ಕಿನ್ನಿಗೋಳಿ: ಗುತ್ತುಕಾಡು ಶ್ರೀ ಮೂಕಾಂಬಿಕಾ ದೇವಸ್ಥಾನ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಳುನಾಡ್ (ರಿ ) ಸಂಘಟನೆದ ಸಕಾಯೊಡು ಬಲೆ ತುಳು ಲಿಪಿ ಕಲ್ಪುಗ ಕಜ್ಜಕೊಟ್ಯ ನಡತ್ಂಡ್.
ಮಲ್ಲ ಬಿನ್ನೆರಾದ್ ದೈವ ನರ್ತಕೆರ್, ಪ್ರಾಧ್ಯಾಪಕೆರ್, ಸಿವಿಲ್ ಇಂಜಿನಿಯರ್ ರವೀಶ್ ಪಡುಮಲೆ ಬತ್ತ್ ದಿತ್ತೆರ್. ಮತ್ತರ್ಮೆಡ್ ಜೈ ತುಳುನಾಡ್ ಸಂಘಟನೆದ ಉಪಾಧ್ಯಕ್ಷೆರ್ ವಿಶು ಶ್ರೀಕೇರ, ಮೂಕಾಂಬಿಕಾ ದೇವಸ್ಥಾನ ದ ಧರ್ಮದರ್ಶಿ ಶ್ರೀ ವಿವೇಕಾನಂದ, ಮೂಕಾಂಬಿಕಾ ಸೇವಾ ಸಮಿತಿದ ಅಧ್ಯಕ್ಷೆರ್ ಚಂದ್ರಶೇಖರ, ಜೈ ತುಳುನಾಡ್ ಸಂಘಟನೆದ ಪ್ರಧಾನ ಕಾರ್ಯದರ್ಶಿ ಅವಿನಾಶ್ ಮುಕ್ಕ, ಮೂಕಾಂಬಿಕ ಮಹಿಳಾ ಮಂಡಲದ ಅಧ್ಯಕ್ಷೆರ್ ಚಿತ್ರಾ ಶೆಟ್ಟಿ ತಾಳಿಪಾಡಿ ಗುತ್ತು, ಲಿಪಿ ಕಲ್ಪಾದಿಲಾಯಿನ ಕಿರಣ್ ತುಳುವೆ, ದೀಕ್ಷಿತಾ ಮದ್ಯ ಇತ್ತೆರ್.
ಲಿಪಿ ಕಲ್ಪಾದಿ ಕಿರಣ್ ತುಳುವೆ ಲಿಪಿ ಬರೆಪಿನ ಮುಖೇನ ಕಜ್ಜಕೊಟ್ಯ ಸುರುವಾಂಡ್. ಗೀತಾ ಲಕ್ಷ್ಮೀಶ್ ಲೇಸ್ ಸುಧಾರಿಕೆ ಮಲ್ತೆರ್. ಸುಮಾರು 30 ಕಲ್ಪಾರ್ಥಿಲು ತುಳು ಲಿಪಿ ಕಲ್ಪರೆ ಬತ್ತಿತ್ತೆರ್.
pallavi shetty