ಮುಲ್ಕಿ: ಕಾರ್ನಾಡ್ ಶ್ರೀ ಧರ್ಮಸ್ಥಾನಡ್ ಕೊಡಿಮರ ನಿರ್ಮಾಣ ಒಟ್ಟುಗು ಅಭಿವೃದ್ಧಿ ಕಾರ್ಯಲು ನಡತೊಂದುಂಡು ದಾನಿಲು ಕೈ ಜೋಡಾವೊಡು ಪಂದ್ ಕ್ಷೇತ್ರದ ಆಡಳಿತ ಸಮಿತಿ ಗುರ್ಕಾರ್ಲು ಎಮ್ ಎಚ್ ಅರವಿಂದ ಪೂಂಜ ಪಂಡೆರ್.
ಆರ್ ಕಾರ್ನಾಡ್ ಶ್ರೀ ಧರ್ಮಸ್ಥಾನಡ್ ನಡಪುನ ಅಭಿವೃದ್ಧಿ ಕಾರ್ಯಕ್ರಮದ ಬಗ್ಗೆ ಕ್ಷೇತ್ರದ ಸಭಾಭವನಡ್ ನಡತಿನ ಗ್ರಾಮಸ್ಥೆರೆನ ಸಭೆಟ್ ಪಾತೆರಿಯೆರ್.
ಕ್ಷೇತ್ರದ ಪೊಸ ಕೊಡಿಮರ ಪೂಜಾ ಕಾರ್ಯಕ್ರಮ ಅಂಗವಾದ್ ವಾಸ್ತು ಪೂಜೆ, ವಾಸ್ತು ಹೋಮ, ರಾಕ್ಷೋಘ್ನ ಹೋಮ ಫೆ. 25 ತಾನಿ ಬುದಾರ ಬಯ್ಯ 5 ಗಂಟೆಗ್ ನಡಪರೆ ಉಂಡು. ಫೆಬ್ರವರಿ 26ತಾನಿ ಗುರುವಾರ ಕಾಂಡೆ 8:25ಕ್ಕ್ ಕೊಡಿಮರ ಪ್ರತಿಷ್ಠೆ ಬೊಕ್ಕ ದೈವಲೆಗ್ ಕಲಶಾಭಿಷೇಕ, ಪ್ರಸನ್ನ ಪೂಜೆ, ಕ್ಷೇತ್ರಡ್ ವರ್ಷಾವಧಿ ನೇಮೋತ್ಸವ ಮಾ8-10 ಮುಟ್ಟ ನಡಪರೆ ಉಂಡು ಪಂಡೆರ್ .
ಈ ಪೊರ್ತುಡು ಕ್ಷೇತ್ರದ ಅರ್ಚಕ ಸದಾನಂದ ಪೂಜಾರಿ, ಉದ್ಯಮಿ ಲಿಂಗಪ್ಪ ಶೆಟ್ಟಿ, ಶಶಿ ಅಮೀನ್ ಗೇರುಕಟ್ಟೆ, ಆಡಳಿತ ಸಮಿತಿ ಉಪಾಧ್ಯಕ್ಷ ಶಶೀಂದ್ರ ಸಾಲ್ಯಾನ್, ಸಮಿತಿ ಸದಸ್ಯರಾಯಿನ ದೇವದಾಸ್ ನಾಯಕ್, ಜಗದೀಶ್ ಶೆಟ್ಟಿ ಕಾರ್ನಾಡ್ ಗುತ್ತು, ಪಾಂಡು ಕಾರ್ನಾಡ್, ವೈ ಎನ್ ಸಾಲ್ಯಾನ್, ಉದಯಕುಮಾರ್ ಶೆಟ್ಟಿ,ಲೋಕೇಶ ದೇವಾಡಿಗ, ವಾಸು ಕೋಟ್ಯಾನ್, ಪ್ರವೀಣ್ ಕೋಟ್ಯಾನ್, ದಿವಾಕರ ಕೋಟ್ಯಾನ್, ಚರಣ್, ಮಾನೀಶ್, ಶೈಲೇಶ್ ಕೋಟ್ಯಾನ್ ಬೊಕ್ಕ ಕೆಲವೆರ್ ಇತ್ತೆರ್.
ಬೊಕ್ಕ ಕಾರ್ನಾಡ್ ಧರ್ಮಸ್ಥಾನದ ಧಾರ್ಮಿಕ ಕಾರ್ಯಕ್ರಮದ ಲೆಪ್ಪೋಲೆ ಬುಡುಗಡೆ ಮಲ್ತೆರ್.