ರಾಜಬೂಡು ಬೆಂಗಳೂರುಡ್ ತುಳು ಭಾಷೆದ ಅಧಿಕೃತ ಸ್ಥಾನಮಾನಗಾದ್ ಆಗ್ರಹ ‌

ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ತಿಕ್ಕೊಡು ಪಂದ್ ಫೆ.14 ತಾರೀಕ್‌ ದಾನಿ ಬೆಂಗಳೂರುದ ಬೊಕ್ಕ ಕುಡ್ಲದ ತುಳು ಸಂಘಟನೆದ ಪ್ರಮುಖೆರ್ ಜಿ.ವಿ.ಎಸ್ ಉಲ್ಲಾಳ್ ನೇತೃತ್ವಡ್ ವಿಧಾನ ಸೌಧಗ್ ಭೇಟಿ ಕೊರಿಯೆರ್. ವಿಧಾನಸೌಧಡ್ ಪ್ರಮುಖ ಜನಪ್ರತಿನಿಧಿಲೆನ ಒಟ್ಟಿಗೆ ಸಮಾಲೋಚನೆ ಮಲ್ತ್‌ದ್ ಸಕಾರಾತ್ಮಕ ಸ್ಪಂದನೆ ತಿಕ್ ದ್‌ಂಡ್. ದ.ಕ ಜಿಲ್ಲಾ ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್ ಬೊಕ್ಕ ಪುತ್ತೂರು ಶಾಸಕೆರ್ ಅಶೋಕ್ ಕುಮಾರ್ ರೈ ಸೇರ್ದ್ ರಾಜ್ಯದ ಮುಖ್ಯ ಮಂತ್ರಿಲಾಯಿನ ಸಿದ್ಧರಾಮಯ್ಯ ಮೇರೆಗ್ ಕರ್ನಾಟಕ ರಾಜ್ಯಡ್ ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ತಿಕ್ಕೊಡು ಪಂದ್ ಸಮಗ್ರ ಮಾಹಿತಿ ಬೊಕ್ಕ ದಾಖಲೆನ್‌ ದೀದ್ ಮನವಿನ್ ಕೊರಿಯೆರ್.‌

ತುಳು ಲಿಪಿತ ತಾಡೆಯೋಲೆ ಪ್ರತಿ, ಬೇತೆ ಬೇತೆ ತುಳು ಶಿಲಾ ಶಾಸನದ ಫೊಟೋ, ಬೇತೆ ಬೇತೆ ಕಡೆ ನಡಪುನ ತುಳು ಲಿಪಿ ಕಾರ್ಯಾಗಾರದ ದಾಖಲೆ, ತುಳುನ್ ಹೊಂದಿನ “ಪ್ರಾಚೀನ ಭಾರತೀಯ ಲಿಪಿ ಮಾಲಾ” ಗ್ರಂಥದ ಪ್ರತಿ, ಪ್ರಾಚೀನ ಗ್ರೀಕ್ ನಾಟಕಡ್‌ ಇತ್ತಿನ ತುಳು ಸಂಭಾಷಣೆದ ದಾಖಲೆ, 1894ಟ್ಟ್ ಪ್ರಕಟವಾಯಿನ ಗ್ರಂಥ “ದಿ ಫಿಲಿಯೋಗ್ರಫಿ ಆಫ್ ಇಂಡಿಯಾ” ಡ್‌ ಇತ್ತಿನ ತುಳು ಲಿಪಿತ ಚಿತ್ರ ಬೊಕ್ಕ ದಾಖಲೆ, ತುಳುನ್ ಹೊಂದಿನ “ಸೌತ್ ಇಂಡಿಯನ್ ಫಿಲಿಯೋಗ್ರಫಿ” ಇಂಚಿನ, ತುಳು ಭಾಷೆದ ಹಿರಿಮೆ ಗರಿಮೆ ಅರ್ಹತೆನ್ ಬಿಂಬಿಸಾವುನ ದಾಖಲೆನ್‌ ಸಂಕ್ಷಿಪ್ತವಾದ್ ಗಮನಿಸಾದ್ ಮುಖ್ಯಮಂತ್ರಿಲು ಶೀಘ್ರಡ್ ತುಳು ಭಾಷೆಗ್ ರಾಜ್ಯಡ್ ಅಧಿಕೃತ ಸ್ಥಾನಮಾನ ಕೊರ್ಪ ಪಂದ್‌ ತೆರಿಪಾಯೆರ್.

ಲ|| ಉಪ್ಪಳ ರಾಜಾರಾಮ್ ಶೆಟ್ಟಿ, ಗೋಪಾಲ್ ಪೂಜಾರಿ ಪಟ್ಟೆ, ರೋಹಿತಾಕ್ಷ ಕಾಫಿಕಾಡ್, ಪಳ್ಳಿ ವಿಶ್ವನಾಥ್ ಶೆಟ್ಟಿ, ದಯಾನಂದ ಶೆಟ್ಟಿ ಮೂಡುಬಿದ್ರೆ ಮೊಕುಲು ಮಾತ ಈ ಪೊರ್ತುಡು ಇತ್ತೆರ್. (ವರದಿ : ಪಳ್ಳಿ ವಿಶ್ವನಾಥ ಶೆಟ್ಟಿ, ಬೆಂಗಳೂರು)