ಕುಡ್ಲ: ರಾಜ್ಯಡ್ ಪಡಿತರ ಚೀಟಿ ತಿದ್ದುಪಡಿಗ್ ಕೊರ್ನ ಗಡುವ್ನ್ ವಿಸ್ತರಣೆ ಮಲ್ತ್ದೆರ್. ದ.ಕ. ಜಿಲ್ಲೆಡ್ ಈ ಅವಧಿ ಅ.19ರ್ದ್ ಅ.21 ಮುಟ್ಟ ಉಂಡು ಪಂದ್ ಜಿಲ್ಲಾ ಆಹಾರ ಬೊಕ್ಕ ನಾಗರಿಕ ಸರಬರಾಜು ಇಲಾಖೆದ ಅಧಿಕಾರಿಲು ಮಾಹಿತಿ ಕೊರ್ತೆರ್. ಸರ್ವರ್ ಸಮಸ್ಯೆ ಇತ್ತಿನ ಕೆಲವು ಜಿಲ್ಲೆಡ್ ಈ ತಿದ್ದುಪಡಿ ವಿಸ್ತರಣೆಗ್ ಅವಕಾಶ ಕೊರ್ತೆರ್. ತಿದ್ದುಪಡಿ ಪೊರ್ತುಡು ತೀರ್ಪೋಯಿನಕ್ಲೆನ ಪುದರ್ ದೆಪ್ಪೆರೆ ಬೊಕ್ಕ ಮದಿಮೆ ಆದ್ ಬತ್ತಿನಕ್ಲೆನ ಪುದರ್ ಸೇರ್ಪಾವೆರೆ ಅವಕಾಶ ಉಂಡು. ಸೂಕ್ತ ದಾಖಲೆದೊಟ್ಟಿಗೆ ವಿಳಾಸ ಸೇರಿನಂಚ ಈ ತಿದ್ದುಪಡಿನ್ ಮಲ್ಪೊಲಿ. ಆಂಡ ಪೊಸ ಪಡಿತರ ಚೀಟಿಗ್ ಸದ್ಯ ರಾಜ್ಯರ್ದ್ ಅವಕಾಶ ತಿಕ್ಕಿಜಿ ಪಂದ್ ಅಧಿಕಾರಿಲು ತೆರಿಪಾದೆರ್.
pallavi shetty