ಕಿನ್ನಿಗೋಳಿದ ಪೊಸಕಾವೇರಿಡ್ ಹಿಂದೂ ಸಂಗಮ ಅಯೋಜನಾ ಸಮಿತಿ ಕಿನ್ನಿಗೋಳಿ ಮಂಡಲದ ವತಿರ್ದ್ ಹಿಂದೂ ಸಂಗಮ
ದೇಶೊಡು ಪುಟ್ಟಿನ ಮಾತಾ ಹಿಂದುಲು, ಧರ್ಮ ರಕ್ಷಣೆ ಮಲ್ಪುನ ಕೆಲಸ ನಮ್ಮ ಕೈಟ್ ಉಂಡು. ನಮ್ಮ ಧರ್ಮಗ್ ನಮ್ಮನೇ ಆಚರಣೆ ಉಂಡು ಆಂಡ ನಮ ಅವೆನ್ ಮರತ್ ಬುಡ್ತ, ನಮ್ಮ ಸಂಸ್ಕ್ರತಿಗ್ ನಮ ವಿರುದ್ದವಾದ್ ಬದ್ಕೊಂದುಲ್ಲ ಇಂಚ ಮಲ್ತುಂಡ ನಮ್ಮ ಧರ್ಮ ರಕ್ಷಣೆ ಸಾದ್ಯ ಇಜ್ಜಿ, ಜೋಕುಲು ನಮ ಸಂಸ್ಕ್ರತಿ ವಿರೋಧಿನೆ ಕಲ್ತ್ ದ್ ಉಂದುವೇ ಸಂಪ್ರದಾಯ ಪಂದ್ ಪನ್ಪೆರ್. ನಮ್ಮ ಧರ್ಮ ಸಂಸ್ಕ್ರತಿಗ್ ಸರಿಯಾಯಿನ ನಮ್ಮ ಇಲ್ಲದ ಪರ್ಬನ್ ಆಚರಿಪುನ ಒರುಟು ಭವ್ಯ ರಾಷ್ಟ್ರನ್ ಕಟ್ಟುಗ ಪಂದ್ ಕುಡ್ಲ ವಿಭಾಗ ಬಾಲಗೋಕುಲ ಟೋಳಿದ ಸದಸ್ಯ ದಾಮೋದರ ನೆತ್ತರಕೆರೆ ಪಂಡೆರ್.
ಆರ್ ಹಿಂದೂ ಸಂಗಮ ಅಯೋಜನಾ ಸಮಿತಿ ಕಿನ್ನಿಗೋಳಿ ಮಂಡಲದ ವತಿರ್ದ್ ಪೊಸಕಾವೇರಿ ಅಶ್ವಥಕಟ್ಟೆದ ಬರಿಟ್ ನಡತಿನ ಹಿಂದೂ ಸಂಗಮಡ್ ದಿಕ್ಸೂಚಿ ಬಾಷಣ ಮಲ್ತೆರ್.
ಈ ಲೇಸ್ ಡ್ ಕ.ಸ.ಪ ಮಾಜಿ ರಾಜ್ಯಾಧ್ಯಕ್ಷ ಹರಿಕೃಷ್ಣಪುನರೂರು ಗುರ್ಕಾರ್ಮೆನ್ ವಹಿಸೊಂದಿತ್ತೆರ್. ಕಾರ್ಯಕ್ರಮದ ಸುರುಕು ಪುನರೂರು ದೇವಲ್ಯದ ಬರಿಟ್ ಬೊಕ್ಕ ಕಿನ್ನಿಗೋಳಿ ಬಟ್ಟಕೋಡಿರ್ದ್ ಹಿಂದೂ ಸಂಗಮ ನಡಪುನಡೆಗ್ ಸಾರ ಜನ ಮೆರವಣಿಗೆಡ್ ಬತ್ತೆರ್.
ಈ ಪೊರ್ತುಡು ಕಟೀಲ್ ಕ್ಷೇತ್ರದ ಅರ್ಚಕೆರ್ ಬೊಕ್ಕ ಹಿಂದೂ ಸಂಗಮ ಸಮಿತಿದ ತಾಲೂಕು ಗುರ್ಕಾರ್ಲು ಶ್ರೀ ಹರಿನಾರಾಯಣ ದಾಸ ಆಸ್ರಣ್ಣ, ಕಟೀಲ್ ವಿದ್ಯಾ ಸಂಸ್ಥೆದ ಉಪಾನ್ಯಾಸಕಿ ಡಾ.ವನಿತಾ ಶೆಟ್ಟಿ ಪದ್ಮನ್ನೂರು, ಪುನರೂರು ವಿಶ್ವನಾಥ ದೇವಸ್ಥಾನದ ಆಡಳಿತ ಮೊಕ್ತೇಸೆರೆರ್ ವಾಸುದೇವ ರಾವ್, ಜಿ.ಎಸ್.ಬಿ ಮಾತೃ ಸಮಿತಿದ ಕಾರ್ಯಂತೆರ್ ರಂಜನಿ ರಾವ್, ಗೋಳಿಜೋರ ಕೊರ್ದಬ್ಬು ದೈವಸ್ಥಾನದ ಗುರ್ಕಾರ್ಲು ಶ್ರೀ ನರ್ಸಪ್ಪ, ಮೂಕಾಂಬಿಕ ದೇವಸ್ಥಾನ ಗುತ್ತಕಾಡು ಮುಲ್ಪದ ಧರ್ಮದರ್ಶಿ ವಿವೇಕಾನಂದ, ಮಾನಂಪಾಡಿ ವೀರಭದ್ರ ಮಹಾಮ್ಮಾಯಿ ದೇವಸ್ಥಾನ ಮೊಕ್ತೇಸೆರೆರ್, ಪುರಂದರ ಡಿ ಶೆಟ್ಟಿಗಾರ್, ಎಳತ್ತೂರು ಮಹಮ್ಮಾಯಿ ದೇವಸ್ಥಾನದ ಗುರ್ಕಾರ್ಲು ಸುರೇಶ್ ಶೆಟ್ಡಿ ನಡಿಯಾಲ್ ಗುತ್ತು, ಪುನರೂರು ಶ್ರೀ ಬ್ರಹ್ಮಮುಗೇರ ದೈವಸ್ಥಾನದ ಅರ್ಚಕೆರ್ ರಘುರಾಮ ಪುನರೂರು, ಹಿಂದೂ ಸಂಗಮ ಆಯೋಜನಾ ಸಮಿತಿದ ಒತ್ತು ಗುರ್ಕಾರ್ಲು ಶಂಕರ ಮಾಸ್ಟರ್ ಗೋಳಿಜೋರ, ತಾಳಿಪಾಡಿ ಲಕ್ಷೀವೆಂಕಟರಮಣ ದೇವಸ್ಥಾನ ಗುರ್ಕಾರ್ಲು ದಯಾನಂದ ಭಟ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಹಿಂದೂ ಸಂಗಮ ಸಮಿತಿ ಮಂಡಲ ಸದಸ್ಯ ದೇವಪ್ರಸಾದ್ ಪುನರೂರು ಎದ್ಕೊಂಡೆರ್, ಶಂಕರ ಮಾಸ್ಟರ್ ಗೋಳಿಜೋರ ಸೊಲ್ಮೆ ಸಂದಾಯ ಮಲ್ತೆರ್, ಸಂತೋಷ್ ಶೆಟ್ಟಿ ಪುನರೂರು ನಿರೂಪಣೆ ಮಲ್ತೆರ್. ಹಿಂದೂ ಸಂಗಮ ಅಯೋಜನಾ ಸಮಿತಿ ಮೂಲ್ಕಿ ತಾಲೂಕು ದ ಒತ್ತು ಗುರ್ಕಾರ್ಲು ಪ್ರಥ್ವಿರಾಜ್ ಆಚಾರ್ಯ ಪ್ರಸ್ತಾವನೆ ಮಲ್ತೆರ್.