ಗೇರುಕಟ್ಟೆ: ಎರುಕಡಪ್ಪು ಅಂಗನವಾಡಿ ಕೇಂದ್ರದ ಜಾಗ ಅತಿಕ್ರಮಣ: ಕೇಸ್‌ ದಾಖಲ್

ಗೇರುಕಟ್ಟೆ: ಕಳಿಯ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಳಿಯ ಗ್ರಾಮದ ಎರುಕಡಪ್ಪು ಅಂಗನವಾಡಿ, ಕಲ್ಕುರ್ಣಿ ಕಡೆಕ್ಕ್‌ ಪೋಪುನ ಕೈತಲ್‌ ಇಪ್ಪುನ ಅಂಗನವಾಡಿಗ್‌ ಸಂಬಂಧಪಟ್ಟಿನ ಸರ್ವೆ ನಂಬ್ರ 70/1B ರಲ್ಲಿ 0.30 ಸೆಂಟ್ಸ್ ಜಾಗದ ಗಡಿ ಗುರುತು ಮಲ್ತ್‌ ಇತ್ತೆರ್.‌ ಕೈತಲ್‌ಡ್ 0.52 ಸೆಂಟ್ಸ್ ಸರಕಾರಿ ಖಾಲಿ ಜಾಗನ್ ಪೋಷಣಾ ಅಭಿಯಾನಗ್‌ ಮೀಸಲ್‌ ದೀದ್‌ ಇತ್ತೆರ್.
ಈ ಮೀಸಲ್‌ ದೀತಿನ ಜಾಗನ್ ಜೆ.ಸಿ.ಬಿ. ದ ಮುಖೇನ ಸ್ಥಳೀಯ ನಿವಾಸಿ ರಝಾಕ್ s/o ಬಾವುಂಞಿ ಕಲ್ಕುರ್ಣಿ ಅತಿಕ್ರಮಣ ಮಲ್ತ್ ಸಮತಟ್ಟು ಮಲ್ತ್‌ದೆರ್.‌ ಈ ಬಗ್ಗೆ ಸಾರ್ವಜನಿಕೆರ್ ಬೊಕ್ಕ ಅಂಗನವಾಡಿ ಬಾಲ ವಿಕಾಸ ಸಮಿತಿ ವತಿರ್ದ್‌ ಆಕ್ಷೇಪ ಪಾರ್ದ್ ಈ ದುಂಬುಲ ದಾಖಲೆ ಇತ್ತಿನ ಈ ಜಾಗನ್ ಅತಿಕ್ರಮಣ ಮಲ್ತಿನ ಬಗ್ಗೆ ವಿರೋಧ ವ್ಯಕ್ತಪಡಿಸಾದ್ ತಹಶೀಲ್ದಾರರೆಗ್ ಬೊಕ್ಕ ಪೊಲೀಸ್ ಠಾಣೆಗ್ ದೂರು ಕೊರ್ತೆರ್.‌ ತಹಶೀಲ್ದಾರರು ದೂರ್‌ನ್ ತೂದ್ ಕೂಡ್ಲೆ ತನಿಖೆ ಮಲ್ತ್‌ದ್ ವರದಿ ಕೊರಿಯೆರೆ ಕಂದಾಯ ಅಧಿಕಾರಿಲೆಗ್ ನೋಟಿಸ್‌ ಕೊರ್ತೆರ್.