ಪೊವಾಯಿದ ಕನ್ನಡ ಸೇವಾ ಸಂಘದ ಮಹಿಳಾ ವಿಭಾಗರ್ದ್ ಅರಸಿನ ಕುಂಕುಮ ಲೇಸ್ ಬೊಕ್ಕ ಎಲ್ಯ ನಾಟಕ ಪಂತೊ ಬರ್ಪಿನ ಐತಾರ (ಫೆ.25) ಮದ್ದೆನ 2.30ಗು ಸರಿಯಾದ್ ಸಂಘದ ಕಚೇರಿದ ಆವರಣ ಸೋಲಾರಿಸ್ ನೋ 1 ಸಾಕಿ ವಿಹಾರ ರೋಡ್ ಪೊವಾಯಿ ಮುಲ್ಪ ನಡಪರೆ ಉಂಡು.
ಆನಿದ ಲೇಸ್ ನ್ ಬಂಟರ ಸಂಘ ಮುಂಬಯಿ ನೆತ್ತ ಮಾಜಿ ಮಹಿಳಾ ಗುರ್ಕಾರ್ದಿ ಲತಾ ಜಯರಾಮ್ ಶೆಟ್ಟಿ ಉದಿಪನ ಮಲ್ಪೆರೆ ಉಲ್ಲೆರ್. ಲೇಸ್ ದ ಗುರ್ಕಾರ್ಮೆನ್ ಕನ್ನಡ ಸೇವಾ ಸಂಘ ಪೊವಾಯಿದ ಮಹಿಳಾ ವಿಭಾಗದ ಗುರ್ಕಾರ್ದಿ ಸುಗುಣ ಕೃಷ್ಣ ಶೆಟ್ಟಿ ವಹಿಸೊನರೆ ಉಲ್ಲೆರ್. ಮಲ್ಲ ಬಿನ್ನೆರ್ ಆದ್ ಮುಲುಂಡ್ ಬಂಟ್ಸ್ ಮಹಿಳಾ ವಿಭಾಗ ದ ಗುರ್ಕಾರ್ದಿ ರತ್ನ ವಸಂತ್ ಶೆಟ್ಟಿ ಬೊಕ್ಕ ಬಂಟರ ಸಂಘ ಮುಂಬೈದ ಲೇಡೀಸ್ ವಸತಿ ಗ್ರಹತ್ತ ಸಂಯೋಜಕಿ ಶೋಭಾ ಸಿ ಎ ಶಂಕರ್ ಶೆಟ್ಟಿ ಅಂಚೆನೆ ಮಾನಾದಿಗೆದ ಬಿನ್ನೆರಾದ್ ಕೈತಲ್ದ ಮುನ್ಸಿಪಲ್ ಮೆಂಬರ್ ಅಶ್ವಿನಿ ಅಶೋಕ್ ಮಟೆಕಾರ್ ಬೊಕ್ಕ ಮಾಜಿ ಮುನ್ಸಿಪಲ್ ಮೆಂಬರ್ ಸವಿತಾ ಶರದ್ ಪವಾರ್ ಬರ್ರೆ ಉಲ್ಲೆರ್.
ಅಂಚೆನೆ ಲೇಸ್ ಡ್ ಬಾಂಬೆಡ್ ಸಮಾಜ ಪರ ಕೆಲಸ ಮಲ್ಪುನ ಸಮಾಜ ಸೇವಕಿ ಡಾ. ರಜಿನಿ ವಿನಾಯಕ್ ಪೈ ಬೊಕ್ಕ ಸಂಘದ ಸದಸ್ಯೆ ಭಾರತಿ ಬಾಲಕೃಷ್ಣ ಶೆಟ್ಟಿ ಮೊಕ್ಲೆನ್ ಬಿನ್ನೆರೆ ಚಾವಡಿಡ್ ಮಾನಾದಿಗೆ ಮಲ್ಪರೆ ಉಂಡು. ಅಂಚನೇ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು ಈ ಮಾತಾ ಲೇಸ್ ಡ್ ತನುಕ್ಲ್ ಪಾಲ್ ಪಡೆವೊಡು ಪಂದ್ ಸಂಘ ದ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty