ನಡಿಕುದ್ರು ಶ್ರೀ ಜಾರಂದಾಯಗ್ ಗಡು ಜಾಗೆಡ್ ಗೌಜಿದ ನೇಮ

ಮುಲ್ಕಿ: ನಡಿಕುದ್ರು ಶ್ರೀ ಧರ್ಮದೈವ ಜಾರಂದಾಯ ದೈವೊಲ್ಯದ ಗಡು ಜಾಗೆಡ್ ಶ್ರೀ ಧರ್ಮದೈವೊಲೆನ ನೇಮ ಬುಧಾರ ರಾತ್ರೆ ಭಾರಿ ಗೌಜಿಡ್ ನಡತ್ಂಡ್.

ಬೊಲ್ಪುಗು ಪ್ರಾರ್ತನೆ, ನವಕ ಕಲಶಾಭಿಷೇಕ, ನಾಗದೇವೆರೆಗ್ ಪೇರ್ ದ ಅಭಿಷೇಕ, ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ರಾತ್ರೆ ಭಂಡಾರ ಜಪ್ಪೆರೆ, ಅನ್ನ ಪ್ರಸಾದ ಸೇವೆ, ಮೈಸಂದಾಯ ನೇಮ, ಶ್ರೀ ಧರ್ಮದೈವ ಜಾರಂದಾಯ, ಬಂಟ ಪರಿವಾರ ದೈವೊಲೆನ ಗಡಿನಾಡು ನೇಮ ನಡತ್ಂಡ್.

ಈ ಪೊರ್ತುಡು ದೈವೊಲ್ಯದ ಆಡಳಿತ ಮಂಡಳಿದ ಸದಸ್ಯೆರ್, ಭಕ್ತೆರ್ ಪಾಲ್ ಪಡೆದಿತ್ತೆರ್.