July 2021

ಗ್ಯಾಸ್ ದ ಬಿಲೆ ಏರಿಕೆ ವಿರೋಧಿಸಾದ್ ಡಿವೈಎಫ್‌ಐ,ರಿಕ್ಷಾ ಚಾಲಕೆರೆರ್ದ್ ಪ್ರತಿಭಟನೆ

ಕುಂದಾಪುರ, ಜುಲೈ 10: ಅನಿಲ ಬೆಲೆ ಏರಿಕೆ ವಿರೋಧಿಸಾದ್ ಡಿವೈಎಫ್‌ಐ ಕುಂದಾಪುರ ತಾಲೂಕು ಸಮಿತಿ ಬೊಕ್ಕ ಕುಂದಾಪುರ ಆಟೋರಿಕ್ಷಾ ಅಂಚನೇ ವಾಹನ ಚಾಲಕರ ಸಂಘ(ಸಿಐಟಿಯು) ಮುತಾಲಿಕೆಡ್ ಬುಧವಾರ ಕುಂದಾಪುರಡ್ ಪ್ರತಿಭಟನೆ ನಡತುಂಡು .

ಡಿವೈಎಫ್‌ಐ ತಾಲೂಕು ಗುರ್ಕಾರ್ಲಾಯಿನ ರಾಜೇಶ್ ವಡೇರಹೋಬಳಿ ಪಾತೆರ್ದ್ , ಮಾರಕ ಕೊರೋನಾ ಸೋಂಕು ಸಾಮಾನ್ಯ ಜನತೆತ ಬದ್ಕ್ ನ್ ಬಲಿ ದೆತೊನ್ದುಂಡು ಈ ಕರಾಳ ಪೊರ್ತುಡೆ ಕೇಂದ್ರ ಸರಕಾರ ಅಗತ್ಯ ವಸ್ತುದ ಬಿಲೆ ಏರಿಕೆ ಮಲ್ದಿನವು ಜನಸಾಮಾನ್ಯೆರೆಗ್ ಕಷ್ಟ ಆತುಂಡು ಪಂದ್ ಪಂಡೆರ್

ರೋಟರಿ ಕ್ಲಬ್ ಗುರ್ಕಾರ್ಲಾದ್ ಅಧಿಕಾರ ಸ್ವೀಕಾರ ಮಲ್ಪರೆ ಉಪ್ಪುನ ಮೊಹಮ್ಮದ್ ವಳವೂರು

ಬಂಟ್ವಾಳ,ಜುಲೈ 10: ಪೇಂಟೆದ ಪ್ರತಿಷ್ಠಿತ ಸೇವಾ ಸಂಸ್ಥೆಯಾಯಿನ ರೋಟರಿ ಕ್ಲಬ್ ಬಂಟ್ವಾಳದ 2021-22ನೇ ಸಾಲ್ ದ ಪೊಸ ಗುರ್ಕಾರ್ಲಾದ್ ಅಂಚನೇ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ಜುಲೈ 9 ತಾರೀಖ್ ಗ್ ಬೈಯ್ಯ ಬಿ.ಸಿ.ರೋಡ್ ದ ರೋಟರಿ ಬಿ.ಎ.ಸೋಮಯಾಜಿ ಮೆಮೋರಿಯಲ್ ಸಭಾಂಗಣಡ್ ನಡಪರೇ ಉಂಡು ಪಂದ್ ಪೊಸ ಗುರ್ಕಾರ್ಲಾಯಿನ ಮುಹಮ್ಮದ್ ವಳವೂರು ತೆರಿಪಾಯೆರ್ .

ಗುರುವಾರ ಬೈಯ್ಯ ಬಿ.ಸಿ.ರೋಡ್ ಡ್ ಲೆತ್ತಿನ ಸುದ್ದಿಗೋಷ್ಠಿಡ್ ಪಾತೆರಿನ ಮೇರ್ , ಪೂರ್ವ ಜಿಲ್ಲಾ ಗವರ್ನರ್ ಡಾ. ನಾಗಾರ್ಜುನ್ ಮೇರ್ ಪೊಸ ಪದಾಧಿಕಾರಿಲೆನ ಪದಗ್ರಹಣ ಬೋಧಿಸಾಯೆರ್ . ಮಲ್ಲ ಬಿನ್ನೆರ್ ಆದ್ ಜಿಲ್ಲೆದ 3181 ವಲಯ 4ರ ಸಹಾಯಕ ಗವರ್ನರ್ ರೋ. ಪಿಎಚ್‌ಎಫ್ ಸುರೇಂದ್ರ ಕಿಣಿ, ಜಿಲ್ಲೆ 3181ರ ವಲಯ ಸೇನಾನಿ ರೋ. ಪಿಎಚ್‌ಎಫ್ ಅವಿಲ್ ಮಿನೇಜಸ್ ಪಾಲ್ ಪಡೆಯರೇ ಉಲ್ಲೆರ್.

ರಾಜೀವ್ ಗಾಂಧೀ ಖೇಲ್ ರತ್ನ ಪುರಸ್ಕೃತ ಕ್ರೀಡಾ ಪಟು ಮೂಸ ಶರೀಫ್ ಗ್ ಮಾನದಿಗೆ

ಕುಡ್ಲ, ಜುಲೈ 10: ತ್ರಿಭುವನ್ ಆಟೋಮೋಟಿವ್ ಸ್ಪೋಟ್ಸ್ ಕ್ಲಬ್ (ಟಿಎಎಸ್‍ಸಿ) ಬೊಕ್ಕ ಬೆದ್ರಾ ಎಡ್ವೆಂಚರಸ್ ಕ್ಲಬ್ (ಬಿಎಸಿ) ಜಂಟಿಯಾದ್ ರಾಜೀವ್ ಗಾಂಧಿ ಖೇಲ್ ರತ್ನ ಪ್ರಶಸ್ತಿ 2021ಕ್ಕ್ ಫೆಡರೇಶನ್ ಆಫ್ ಮೋಟರ್ ಸ್ಪೋಟ್ಸ್ ಕಾರ್ಪೋರೇಷನ್, ಇಂಡಿಯಾ (ಎಫ್‍ಎಮ್‍ಎಸ್‍ಸಿಐ) ನಾಮನಿರ್ದೇಶನ ಮಲ್ದಿನ ಶ್ರೀ ಮೂಸಾ ಷರೀಫ್ ಮೆರೆಗ್ ವಿಶೇಷವಾದ್ ಮಾನದಿಗೆ ಮಲ್ತುಂಡು .

ಟ್ರ್ಯಾಕ್‍ಡ್ 30ರ್ದ್ ಜಾಸ್ತಿ ವರ್ಷಇತ್ತಿನ ಶ್ರೀ ಮೂಸಾರ ಭಾರತದ ಒವ್ವೆ ಚಾಲಕನ ವಿಶ್ವಸನೀಯ ಮಾರ್ಗದರ್ಶಕೆರ್ . ಇನಿ ಮುಟ ಶ್ರೀಯುತೆರ್ ಜಗತ್ತ್ ದ ಬೇತೆ ಬೇತೆ ಭಾಗದ ಸುಮಾರ್ ಐವರ್ದ್ ಜಾಸ್ತಿ ಚಾಲಕೆರೆಗ್ ಮಾರ್ಗದರ್ಶಕೆರಾದ್ ಬೇಲೆ ಮಲ್ದೆರ್. ಆ ಸಾದಿಡ್ ಅವ್ವೆತೋ ಪ್ರಶಸ್ತಿಲೆನ್ ಪಡೆತೆರ್ . ಏಳ್ ಸಲ ರಾಷ್ಟ್ರೀಯ ಚಾಂಪಿಯನ್‍ಶಿಪ್ ಪಡೆಯಿನ ಮೇರ್ ಭಾರತನ್ ಪ್ರತಿನಿಧಿಸಾದ್ 200ರ್ದ್ ಜಾಸ್ತಿ ಸಲ ಮಾನದಿಗೆ ಪಡೆತೆರ್.

ಒಡಿಪುಡು ಸಾಲು ಮರದ ತಿಮ್ಮಕ್ಕ ಉದ್ಯಾನವನ ಉದಿಪನ

ಒಡಿಪು, ಜುಲೈ 10: ಅರಣ್ಯ ಇಲಾಖೆ, ಕುಂದಾಪುರ ಅರಣ್ಯ ವಿಭಾಗದ ವತಿರ್ದ್ ಕಟ್ಟಿನ ಸಾಲು ಮರದ ತಿಮ್ಮಕ್ಕ ವೃಕ್ಷ ಉದ್ಯಾನವನದ ಉದಿಪನದ ಲೇಸ್ ಜುಲೈ 10 ತಾರೀಖ್ ಗ್ ಮಧ್ಯಾಹ್ನ 3 ಗಂಟೆಗ್ ಹೆಬ್ರಿಡ್ ನಡಪರೇ ಉಂಡು.

ಮಾನ್ಯ ಅರಣ್ಯ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಸಚಿವೆರಾಯಿನ ಅರವಿಂದ ಲಿಂಬಾವಳಿ ಉದಿಪನ , ಶಾಸಕ ಬೊಕ್ಕ ವಿಧಾನಸಭೆತ ಸರಕಾರಿ ಮುಖ್ಯ ಸಚೇತಕ ವಿ. ಸುನೀಲ್ ಕುಮಾರ್ ಗುರ್ಕಾರ್ಮೆ ವಹಿಸೆರೆ ಉಲ್ಲೆರ್ .

ಈ ಲೇಸ್ ಡ್ ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ, ಮುಜರಾಯಿ, ಹಿಂದುಳಿದ ವರ್ಗದ ಕಲ್ಯಾಣ ಇಲಾಖಾ ಸಚಿವ ಕೋಟ ಶ್ರೀನಿವಾಸ ಪೂಜಾರಿ, ಕೇಂದ್ರ ಕೃಷಿ ಬೊಕ್ಕ ರೈತರ ಕಲ್ಯಾಣ ಖಾತೆ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ, ರಾಜ್ಯ ಹಿಂದುಳಿದ ವರ್ಗದ ಆಯೋಗದ ಗುರ್ಕಾರ್ಲಾಯಿನ ಕೆ. ಜಯಪ್ರಕಾಶ್ ಹೆಗ್ಡೆ, ರಾಜ್ಯಸಭಾ ಸದಸ್ಯ ಆಸ್ಕರ್ ಫೆರ್ನಾಂಡೀಸ್, ಸಂಸದ ಬಿ.ವೈ.ರಾಘವೇಂದ್ರ, ಕುಡ್ಲ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರು ರತ್ನಾಕರ ಹೆಗ್ಡೆ, ಶಾಸಕರಾದ ಹಾಲಾಡಿ ಶ್ರೀನಿವಾಸ ಶೆಟ್ಟಿ, ಪಾಲ್ ಪಡೆಯರೇ ಉಲ್ಲೆರ್.