ಕುಡ್ಲ: ಕುಡ್ಲ ಪೇಂಟೆಡ್ ಒವ್ವೇ ಸಾದಿಡ್ ಪೊಂಡಲ ಬೀದಿ ನಾಯಿಲೆನ ಕಾಟ. ಸದ್ಯ ಮಾಜಿ ಶಾಸಕೆರ್ ಮೊಯ್ದೀನ್ ಬಾವಾ ಅರೆಗ್ ಬೀದಿ ನಾಯಿ ತುಚ್ಚಿನ ಪರಿಣಾಮ ಆರ್ ಕರಿನ ಇರ್ವತ್ತೈನ್ ದಿನರ್ದ್ ವ್ಹೀಲ್ ಚೇರ್ಡೆ ಪೋವೊಂದು ಉಲ್ಲೆರ್.
ಕದ್ರಿ ಪಾರ್ಕ್ದ ಉಲಾಯಿ ಇಂಚೊಗು ವಾಕಿಂಗ್ಗ್ ಬತ್ತಿತ್ತಿನ ಮೊಯ್ದೀನ್ ಬಾವಾ ಮೇರೆಗ್ ಬೀದಿ ನಾಯಿ ದಾಳಿ ಮಲ್ತ್ದ್ ಕಾರ್ಗ್ ತುಚ್ಚಿದ್ ಗಾಯ ಆತ್ಂಡ್. ಅರೆನ ಕಾರ್ದ ನರಕ್ಕ್ ಗಾಯ ಆದ್ ಆರ್ ನಡಪೆರೆ ಆವಂದಿನ ಸ್ಥಿತಿಟ್ಟ್ ಉಲ್ಲೆರ್. ಈ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಾಯಿನ ಮೊಯ್ದೀನ್ ಬಾವಾ, ಡಿಸಿಗ್, ಕಮಿಷನರ್ಗ್ ದೂರು ಕೊರ್ತೆರ್. ಬೀದಿನಾಯಿದ ಸಂತಾನ ಎಚ್ಚ ಆವಂದಿನಂಚ ಕ್ರಮ ದೆತೊನೊಡು ಪಂದ್ ಆಗ್ರಹ ಮಲ್ತ್ದೆರ್.
pallavi shetty