ಪಡ್ಡಂದಡ್ಕ: ಶ್ರೀ ಮಂಜುನಾಥೇಶ್ವರ ಕುಣಿತ ಭಜನಾ ಮಂಡಳಿಗ್ ಚಾಲನೆ‌

ಪೆರಿಂಜೆ: ಶ್ರೀ ಮಂಜುನಾಥೇಶ್ವರ ಭಜನಾ ಮಂಡಳಿ ಪಡ್ಡಂದಡ್ಕ ಮೂಲು ನವರಾತ್ರಿದ ಸುರುತ ದಿನಟ್ ಕುಣಿತ ಭಜನಾ ಮಂಡಳಿಗ್ ಚಾಲನೆ ಕೊರಿಯೆರ್.‌ ಕುಣಿತ ಭಜನೆದ ತರಬೇತಿನ್ ಸಂಪನ್ಮೂಲ ವ್ಯಕ್ತಿಯಾಯಿನ ಸಂದೇಶ್‌ ಮದ್ದಡ್ಕ ತರಬೇತಿ ಕೊರಿಯೆರೆ ಉಲ್ಲೆರ್. ಕಾರ್ಯಕ್ರಮ ಗಣ್ಯೆರ್ನ ಉಪಸ್ಥಿತಿಡ್ ಉದಿಪನ ಆಂಡ್.‌ ಸಂದೇಶ್‌ ಮದ್ದಡ್ಕ ಪ್ರಾಸ್ತಾವಿಕವಾದ್‌ ಪಾತೆರಿಯೆರ್‌.
ಕಾರ್ಯಕ್ರಮಡ್ ಭಜನಾ ಮಂಡಳಿದ ಗುರ್ಕಾರೆ ನಾರಾಯಣ ಪೂಜಾರಿ, ಭಜನಾ ಮಂಡಳಿ ಮಾಜಿ ಅಧ್ಯಕ್ಷೆರ್ ಸಂಕಪ್ಪ ನಾಯ್ಕ್ , ಹೊಸಂಗಡಿ ಗ್ರಾ.ಪಂ. ಉಪಾಧ್ಯಕ್ಷ ಶಾಂತ ಕೃಷ್ಣಪ್ಪ, ವೇಣೂರು ಗ್ರಾ.ಪಂ ಉಪಾಧ್ಯಕ್ಷೆ ಪುಷ್ಪ ಬೊಕ್ಕ ಭಜನಾ ಸದಸ್ಯೆರ್, ಪೋಷಕೆರ್ ಬೊಕ್ಕ ಶ್ರೀ ಮಂಜುನಾಥೇಶ್ವರ ಭಜನಾ ಮಂಡಳಿದ ಸರ್ವ ಸದಸ್ಯೆರ್‌ ಇತ್ತೆರ್.