ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ರಾಜ್ಯದ ಸುದ್ದಿ | State News
ನನ ಪೊಸ ಗಾಡಿಗ್ ಅಪಗಪಗ ಪೊಲ್ಯೂಷನ್ ಟೆಸ್ಟ್ ಮಲ್ಪುನ ಕಿರಿಕಿರಿ ಇಜ್ಜಿ !
ದಿಲ್ಲಿ : ಗಾಡಿ ಬುಡ್ಪಿನಕ್ಲೆಗ್ ಕೇಂದ್ರ ಸರಕಾರ ಕುಡೊಂಜಿ ಗುಡ್ ನ್ಯೂಸ್ ಕೊರ್ತುಂಡು. ನನ 6 ವರ್ಷ ಮುಟ್ಟ ಪೊಸತ್ತ್ BS-VI (ಬಿಎಸ್-6) ಖಾಸಗಿ ಕಾರ್ ಬೊಕ್ಕ ಬೈಕ್ಲೆನ ಮಾಲಿನ್ಯ ನಿಯಂತ್ರಣ ಪ್ರಮಾಣಪತ್ರ (ಪಿಯುಸಿ) ಅವಧಿನ್ 3 ವರ್ಷಗ್ ವಿಸ್ತರಣೆ ಮಲ್ದ್ಂಡ್. ಆಂಡ ಈ ಸೌಲಭ್ಯ ಪರತ್ತ್ ಗಾಡಿ ಅತ್ತ್ಡ ಕಮರ್ಷಿಯಲ್ ಗಾಡಿಲೆಗ್ ಅನ್ವಯ ಆಪುಜಿ.
ಕಡಿಮೆ ಪುಗೆ ಬುಡ್ಪಿನ ಪೊಸ ಗಾಡಿಲೆನ್ ಪದೇ ಪದೇ ಟೆಸ್ಟ್ ಮಲ್ಪುನ ಕಿರಿಕಿರಿ ತಪ್ಪಾದ್, ಪರ ಗಾಡಿಲೆನ ಮಿತ್ತ್ ಜಾಸ್ತಿ ನಿಗಾ ದೀವರೆ ಕೇಂದ್ರ ರಸ್ತೆ ಸಾರಿಗೆ ಬೊಕ್ಕ ಹೆದ್ದಾರಿ ಸಚಿವಾಲಯ ಈ ಪೊಸ ನಿಯಮನ್ ಜಾರಿಗ್ ಕನದ್ಂಡ್.
