ಉಳ್ಳಾಲ ಸಂಕೊರ್ದು ತುದೆಕ್ಕ್ ಲಾಗಿನ ಚಿಕ್ಕಮಗಳೂರುದ ಉದ್ಯಮಿ !

ಕುಡ್ಲ: ಉಳ್ಳಾಲದ ಸಂಕೊದ ಮಿತ್ತ್ ರ್ದ್ ಒರಿ ಕಾರ್ ಉಂತಾದ್ ನೇತ್ರಾವತಿ ಸುದೆಕ್ ಲಾಗಿದಿನ ಘಟನೆ ತೊಕ್ಕೊಟ್ಟುದಲ್ಪ ನಡತ್‌ದ್ಂಡ್.

ಚಿಕ್ಕಮಗಳೂರು ಜಿಲ್ಲೆದ ಪ್ರಶಾಂತ್ (35) ಸುದೆಕ್ ಲಾಗಿದಿನಾರ್. ಮೇರ್ ತನ್ನ ಸಹಾಯಕನೊಟ್ಟುಗು ಕುಡ್ಲದ ಖಾಸಗಿ ಆಸ್ಪತ್ರೆಗ್ ಬತ್ತ್ ದ್ ಅವುಲು ಇತ್ತಿನ ಸಂಬಂಧದ ಪೇಶಂಟ್ ನ್ ತೂದು ಪೋತೆರ್ ಪಂದ್ ತೆರಿದ್‌ ಬೈದ್ಂಡ್. ಮೇರ್ ಕುಡ್ಲ ದ ಮಾರ್ಕೆಟ್ ಗ್ ಸೊಪ್ಪು ಸಪ್ಲೈ ಮಲ್ತೊಂದಿತ್ತೆರ್ ಪಂದ್ ಗೊತ್ತಾತ್ಂಡ್. ಸಹಾಯಕನ್ ಆಸ್ಪತ್ರೆಡ್ ಬುಡ್ದ್ ಕಾರ್‌ಡ್ ಪಿದಡಿನ ಪ್ರಶಾಂತ್, ತೊಕ್ಕೊಟ್ಟು ಮುಟ್ಟದ ನೇತ್ರಾವತಿ ಸಂಕೊದ ಮಿತ್ತ್ ಕಾರ್ ಉಂತಾದ್ ಸುದೆಕ್ ಲಾಗಿದೆರ್. ಸುದೆಕ್ ಲಾಗಿದಿನ ಪ್ರಶಾಂತ್‌ನ್ ನಾಡೊಂದಿತ್ತ್‌ದ್, ಕಂಕನಾಡಿ ಸ್ಟೇಶನ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಸುದೆಕ್ ಲಾಗಿಯೆರ ದಾದ ನೆವನ ಪಂದ್ ನನ ತೆರಿಯೊಡಾತೆ.