July 2021

ಕಿರಿಯ ಮಹಿಳಾ ಆರೋಗ್ಯ ಸಹಾಯಕಿ ಹುದ್ದೆಗ್ ಲೆಪ್ಪೋಲೆ

ಒಡಿಪು, ಜುಲೈ 12: : ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ವತಿರ್ದ್ ಜಿಲ್ಲೆದ ಬೇತೆ ಬೇತೆ ಆರೋಗ್ಯ ಸಂಸ್ಥೆಡ್ ಖಾಲಿ ಉಪ್ಪುನ ಕಿರಿಯ ಮಹಿಳಾ ಆರೋಗ್ಯ ಸಹಾಯಕಿ ಹುದ್ದೆನ್ ತಾತ್ಕಾಲಿಕವಾದ್ ಅಂಚನೇ ದುಂಬುದ ಆದೇಶ ಮುಟ ಮಾಸಿಕ 15,000 ರೂ. ವೇತನದಲಕ ಗುತ್ತಿಗೆ ಆಧಾರಡ್ ನೇಮಕ ಮಲ್ಪರೆ , ಜುಲೈ 13ಕ್ಕ್ ಕಾಂಡೆ 10:30ಕ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿಲೆನ ಕಚೇರಿಡ್ ನೇರ ಸಂದರ್ಶನ ಅಟ್ಟನೆ ಮಲ್ದೆರ್ .

ಕಿರಿಯ ಮಹಿಳಾ ಆರೋಗ್ಯ ಸಹಾಯಕಿ ತರಬೇತಿ ಆದ್ , ರಾಜ್ಯ ನರ್ಸಿಂಗ್ ಕೌನ್ಸಿಲ್‌ಡ್ ನೋಂದಣಿ ಆಯಿನ ಅಭ್ಯರ್ಥಿಲು ವಿದ್ಯಾರ್ಹತೆದ ಮಾತಾ ಮೂಲ ದಾಖಲಾತಿದೊಟ್ಟುಗು ಸಂದರ್ಶನಗ್ ಬರೋಲಿ .
ಎಚ್ಚದ ಮಾಹಿತಿಗಾದ್ ಈ ಸಂಖ್ಯೆ ಗ್ ಲೆಪ್ಪು ಕೊರ್ಲೆ 0820-2536650/ 2525566.

ಹೆಬ್ರಿ ಸರಕಾರಿ ಆಸ್ಪತ್ರೆಡ್ ಆಕ್ಸಿಜನ್ ಉತ್ಪಾದನ ಘಟಕದ ಉದಿಪನದ ಲೇಸ್

ಹೆಬ್ರಿ ಜುಲೈ 12: ಕುಡ್ಲ ಕೆಮಿಕಲ್ ಬೊಕ್ಕ ಫರ್ಟಿಲೈಸರ್ ವತಿರ್ದ್ ಹೆಬ್ರಿ ಸರಕಾರಿ ಆಸ್ಪತ್ರೆಡ್ ನಿರ್ಮಾಣ ಆಯಿನ ಪೊಸ ಆಕ್ಸಿಜನ್ ಉತ್ಪಾದನ ಘಟಕದ ಉದಿಪನದ ಲೇಸ್ ಮಾನ್ಯ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಬೊಕ್ಕ ವೈದ್ಯಕೀಯ ಶಿಕ್ಷಣ ಇಲಾಖ ಸಚಿವೆರಾಯಿನ ಶ್ರೀ. ಡಾ.ಕೆ ಸುಧಾಕರ್ ಮೆರ್ನ ಮುತಾಲಿಕೆಡ್ ತಾರೀಖ್ 14/7/2021 ನೇ ಬುಧವಾರ ಕಾಂಡೆ 11 ಗಂಟೆಗ್ ಹೆಬ್ರಿ ಸರಕಾರಿ ಆಸ್ಪತ್ರೆಡ್ ನಡಪರೇ ಉಂಡು.

ಕರ್ನಾಟಕದ 19ನೇ ರಾಜ್ಯಪಾಲೆರಾದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ತಾವರ್ ಚಂದ್ ಗೆಹ್ಲೋಟ್

ಬೆಂಗ್ಳೂರು: ರಾಜ್ಯದ 19ನೇ ರಾಜ್ಯಪಾಲೆರಾದ್ ತಾವರ್ ಚಂದ್ ಗೆಹ್ಲೋಟ್ ರಾಜಭವನದ ಗಾಜಿನ ಇಲ್ಲಡ್ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್ .

ಈಶ್ವರನ ಪುದರ್ ಡ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ಪೊಸ ರಾಜ್ಯಪಾಲೆರೆಗ್ ಅಧಿಕಾರ ಬೊಕ್ಕ ಗೌಪ್ಯತೆದ ಪ್ರಮಾಣವಚನನ್ ಹೈಕೋರ್ಟ್ ಮುಖ್ಯ ನ್ಯಾ. ಅಭಯ್ ಶ್ರೀನಿವಾಸ್ ಓಕಾ ಬೋಧನೆ ಮಲ್ದೆರ್ . ಐರ್ದ್ ಬೊಕ್ಕ ಸಿ.ಎಂ ಬಿ.ಎಸ್ ಯಡಿಯೂರಪ್ಪ ಮೇರ್ ಪುಷ್ಪಗುಚ್ಛ ಕೊರ್ದು ಸ್ವಾಗತ ಮಲ್ದೆರ್ .

ಸಂಚಾರ ಸುರು ಮಲ್ತಿನ ಕರ್ನಾಟಕದ ಸುರುತ್ತ ವಿಸ್ಟಾಡಾಮ್ ಕೋಚ್‌ ರೈಲ್

ಕುಡ್ಲ , ಜುಲೈ 12; ಕರ್ನಾಟಕದ ಸುರುತ್ತ ವಿಸ್ಟಾಡಾಮ್ ಕೋಚ್‌ ರೈಲ್ ಗ್ ಕುಡ್ಲಡ್ ಚಾಲನೆ ಕೊರಿಯೆರ್ . ಪ್ರವಾಸೋದ್ಯಮನ್ ಆಕರ್ಷಕ ಮಲ್ಪರೆ ಈ ವಿನೂತನ ಯೋಜನೆನ್ ಸುರು ಮಲ್ದೆರ್ . ಕುಡ್ಲ ರ್ದ್ ಪಿದಾಡಿನ ರೈಲ್ ಬೆಂಗ್ಳೂರುದ ಯಶವಂತಪುರ ಮುಟ್ಟುದುಂಡು .

ಕುಡ್ಲ -ಬೆಂಗ್ಳೂರು ನಡುತ ಪಗೆಲ್ ದ ರೈಲ್ ಗ್ ರಡ್ಡ್ ವಿಸ್ಟಾಡಾಮ್ ಕೋಚ್ ಅವಳವಡಿಕೆ ಮಲ್ದೆರ್ . ಐತಾರ ದಕ್ಷಿಣ ಕನ್ನಡ ಸಂಸದ ನಳಿನ್ ಕುಮಾರ್ ಕಟೀಲ್ ಈ ರೈಲ್ ಗ್ ಚಾಲನೆ ಕೊರಿಯೆರ್ .

ಕುಡ್ಲ ಬೊಕ್ಕ ಒಡಿಪುಡು ನಾಗರಿಕ ಪೊಲೀಸ್ ಕಾನ್ಸ್ಟೇಬಲ್ ಹುದ್ದೆಗ್ ಲೆಪ್ಪು

ಕುಡ್ಲ, ಜುಲೈ 11: ತುಳುನಾಡು ಜಿಲ್ಲೆಲಾಯಿನ ಕುಡ್ಲ ಬೊಕ್ಕ ಒಡಿಪುಡು ನಾಗರಿಕ ಪೊಲೀಸ್ ಕಾನ್ಸ್ಟೇಬಲ್ ನೇರ ನೇಮಕಾತಿ ಪ್ರಕ್ರಿಯೆ ಸುರು ಆತುಂಡು.

ಅರ್ಜಿ ಸಲ್ಲಿಸಾಯೆರೆ ಕಡೆತ ದಿನ 12.07.2021

ನೇಮಕಾತಿ ಪ್ರಕ್ರಿಯೆ:
1. ಪ್ರವೇಶ ಪರೀಕ್ಷೆ (CET)
2. ದೇಹಸಹಿಷ್ಣುತ ಪರೀಕ್ಷೆ (ET,PST )
3. ವೈದ್ಯಕಿಯ ಪರೀಕ್ಷೆ (Medical test)

ಅರ್ಹತೆ:
1. ದ್ವಿತೀಯ ಪಿಯುಸಿ ಉತ್ತೀರ್ಣ.
2. 168cm ಎತ್ತರ ಉಪ್ಪೊಡು .

ವೇತನ ಶ್ರೇಣಿ:
ರೂ. 23,500-47,650 ಪಂಡ ಸುಮಾರ್ ರೂ. 34,000.00 ವೇತನ

ಹುದ್ದೆಲು :
ಮಂಗಳೂರು ನಗರ – 140 ಹುದ್ದೆಲು
ದಕ ಜಿಲ್ಲೆ – 68 ಹುದ್ದೆಲು .
ಒಡಿಪು ಜಿಲ್ಲೆ – 81 ಹುದ್ದೆಲು .

ವಯೋಮಿತಿ: ಕನಿಷ್ಟ 19 ವರ್ಷ
ಗರಿಷ್ಟ: ಸಾಮಾನ್ಯ ವರ್ಗ 25 ವರ್ಷ, SC /ST/ OBC – 27 ವರ್ಷ

ಅರ್ಜಿ ಶುಲ್ಕ ಕೈತಲ್ ದ ಅಂಚೆ ಕಚೇರಿಡ್ ಕಟ್ಟೋಲಿ .

GM/OBC -400 ರೂ. ಅರ್ಜಿ ಶುಲ್ಕ
SC/ST /C1-200 ರೂ. ಅರ್ಜಿ ಶುಲ್ಕ

ಬೋಡಾಪಿನ ದಾಖಲೆ:
_1.SSLC ಮಾರ್ಕ್ ಕಾರ್ಡ್_
_2.ಪಿಯುಸಿ ಮಾರ್ಕ್ ಕಾರ್ಡ್_
_3.ಆಧಾರ್ ಕಾರ್ಡ್_
_4.ಜಾತಿ ಬೊಕ್ಕ ಆದಾಯ ಪ್ರಮಾಣ ಪತ್ರ_
5.ಕನ್ನಡ ಮಾಧ್ಯಮ
6.ಗ್ರಾಮೀಣ ವಿಧ್ಯಾಭ್ಯಾಸ ಪ್ರಮಾಣ ಪತ್ರ
_7. ಪಾಸ್ಪೋರ್ಟ್ ಸೈಜ್ ಪೋಟೋ_

https://recruitment.ksp.gov.in/online-recruitment-application