ಶ್ರೀಕೃಷ್ಣ ಮಠ: 1ಕೋಟಿ ರೂಪಾಯಿ ವೆಚ್ಚಡ್ ಅಭಿವೃದ್ಧಿ ಕಾಮಗಾರಿ:ಮಧ್ವ ಸರೋವರದ ನಡುಭಾಗ ಮಧ್ವ ಗುಡಿ ನವೀಕರಣ
ಒಡಿಪು : ಪರ್ಯಾಯ ಶ್ರೀ ಅದಮಾರು ಮಠದ ಪರ್ಯಾಯಾವಧಿಡ್ ಶ್ರೀ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದೆರ್ನ ಆಶಯದಲಕ ಪುನರುತ್ಥಾನದ ಬೇಲೆ ನಡತೊಂದು ಉಂಡು. ಶ್ರೀಕೃಷ್ಣ ಮಠಟ್ ಮೂಲಭೂತ ಸೌಕರ್ಯಲೆಗ್ ಎಚ್ಚದ ಒತ್ತುಕೊರ್ದು , ಆ ಮುಖೇನ ಶ್ರೀಕೃಷ್ಣನ ಕೃಪೆಗ್ ಪಾತ್ರರಾಕ ಪನ್ಪಿನ ಅಂಬೋಣದಲಕ ಕಾಮಗಾರಿ ಪ್ರಗತಿಡ್ ಉಂಡು.
ಇತ್ತೆ ಶ್ರೀಮಠದ ಪೈಂಟಿಂಗ್, ಎಲೆಕ್ಟ್ರಿಕಲ್ ಬೊಕ್ಕ ಬೇತೆ ಕಾಮಗಾರಿದ ಒಟ್ಟು ಖರ್ಚ್ – ರೂ. 31.88 ಲಕ್ಷ, ವಿಶ್ವಪಥ-ಯಾತ್ರಾರ್ಥಿಲೆನ ಸರಣಿ ದರ್ಶನದ ಸಾದಿ – ರೂ. 52.63 ಲಕ್ಷ, ಸರೋವರದ ಎದುರು ಭಾಗದ ಮಾಡ್ ದ ನವೀಕರಣದ ಅಂದಾಜ್ ಖರ್ಚ್ – ರೂ. 15.00 ಲಕ್ಷ,ಮಧ್ವ ಸರೋವರದ ನಡುಭಾಗದ ಮಧ್ವ ಗುಡಿತ ನವೀಕರಣದ ಅಂದಾಜು ಖರ್ಚು – ರೂ. 20.00 ಲಕ್ಷ ಕಾಮಗಾರಿ ನಡತೊಂದು ಉಂಡು.
ರಥೋತ್ಸವನ್ ಪ್ರತಿ ಬುಧವಾರದಾನಿ ನಡಪಾವೊಂದು ಉಲ್ಲೆರ್.ದಾಯೆ ಪಂಡ ದಿನಾಲ ರಥೋತ್ಸವ ಮಲ್ಪುನೆರ್ದ್ ರಥದ ಗಾಲಿ ಸವೆಯುನೆರ್ದಾವರ ರಥ ಹಾಳಾಪುಂಡು.
ಇತ್ತೆ ಸುದರ್ಶನ ಪಾಸ್ ಒಟ್ಟು 7ಸಾರ ಜನ ಪುದರ್ ನೋಂದಾವಣೆ ಮಲ್ತ್ ದ್ ಪಾಸ್ ದೆತೊನ್ದೆರ್ . ವಿಶ್ವಪಥಟ್ಲಾ ಭಕ್ತೆರ್ ಇತ್ತೆ ಬೇಗ ದೇವೆರ್ನ ದರ್ಶನ ಮಲ್ಪುನ ವ್ಯವಸ್ಥೆಲಾ ಉಂಡು.
