ಮುಲ್ಕಿ ಹೈವೇದ 5 ಆಕ್ಸಿಡೆಂಟ್ ವಲಯ ಸುಧಾರಣೆಗ್ ಅಂಡರ್ ಪಾಸ್, ಸರ್ವಿಸ್ ರೋಡ್ ಮಲ್ಪರೆ ಕೇಂದ್ರ ಸಚಿವೆರೆಗ್ ಬಿನ್ನಾಪು ಮಲ್ತಿನ ಮುಲ್ಕಿ ಜೀವನ್ ಕೆ. ಶೆಟ್ಟಿ

ಮುಲ್ಕಿದ ನ್ಯಾಷನಲ್ ಹೈವೇ 66 ತ್ತ ಬಪ್ಪನಾಡು ಜಂಕ್ಷನ್ ರ್ದ್, ಕೊಲ್ನಾಡ್ ಜಂಕ್ಷನ್ ಮುಟ್ಟ 5 ಅಪಾಯಕಾರಿ ಅಪಘಾತ ವಲಯ ಉಂಡು.

ಮುಲ್ಪ ಇದ ಮುಟ್ಟ 200 ರ್ದ್ ಎಚ್ಚ ಆಕ್ಸಿಡೆಂಟ್ ಲು ನಡತ್ಂಡ್. 21 ಜನತ್ತ ಜೀವ ಪೋತುಂಡು. ಹೈವೇದ ಕೈತಲ್ ಜನಕ್ಲೆಗ್ ಪೋಯೆರೆ ಅಸಾಧ್ಯ ಆಪಿನ ರೀತಿಡ್ ಮಾರ್ಗ ಅವೈಜ್ಞಾನಿಕವಾದ್ ನಿರ್ಮಾಣ ಆತ್ಂಡ್. ಈ ಬಗೆಟ್ಟ್ ಬೇತೆ ಬೇತೆ ಮಾಧ್ಯಮಲೆನ ಮುಕೇನ ಇಲಾಖೆಲು ಬೊಕ್ಕ ಸರಕಾರಗ್ ಪೊಲಬುನ್ ಕೊರ್ತುಂಡು. ಆಂಡ ಒವ್ವೇ ರೀತಿದ ಫಲ ತೋಜಿದ್ ಬೈದಿಜಿ. ಅಂಚಾದ್ ಅವುಲು 4 ಅಂಡರ್ ಪಾಸ್ ಬೊಕ್ಕ ಬಪ್ಪನಾಡ್ ದ ಶಾಂಭವಿ ಸಂಕರ್ದ್ ಕೊಲ್ನಾಡ್ ಜಂಕ್ಷನ್ ಮುಟ್ಟ ಸರ್ವಿಸ್ ಮಾರ್ಗ ನಿರ್ಮಾಣ ಮಲ್ತ್ ದ್ ಆಕ್ಸಿಡೆಂಟ್ ನ್ ತಡೆಪೊಡು ಪಂದ್ ಉದ್ಯಮಿ, ಮುಲ್ಕಿ ಜೀವನ್ ಕೆ ಶೆಟ್ಟಿ ಮೇರ್ ಕೇಂದ್ರ ಹೆದ್ದಾರಿ ಬೊಕ್ಕ ಸಾರಿಗೆ ಸಚಿವೆರಾಯಿನ ನಿತಿನ್ ಗಡ್ಕರಿ ಮೆರೆನ್ ಭೇಟಿಯಾದ್, ಸಚಿವೆರೆಗ್ ಸವಿವರ ವರದಿ ಕೊರ್ದು ಈ ಬಗೆಟ್ಟ್ ಕೂಡ್ಲೆ ಪರಿಹಾರೋಪಾಯ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್.

ಈ ಬಗೆಟ್ಟ್ ಸಚಿವೆರ್ ಸಕಾರಾತ್ಮಕವಾದ್ ಸ್ಪಂದಿಸಾದ್ ತನ್ನ ಇಲಾಖೆಗ್ ಸಂಬಂಧಪಟ್ಟಿನ ಅಧಿಕಾರಿಲೆನ್ ಸರಿಯಾಯಿನ ಸೂಚನೆನ್ ಕೊರಿಯೆರ್. ಬೊಕ್ಕ ಕೂಡ್ಲೆ ಸೂಕ್ತ ಕ್ರಮ ದೆತೊನುವ ಪಂದ್ ಭರವಸೆ ಕೊರಿಯೆರ್.

ಈ ಪೊರ್ತುಡು ರಾಷ್ಟ್ರೀಯ ಮರಾಠಿ ಮೋರ್ಚಾದ ಗುರ್ಕಾರೆ ಆನಂದ್ ಜಿ ರೇಖಿ, ಡಾ. ಸುಶೃತ್ ದೇಶಮುಖ್, ಮುಲ್ಕಿ ಉದ್ಯಮಿ ನವೀನ್ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಜೀವನ್ ಶೆಟ್ಟಿ ಮೇರ್ ಇಂಚಿಪ್ಪ ಗುಜರಾತ್ ದ ಗಾಂಧಿನಗರಡ್ ನಡತಿನ ಇಂಡಿಯನ್ ರೋಡ್ಸ್ ಕಾಂಗ್ರೆಸ್ ದ 82ನೇ ವಾರ್ಷಿಕ ಸಮ್ಮೇಳನಡ್ ಡೆಲ್ಲಿದ ಇಂಡಿಯನ್ ರೋಡ್ ಕಾಂಗ್ರೆಸ್ ದ ಸೆಕ್ರೆಟರಿ ಜನರಲ್ ಎಸ್.ಕೆ. ನಿರ್ಮಲ್ ಮೆರೆಗ್ ಮುಲ್ಕಿ ಆ್ಯಕ್ಸಿಡೆಂಟ್ ಝೋನ್ ದ ಈ ವಿಷಯನ್ ತೆರಿಪಾದ್, ಸರಿಯಾಯಿನ ಕ್ರಮ ದೆತೊನರೆ ಬಿನ್ನಾಪು ಮಲ್ದಿತ್ತೆರ್.