ಫೆ.21: ಕರಿಮಣೇಲು ನೂಯಿದಗೋಳಿ ಭಜನಾ ಮಂದಿರದಲ್ಪ ಮಾಯದ ದೃಷ್ಟಿ ಆಟ

ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿ ಬೊಕ್ಕ ಕರಿಮಣೇಲು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ (ರಿ.) ದ ಒಟ್ಟುಸೇರಿಗೆಡ್ 33ನೇ ವರ್ಷದ ಬಜಪೆ ಸುಂಕದಕಟ್ಟೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿದಕ್ಲೆರ್ದ್ ಮಾಯದ ದೃಷ್ಟಿ ಆಟ ಫೆ.21 ಬುದಾರ ರಾತ್ರೆ ಕರಿಮಣೇಲು ಗ್ರಾಮದ ನೂಯಿದಗೋಳಿ ಮಂಜೋಲುಗುಡ್ಡೆ ಭಜನಾ ಮಂದಿರದಲ್ಪ ಪಾಡಿನ ರಂಗಮಂಟಪಡ್ ನಡಪರೆ ಉಂಡು.

ಈ ಲೇಸ್ ಭಕ್ತೆರ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ನೂಯಿದಗೋಳಿ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರೀ ಭಜನಾ ಮಂಡಳಿದ ಗುರ್ಕಾರೆ, ಸರ್ವಸದಸ್ಯೆರ್, ಕರಿಮಣೇಲು ಗ್ರಾಮಸ್ಥೆರ್ ಬೊಕ್ಕ ಭಕ್ತವೃಂದದಕುಲು ಲೆಪ್ಪೋಲೆಡ್ ತೆರಿಪಾದೆರ್.