ಮುಲ್ಕಿ: ಸೀಮೆದ ಒರುಂಭ ಮಾಗಣೆದ ಮಾನಂಪಾಡಿ ಶ್ರೀ ಜುಮಾದಿ ಜಾರಂದಾಯ ಬೊಕ್ಕ ಪರಿವಾರ ದೈವಲೆನ ನೇಮ ಬಾರಿ ಗೌಜಿಡ್ ನಡತ್ಂಡ್.
ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಐತಾರ ಮಧ್ಯಾಹ್ನ ಅನ್ನ ಸಂತರ್ಪಣೆ , ರಾತ್ರೆ ಶ್ರೀ ಜುಮಾದಿ ಬೊಕ್ಕ ಬಂಟದೈವಲೆನ ನೇಮ ನಡತ್ಂಡ್.
ಈ ಪೊರ್ತುಡು ದೈವಸ್ಥಾನದ ಗುರ್ಕಾರ್ಲು, ಆಡಳಿತ ಮಂಡಳಿದ ಸದಸ್ಯೆರ್, ಮಾನಂಪಾಡಿ ಮೊಗವೀರ ಸಭಾ, ಹೆಜಮಾಡಿ ಕೋಡಿ ಪತ್ತೆರ್, ಮಾನಂಪಾಡಿ ಮಿತ್ರವೃಂದ ಬೊಕ್ಕ ಮಹಿಳಾ ಮಂಡಳಿದ ಗುರ್ಕಾರ್ಲು ಬೊಕ್ಕ ಪದಾಧಿಕಾರಿಲು ಉಪಸ್ಥಿತರಿತ್ತೆರ್.
ಸೋಮವಾರ ಶ್ರೀ ಜುಮಾದಿ ದೈವದ ಪಿರಿಬಲಿ ಆದ್ ಭಂಡಾರ ಪಿರ ಪೋದು, ಮಧ್ಯಾಹ್ನ ಮಹಾ ಅನ್ನಸಂತಪಣೆ, ಮಾಯಂದಾಲ ದೈವದ ನೇಮೋತ್ಸವ ನಡಪರೆ ಉಂಡು