ಶ್ರೀ ಕ್ಷೇತ್ರ ಗೆಜ್ಜೆಗಿರಿಟ್ಟ್ ಮಾರ್ನೆಮಿ ಉಚ್ಚಯ ಮುಗಿತಲ

ಬಡಗನ್ನೂರುಃ ದೇಯಿ ಬೈದೆತಿ ಕೋಟಿ ಚೆನ್ನಯ ಮೂಲಸ್ಥಾನ ಶ್ರೀ ಕ್ಷೇತ್ರ ಗೆಜ್ಜೆಗಿರಿಟ್ಟ್ ಮಾರ್ನೆಮಿ ಉಚ್ಚಯ ಅ.15-24 ಮುಟ್ಟ ನಡತ್ಂಡ್.

ಅ.15 ಕ್ಕ್ ಬೊಲ್ಪುಗು ಗಣಪತಿ ಹೋಮ, ಕುರಲ್ ಕಟ್ಟುನ ಮುಖೇನ ಸುರು ಆಯಿನ ಮಾರ್ನೆಮಿಡ್ ದೇಯಿ ಬೈದೆತಿಗ್ 9 ದಿನಲ ಇಸೇಸ ಅಲಂಕಾರ ಪೂಜೆ ನಡತ್ಂಡ್. ಅಂಚೆನೆ ಪ್ರತಿ ದಿನೊಲ ಮಧ್ಯಾಹ್ನ ಪುಷ್ಪಲಂಕಾರ ಮಹಾಪೂಜೆದ ಬೊಕ್ಕ ನುಪ್ಪು ಪ್ರಸಾದ ಸೇವೆ ಇತ್ತ್ಂಡ್.

ಅತ್ತಂದೆ ಭಕ್ತಾಧಿಲೆಗ್ ಇಸೇಸ ಸೇವೆಗ್ ಅವಕಾಶ ಮಲ್ತ್ ದ್ ಕೊರ್ದಿತ್ತೆರ್. ದೇಯಿ ಬೈದೆತಿಗ್ ಪುಷ್ಪಲಂಕಾರ ಬೊಕ್ಕ ಅನ್ನದಾನ ಸೇವೆ, ನವರಾತ್ರಿ ಪೂಜೆ ಮಲ್ಪು ಅವಕಾಶ ಇತ್ತ್ಂಡ್. ಅ.24 ವಿಜಯ ದಶಮಿದಾನಿ ಸರಸ್ವತಿ ಪೂಜೆ ಬೊಕ್ಕ ಬೊಲ್ಪುರ್ದ್ ಮಧ್ಯಾಹ್ನ ಮುಟ್ಟ ಅಕ್ಷರಾಭ್ಯಾಸ ನಡತ್ಂಡ್. ಅತೆ ಅತ್ತಂದೆ ಸುಮಾರ್ 30 ಬೇತೆ ಬೇತೆ ಭಜನೆ ಕೂಟಲೆರ್ದ್ ಶ್ರೀ ಕ್ಷೇತ್ರಡ್ ಏಪಲ ಭಜನಾ ಸಂಕೀರ್ತನೆ ನಡತ್ಂಡ್.

ಈ ಪೊರ್ತುಡು ಗೆಜ್ಜೆಗಿರಿ ಕ್ಷೇತ್ರಾಡಳಿತ ಸಮಿತಿದ ಗುರ್ಕಾರೆ ಪೀತಾಂಬರ ಹೆರಾಜೆ, ಪ್ರಧಾನ ಕಾರ್ಯದರ್ಶಿ ಉಲ್ಲಾಸ್ ಕೋಟ್ಯಾನ್, ಉಪಾಧ್ಯಕ್ಷೆರ್ ರವಿಪೂಜಾರಿ ಚಿಲಿಂಬಿ, ಜಯಂತ ನಡುಬೈಲು, ಸತೀಶ್ ಕೆಡೆಂಜಿ, ನವೀನ್ ಸುವರ್ಣ, ಪ್ರವೀಣ್ ಪೂಜಾರಿ ಮೂಡಿಗೆರೆ, ಕೃಷ್ಣಪ್ಪ ಪೂಜಾರಿ, ಜಯಶ್ರೀ ಉಬಾರ್, ವಿಶ್ವನಾಥ ಪೂಜಾರಿ ಮೂಡಿಗೆರೆ, ನಾರಾಯಣ ಮಚ್ಚಿನ ಬೊಕ್ಕ ಊರುದ ಪರವೂರುದ ಭಕ್ತೆರ್ ಪಾಲ್ ಪಡೆದಿತ್ತೆರ್.