ಕಜ್ಕೆ ಶ್ರೀ ಅನ್ನಪೂರ್ಣೇಶ್ವರೀ ದೇವಲ್ಯಗ್ ಪುದೆಕಾಣಿಕೆ ಸಮರ್ಪಣೆ

ಬ್ರಹ್ಮಾವರ: ಕಜ್ಕೆ ಶ್ರೀ ಅನ್ನಪೂರ್ಣೇಶ್ವರೀ ದೇವಲ್ಯಡ್ ಫೆ.21 ಕ್ಕ್ ನಡಪುನ ಪೊಸ ಶಿಲಾಮಯ ದೇಗುಲ ಸಮರ್ಪಣೆ, ಪ್ರತಿಷ್ಠೆದ ಲೆಕ್ಕೊಡು ಐತಾರ ಪುದೆಕಾಣಿಕೆ ಸಮರ್ಪಣೆ ನಡತ್ಂಡ್.

ಮುದ್ದೂರು ಬಸ್ ನಿಲ್ದಾಣ ಕೈತಲ್ ರ್ದ್ ಅರೆಮಾದನಹಳ್ಳಿ ವಿಶ್ವಬ್ರಾಹ್ಮಣ ಮಹಾಸಂಸ್ಥಾನದ ಶ್ರೀ ಶಿವಸುಜ್ಞಾನ ತೀರ್ಥ ಸ್ವಾಮೀಜಿ ಮೆರವಣಿಗೆಗ್ ಚಾಲನೆ ಕೊರಿಯೆರ್.

ಪೊಂಜೋವುನಕಲೆರ್ದ್ ಪೂರ್ಣಕುಂಭ ಸ್ವಾಗತ, ಬೇತೆ ಬೇತೆ ಭಜನಾ ಕೂಟ, ಚೆಂಡೆ ಬಳಗ ಮೆರವಣಿಗೆಡ್ ಇತ್ತೆರ್.

ಈ ಪೊರ್ತುಡು ದೇವಲ್ಯದ ನಿರ್ಮಾಣ ಸಮಿತಿ, ಮಹಾ ಕುಂಭಾಭಿಷೇಕ ಸಮಿತಿ, ಬೇತೆ ಬೇತೆ ಉಪಸಮಿತಿಲೆನ ಗುರಿಕಾರೆರ್, ಪದುಕೆರ್, ಕೈತಲ್ದ ಪ್ರಮುಖೆರ್, ಭಕ್ತೆರ್ ಪಾಲ್ ಪಡೆದಿತ್ತೆರ್.