ಚಾರ್ಮಾಡಿ ಘಾಟಿ ರೋಡ್, 490 ಕೋಟಿ ಕರ್ಚಿಡ್ ಅಭಿವೃದ್ಧಿ

ಚಾರ್ಮಾಡಿ ಘಾಟಿನ್ 490 ಕೋಟಿ ರೂ. ಕರ್ಚ್ ಮಲ್ತ್ ಅಭಿವೃದ್ಧಿ ಮಲ್ಪರೆ ಕೇಂದ್ರ ಒತ್ತೊಂದುಂಡ್. ಚಾರ್ಮಾಡಿ ಘಾಟಿ ಚಿಕ್ಕಮಗಳೂರು ವಿಭಾಗೊಡು 25 ಕಿಮೀ ಅಂಚೆನೆ ಕುಡ್ಲ ವಿಭಾಗೊಡು 11.20 ಕಿಮೀ ತಾದಿ ಅಭಿವೃದ್ಧಿ  ❌ಆವರೆ ಉಂಡು.
ಉಂದೆಕ್ ಚಾರ್ಮಾಡಿ  ಪಲ್ಲರ್ದ್ ಘಾಟಿದ 11ನೇ ತೆಲವು ಮುಟ್ಟ 11.2 ಕಿಮೀ ವ್ಯಾಪ್ತಿದ ತಾದಿಗ್ ಡಿಪಿಆರ್ ವರದಿ ಕೊರಿಯರೆ ಸೂಚನೆ ಮಲ್ತ್‌ದೆರ್.‌ 2019ದ ಬರ್ಸೊಗು ಗುಡ್ಡೆ ಮಗ್‌ರ್‌ದ್ ಅಲ್ಪ ಗಾಡಿ ಕೊನೊವರೆ ಆವಂದಿನ ಪರಿಸ್ಥಿತಿ ಇತ್ತ್ಂಡ್. ಅವೆರ್ದ್ ಬೊಕ್ಕ ಕೆಲವು ತಿಂಗೊಲು ಗಾಡಿಗ್ ಪೋವಂದಿಲೆಕ್ಕ ನಿರ್ಬಂಧ ಇತ್ತ್ಂಡ್. ಅವೆರ್ದ್ ಬೊಕ್ಕ ಸುಮಾರ್ ಬುಲೆಚ್ಚಿಲ್ ಆಂಡಲ ಮಲ್ಲ ಗಾಡಿಲು ಇತ್ತೆಲಾ ಸಮಗಟ್ಟ್ ಪೋವರೆ ಆಪುಜಿ. ಈ ಸಲ ಕುಡ್ಲರ್ದ್ ಚಾರ್ಮಾಡಿ ಘಾಟಿ ಮುಟ್ಟ 90 ಕಿಮೀ ತಾದಿ ಪತ್ತ ಅಭಿವೃದ್ದಿ ಆಪಿನ ನಿರೀಕ್ಷೆ ಉಂಡು.