ಕಿನ್ನಿಗೋಳಿದ ಯುಗಪುರುಷಡ್ ಸಾಹಿತ್ಯಾವಲೋಕನ ಲೇಸ್

ಕಿನ್ನಿಗೋಳಿ: ಯುಗಪುರುಷ ಕಿನ್ನಿಗೋಳಿ ಬೊಕ್ಕ ಕಥಾಬಿಂದು ಪ್ರಕಾಶನ ಮೊಕ್ಲೆನ ನಿರೆಲ್ ಡ್ ಸಾಹಿತ್ಯಾವಲೋಕನ ಲೇಸ್ ಉಂದುವೇ ಫೆಬ್ರವರಿ 27 ತಾನಿ ಕಿನ್ನಿಗೋಳಿದ ಯುಗಪುರುಷ ಸಭಾಭವನಡ್ ನಡಪರೆ ಉಂಡು . ಲೇಸ್ ದ ಗುರ್ಕಾರ್ಮೆನ್ ಕನ್ನಡ ಸಾಹಿತ್ಯ ಪರಿಷತ್ತ್ ದ ಮಾಜಿ ರಾಜ್ಯಾಧ್ಯಕ್ಷರಾಯಿನ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ವೈಸೊನುವೆರ್ . ಲೇಸ್ ನ್ ಯುಗಪುರುಷದ ಪ್ರಧಾನ ಸಂಪಾದಕರಾಯಿನ ಕೊಡೆತ್ತೂರು ಭುವನಾಬಿರಾಮ ಉಡುಪರು ಉದಿಪನ ಮಲ್ಪರುಲ್ಲೆರ್ .
ಮಲ್ಲ ಬಿನ್ನೆರಾದ್ ಡಾ. ಕೊಳ್ಚಪ್ಪೆ ಗೋವಿಂದ ಭಟ್ರ್ ಪಾಲ್ ಪಡೆಯರುಲ್ಲೆರ್ . ಕೆ.ವಿ.ಲಕ್ಷ್ಮಣಮೂರ್ತಿ, ಜಯಾನಂದ ಪೆರಾಜೆ, ಪಿ. ವಿ. ಪ್ರದೀಪಕುಮಾರ್‌ ಉಪಸ್ಥಿತರಿಪ್ಪುವೆರ್ .
ಸುನೀತಾ ಪ್ರದೀಪಕುಮಾರ್ ರಚಿತ ‘ಶ್ರೀ ಮಾತಾ ವೈಷ್ಣೋ ದೇವಿ’, ಜಾನಕಿದೇವಿ ರಚಿತ ‘ಬೃಂದಾವನ’, ಡಾ. ಪ್ರೇಮಪಿ ವೈ. ಕೆ. ಮೋಳೆ ರಚಿತ ‘ನೀಲಿರಾಗ’, ನಾ. ಭಾ. ಕೆಂಪರಾಜ್ ಶಾಂತಲ ರಚಿತ ‘ನಾ ಕಂಡಂತೆ ರಾಜ’ ಈ ನಾಲ್ ಕೃತಿಲೆನ್ ಬೆದ್ರದ ಶ್ರೀಪತಿ ಭಟ್ರ್ ಬುಡುಗಡೆ ಮಲ್ಪುವೆರ್ .
ಈ ಪೊರ್ತುಡು 20 ಕವಿಲೆರ್ದ್ ಕವಿಗೋಷ್ಠಿ ನಡಪರೆ ಉಂಡು . ಸಾಹಿತಿ ಪ್ರವೀಣ್ ವ್ಹಿ. ಕುಲಜರ್ಣಿ, ಪ್ರಕಾಶ ಸುವರ್ಣ ಕಟಪಾಡಿ, ಶ್ರೀಮತಿ ಅನಿತಾ ಶೆಣೈ ಮೊಕ್ಲೆಗ್ ಗೌರವ ಮಲ್ಪುವ ಪಂದ್ ಪ್ರಕಟಣೆಡ್ ತೆರಿಪಾದೆರ್.