ರಾಜ್ಯಡ್ ಅಭಿವೃದ್ಧಿ ದಾಲ ಅತಿಜಿ: ಕೋಟಿ ರೂ. ಕುಡ್ಲಗ್ ಬತ್ತಿನ ಅಧಿಕಾರಿರ್ದ್ ಜನಕ್ಲೆನ ಸುಲಿಗೆ: ಶಾಸಕೆರ್ ಡಾ.ಭರತ್ ಶೆಟ್ಟಿ
ಕುಡ್ಲ : ಕೋಟಿ ಕೊರ್ದು ಕುಡ್ಲಗ್ ಬತ್ತಿನ ಅಧಿಕಾರಿಯೊರಿ ಜನಕ್ಲೆರ್ದ್ ಸುಲಿಗೆ ವಸೊಲಿ ಮಲ್ತಿನ ಪೊಲಬು ಕೇಂದ್ ಬರೊಂದು ಉಂಡು. ಅಂಚೆನೆ ರಾಜ್ಯ ಖಜಾನೆಡ್ ಕಾಸ್ ಇಜ್ಜಂದಿನ ಕಾರಣ ನಮಕ್ ಅನುದಾನ ತಿಕೊಂದು ಇಜ್ಜಿ. ಈ ಸರಕಾರಡ್ ಅಭಿವೃದ್ಧಿ ಪನ್ಪಿನವು ದಾಲ ಇಜ್ಜಿ ಪಂದ್ ಕುಡ್ಲ ಉತ್ತರ ಶಾಸಕೆರ್ ಡಾ. ವೈ. ಭರತ್ ಶೆಟ್ಟಿ ಆರೋಪ ಮಲ್ತೆರ್.
ಮೇರ್ ಬಿಜೆಪಿ ಕುಡ್ಲ ಉತ್ತರ ಮಂಡಲದ ಮುತಾಲಿಕೆಡ್ ಕಾಂಗ್ರೆಸ್ ಭೃಷ್ಟಾಚಾರದ ವಿರುದ್ದ ಕಾವೂರು ಜಂಕ್ಷನ್ಡ್ ಅಂಗಾರೆ ಆಯೋಜನೆ ಮಲ್ತಿನ ಪ್ರತಿಭಟನೆಡ್ ಪಾಲ್ ಪಡೆದ್ ಪಾತೆರಿಯೆರ್.
ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಪಾತೆರ್ದ್, ರಾಜ್ಯದ ಕಾಂಗ್ರೆಸ್ ಕಾರ್ಪೋರೇಟರ್ ನ ಇಲ್ಲಲ್ ತಿಕಿನ ಕಾಸ್ ಲಂಚದ ಕಾಸ್ ಆತ್ಂಡ್. ಗುತ್ತಿಗೆದಾರೆರೆನ 600 ಕೋಟಿದಾತ್ ಕಮಿಷನ್ ಆಧಾರಡ್ ಬುಡುಗಡೆ ಮಲ್ತ್ ದ್ ಆ ಕಾಸ್ ಐಟಿ ದಾಳಿಡ್ ತಿಕ್ ದ್ಂಡ್. ನೆಕ್ಕ್ ಆಧಾರಲ ಉಂಡು, ಕಾಂಗ್ರೆಸ್ ನಾಯಕೆರೆಗ್ ಕುಡ ತಿಹಾರ್ ಜೈಲ್ ಕೋಣೆ ತಯಾರ್ ಆವೊಂದು ಉಂಡು ಪಂದ್ ಪಂಡೆರ್.
ಈ ಪೊರ್ತುಡು ಬಿಜೆಪಿ ಮುಖಂಡೆರ್ ಜಗದೀಶ್ ಶೇಣವ, ತಿಲಕ್ ರಾಜ್ ಕೃಷ್ಣಾಪುರ, ಕಸ್ತೂರಿ ಪಂಜ, ಪೂಜಾ ಪೈ, ರಣ್ದೀಪ್ ಕಾಂಚನ್, ಉಪ ಮೇಯರ್ ಸುನಿತಾ, ಬಿಜೆಪಿ ಮನಪಾ ಸದಸ್ಯೆರ್, ಜಿಲ್ಲೆದ ಪ್ರಮುಖೆರ್, ಮಂಡಲದ ಪದುಕೆರ್ ಪಾಲ್ ಪಡೆದಿತ್ತೆರ್.
ಶಾಸಕೆರ್ ವೇದವ್ಯಾಸ ಕಾಮತೆರ್ ಪಾತೆರ್ದ್, ಕುಡ್ಲದ ದಸರಾ ಪಂಡ ಮೈಸೂರು ದಸರಾದಾತೇ ಪುಗಾರ್ತೆ ಉಂಡು.
ಉಂದೆರ್ದಾವರ ಈ ಸರ್ತಿ ಮಾರ್ನೆಮಿ ಉಚ್ಚಯೊಡು ಸ್ಟಾಲ್ ಪಾಡ್ದೇ ಸೈ ಪನ್ಪಿನ ಜಾತ್ರಾ ವ್ಯಾಪಾರಸ್ಥೆರೆ ಸಮನ್ವಯ ಸಮಿತಿದ ಬಿನ್ನಾಪು ಇಡೆಗ್ ಎತ್ತ್ದ್ಂಡ್.