July 2021

ಕುಡ್ಲ ಲಯನ್ಸ್ ಕ್ಲಬ್ ದ ಪೊಸ ಪದಾಧಿಕಾರಿಲೆನ ಪದಗ್ರಹಣ ಲೇಸ್

ಕುಡ್ಲ, ಜುಲೈ 13: ಲಯನ್ಸ್ ಕ್ಲಬ್ ಕುಡ್ಲ ಘಟಕಗ್ ಪೊಸ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ಪೇಂಟೆದ ಮಲ್ಲಿಕಟ್ಟೆ ಲಯನ್ ಸೇವಾ ಮಂದಿರಡ್ ನಡತುಂಡು.

ನಿಕಟ ಪೂರ್ವ ಗುರ್ಕಾರ್ಲಾಯಿನ ಕೃಷ್ಣನಂದ ಪೈ ಮುತಾಲಿಕೆಡ್ ಪದಗ್ರಹಣ ಲೇಸ್ ನಡತುಂಡು . ಪೊಸ ಗುರ್ಕಾರ್ಲಾದ್ ಬಿ.ಸತೀಶ್ ರೈ, ಕಾರ್ಯದರ್ಶಿಯಾದ್ ಸುಪ್ರಿತಾ ಜಿ. ಶೆಟ್ಟಿ, ಕೋಶಾಧಿಕಾರಿಯಾದ್ ಡೆನ್ನಿಸ್ ರೋಡ್ರಿಗಸ್ ಸಹಿತ ಕೆಲವು ಪದಾಧಿಕಾರಿಲು ಪ್ರಮಾಣ ವಚನ ಸ್ವೀಕಾರ ಮಲ್ತೆರ್ .

ನಿಕಟಪೂರ್ವ ಕಾರ್ಯದರ್ಶಿ ಪ್ರಶಾಂತ್ ಕಡಬಾ ಬೊಕ್ಕ ನಿಕಟಪೂರ್ವ ಕೋಶಾಧಿಕಾರಿ ಎಂ.ಸುಧಕರ್ ಶೆಟ್ಟಿ ಮೇರ್ ನಿರ್ಗಮನ ಗುರ್ಕಾರ್ಲಾಯಿನ ಕೃಷ್ಣನಂದ ಪೈ ಬೊಕ್ಕ ಆರ್ನ ಧರ್ಮಪತ್ನಿ ಕವಿತಾ ಪೈ ಮೆರೆನ್ ಮಾನದಿಗೆ ಮಲ್ತೆರ್.

ಇನಿ ಎಸೆಸೆಲ್ಸಿ ಜೋಕ್ಲೆಗ್ ಸೀದಾ ಫೋನ್ ಇನ್ ಕಾರ್ಯಕ್ರಮ

ಕುಡ್ಲ, ಜುಲೈ 13: ಪ್ರಸಕ್ತ ಸಾಲ್ ದ ಎಸೆಸೆಲ್ಸಿ ಪರೀಕ್ಷೆ ಜು.19 ಬೊಕ್ಕ 22ಕ್ಕ್ ನಡಪರೇ ಉಂಡು , ಪರೀಕ್ಷೆಗ್ ಸಂಬಂಧ ಪಟ್ಟಿನಂಚ ಸಂದೇಹ ಪರಿಹರ ಮಲ್ಪರೆ ಇನಿ ಕಾಂಡೆ 10:30ಕ್ ದ.ಕ. ಜಿಲ್ಲೆದ ಜೋಕ್ಲೆಗ್ ‘ನೇರ ಫೋನ್ ಇನ್’ ಕಾರ್ಯಕ್ರಮ ಅಟ್ಟನೆ ಮಲ್ದೆರ್ .

ಪರೀಕ್ಷೆ ಬಗ್ಗೆ ಜಿಲ್ಲೆಡ್ ಮಲ್ದಿನ ತಯಾರಿ ಬೊಕ್ಕ ಪರೀಕ್ಷೆ ಬರೆಪಿನ ಜೋಕ್ಲೆಗ್ ಅನುಮಾನ, ಸಂದೇಹ ಇತ್ತುಂಡ ಪ್ರಶ್ನೆ ಕೇಂದ್ ಅವೆನ್ ಪರಿಹರಿಸಾಯೆರೆ ಜಿಲ್ಲಾ ಸಾರ್ವಜನಿಕ ಶಿಕ್ಷಣ ಇಲಾಖೆ ಆಕಾಶವಾಣಿ ಕುಡ್ಲ ಒಟ್ಟು ಸೇರಿಗೆಡ್ ಈ ಲೇಸ್ ಅಟ್ಟನೆ ಮಲ್ದೆರ್ .

ದೂ.ಸಂ.: 0824-2211999, 8277038000 ಗ್ ಲೆಪ್ಪು ಕೊರ್ಪಿನ ಮುಖೇನ ಜಿಲ್ಲೆದ ಮಾತಾ ಜೋಕುಲು ಬೊಕ್ಕ ಪೋಷಕೆರ್ ಪ್ರಯೋಜನ ಪಡೆಯರೆ ಸಾರ್ವಜನಿಕ ಶಿಕ್ಷಣ ಇಲಾಖೆದ ದ.ಕ. ಜಿಲ್ಲಾ ಉಪನಿರ್ದೇಶಕೆರಾಯಿನ (ಆಡಳಿತ) ಪ್ರಕಟನೆಡ್ ತೆರಿಪಾದೆರ್.

ಒಡಿಪುಡು ಅಂಗಾರೆ ಕೋವಿಡ್ ಲಸಿಕಾ ಲಭ್ಯತೆದ ವಿವರ

ಒಡಿಪು, ಜುಲೈ 13: ಒಡಿಪುಡು ಜು.13ಕ್ಕ್ ಪೇಂಟೆದ ಸರಕಾರಿ ತಾಯಿ ಬೊಕ್ಕ ಜೋಕ್ಲೆನ (ಬಿಆರ್‌ಎಸ್) ಆಸ್ಪತ್ರೆಡ್ ಜುಲೈ 20 ದುಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ಪಡೆದ್ 28 ದಿನ ಆಯಿನಕ್ಲೆಗ್ 2ನೇ ಡೋಸ್ ಕೋವಿಶೀಲ್ಡ್ 100 ಡೋಸ್ ಲಸಿಕೆ ಲಭ್ಯ ಉಂಡು .

ಒಡಿಪು ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದ ಅಲಂಕಾರ್ ಥಿಯೇಟರ್ ಕೈತಲ್ ಉಪ್ಪುನ ಪರ ಕಟ್ಟಡಡ್ ಕೊರೋನ ಮುಂಚೂಣಿ ಕಾರ್ಯಂತೆರ್ , ದುರ್ಬಲ ಗುಂಪುದ ಫಲಾನುಭವಿಲು , ಆದ್ಯತಾ ಕೂಟ ದಕುಲು , ಆರೋಗ್ಯ ಕಾರ್ಯಂತೆರ್ , ಕೇಂದ್ರ ಸರಕಾರ ಗುರ್ತಿಸಾಯಿನ ಮುಂಚೂಣಿ ಕಾರ್ಯಂತೆರ್ ಬೊಕ್ಕ 45 ವರ್ಷ ಮಿತ್ತ್ ದ ಸಾರ್ವಜನಿಕೆರೆಗ್ 2ನೇ ಡೋಸ್ ಕೋವಿಶೀಲ್ಡ್ 100 ಡೋಸ್ ಲಸಿಕೆ ಉಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ. ನಾಗಭೂಷಣ ಉಡುಪ ಹೆಚ್ ತೆರಿಪಾದೆರ್.

ಎಸ್‌ವೈಎಸ್ ಮುಡಿಪು ಸೆಂಟರ್ ವತಿರ್ದ್ ನೆತ್ತೆರ್ ದಾನ ಶಿಬಿರ

ಕುಡ್ಲ ಜುಲೈ 13: : ಅಗತ್ಯ ಪೊರ್ತುಡು ಇಲ್ಲದಕುಲು , ಕುಟುಂಬ ದಕ್ಲೆಗ್ ನೆತ್ತೆರ್ದ ಅಗತ್ಯ ಉಪ್ಪುನಗ ನಾಡುನ ಬದಲ್ ರಕ್ತ ಸಂಗ್ರಹಡ್ ಉಪ್ಪುಲಕ ತೂಪಿನವು ಅಗತ್ಯ. ಜೀವಡ್ ಚೈತನ್ಯಉಪ್ಪುನಗ ನೆತ್ತೆರ್ ದಾನ ಮಲ್ಪರೆ ಪ್ರತಿಯೊರಿಲಾ ದುಂಬು ಬರೊಡು ಪಂದ್ ಎಸ್‌ವೈಎಸ್ ರಾಜ್ಯ ಬ್ಲಡ್ ಸೈಬೋ ನಿರ್ವಾಹಕ ಜೆ.ಎಂ.ಕಾಮಿಲ್ ಸಖಾಫಿ ಪಂಡೆರ್ .

ಎಸ್‌ವೈಎಸ್ ಮುಡಿಪು ಸೆಂಟರ್ ಬೊಕ್ಕ ಎಸ್ಸೆಸ್ಸೆಫ್ ಮುಡಿಪು ಸೆಕ್ಟರ್ ವತಿರ್ದ್ ಯೆನೆಪೊಯ ವೈದ್ಯಕೀಯ ಕಾಲೇಜು ಒಟ್ಟು ಸೇರಿಗೆಡ್ ಎಸ್‌ವೈಎಸ್ ಬ್ಲಡ್ ಸೈಬೋ ಅಧೀನಡ್ ಬೋಳಿಯಾರ್‌ಡ್ ನಡತಿನ ನೆತ್ತೆರ್ ದಾನ ಶಿಬಿರ ಉದಿಪನ ಮಲ್ತ್ ಪಾತೆರಿಯೆರ್.

ಲೇಸ್ ಡ್ ಮುಡಿಪು ಸೆಕ್ಟರ್ ಮಟ್ಟದ ಕಿರಾಅತ್ ಬೊಕ್ಕ ಹಿಫ್ಳ್ ಪಂತೋಡು ಬಹುಮಾನಿತ ಜೋಕುಲಾಯಿನ ಆಶಿಕ್ ಮದ್ಯನಡ್ಕ, ತ್ವಲ್‌ಹತ್ ಮದ್ಯನಡ್ಕ, ಕಬೀರ್ ಕುಕ್ಕುದಕಟ್ಟೆ, ಶಾಝ್ ಮದ್ಯನಡ್ಕ, ಮುಫೀದ್ ಮುಡಿಪು, ರಾಝಿಕ್ ಜಾರದಗುಡ್ಡ ಮೆಕ್ಲೆಗ್ ಮಾನದಿಗೆ ಮಲ್ತೆರ್.

ಕುಕ್ಕಾಜೆ ಎಸ್ಸೆಸ್ಸೆಫ್ ಹೆಲ್ಪ್ ಲೈನ್ ಸಂಘಟನೆದ ವತಿರ್ದ್ ಸ್ವಚ್ಛತಾ ಕಾರ್ಯಕ್ರಮ

ಕೊಣಾಜೆ: ಜುಲೈ 12: ಇರಾ ಗ್ರಾಮದ ಕುಕ್ಕಾಜೆ ಕಾಪಿಕಾಡು ಎಸ್ಸೆಸ್ಸೆಫ್ ಹೆಲ್ಪ್ ಲೈನ್ ಸಂಘಟನೆದ ವತಿರ್ದ್ ಕಾಪಿಕಾಡು ಮದರಸದ ವಠಾರಡ್ ಸ್ವಚ್ಛತಾ ಕಾರ್ಯಕ್ರಮ ಐತಾರ ನಡತುಂಡು .

ಸೆಯ್ಯದ್ ಮುಸ್ತಾಕುರ್ರಹ್ಮಾನ್ ತಂಙಳ್ ಚಟ್ಟೆಕ್ಕಲ್ ಮೇರ್ ಪ್ರಾರ್ಥನೆ ಮಲ್ಪುನ ಮುಖೇನ ಕಾರ್ಯಕ್ರಮಗ್ ಚಾಲನೆ ಕೊರಿಯೆರ್ .

ಎಸ್ಸೆಸ್ಸೆಫ್ ಕಾಪಿಕಾಡು ಗುರ್ಕಾರ್ಲಾಯಿನ ಅಬ್ದುಲ್ ಜಲೀಲ್ ಕಾಪಿಕಾಡು, ಪಧಾಧಿಕಾರಿಲಾಯಿನ ಅಬ್ದುಲ್ ಅಝೀಜ್ ,ಸಿದ್ದೀಕ್ ಫಾಳಿಲಿ ತೋಟ, ಹಂಝ ದರ್ಬೆ, ಸಿದ್ದೀಕ್ ಮುಸ್ಲಿಯಾರ್ ಬೈಲ್, ಅಬ್ದುಲ್ ರಝಕ್ ಕಲ್ಪನೆ ಪಾಲ್ ಪಡೆದಿತ್ತೆರ್.