ವಿಜಯ ಬ್ಯಾಂಕ್ ದೇನಾ ಬ್ಯಾಂಕ್ ವಿಲೀನ ತ್ರಿವೇಣಿ ಸಂಗಮದಲೆಕ್ಕ: ಗಾಯತ್ರಿ ಆರ್
ಕುಡ್ಲ: ಬ್ಯಾಂಕ್ ಆಫ್ ಬರೋಡಾದೊಟ್ಟಿಗೆ ವಿಜಯಬ್ಯಾಂಕ್, ದೇನಾ ಬ್ಯಾಂಕ್ ವಿಲೀನ ತ್ರಿವೇಣಿ ಸಂಗಮದಲೆಕ್ಕ ಪವಿತ್ರ ಆತ್ಂಡ್, ಸದ್ಗುಣ ಇಪ್ಪುನ ವಿಜಯ ಬ್ಯಾಂಕ್ ಪನ್ಪುನ ಪೊಣ್ಣನ್ ಮಲ್ಲ ಶ್ರೀಮಂತವಾಯಿನ ಬ್ಯಾಂಕ್ ಆಫ್ ಬರೋಡಾ ಪನ್ಪುನ ಆನಗ್ ಮದಿಮೆ ಮಲ್ತಿಲೆಕ್ಕ ಆತ್ಂಡ್. ನೆರ್ದ್ ಅಂತರಾಷ್ಟ್ರೀಯ ಮಟ್ಟಡ್ ಬ್ಯಾಂಕ್ ನನಾತ್ ಗಟ್ಟಿಯಾದ್ ಬ್ಯಾಂಕಿಂಗ್ ಕ್ಷೇತ್ರಡ್ ತನ್ನನೇ ಆಯಿನ ಕಾರ್ಯನ್ ತೂಪಾದ್ಂಡ್ ಪಂದ್ ಬ್ಯಾಂಕ್ ಆಫ್ ಬರೋಡಾದ ಮಹಾಪ್ರಬಂಧಕಿ, ವಲಯ ಮುಖ್ಯಸ್ಥೆ ಗಾಯತ್ರಿ ಆರ್ ಪಂಡೆರ್.
ಮೇರ್ ಸಂಸ್ಥಾಪನಾ ಶಾಖೆಡ್ ನಡತಿನ ವಿಜಯಬ್ಯಾಂಕ್ದ ಸಂಸ್ಥಾಪನಾ ದಿನಾಚರಣೆ ಲೇಸ್ ದ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಅಂಚೆನೆ ದಕ್ಷಿಣ ಕನ್ನಡ ಜಿಲ್ಲೆದ ಜನಕುಲು ಎಂಕ್ ಮಸ್ತ್ ಪ್ರೀತಿ ವಿಶ್ವಾಸ ತೂಪಾದೆರ್. ಯಾನ್ ಲ ಮುಲ್ಪದ ಭಾಷೆ, ಸಂಸ್ಕೃತಿ, ಸಾಮಾಜಿಕ ಕಳಕಳಿತ್ತ ಸೇವೆಗ್ ಬ್ಯಾಂಕಿದ ಮುಖೇನ ಎನರ್ದ್ ಆಪಿನಾತ್ ಸಕಾಯ ಸಹಕಾರ ಕೊರ್ಪೆ. ವಿಲೀನರ್ದ್ ಗ್ರಾಹಕೆರೆಗ್ ಒವ್ವೇ ತೊಂದರೆ ಅವಂದಿಲೆಕ್ಕ ಎಂಕುಲು ಆಡಳಿತ ನಡಪಾಯೆರೆ ಪ್ರಯತ್ನ ಮಲ್ಪುವ ಪಂದ್ ಪಂಡೆರ್.
ಬ್ಯಾಂಕ್ ದ ನಿವೃತ್ತ ವ್ಯವಸ್ಥಾಪಕ ನಿದೇ೯ಶಕ ಕೆ.ಆರ್. ಶೆಣೈ, ನಿವೃತ್ತ ಮಹಾಪ್ರಬಂಧಕ ಎಮ್. ಸುಧಾಕರ್ ಶೆಟ್ಟಿ ವಿಜಯ ಬ್ಯಾಂಕ್ ಉದಿಪು ಬುಲೆಪುದ ಬಗೆಟ್ಟ್ ಪಾತೆರಿಯೆರ್.
ಹಿರಿಯ ಗ್ರಾಹಕೆರ್ ರಾಬರ್ಟ್, ನಿವೃತ್ತಿದ ಅಕೇರಿಡ್ ಇಪ್ಪುನ ಸಿಬ್ಬಂದಿ ರಾಧಾಕೃಷ್ಣ, ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್ಫೇರ್ ಟ್ರಸ್ಟ್ದ ಸಂಘಟನಾ ಕಾರ್ಯದರ್ಶಿ ರಾಜ್ ಗೋಪಾಲ್ ರೈ ಮೊಕ್ಲೆಗ್ ಬ್ಯಾಂಕ್ದ ಮುತಾಲಿಕೆಡ್ ಮಾನಾದಿಗೆ ನಡತ್ಂಡ್.
ಈ ಪೊರ್ತುಡು ನಿವೃತ್ತ ಮಹಾಪ್ರಬಂಧಕೆರ್ ಜಿ.ವಿ.ಕೆ. ಶೆಟ್ಟಿ, ಪ್ರೇಮನಾಥ ಆಳ್ವ, ಟಿ.ಎಸ್. ಜಯಂತ್, ಕಿರಣ್ ರೈ, ಉಪಮಹಾಪ್ರಬಂಧಕೆರ್ ಸುರೇಂದ್ರ ಹೆಗ್ಡೆ, ಅಶ್ವಿನಿ ಕುಮಾರ್, ಡೆಪ್ಯೂಟಿ ಝೋನಲ್ ಹೆಡ್ ರಮೇಶ್ ಕಾನಡೆ, ಕುಡ್ಲ ಸಿಟಿತ್ತ ವಲಯ ಪ್ರಬಂಧಕೆರ್ ಎಂ.ವಿ.ಎಸ್. ಪ್ರಸಾದ್, ಡೆಪ್ಯೂಟಿ ರೀಜನಲ್ ಮ್ಯಾನೇಜರ್ ರಾಜೇಶ್, ಸಹಾಯಕ ಮಹಾ ಪ್ರಬಂಧಕೆರ್ ಮಧುಸೂದನ್ ಕುಮಾರ್ , ಕುಡ್ಲ ಮುಖ್ಯ ಶಾಖೆ ಬೊಕ್ಕ ಬ್ಯಾಂಕ್ ಆಫ್ ಬರೋಡಾದ ಕಾರ್ಮಿಕ ಸಂಘಟನೆದ ಪದುಕೆರ್ ವಿಘ್ನೇಶ್ ಶೆಣೈ, ನೀರಲ್ ವಾಸ್, ಶ್ರೀಕಾಂತ್, ಪ್ರಕಾಶ್ ನಾಯಕ್, ರಾಜಶೇಖರ್ ರೆಡ್ಡಿ, ಬೊಕ್ಕ ವಿಜಯ ಬ್ಯಾಂಕ್ ವರ್ಕರ್ಸ್, ಆಫೀಸರ್ಸ್ ಯೂನಿಯನ್ದ ಮಾಜಿ ಗುರ್ಕಾರೆ ಮುಲ್ಕಿ ಕರುಣಾಕರ ಶೆಟ್ಟಿ ಪಾಲ್ ಪಡೆದಿತ್ತೆರ್.
ಸಂಸ್ಥಾಪನಾ ಶಾಖೆದ ಸಹಾಯಕ ಮಹಾ ಪ್ರಬಂಧಕೆರ್ ಎ.ಮಂಜುನಾಥ್ ಎದ್ಕೊನಿಯೆರ್. ಸತೀಶ್ ಪಾಟ್ಕರ್ ಸೊಲ್ಮೆ ಸಂದಾಯೆರ್. ಅನುಶ್ರೀ ದತ್ತ ಲೇಸ್ ದ ಸುಧಾರಿಕೆ ಮಲ್ತೆರ್.
ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
ಮೊ: 9880425265
pallavi shetty