ಸುರುತ ಸರ್ತಿ ತುಳು ಸಂಪೂರ್ಣ ದೇವಿ ಮಹಾತ್ಮೆ “ಜೊಕುಲೆ ಸಿರಿ ದೇವಿ ಮೈಮೆ” ಯಕ್ಷಗಾನ : ಪೂರ್ವಭಾವಿ ಸಭೆ

ತುಳುವೆರೆ ಆಯನೊ ಕೂಟ, ತುಳು ವರ್ಲ್ಡ್, ಮಂದಾರ ಪ್ರತಿಷ್ಠಾನ ಸಹಯೋಗಡ್ ವಾಯ್ಸ್ ಆಪ್ ಆರಾಧನ ಸಂಯೋಜನೆಡ್‌ ಸುರುತ ಸರ್ತಿ ಜೋಕ್ಲೆನ ತುಳು ಸಂಪೂರ್ಣ ದೇವಿ ಮಹಾತ್ಮೆ “ಜೊಕುಲೆ ಸಿರಿ ದೇವಿ ಮೈಮೆ” ಯಕ್ಷಗಾನ ಬಯಲಾಟ ನಡಪಾವುನ ಬಗೆಟ್ಟ್‌ ಪೂರ್ವಭಾವಿ ಸಭೆ ಯಕ್ಷರಾಧನಾ ಬಳಗದ ಮುಖ್ಯಸ್ಥೆ ಪದ್ಮಶ್ರೀ ಭಟ್ ಬೊಕ್ಕ ತುಳು ವರ್ಲ್ಡ್ ಮುಖ್ಯಸ್ಥ ಡಾ. ರಾಜೇಶ್ ಆಳ್ವ ಬದಿಯಡ್ಕ ನೇತೃತ್ವಡ್‌ ನಡತ್ತ್‌ಂಡ್.
ಸಂಪೂರ್ಣ ದೇವಿ ಮಹಾತ್ಮೆ ತುಳು ಯಕ್ಷಗಾನಗಾದ್ ಸುಮಾರ್ 40 ಜೋಕುಲೆನ್‌ ಆಯ್ಕೆ ಮಲ್ತ್‌ದ್‌, ತರಬೇತಿ ಕೊರಿಯೆರೆ ಸಿದ್ದತೆ ನಡತೊಂದು ಉಂಡು. ಯಕ್ಷಗಾನ ತರಬೇತುದಾರೆರ್ ಶ್ರೀಕಾಂತರಾವ್ ಬೊಕ್ಕ ಸ್ನೇಹಲತಾ ಜೋಕ್ಲೆನ ತರಬೇತಿದ ಸಂಪೂರ್ಣ ಜವಾಬ್ದಾರಿನ್‌ ವಹಿಸೊಂದೆರ್. ಕಾರ್ಯಕ್ರಮ ಸಂಪೂರ್ಣ ಯಶಸ್ಸ್‌ ಆಪುನ ನಿರೀಕ್ಷೆ ಉಂಡು ಪಂತೆರ್.‌ ಈ ಪೊರ್ತುಡು ಪತ್ರಕರ್ತ ಡಾಕ್ಟರ್ ಮಂದಾರ ರಾಜೇಶ್ ಭಟ್, ಲೋಕೇಶ್ ಏ.ಕೆ. ವಿಟ್ಲ, ಶ್ರೀಕಾಂತ ಭಟ್, ಸ್ನೇಹಲತಾ, ಸುಬ್ರಹ್ಮಣ್ಯ ಭಟ್, ಇತ್ತೆರ್.