ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಹಿಜಾಬ್ ಲಡಾಯಿ ಉದ್ವಿಗ್ನತೆನ್ ಉಂತಾವುನ ನೆಲೆಟ್ಟ್ ಕುಡ್ಲಡ್ ಪೊಲೀಸೆರೆರ್ದ್ ರೂಟ್ ಮಾರ್ಚ್
ಕುಡ್ಲ :ಇನಿ ಸೋಮಾರ ಆಯಿನೆರ್ದಾವರ ಬಾರಿ ಅಮಸರದ ಪೊರ್ತು ಆಯಿನೆರ್ದಾವರ ಕುಡ್ಲ ಪೇಂಟೆಡ್ ಇನಿ ಪುಲ್ಯ ಕಾಂಡೆನೇ ಕುಡ್ಲದ ಮಾರ್ಗೊಲು ಬ್ಲಾಕ್ ಆದ್ ಇತ್ತ್oಡ್. ದಾಯೆ ಪಂದ್ ಕೇಂಡ ಕುಂದಾಪುರ, ಒಡಿಪು ಸೇರಿನಂಚ ಕುಡ್ಲದ ಕೆಲವು ಕಡೆಟ್ ಸೇರಿನoಚ ರಾಜ್ಯೋಡು ಹಿಜಾಬ್ ಲಡಾಯಿ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಮುಂಜಾಗ್ರತಾ ಕ್ರಮತ ಭಾಗವಾದ್ ಡಿಸಿಪಿ, ಎಸಿಪಿ ಬೊಕ್ಕ ಮಸ್ತ್ ಪೊಲೀಸ್ ಸಿಬ್ಬಂದಿ ರೂಟ್ ಮಾರ್ಚ್ ಮಲ್ತೆರ್ .
ರೂಟ್ ಮಾರ್ಚ್ ಲಾಲ್ಬಾಗ್ರ್ದ್ ಸುರು ಆದ್ ಎಂಜಿ ಮಾರ್ಗ , ಪಿವಿಎಸ್ ಜಂಕ್ಷನ್, ಕೊಡಿಯಾಲ್ಬೈಲ್, ಕೆಎಸ್ ರಾವ್ ರಸ್ತೆ, ಹಂಪನಕಟ್ಟೆ ಜಂಕ್ಷನ್, ಲೈಟ್ಹೌಸ್ ಹಿಲ್ ರೋಡ್, ಜ್ಯೋತಿ ಸರ್ಕಲ್, ಬಲ್ಮಟ್ಟಾ ರಸ್ತೆ, ಹಂಪನಕಟ್ಟೆ ಬೊಕ್ಕ ಕ್ಲಾಕ್ ಟವರ್ ಆದ್ ಪೋಯೆರ್ . ಇಡೀ ಕರ್ನಾಟಕ ರಾಜ್ಯನೇ ಹಿಜಾಬ್ ದ ಇಚಾರಡ್ ಹೆಡ್ ಲೈನ್ ಸುದ್ದಿಡ್ ಉಂಡು ,. ಜನಕ್ಲೆಗ್ ವಿಶ್ವಾಸ ಪುಟ್ಟಾಯೆರೆ ಅಂಚನೆ ಕುಡ್ಲಡ್ ಶಾಂತಿ ಕಾಪುನ ನೆಲೆಟ್ಟ್ ಕುಡ್ಲ ಪೊಲೀಸ್ ಕಮಿಷನರೇಟ್ ವತಿರ್ದ್ ರೂಟ್ ಮಾರ್ಚ್ ನಡತ್oಡ್.
.
ಮುಂಜಾಗ್ರತಾ ಕ್ರಮತ ನೆಲೆಟ್ಟ್ ಅಪಗನೆ 144 ಸೆಕ್ಷನ್ ನಿಷೇಧಾಜ್ಞೆ ಜಾರಿ ಮಲ್ದೆರ್ . ಪೇಂಟೆದ ಕೆಲವು ಕಡೆಟ್ ಬಿಗಿ ಪೊಲೀಸ್ ಬಂದೋಬಸ್ತ್ ಮಲ್ದೆರ್ .ಅಂಚನೆ ಶಿವಮೊಗ್ಗದ ಶಾಲಾ ಕಾಲೇಜ್ ಗ್ ರಜೆ ಕೊರ್ತೆರ್.
ಸಹಕಾರಿ ಕ್ಷೇತ್ರ ದುಂಬು ಬರ್ರೆ ತನ್ನನೇ ಆಯಿನ ಕೊಡುಗೆನ್ ಕೊರೊಂದ್ ದ.ಕ.ಜಿಲ್ಲಾ ಸಹಕಾರಿ ಬ್ಯಾಂಕ್ (ಎಸ್ಸಿಡಿಸಿಸಿ ಬ್ಯಾಂಕ್ ) ರಾಜ್ಯ ಬೊಕ್ಕ ರಾಷ್ಟ್ರ ಮಟ್ಟಡ್ ಗುರುತಿಸಾದ್ಂಡ್. ಬ್ಯಾಂಕ್ ದ ಬುಳೆಚ್ಚಿಲ್ ಗ್ ಪ್ರಾಮಾಣಿಕ ರೀತಿಡ್ ಸಾರ್ಥಕತೆನ್ ತೋಜಾಯಿನ ಬ್ಯಾಂಕ್ ಅಧ್ಯಕ್ಷೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮಾತೆರ್ನಲ ಪ್ರೀತಿ-ವಿಶ್ವಾಸನ್ ಪಡೆತ್ತಿನಾರ್. ಅವಿಭಜಿತ ದ.ಕ. ಜಿಲ್ಲೆದ ಮಾದರಿ ಸಹಕಾರಿ ನಾಯಕೆರಾದ್ ರಾಜ್ಯ ಮಟ್ಟಡ್ ಲ ಪುದರ್ ನ್ ಪಡೆಯಿನ ‘ಸಹಕಾರ ರತ್ನ’ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೇರ್ 73 ನೇ ಪುಟ್ಟುಪರ್ಬದ ಗೌಜಿನ್ ಮಲ್ಪರೆ ಜಿಲ್ಲೆದ ಸಮಸ್ತ ಸಹಕಾರಿಲು ತೀರ್ಮಾನ ಮಲ್ತ್ ದ. ಅಂಚಾದ್ ಫೆ.24ಕ್ಕ್ ಕಾಂಡೆ 10.30 ಗ್ ಎಸ್ ಸಿಡಿಸಿಸಿ ಬ್ಯಾಂಕ್ ದ ಸಭಾಂಗಣಡ್ ಪುತ್ತಿಗೆ ಮಠತ್ತ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಮುತಾಲಿಕೆಡ್ ರಾಜೇಂದ್ರ ಕುಮಾರ್ ಮೆರೆನ ಪುಟ್ಟು ಪರ್ಬನ್ ಆಚರಣೆ ಮಲ್ಪರೆ ಉಂಡು. ಅಂಚನೆ ಮಾನಾದಿಗೆದ ಲೇಸ್, 73 ಫಲಾನುಭವಿಲೆಗ್ ಸವಲತ್ತು ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ದೇವಿಪ್ರಸಾದ್ ಶೆಟ್ಟಿ ಸುದ್ದಿಗೋಷ್ಠಿಡ್ ತೆರಿಪಾದೆರ್.
