ಶ್ರೀ ಭಗವತೀ ತೀಯಾ ಭಕ್ತವೃಂದ ಭಜನಾ ಮಂದಿರಡ್‌ ನವರಾತ್ರಿ ಉಚ್ಚಯ

ಒಡಿಪು: ಶ್ರೀ ಭಗವತೀ ತೀಯಾ ಭಕ್ತವೃಂದ ಭಜನಾ ಮಂದಿರ ಕೊಡವೂರು ಮೂಲು ಅ.20 ದಾನಿ ನವರಾತ್ರಿ ಉಚ್ಚಯ ನಡಪೆರೆ ಉಂಡು. ಶ್ರೀ ಭಗವತೀ ದೇವಿಗ್‌ ಬಯ್ಯ 6 ಗಂಟೆರ್ದ್‌ ಭಜನಾ ಸೇವೆ ಬೊಕ್ಕ ರಾತ್ರೆ 8.30 ಕ್ಕ್‌ ಮಹಾಪೂಜೆ ಆದ್‌ ಬೊಕ್ಕ ಅನ್ನಸಂತರ್ಪಣೆ ನಡಪೆರೆ ಉಂಡು.
ಈ ಮಾತಾ ಕಾರ್ಯಕ್ರಮಡ್‌ ಶ್ರೀ ಭಗವತೀ ದೇವಿನ ಭಕ್ತೆರ್ ಪಾಲ್‌ ಪಡೆದ್‌, ತನು-ಮನ-ಧನರ್ದ್‌ ಸಹಕಾರ ಮಲ್ತ್‌, ಗಂಧ ಪ್ರಸಾದ ಸ್ವೀಕಾರ ಮಲ್ತ್‌ ಶ್ರೀ ದೇವಿನ ಅನುಗ್ರಹಗ್ ಪಾತ್ರರಾವೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್.