ಹಳೆಯಂಗಡಿ: ಸುರತ್ಕಲ್ ಪೊಲೀಸ್ ಠಾಣಾ ವ್ಯಾಪ್ತಿದ ವಿದ್ಯಾದಾಯಿನಿ ಸ್ಕೂಲ್ ರ್ದ್ ಅಂಗಾರೆ ಬಯ್ಯಗ್ ನಾಪತ್ತೆ ಆದಿತ್ತಿನ ನಾಲ್ ಜನ ಕಲ್ಪಾರ್ಥಿಲು ಹಳೆಯಂಗಡಿದ ಕೊಪ್ಪಳ ಆಣೆಕಟ್ಟದ ರೈಲ್ವೇ ಸಂಕದ ತಿರ್ತ್ ನಂದಿನಿ ತುದೆಟ್ಟ್ ನೀರ್ ಪಾಲಾತೆರ್.
ತೀರ್ ಪೋಯಿನ ಕಲ್ಪಾರ್ಥಿಲೆನ್ ಸುರತ್ಕಲ್ ಅಗರಮೇಲ್ ನಿವಾಸಿ ಚಂದ್ರಕಾಂತ್ ಮೆರೆನ ಮಗೆ ಯಶ್ಚಿತ್(15), ಹಳೆಯಂಗಡಿ ತೋಕೂರು ನಿವಾಸಿ ವಸಂತ ಮೆರೆನ ಮಗೆ ರಾಘವೇಂದ್ರ (15), ಸುರತ್ಕಲ್ ಗುಡ್ಡೆಕೊಪ್ಲ ನಿವಾಸಿ ವಿಶ್ವನಾಥ ಮೆರೆನ ಮಗೆ ನಿರೂಪ (15) ಬೊಕ್ಕ ಚಿತ್ರಾಪುರ ನಿವಾಸಿ ದೇವದಾಸ್ ಮೆರೆನ ಮಗೆ ಅನ್ವಿತ್ (15) ಪಂದ್ ತೆರಿದ್ ಬೈದ್ಂಡ್.
ಮೊಕ್ಲೆನ ಪುನನ್ ವೆನ್ಲಾಕ್ ಶವಾಗಾರಡ್ ದೀತೆರ್. ಜೋಕ್ಲೆನ್ ಕಳೆವೊನ್ನ ಪೋಷಕೆರ್ನ ದುಃಖ ತೂವರೆ ಆವಂದಿನ ಸ್ಥಿತಿ ಉಂಡು.
pallavi shetty