ಒಡಿಪು: ವಿಎಚ್ಪಿ- ಬಜರಂಗದಳ ಮುತಾಲಿಕೆಡ್ ಇನಿ ಒಡಿಪುಡು ನಡಪುನ ಶೌರ್ಯ ಜಾಗರಣ ರಥಯಾತ್ರೆ ಸಮಾರೋಪ ಬೊಕ್ಕ ಹಿಂದೂ ಸಮಾಜೋತ್ಸವ ಹಿನ್ನೆಲೆಡ್ ಹೈಕೋರ್ಟ್ ಆದೇಶದಂಚ ವಿಎಚ್ಪಿ ಪ್ರಾಂತ ಸಹಕಾರ್ಯದರ್ಶಿ ಶರಣ್ ಪಂಪ್ವೆಲೆಗ್ ಒಡಿಪು ಜಿಲ್ಲಾ ಪ್ರವೇಶಗ್ ನಿರ್ಬಂಧನ್ ಪಾಡ್ದೆರ್.
ಇಂಚೊಗು ನಡತ್ತಿನ ಒಡಿಪು ಕಾಲೇಜ್ದ ಶೌಚಾಲಯ ವಿಡಿಯೋ ಚಿತ್ರೀಕರಣ ಪ್ರಕರಣದ ಪ್ರತಿಭಟನೆಡ್ ಶರಣ್ ಪಂಪ್ವೆಲ್ ಪ್ರಚೋದನಕಾರಿಯಾಗಿ ಭಾಷಣ ಮಲ್ತ್ ಇತ್ತೆರ್. ಈ ಸಂಬಂಧ ಅರೆನ ವಿರುದ್ದ ಒಡಿಪು ನಗರ ಪೊಲೀಸ್ ಠಾಣೆಡ್ ಪೊಲೀಸೆರ್ ಸ್ವಯಂಪ್ರೇರಿತ ಪ್ರಕರಣ ದಾಖಲ್ ಮಲ್ತ್ ಇತ್ತೆರ್.
ಈ ಪ್ರಕರಣಡ್ ಒಡಿಪು ನ್ಯಾಯಾಲಯದ ಮೂಲಕ ಜಾಮೀನು ಪಡೆನ ಶರಣ್ ಪಂಪ್ವೆಲ್ಗ್ ಒವ್ವೇ ಪೂರ್ವಾನುಮತಿ ಇಜ್ಜಂದೆ ದ.ಕ. ಜಿಲ್ಲೆ ಬುಡ್ದು ಪೋವೆರೆ ಬಲ್ಲಿ ಪಂದ್ ಷರತ್ತ್ ಪಾರ್ದ್ ಇತ್ತೆರ್. ಅವೆತ ಪ್ರಕಾರ ಪೊಲೀಸೆರ್ ಅರೆಗ್ ಇನಿತ ಒಡಿಪುದ ಹಿಂದೂ ಸಮಾಜೋತ್ಸವಡ್ ಪಾಲ್ ಪಡೆವಂದಿಲಕ ತಡೆ ಪಾರ್ದೆರ್ ಪಂದ್ ತೆರಿದ್ ಬೈದ್ಂಡ್.
pallavi shetty