ಬೋಲ್ತೆರ್: ರಾಷ್ಟ್ರೀಯ ಹಿಂದು ಜಾಗರಣ ವೇದಿಕೆದ ಮುಖಂಡೆರ್ ಮಹೇಶ್ ಶೆಟ್ಟಿ ತಿಮರೋಡಿ ವಿರುದ್ಧ ಬೋಲ್ತೆರ್ ಪೊಲೀಸ್ ಠಾಣೆಡ್ ಕೇಸ್ ಪಾಡ್ದೆರ್. ಧರ್ಮಸ್ಥಳ ಗ್ರಾಮದ ಸಂದೀಪ್ ರೈ ಪನ್ಪಿನಾರ್ ತಿಮರೋಡಿ ಬೊಕ್ಕ ಬೇತೆಕ್ಲೆನ ವಿರುದ್ಧ ಕೇಸ್ ದಾಖಲ್ ಮಲ್ತ್ದೆರ್.
ಮಹೇಶ್ ಶೆಟ್ಟಿ ತಿಮರೋಡಿ, ಅನಿಲ್ ಕುಮಾರ್ ಅಂತರ, ಕಿರಣ್ ಗೌಡ, ಪ್ರಜ್ವಲ್ ಕೆ.ವಿ. ಗೌಡ, ಮನೋಹರ್ ಮನ್ನಡ್ಕ, ಮನೋಜ್ ಸಾಲ್ಯಾನ್ ಕುಂಜರ್ಪ ಸಮಾಜದ ಆರೋಗ್ಯನ್ ಕೆಟ್ಟದಾದ್ ಬರೆನ ಬ್ಯಾನರ್ ಗ್ ಅನುಮತಿ ಕೊರ್ನ ಉಜಿರೆದ ಪಿಡಿಒ ಬೊಕ್ಕ ಕಾರ್ಯದರ್ಶಿ ವಿರುದ್ಧಲ ಕೇಸ್ ದಾಖಲಾತ್ಂಡ್.
ಅ.29 ದಾನಿ ಬೋಲ್ತೆರ್ ಠಾಣಾ ವ್ಯಾಪ್ತಿಡ್ ನಡತ್ತಿನ ಧರ್ಮಸಂರಕ್ಷಣಾ ಯಾತ್ರೆದ ಸಲುವಾದ್ ಸಂಬಂಧಪಟ್ಟ ಇಲಾಖೆರ್ದ್ ಅನುಮತಿ ಪಡೆದ್ ಯಾತ್ರೆಗ್ ಬೆಂಬಲ ಸೂಚಿಸಾದ್ ಪಾರ್ದ್ ಇತ್ತಿನ ಬ್ಯಾನರ್ದ ಕೈತಲ್ ಪಾದಯಾತ್ರೆನ್ ಉಂತಾವುನ ಒಳಸಂಚ್ರ್ದ್ ಪ್ರಾದೇಶಿಕ ಗುಂಪುದ ನಡುಟ್ ಸೌಹಾರ್ದಗ್ ಪೆಟ್ಟ್ ಆಪಿನಂಚ ಬರವಣಿಗ್ ಇತ್ತಿನ ಬ್ಯಾನರ್ ಪಾರ್ದ್ ಪ್ರಾದೇಶಿಕ ಗುಂಪುದ ನಡುಟ್ಟು ವೈರತ್ವ, ದ್ವೇಷ, ವೈಮನಸ್ಸು ಭಾವನೆ ಬರ್ಪುಲಕ ಬ್ಯಾನರ್ ಪಾರ್ದೆರ್ ಪಂದ್ ಸಂದೀಪ್ ರೈ ಕೊರ್ನ ದೂರುದಂಚ ಬೋಲ್ತೆರ್ ಪೊಲೀಸ್ ಠಾಣೆಡ್ ಕೇಸ್ ದಾಖಲಾತ್ಂಡ್.
pallavi shetty