಾಲಿ ನಡಪರೆ ಉಂಡು ಪಂದ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ತೆರಿಪಾದೆರ್.

ಆರ್ ಹಳೆಯಂಗಡಿದ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಅಂಗಾರೆ ನಡತಿನ ಪೂರ್ವತಯಾರಿ ಸಭೆಟ್ ಈ ವಿಷಯ ತೆರಿಪಾಯೆರ್.

ಭಾರತದ ರಾಷ್ಟ್ರಧ್ವಜನ್ ಪತೊಂದು ಪಿದಾಡುನ ಬೈಕ್ ಜಾಥಾ ಬೆದ್ರದ ಅಲಂಗಾರು ದೇವಸ್ಥಾನಡ್ ಉದಿಪನ ಆವರೆ ಉಂಡು. ಅಲ್ತ್ ರ್ದ್ ಮುಲ್ಕಿದ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಗ್ ಬತ್ತ್ ದ್ ಸಮಾಪನೆ ಆವರೆ ಉಂಡು ಪಂಡೆರ್.

ಸಭೆಟ್ಟ್ ಸಂಘಟನಾ ಸಮಿತಿದ ಮೋಹನ್ ಕೋಟ್ಯಾನ್, ಎಚ್.ವಸಂತ ಬೆರ್ನಾಡ್, ಪುತ್ತು ಬಾವ ಮುಲ್ಕಿ, ಬಾಬು ಶೆಟ್ಟಿ ಮಳವೂರು, ಹಸನಬ್ಬ ಬಾಳ,ವೇಣುವಿನೋದ್ ಶೆಟ್ಟಿ ಚೇಳಾರು, ಬಿ.ಜೆ ರಹೀಂ ಬಜ್ಪೆ, ಅಶೋಕ್ ಪೂಜಾರ್, ಮಂಜುನಾಥ ಕಂಬಾರ್, ಪದ್ಮಾವತಿ ಶೆಟ್ಟಿ, ಸಾಹುಲ್ ಹಮೀದ್, ಬಜ್ಪೆ, ಯೋಗೀಶ್ ಕೋಟ್ಯಾನ್ ಚಿತ್ರಾಪು, ಜನಾರ್ದನ ಬಂಗೇರ, ಬಾಲಚಂದ್ರ ಕಾಮತ್, ಲೀಲ ಕೃಷ್ಣಪ್ಪ, ಸುರೇಶ್ ಪಂಜ , ಮಯ್ಯದ್ದಿ ಪಕ್ಷಿಕೆರೆ ಮೊಕುಲು ಮಾತ ಸಭೆಟ್ಟ್ ಪಾಲ್ ಪಡೆದಿತ್ತೆರ್.

August 28: A bike rally has been arranged from Moodbidri to Mulky to commorate the 75th year of independence.

On the Amrutmahotsava of Indian independence, a bike rally has been arranged on August 28th from Moodbidri to Mulky under the leadership of former minister Abaychandra Jain and KPCC chief secretary Mithun Rai .
The bike rally will have the national flag in the forefront and will start from Alengar temple in Moodbidri and conclude at Sri Durgaparameshwari temple at Bappanadu, Mulki.

ಕಟೀಲ್ ಮೇಳದ ಪರಕೆದ ಆಟಲ ಕಾಲಮಿತಿ ?

Aug 23, 2022

ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಶ್ರಯೊಡು ನಡಪುನ ಆಜಿ ಯಕ್ಷಗಾನ ಮೇಳದ ಪ್ರದರ್ಶನ ನನ ದುಂಬಗ್ ಕಾಲಮಿತಿಟ್ಟ್ ಮಲ್ಪರೆ ಆಡಳಿತ ಮಂಡಳಿ ನಿರ್ಣಯ ದೆತೊಂದುಂಡು.

ರಾಜ್ಯ ಸರ್ಕಾರ ರಾತ್ರೆ 10.30 ಗಂಟೆರ್ದ್ ಬೊಕ್ಕ 50 ಡೆಸಿಬಲ್ ಮಿತ್ತ್ ದ ಮೈಕ್ ದೀವರೆ ಬಲ್ಲಿ ಪಂದ್ ದೇವಸ್ಥಾನ ಲೆಗ್ ಸೂಚನೆ ಕಡಪುಡ್ದುಂಡು. ಅಂಚಾದ್ ಅನಿವಾರ್ಯವಾದ್ ಯಕ್ಷಗಾನ ಪ್ರದರ್ಶನದ ಪೊರ್ತುಡು ಬದಲಾವಣೆ ಮಲ್ಪೊಡಾದ್ ಬೈದ್ಂಡ್. ದೇವೆರ್ನ ಎದುರು ಪೂ ಪ್ರಶ್ನೆಡ್ ಲ ಸಕಾರಾತ್ಮಕ ಒಪ್ಪಿಗೆ ತಿಕ್ ದ್ಂಡ್.

ಅಂಚಾದ್ ಕಟೀಲ್ ದ ಆಟ ಕಾಲಮಿತಿ ಮಲ್ಪರೆ ಆಡಳಿತ ಮಂಡಳಿ ನಿರ್ದಾರ ಮಲ್ತ್ ದ್ ಬಯ್ಯ 5.30 ರ್ದ್ ರಾತ್ರೆ 10.30 ಮುಟ್ಟ ಯಕ್ಷಗಾನ ಪ್ರದರ್ಶನ ಮಲ್ಪರೆ ನಿರ್ಣಯ ದೆತೊಂದುಂಡು.

ಯಕ್ಷಗಾನ ದ ಸ್ಪಷ್ಟ ರೂಪದ ಬಗೆಟ್ಟ್ ದುಂಬುದ ದಿನೊಟ್ಟು ಸಭೆ ಮಲ್ತ್ ದ್ ನಿರ್ಧಾರ ಮಲ್ಪುವ ಪಂದ್ ಕಟೀಲ್ ದೇವಸ್ಥಾನದ ಅನುವಂಶಿಕ ಆಡಳ್ತೆ ಮೊಕ್ತೇಸರೆರ್ ಸನತ್ ಕುಮಾರ್ ಶೆಟ್ಟಿ ಅಂಚೆನೆ ಅರ್ಚಕೆರ್ ವಾಸುದೇವ ಆಸ್ರಣ್ಣ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಡ್ರಾಮಾ ಜೂನಿಯರ್ ಸೀಸನ್ 4 ದ ಸುರುತ್ತ ರನ್ನರ್ ಅಪ್ ಆದ್ ಗೆಂದಿನ ಅಪ್ಪಟ ತುಳುವೆದಿ ಸಾನಿಧ್ಯ ಆಚಾರ್ಯ

Aug 23, 2022

ಝಿ ಕನ್ನಡ ವಾಹಿನಿದ ಪುಗರ್ತೆದ ಡ್ರಾಮಾ ಜೂನಿಯರ್ ಸೀಸನ್ 4 ಪಂತೊಡು ಅಜೆಕಾರ್ ಕೈತಲ್ ದ ಸಾಂತ್ಯಾರ್ ದ ಅಪ್ಪಟ ತುಳುವೆದಿ ಸಾನಿಧ್ಯ ಪೆರ್ಡೂರು ಮೇರ್ ಸುರುತ್ತ ರನ್ನರ್ ಅಪ್ ಆದ್ ಗೆಂದ್ ದೆರ್.

5 ತಿಂಗೊಲು ಮುಟ್ಟ ನಡತಿನ ಪಂತೊಡ್ ಎಡ್ಡೆ ರೀತಿಡ್ ಆಕ್ಟ್ ಮಲ್ತ್ ದ್, ಕಡೆತ್ತ ಸುತ್ತ್ ಗ್ ಬೈದಿತ್ತೆರ್. ಪುಗರ್ತೆದ ಸಿನಿಮಾ ಸ್ಟಾರ್ ಲಾಯಿನ ಲಕ್ಷ್ಮಿ, ರವಿಚಂದ್ರನ್, ರಚಿತಾ ರಾಮ್ ಈ ಶೋ ದ ತೀರ್ಪುಗಾರೆರ್ ಆದಿತ್ತ್ ದ್ ಸುರುತ್ತ ರನ್ನರ್ ಆಪ್ ಆಯಿನ ಸಾನಿಧ್ಯಗ್ ಇನಾಮು ಕೊರಿಯೆರ್.

ಸಾನಿಧ್ಯ ಮೇರ್ ಉರ್ಲು ತುಳು ಪಿಚ್ಚರ್ ಡ್ ಲ ಆಕ್ಟ್ ಮಲ್ತ್ ದೆರ್. ಪ್ರಿನ್ಸನ್ ಯೂತ್ ಐಕಾನ್, ಪ್ರಿನ್ಸನ್ ಅಟ್ಟ್ರಾಕ್ಟಿವ್ ಐಕಾನ್ ಪನ್ಪಿನ ಬಿರುದುಲ ಸಾನಿಧ್ಯಗ್ ಉಂಡು. ಡ್ರಾಮಾ ಜ್ಯೂನಿಯರ್ ಡ್ ಕೃಷ್ಣ, ದೇವಿ, ನಾರದ ಸೇರಿನಂಚನೆ ಮಸ್ತ್ ಆಕ್ಟ್ ಲೆನ್ ಮಲ್ತ್ ದೆರ್. ಎಲ್ಯರ್ಡ್ ನಲಿಕೆ ಅಂಚನೆ ನಟನೆಡ್ ಮಸ್ತ್ ಇನಾಮುನು ಪಡೆತ್ತೆರ್.

ಈ ಸರ್ತಿ ಕುಂದಾಪುರದ ಸಮೃದ್ಧಿ ಈ ಶೋ ದ ವಿನ್ನರ್ ಆತೆರ್. ಸಾನಿಧ್ಯ ಮೇರ್ ಸುರೇಂದ್ರ ಆಚಾರ್ಯ ಬೊಕ್ಕ ನಾಗಲತಾ ದಂಪತಿಲೆನ ಮಗಲ್. ಪೆರ್ಡೂರುದ ಎಫ್ ಎಸ್ ಕೆ ಆಂಗ್ಲ ಮಾಧ್ಯಮ ಶಾಲೆಡ್ 5 ನೇ ಕ್ಲಾಸ್ ಡ್ ಕಲ್ತೊಂದು ಉಲ್ಲೆರ್. ಬಹುಮುಖ ಪ್ರತಿಭೆ ಆಯಿನ ಸಾನಿಧ್ಯ ಮೇರ್ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ -ಸೀಸನ್ 5 ತ್ತ ಫೈನಲಿಸ್ಟ್ ಆದ್ ಲ ಮಿಂಚ್ ದಿತ್ತೆರ್. ಈ ಶೋ ಗ್ ಅವಕಾಶ ಮಲ್ತ್ ಕೊರಿನ ಡೈರೆಕ್ಟರ್ ಶರಣಯ್ಯ, ಅನಿಲ್, ಅಂಬಿಕಾ, ಕೀರ್ತಿ ಅಂಚನೆ ಮಾತ ಟೆಕ್ನಿಷಿಯನ್, ಪ್ರೊಡಕ್ಷನ್ ಟೀಮ್ ಗ್ ಅಂಚನೆ ಮೆಂಟರ್ಸ್, ಯಾನ್ ಮಲ್ತಿನ ತಪ್ಪುನ್ ತಿದ್ದೊಂದು ಸರಿಯಾದ್ ಡ್ರಾಮಾ ಮಲ್ಪರೆ ಪಂದ್ ಕೊರಿನ 3 ತೀರ್ಪುಗಾರೆರೆಗ್ ಸೊಲ್ಮೆ ಸಂದೈತ ಮಲ್ಪುವೆ ಪಂದ್ ಸಾನಿಧ್ಯ ಮೇರ್ ಪನ್ಪೆರ್.

Tulu girl Sanidya Acharya is runners up in Zee Kannada Drama juniors season 4

In the popular Drama juniors season 4 aired on Zee Kannada Sanidya Acharya from Ajakar is the first runners up .

The show has been running from the past five months and Sanidya had come up to the last round.The show was judged by stars Ravichandran, Rachita Ram and Lakshmi.

Sanidya has acted in Tulu movies and has been winning prizes in many local compititions.Shw is the daughter of Surendra Acharya and Nagalatha.This talented youngster is studying in class five at F S K English medium school Perdoor.

ಹೊಸಂಗಡಿ ಅಯ್ಯಪ್ಪ ದೇವಲ್ಯದ ಮೂರ್ತಿ ಕಂಡಿನ ಆರೋಪಿ ಪೊಲೀಸೆರ್ನ ಕೈಕ್ಕ್

Aug 23, 2022

ಹೊಸಂಗಡಿದ ಶ್ರೀ ಅಯ್ಯಪ್ಪ ದೇವಲ್ಯಗ್ ಸುಕ್ರಾರ ರಾತ್ರೆ ದೇವೆರ್ನ ಮೂರ್ತಿ ಸಮೇತ ಕೆಲವು ವಸ್ತುಲೆನ್ ಕಂಡ್ ದಿನ ಆರೋಪಿನ್ ಪೊಲೀಸೆರ್ ವಶಕ್ಕ್ ದೆತೊಂದೆರ್.

ಮೀಯಪದವು ಲಕ್ಷ್ಮೀಶ್ ಮೂರ್ತಿ ಕಂಡಿನ ಆರೋಪಿ.
ಈ ವಿಷಯ ಸನಿಯಾರ ಬೊಲ್ಪುಗು ತೋಜಿದ್ ಬೈದಿತ್ತ್ಂಡ್. ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ದು ತನಿಖೆ ಮಲ್ತ್ ದ್ ಆರೋಪಿನ್ ನಾಡ್ ಪತ್ತ್ ದೆರ್

ಆ. 29 ಗ್ ಕುಡ್ಲಗ್ ಬರಿಯರೆ ಉಂಡು ತುಳುನಾಡ್ ದ ಸ್ವಾತಂತ್ರ್ಯ ಪೊರ್oಬಾಟದ ಸಂಘಟನಾ ಚತುರೆ ಕೆದಂಬಾಡಿ ರಾಮಯ್ಯ ಗೌಡೆರ್ನ ಕಂಚಿದ ಮೂರ್ತಿ

Aug 23, 2022

ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ, ಕರ್ನಾಟಕ ಸರ್ಕಾರ, ಕುಡ್ಲ ಮಹಾನಗರ ಪಾಲಿಕೆ, ಸ್ವಾತಂತ್ರ್ಯ ಪೊರ್oಬಾಟಗಾರೆರ್ ಕೆದಂಬಾಡಿ ರಾಮಯ್ಯ ಗೌಡ ಸ್ಮಾರಕ ಉಸ್ತುವಾರಿ ಸಮಿತಿ (ರಿ.) ಕುಡ್ಲ, ದಕ್ಷಿಣ ಕನ್ನಡ ಮೊಕ್ಲೆನ ಮುತಾಲಿಕೆಡ್ ಕುಡ್ಲದ ಬಾವುಟಗುಡ್ಡೆ ಡ್ ಸ್ಥಾಪನೆ ಆಯರೆ ಇಪ್ಪುನ ಸ್ವಾತಂತ್ರ್ಯ ಸಮರ ವೀರೆರ್ ಕೆದಂಬಾಡಿ ರಾಮಯ್ಯ ಗೌಡ ಮೇರ್ನ ಕಂಚಿದ ಮೂರ್ತಿ ಆಗೋಸ್ಟ್ 29ಗ್ ಸೋಮಾರ ಕುಡ್ಲಗ್ ಬರಿಯರೆ ಉಂಡು.

ಈ ಬಗೆಟ್ ಪತ್ರಿಕಾಗೋಷ್ಠಿಡ್ ಕುಡ್ಲ ಮಹಾನಗರ ಪಾಲಿಕೆದ ಪ್ರೇಮಾನಂದ ಶೆಟ್ಟಿ ಪಾತೆರ್ದ್, 1837 ಟ್ 13 ದಿನತ್ತ ಕಾಲ ಕುಡ್ಲನ್ ಬ್ರಿಟಿಷೆರ್ನ ವಿರುದ್ಧ ಪೊರ್oಬಾಟ ಮಲ್ತ್ ದ್ ಬಾವುಟಗುಡ್ಡೆಡ್ ಇತ್ತಿನ ಬ್ರಿಟಿಷೆರ್ನ ಬಾವುಟನ್ ದೆತ್ತ್ ಪಾಡ್ದ್ ನಮ್ಮ ತುಳು ಮಣ್ಣ್ ದ ಕೊಡಿನ್ ಏರಾಯಿನ ಸಂಘಟನಾ ಚತುರೆ ಕೆದಂಬಾಡಿ ರಾಮಯ್ಯ ಗೌಡ ಮೆರೆನ ಕಂಚಿದ ಮೂರ್ತಿನ್ ಬಾವುಟಗುಡ್ಡೆಡ್ ಸ್ಥಾಪನೆ ಮಲ್ಪರೆ ಉಂಡು. 22 ಅಡಿ ಎತ್ತರ ಇಪ್ಪುನ ಈ ಮೂರ್ತಿಗ್ ಕರ್ನಾಟಕ ಸರಕಾರರ್ದ್ 40 ಲಕ್ಷ ಅನುದಾನ ಬೈದ್oಡ್. ಆಗೋಸ್ಟ್ 29 ಗ್ ಕುಡ್ಲದ ಪಡೀಲ್ ಡ್ ಉಂದೆನ್ ಎದ್ಕೊನಿಯರೆ ಉಲ್ಲ ಪಂದ್ ಪಂಡೆರ್.

ಕುಡ್ಲ ದಕ್ಷಿಣ ವಿಧಾನ ಸಭಾ ಕ್ಷೇತ್ರದ ಶಾಸಕೆರ್ ವೇದವ್ಯಾಸ್ ಕಾಮತ್ ಪಾತೆರ್ದ್, ಈ ಮೂರ್ತಿದ ಬೇಲೆ ಆಂಧ್ರಪ್ರದೇಶದ ವಿಜಯವಾಡಡ್ ಆದಿತ್ತ್ ದ್, ಆಗೋಸ್ಟ್ 27 ಕ್ಕ್ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠಕ್ಕ್ ಪೋದು ಪರಮಪೂಜ್ಯ ಜಗದ್ಗುರು ಶ್ರೀ ಡಾ. ನಿರ್ಮಲಾನಂದನಾಥ ಸ್ವಾಮಿಲು ಆಗೋಸ್ಟ್ 28 ಗ್ ಕಾಂಡೆ ಮೂರ್ತಿನ್ ಎದ್ಕೊಂದು ಕುಡ್ಲಗ್ ಕಡಪುಡುನ ಕಾರ್ಯಗ್ ಚಾಲನೆ ಕೊರಿಯರೆ ಉಲ್ಲೆರ್. ಆ.28 ಗ್ ಬಯ್ಯಗ್ ಮಡಿಕೇರಿಗ್ ಬತ್ತ್ ದ್, 29 ಗ್ ಸಂಪಾಜೆ ಗೇಟ್ ದ ಮುಖೇನ ಕುಡ್ಲಗ್ ಬರಿಯರೆ ಉಂಡು. ಮಾತೆರ್ಲಾ ಈ ಮೂರ್ತಿನ್ ಮೋಕೆಡ್ ಎದ್ಕೊನುಲೆ ಪಂದ್ ಪಂಡೆರ್.

ಈ ಪೊರ್ತುಡು ಸ್ಮಾರಕ ಉಸ್ತುವಾರಿ ಸಮಿತಿದ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಪುತ್ತೂರ್, ಕಿರಣ್ ಬುಡ್ಲೆಗುತ್ತು, ಗಣೇಶ್ ಕುಲಾಲ್ ಪ್ರತಿಕಾಗೋಷ್ಠಿಡ್ ಇತ್ತೆರ್.

August 2022

ಕಿನ್ನಿಗೋಳಿದ ಗುತ್ತಕಾಡು ಶ್ರೀ ಮೂಕಾಂಬಿಕಾ ದೇವಸ್ಥಾನಡ್ ಬಲೆ ತುಳು ಲಿಪಿ ಕಲ್ಪುಗ ಕಜ್ಜಕೊಟ್ಯ

ಅದಾನಿ ಕಂಪೆನಿದ ಮಿತಿ ಮೀರಿನ ಸಾಲರ್ದ್ ದುಂಬಗ್ ಭಾರಿ ಕಷ್ಟ ಪಂದ್ ಎಚ್ಚೆರ್ಗೆ ಕೊರಿನ ಫಿಚ್ ಸಂಸ್ಥೆ

ತುಳುಕ್ಕು ಈ ಸರ್ತಿ ಆಂಡಲಾ ಮಾನಾದಿಗೆ ತಿಕ್ಕರೆ ಪ್ರಧಾನಿ ಮೋದಿಗ್ ಕುಡೊರ ಟ್ವೀಟ್ ತುಳುನಾಡ್ ಅಭಿಯಾನ

Tuluto8thschedule

TuluofficialInKA_KL

ಸೆ. 4 : ಬಂಟ್ವಾಳಡ್ ಶಿಕ್ಷಣ ಬೊಕ್ಕ ಸಾಮಾಜಿಕ ಕಲ್ಯಾಣ ಇಲಾಖೆದ ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್

ಪುತ್ತೂರುಡು ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿಲೆನ 168 ನೇ ಪುಟ್ಟಿನ ದಿನಾಚರಣೆ

ಆ.28 : ಸಾತಂತ್ರ್ಯ ಅಮೃತ ಮಹೋತ್ಸವ ದ ನೆಂಪುಗು ಬೆದ್ರರ್ದ್ ಮುಲ್ಕಿಗ್ ಬೈಕ್ ರ‌್ಯಾಲಿ : ಮಿಥುನ್ ರೈ

ಕಟೀಲ್ ಮೇಳದ ಪರಕೆದ ಆಟಲ ಕಾಲಮಿತಿ ?

ಡ್ರಾಮಾ ಜೂನಿಯರ್ ಸೀಸನ್ 4 ದ ಸುರುತ್ತ ರನ್ನರ್ ಅಪ್ ಆದ್ ಗೆಂದಿನ ಅಪ್ಪಟ ತುಳುವೆದಿ ಸಾನಿಧ್ಯ ಆಚಾರ್ಯ

ಹೊಸಂಗಡಿ ಅಯ್ಯಪ್ಪ ದೇವಲ್ಯದ ಮೂರ್ತಿ ಕಂಡಿನ ಆರೋಪಿ ಪೊಲೀಸೆರ್ನ ಕೈಕ್ಕ್

ಆ. 29 ಗ್ ಕುಡ್ಲಗ್ ಬರಿಯರೆ ಉಂಡು ತುಳುನಾಡ್ ದ ಸ್ವಾತಂತ್ರ್ಯ ಪೊರ್oಬಾಟದ ಸಂಘಟನಾ ಚತುರೆ ಕೆದಂಬಾಡಿ ರಾಮಯ್ಯ ಗೌಡೆರ್ನ ಕಂಚಿದ ಮೂರ್ತಿ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ