ಬಪ್ಪನಾಡು ದೇವಲ್ಯ ಡ್ ಕೊಡಿಮರಕ್ ಅನುಜ್ಞಾ ಕಲಶ

ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಶ್ರೀ ದುರ್ಗಾಪರಮೇಶ್ವರೀ
ದೇವಲ್ಯ ಡ್ ಇಂಚಿಪ್ಪಗ್ ನಡತಿನ ಅಷ್ಟಮಂಗಳ ಪ್ರಶ್ನಾಚಿಂತನೆಡ್ ತೋಜಿ ಬತ್ತಿಲೆಕ್ಕ ದೋಷ ನಿವಾರಣಾರ್ಥವಾದ್ ಶ್ರೀ ದೇವಲ್ಯದ ಕೊಡಿಮರತ ಬೊಳ್ಳಿ ಮುಚ್ಚಿಗೆ ದೆತ್ತುದ್ ಸರಿ ಮಲ್ಪುನ ಕಾರ್ಯಗ್ ಬುದಾರ ವಿದ್ಯುಕ್ತವಾದ್ ಚಾಲನೆ ಕೊರಿಯೆರ್.
ಶ್ರೀ ದೇವಳದ ತಂತ್ರಿಲು ತಿಬಾರ್ ಗೋಪಾಲಕೃಷ್ಣ ತಂತ್ರಿಲು ರ ಶ್ರೀ ದೇವಿಗೆ ಅನುಜ್ಞಾ ಕಳಶ, ಸಂಹಾರ ತತ್ವ ಹೋಮದೊಟ್ಟು ಧಾರ್ಮಿಕ ವಿಧಿಲೆನ್ ಕಳತ್ತೂರು ಉದಯ ತಂತ್ರಿ, ಶ್ರೀ ದೇವಲ್ಯದ ಅರ್ಚಕೆರ್ ಶ್ರೀಪತಿ ಉಪಾಧ್ಯಾಯ ಬೊಕ್ಕ ನರಸಿಂಹ ಭಟ್ ಉಪಸ್ಥಿತಿಟ್ ವಿದ್ಯುಕ್ತವಾದ್ ಮಲ್ತೆರ್. .
ಬೊಕ್ಕ ಕೊಡಿಮರತಲ್ಪ ಭಕ್ತಾದಿಲೆನ ಸಮ್ಮುಖಡ್ ಸಂಹಾರ ತತ್ವ ಕಳಶ ಸಹಿತ ಧಾರ್ಮಿಕ ವಿಧಿನ್ ನಡಪಾವುನ ಒರುಟು ಬೊಳ್ಳಿ ಮುಚ್ಚಿಗೆ ದೆತ್ತುದ್ ಕಾರ್ಯಗ್ ಚಾಲನೆ ಕೊರಿಯೆರ್.
ಈ ಪೊರ್ತುಡು ಶ್ರೀ ದೇವಲ್ಯದ ಅನುವಂಶಿಕ ಮೊಕ್ತೇಸೆರೆರ್ ಎಮ್.ದುಗ್ಗಣ್ಣ ಸಾವಂತ ಅರಸುಲು, ಕಾರ್ಯನಿರ್ವಹಣಾಧಿಕಾರಿ ಶ್ವೇತಾ ಪಳ್ಳಿ, ಅಭಿವೃದ್ಧಿ ಸಮಿತಿದ ಆತುಲ್ ಕುಡ್ಯ, ಸುನಿಲ್ ಆಳ್ವ, ಸಂಜೀವ ದೇವಾಡಿಗ, ಸುಜಿತ್ ಎಸ್.ಸಾಲ್ಯಾನ್ ನಾಗೇಶ್ ಬಪ್ಪನಾಡು, ಶಿವಶಂಕ‌ರ್ ವರ್ಮ, ನವೀನ್ ರಾಜ್ ,ಭಕ್ತಾದಿಲು ಉಪಸ್ಥಿತರಿತ್ತೆರ್.