ಪೆರ್ನೆ : ಕಳೆಂಜ ವಿಷ್ಣುಮೂರ್ತಿ ದೇವಸ್ಥಾನದ ಬಂಗಾರ್ ನಾಪತ್ತೆ..!

ಉಬಾರ್ : ಪೆರ್ನೆದ ಕಳೆಂಜ ದೇಂತಡ್ಕದ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ದೇವರೆಗ್ ಕೊರ್ನ ಬಂಗಾರ್ ನಾಪತ್ತೆ ಆಯಿನ ಬಗ್ಗೆ ಅ.15 ದಾನಿ ತೆರಿದ್ ಬೈದುಂಡ್. ಈ ಬಗೆಟ್ಟ್ ದೇವಾಲಯದ ಮಾಜಿ ಕಾರ್ಯದರ್ಶಿ ಗೋಪಾಲ ಶೆಟ್ಟಿ ಎನ್. ಉಬಾರ್ ಪೊಲೀಸೆರೆಗ್ ದೂರು ಕೊರ್ತೆರ್.
ಕರಿನ ಡಿಸೆಂಬರ್‌ ಡ್ ಈ ದೇವಾಲಯದ ಬ್ರಹ್ಮಕಲಶಾಭಿಷೇಕ ಆದ್, ಈ ಪೊರ್ತುಡ್ ದೇವೆರೆ ಗ್ ಭಕ್ತೆ ಒರಿ ಸುಮಾರ್ ಮೂಜಿ ಮುಕ್ಕಾಲು ಪವನ್ ದ ಐನ್ ಇಲೆತ ಬಂಗಾರ್ ದ ಜೋ ಮಾಲೆನ್ ದೇವೆರೆಗ್ ಸಮರ್ಪನೆ ಮಲ್ತ್ ಇತ್ತೆರ್. ಅವ್ ಬೊಕ್ಕ ರೆಡ್ ಪವನ್ದ ಬಂಗಾರ್ ದ ಸರ ನಾಪತ್ತೆಯಾತ್‌ಂಡ್. ಸರಕಾರ ದೇವಾಲಯಗ್ ಆಡಳಿತಾಧಿಕಾರಿನ್‌ ನೇಮಕ ಮಲ್ತ್‌ ಇತ್ತೆರ್. ಅಧಿಕಾರ ಸ್ವೀಕಾರ ಮಲ್ತಿನ ಆರ್ ಅ.15 ದಾನಿ ಭಕ್ತಾದಿಲೆನ ಸಮ್ಮುಖಡ್ ಮಹಜರು ಮಲ್ಪುನಗ ಬಂಗಾರ್ದ ಸರ ನಾಪತ್ತೆ ಆತಿನ ವರದಿ ಆತ್‌ಂಡ್. ನೆತ್ತ ಬಗೆಟ್ಟ್‌ ಉಬಾರ್‌ ಪೊಲೀಸ್‌ ಸ್ಟೇಷನ್‌ಡ್‌ ಕೇಸ್‌ ದಾಖಲಾತ್‌ಂಡ್.