ಪುತ್ತೂರು: ರಾಜ್ಯೋಡು ಭಾರೀ ಚರ್ಚೆ ಆವೊಂದು ಉಪ್ಪುನ ಹಿಜಾಬ್ ಲಡಾಯಿ ಇತ್ತೇ ಕುಡ್ಲದ ಕೆಲವು ಕಡೆಟ್ ಸುರು ಆತುಂಡು. ಪುತ್ತೂರುದ ಸರಕಾರಿ ಪ್ರಥಮ ದರ್ಜೆ ಕಾಲೇಜ್ ಗ್ ಹಿಜಾಬ್ ಪಾರ್ದ್ ಬತ್ತಿನ ಪೊಣ್ಣನ್ ಪ್ರಾಂಶುಪಾಲೆರ್ ಉಂತಾದೆರ್
ಹಿಜಾಬ್ ಪಾಡ್ದ್ ತರಗತಿದ ಉಲಯಿ ಪ್ರವೇಶ ಕೊರಿಯೆರೆ ಕಾಲೇಜು ಪ್ರಾಂಶುಪಾಲೆರ್ ಬುಡoದಿನ ನೆಲೆಟ್ಟ್ ಪೊಣ್ಣುಲು ತರಗತಿ ಬುಡ್ದು ಪಿದಾಯಿ ಪೋತೆರ್, ಉಂದೆನ್ ತೂಯಿನ ಕೆಲವು ಜೋಕುಲು ಅಕ್ಲೆಗ್ ಹಿಜಾಬ್ ಪಾಡ್ದ್ ತರಗತಿಡ್ ಕುಲ್ಲೆರೆ ಅವಕಾಶ ಕೊರೊಡು ಪಂದ್ ಕಾಲೇಜು ಆಡಳಿತ ಮಂಡಳಿ ದಕ್ಲೆಡ ಬಿನ್ನಾಪು ಮಲ್ತೆರ್ . ಅಪಗನೆ ಜಾಗೆಗ್ ಬತ್ತಿನ ಪೋಲಿಸೆರ್ ಪರಿಸ್ಥಿತಿ ಕೈಮೀರಂದಿಲಕ ತೂತೆರ್ .
ಹಿಜಾಬ್ ವಾರ್ ಕುಡ ದುಂಬರಿಯಂದಿಲಕ ತಡೆಯೆರೆ ಇತ್ತೇ ಪುತ್ತೂರುದ ಪ್ರಥಮ ದರ್ಜೆ ಕಾಲೇಜ್ಗ್ ರಡ್ಡ್ ದಿನ ರಜೆ ಕೊರ್ತೆರ್ .
niriksha